الثلاثاء، 2 سبتمبر، 2008

مش هنتسرق

رمضان كريم
ربنا ماقلش ان رمضان عباره عن مساسلات وبرامج هايفه
لبه حاسه ان احنا كل حاجه مننا بتتسرق حتي فضل رمضان
لالالالالالالالالا
هنصوم وهنصلي وهنصلي التراويح وهنقرا قرآن ومش هنضيع رمضان في الفرجه علي اعلانات يتخللها مسلسلات
حتي العباده عايزين يسرقوها مننا مايسبونا نعمل حاجه لاخرتنا
ده غير ان في اسر مابتتلمش علي الاكل او غيره في رمضان
ليه اخليهم يتنحوا امام التليفزيون بدل ما يتكلموا مع بعض ويتواصلوا
وعليه قررت انا واسرتي المتواضعه
مافيش تليفزيون في رمضان الا نشرات الاخبار والبرامج الدينيه الهادفه الحقيقيه
استمتعوا برمضان وما يدخره لنا ربنا من مغفره وثواب وعتق من النار في رمضان
ربنا يتقبل منا ومنكم

هناك 27 تعليقًا:

mahasen saber يقول...

استاذتى شمس...الله يكرمك كلام حضرتك مضبوط بس لو هنتفرج على شئ مش هادف انما مثلا انا مقرره اتابع مسلسل ابو جعفر المنصور وما اعتقدش انه هيلهينى عن العباده ابنى بيحب يتفرج على قنوات الكرتون فبقعد معاه انما مثلا بشغل وقتى بتاسبيح ساعات كتير بقعد على المدونات انا عندى راى قابل الاختلاف احنا طبيعى لازم نشد حيلنا فى العبادات البدنيه الصلاه ..قراة القران الكريم ..انما فيه عباده حفظ الجوارح صوم السان والنفس عن الحقد والحسد والبغيضه ..ففيه عبادات كتير متختلفش مع ان الواحدممكن يستمتع بشئ ما مفيد هيفيده حتى كشخص مسلم ...
ورمضان كريم على حضرتك واسرتك الكريمه...
اه خلاصة التعليق ساعات عباده وساعه للافاده...

mahasen saber يقول...

اشكرك ازاى قوليلى مش عارفه لا انا هدعيلك ربنا يكرم حضرتك كرم لا يمكن تتخيليه وفوق فوق ما بتتمنيه فعلا الطريقه نجحت وعرفت ارسل التعليقات ...
جزاكى الله كل خير انا شاكره لحضرتك قوى قوى ...

TAFATEFO يقول...

قريتي حضرتك رواية السمّان والخريف؟

يا ريت تقري البوست ده
احرق .. خرب .. يحيا الوطن

شمس النهار يقول...

الشكر لله يامحاسن
انا مابقولش ان كله يبقي عباده
كمان في التواصل مع الاهل والاحباب
وخصوصا ان دينا عباده ومعامله
يعني تبسمك في وجه اخيك صدقه
شفتي الجمال الالاهي
التلفزيون هيلهينا عن الشهر الكريم
وعن التواصل مع الاهل
جميل ان العيله تتلم مع بعض
بس عشان نتكلم مش عشان اتنح امام التلفزيون
هو انا بزورك عشان اقعد معك والااتفرج علي التليفزيون
وجميل انك تشاركي ابنك اهتمامته
وياريت وانت بتتفرجي معه تحاولي تتكلمي معه في اللي بتتفرجوا عليه
علي فكره الطفل بيفهم اكتر مننا
وكمان بيعوده انه يتكلم معك ويتواصل
الكلام ده عن تجربه انا ربيت 3 بنات
والحمد لله ربنا كرمني فيهم
عقبال ما يكرمك في ابنك وتشوفيه ناجح زيهم

mahasen saber يقول...

بسمالله ما شاء الله ربنا يحميهم لحضرتك ويباركلك فيهم ويجعلهم سبب لدخولك الجنه....
انا بحتار فى اسلوب كتابتى لحضرتك يعنى لما اكتب ااقول يا شمس ولا تانت شمس ولا مدام شمس انا بس اهم حاجه عندى صيغة الود والاحترام فلو حضرتك اكبر منى فى السن والمقام طبعا ..فاسمحيلى انادى حضرتك تانت او مدامكما يترائى لحضرتك...لان التواصل ده بيريحنى وبيخلق نوع من الود بعدين مينفعش واحده متجوزه بقالها 25 سنه وعندها ربنا يحمى 3 بنات اناديها حاف من غير القاب ...انا اسفه بتكلم فى حاجات وبعمل دوشه على حاجات ممكن تكون عاديه لغيرى بس مهمه جدا جدا ليا...
مره كمان ربنا يبارك لحضرتك فى بناتك ويباركلك فيهم..

شمس النهار يقول...

*محاسن
قولي لي شمس عادي خالص
عشان مايبقاش بينا حواجز في الحوار
وكل اصحاب بناتي بينادوني كده وعلي فكره انا عندي 49 سنه
ومابخفش اقول سني بالعكس

appy يقول...

يا شموس لسه امبارح قاعده بجد بفتكر رمضان زمان ورمضان دلوقتى مش عارفه هو احنا بنروح على فين
حتى الايام العاديه بقت غريبه جدا
كلامك مظبوط بس الناس مش كلها فاهمه كده يا ريت يفهموا

شمس النهار يقول...

*ابي
خلاص مادام كلنا حاسين كده
يبقي نبتدي بنفسنا والمحيطين بينا
انشري الدعوه دي بين اهلك واصحابك
وخدي ثواب دعوته للخير

mahasen saber يقول...

وانا عندى 29 سنه ومبخاقش ااقول سنى الحقيقى ههههههه ياما ناس فى العشرينات شايبه وناس فى السبعينات ولسه شباب ...انا يشرفنى معرفتى بحضرتك بس ااقول كده شمس خلاص شمس بس على اساس انى بكلم اختى الكبيره..اختى وحبيبتى وصحبتى كمان.. متفقين ان شاء الله..

شمس النهار يقول...

*محاسن علي خيرة الله

محدود الدخل يقول...

ياريت كل الناس تفكر زيك 

شمس النهار يقول...

*محدود الدخل
خلاص مادام انت موافق علي اللام ده ابتدي بنفسك واللي حواليك

ويكون كده ترجمنا مناقاشتنا الي واقع
نستفيد بيه

Foxology يقول...

نفسى والله الناس كلها تعمل كدة انا عن نفسى السنة دى بقيت كدة حاسس انى ضيعت كتير وجه وقت التعويض :)


كل سنة وانتى طيبة ورمضان كريم :)

tarek momen يقول...

الصديقة شمس
اوافقك تماما ان التليفزيون و المسلسلات اصبحت الشغل الشاغل للناس بل و تزيد الجرعة في رمضان
لا ادعي ان هذا مخطط لصرف الناس عن العبادة و التزاور و لكن المساله ان راس المال لا دين له و راس المال يعرف ان نسبة المشاهدة اعلي في رمضان
اذا عليه ان يستغل الفرصة امضاعفة الربح ..مسلسلات اكثر..اعلانات اكثر..ارباح اكثر
علينا نحن ان نرفع شعار ..لا..هانقدر نغمض عينينا عن برامجكم و مسلسلاتكم علشان ماهو اهم بكثير..عبادتنا و صلة ارحامنا
كنتي سالتي عن الميل فهو
tarekmomen@hotmail.com

حاسوباتيه يقول...

عندك حق فعلا وانا هحاول اعمل كده وان شاء الله هقدر وكل سنه وحضرتك طيبه

شمس النهار يقول...

*حاسوباتيه
صدقوني ربنا بيعين العبد علي الطاعه
ومش هنخسر حاجه لما مانتفرجش
لكن هنخسر نفسنا واخرتنا
لو ضيعنا رمضان
وشكرا علي المرور الكريم

ليكوريكا يقول...

ربنا يثبتك يارب

ويهديكي ويهدي كل المسلمين


بجد التيليفيزيون اساسا بقي ممل وميستاهلش اننا نفكر نقعد عليه

رمضان كريم :)

شمس النهار يقول...

*ليكوريكا
متفقين يبقي نستغل ليالي رمضان في العباده والمغفره
شكرا علي المرور اللطيف

mohamed hesham يقول...

كل سنة وانتي طيبة ...

والله انا اساسا مش من هواة التلفزيون ... لكن في 2 ست كوم عاجبني جدا - هما اللي بشوفهم الصراحة - العيادة وتامر وشوقية ...

والسـ ختام ــلام

شمس النهار يقول...

*محمد هشام
اهلا بيك
بس ماتنساش العباده وانتهز فرصة
ليالي الغفران
ربنا يكرمنا جميعا

انى احبكم فى الله يقول...

بجد الموضوع جميل واحب اقول ان المدونه جميله وعلى فكرة اسلوبك جميل فى الكتابه ومش هنتسرق تقبلى مرورى

شمس النهار يقول...

*احبكم في الله
اهلا وسهلا
وياريت ندعوا كل احببنا ينهلوا من نبع رمضان
شكرا

المرتيلي يقول...

السلام عليكم ورحمة الله
والله معك حق تصفد شياطين الجن وتغزو شياطن الإنس رمضان لكن هيهات ان تقدر على شهر فيه ليلة خير من ألف شهر .
مواضيعك ممتازة نتمنى لك التوفيق.

شمس النهار يقول...

*المرتيلي
شكرا علي المرور بس فين حل الفزوره
شكرا

nour shahen يقول...

أجمل شيء عملتيه والله واصلا مفيش شيء كويس كل اللي نازل السنه دى هايف ودون المستوى
الواحد يكسب وقته على الاقل شهر مش هيتكرر محدش عارف هيعيش لما يتكرر ولا لا
ربنا يرحمنا ويغفر لينا يا رب ويتقب منا صالح الاعمال
وبارك الله لكى ولأسرتك
خالص احترامى وتقديرى

شمس النهار يقول...

*نور
ياريت تدعي كل اللي حوليكي الدعوه دي
وخصوصا اننا في العشر الاواخر
وشكرا

عمرو يسرى يقول...

وماذا عن رمضان هذا العام
تحياتى