الاثنين، 1 سبتمبر، 2008

مدونين علي طول

ليه احنا بندون
اعتقد ان احنا بندون عشان نسمع بعض.....ونشارك بعض مشاكل الوطن وهمومه
واعتقد كمان عشان نتبادل الاراء.
واللي يعرف حاجه يشارك الاخرين فيهاواسباب كتير اعتقد هذا
لكن مااعتقدش ان احنا بندون عشان نتسابق مين مدونته مسمعه اكتر
مين عداده شغال اكتر
مين المثقف اكتر
واللي يسخر من الاخر
واللي يشتم
انا حاسه ان في تناحر زي اللي بين الدول العربيه
وخايفه يجي يوم والمدونين يتفرقوا زيهم
او الموقع يولع من كتر اللي بيحصل
هو ماينفعش اللي مايعرفش يقول مااعرفش
ايه هتتهد الدنيا يعني
هو في حد عارف كل حاجه هو في حد بيقراء كل حاجه وبيشوف كل حاجه بايونك مدون
في ايه هو استعراض عضلات
ده بدل ماننشر الفكر بينا ونتحاور بلطف ونفهم يعض وياتقنعني يااقنعك يانطلع بفكره جديده بلطف وود وتفاهم
وندور علي حلول للمشاكل ونبتدي نحلها
ان شاء الله نبتدي بنفسنا والمحطين بينا
والا خلاص هو ده حال البلد
وما فيش فايده
كل واحد عامل ابو عرام وهو وبس وماقيش غيره وهو الزعيم ويسخر من الاخر
بس نتكلم كلام كبير عن الاخر والفكر والتشاور والامه
واحنا مش عارفين نطبق ده بينا في المدونات مبالك الامه
يبقي العيب فين

هناك 15 تعليقًا:

tamer.sala7 يقول...

نعيب زماننا والعيب فينا
وما لزمنا عيب سوانا

كل سنة وانتي طيبة

شمس النهار يقول...

طيب والحل ياتامر

mahasen saber يقول...

رمضان كريم...اولا شاكره ليكى ذوقك واهتمامك بمتابعة مدونتى ثانيا مع انى جديده فى التدوين برضه بس بقول لحضرتك نورتى وشرفتى التدوين كله ..اما بخصوصالنوعيه من المدونيين اليى حضرتك بتتكلمى عليهم هقولك ده سببه لاما انعدام ثقافة الاختلاف وتقبل راى الاخر او عندهم كبت ما فبيطلعوه بالمنقشات الحاده اليى بتوصل برضه للشتايم الحادهاما بقه بوست الالمانى اليى بيبوس صورةمراته فدهفكرنى بلاعيبة الكوره الاجانب طبعا لما يجييبوا جون يبوس دبلة جوازه طبعا عكس الراجل تلشرقىاول ما ربنا يفتحها عليه يجرى يسد نفس مراته ويجوز عليها...وجزئية الدنيا والغلا والناس الساكته ابدا الناس بس اتخرسوا ..اما المبنى والحريق فده دليل ان البلدى ملهاش عزيز..اما القذافىبقه فانا كنت بكنله احترام برغم اختلافى معاه فى حاجات كتير بس كان علىالاقل عاجبنى صموده فى لوكيربى ...اما بقه فكفايه كده بس ااقول لحضرتك نورتى وان شاء الله لمزيد من التواصل ده شئ يسعدنى ويشرفنى ..
وكل رمضان وحضرتك بالف خير...وبلش داعى لذكر موضوعاليميش والجمارك عشان احنا طبقنا مثل ااقرع ونزهى ..
رمضان كريم.

mahasen saber يقول...

ارجو من حضرتك تبلغى نواره ...جبهة التهييس الشعبيه تغير طريقة ارسال التعليق لانى كتبت حوالى 6 تعليقات ومعرفتش ابعتهم لانى ناسيه البسوورد رجاء حضرتكتبلغيها لانى مش عارفه ابعت اى حاجه ومنقطعت التواصل ..قوليلها مش عشان نسيت الباسوولارد خلاص.

appy يقول...

يا شموس لسه فى بلاوى انتى مش شوفتيها
الحل بقى انك متجامليش حد تقولى رايك بصراحه بدون جرح فيه فهمتى علشان تفهميه غلطه مش اكتر

Foxology يقول...

والله انا نفس الفكرة جاتلى من فترة انى بدون وشارك افكارى مع الناس بس وبعدين ؟ هنعمل حاجة ؟ هنغير من نفسنا وبالتالى هنغير من بلدنا ؟

عاوزين كل واحد يفكر مع نفسه ويرد على الؤال ده فعلا احنا محتاجين ده

تحياتى وكل سنة وانتى طيبة :)

شمس النهار يقول...

*محاسن
شكرا لك علي التعليق
وربنا معاكي وقلوبنا بتدعيلك
انا كتبت لنواره تدخل عندي وتقرا
الرساله عشان انا ما فهمتش حاجه
باص وورد ايه
*ابي
انا معاكي بس الالفاظ كمان وحشه جدا المفروض ان احنا بندون عشان نرتقي
بفكرنا ونتعلم لغة الحوار الهادي الهادف
وكمان في ناس معتبره انها هي وبس
*فوكس لوجيا
هو ده قصدي ندور سوا علي حلول
بدل مانجرح بعض

mahasen saber يقول...

انا اسفه دوشتك معايا بس لما بكتب التعليق وببعته عند نواره لازم ادخل
user name
password
وانا مش فاكره الباس وورد خالص نسيتها ومش لاقيه المكان الى كتبتها فيه فعايزاها ترجع ارسال التعليقات زى الاول من غير ما اتطر ادخل باسوورد
انا عارفه ده طلب غلس بس اعمل ايه الزهايمر وارحموا مرضى المسلمين احنا فى شهر كريم ..
شكرا يا شموسه ويا ريت تبلغى نواره او اى حاجه انا بيعجبنى بس بوستات وبحب اعلق عليها تقوليش يعنى تعليقى هيغير مجرى الاحداث بس التواصل حلو وحلو قوى كمان لو مع دماغ بتحبيها..

شمس النهار يقول...

*محاسن
ياست الكل انا مابعملش كده خالص
شوفي ادخلي من عندي لحد ما نحلها
يعني دوسي علي العنوان بتاع نواره اللي في الجنب عندي بالاحمر
هتلاقي نفسك عندها
وعلقي بقه زي ما انت عايزه
ويجعله عامر

SeSaMe يقول...

حلو أوي البوست ده .. لأن الحقيقة في بعض المؤشرات مش و لابد يعني عن بعض الأمراض التي بدأت تصيب بعض المدونين ... صحيح أنا جديد أوي عليهم بس ده رأيي و أنا بقوله لأنه نفسي يستمروا بالشكل و الأسلوب اللي بدأوا بيه

شمس النهار يقول...

sesame*
ده كمان في نبره كده انا لاحظتها كمان
تعالي في الردود في بعض المدونات
ده غير الالفاظ الغريبه علي الودن
ساعات بحس انها حرب

دعاء يقول...

عندك حق والله ..في البعض بيعمل كده فعلاً بس ألي يطمن أن مش كل المدونين كده..

أديكي انت نفسك مثال ممتاز اهو كده بكلامك ده

وكل سنه وانتي طيبه و رمضان كريم..

شمس النهار يقول...

*دعاء
مدام نحن متفقين يبقه كل واحد لو دخل مدونه ووجد بيها تجاوز في الحوار يترك عتاب رقيق
لعل الدنيا تتظبط
واللي يتجاهل حد الباقي يتجهله
المفروض ان احنا من الوعي نعرف نوصل
وجهة نظرنا بطريقه ظريفه
بدون تجاوزلآانا ملاحظه الالفاظ الغريبه دي بقة موضه
وشكرا علي المرور الجميل

nour shahen يقول...

عندك حق صحيح ودا اجمل هدف من التدوين تبادل الأراء والافكار
الأفاده والاستفاده
ولكن فى كل مكان لازم هنقابل الكويس والوحش
ويا رب نقدر نستمر بين كل اللي بيحصل ولكن دايما الأحسن بيستمر ودا مش بالعافيه .. لا .. الاحسن بالافكار والاخلاق واحترام أراء الاخرين وتقبل النقد بكل صدر رحب طالما فى حدود الأدب والاخلاق .. فلا اختلاف
بحييكى على اثارة الموضوع دا لأنها بجد بقة حالة مقلقه ومش استعراض عضلات هى

شمس النهار يقول...

*نور
ياريت تجددي الدعوه دي بموضوع تكتبيه عندك كمان
نفسي الاخلاق تسود والناس تحترم بعض ونختلف من غير تجريح وتعالي
لمادخلت مدونتك وشوفت موضوع الاخوه اللي قفلوا مدونتهم زعلت جدا انهم يوصلوا للمرحله دي
ده معناه انهم قفلوا باب رحمه علي ناس كانت بتنفس عن همومه وابداعتها
حرام علي كل واحد او واحده بتدخل مدونه وتنكد علي قرائه