الاثنين، 1 سبتمبر، 2008

عملها ازاي

الاتفاق اللي تم بين القذافي وايطاليا غريب حدا
مش فاهمه
بس حاسه ان في حاجه لآن النظريه بتقول الحدايه ما بتحدفش كتاكيت
بس لو الموضوع كده وسهل وجميل فين تعويض باقي الدول العربيه
حد يفهمني
فلوس واعتزار لادي هاصت
واللي عجبني واثلج صدري قول القذافي (انها ساعه تاريخيه يوقع فيها الرجال الشجعان تعهدا بهزيمة الاستعمار والتعهد بعدم تكراره ضد الشعوب الامنه) ياسيدي ايه الحلاوه دي
ده احنا مستعمرين اكتر من الاول
مستعمرين بمزجنا من طريقة لبس لهمبرجر وبيتسا وثقافه وافلام وكمان بيصدرولنا الهيافه
حتي الاتراك صعب عليهم مايبقاش لهم دور
راحوا بعتين لنا حتت مسلسل تفصيل انتم عطشانين حب ورومانسيه خد ياسيدي
وكمان حتت واد من اللي البنات بتحبه
حد يقولي معني هذا الاتفاق

هناك 6 تعليقات:

TAFATEFO يقول...

يا فندم

الايميل اللي حضرتك بعتيهولي موصلنيش .. وبعت لحضرتك ايميل امبارح انه موصلش

ايميلي tafatefo007@hotmail.com

يا ريت حضرتك تبعتيه تاني

شمس النهار يقول...

كان في مشكله عندي
وخليت صحبتي اللي كانت بعتاه ليه
تبعته لك
هي اسمها حنان
ماقلتليش رئيك
في الاخ العقيد

TAFATEFO يقول...

وصل يا فندم .. وهشوف ازاي ممكن أخلي حضرتك تحطيه في المدونه

رأيي في اتفاق ليبيا مع ايطاليا مش هيعجب حضرتك .. ومش هيعجب حد .. وأفضل أحتفظ بيه

شمس النهار يقول...

شكرا
وياريت تحطه في المدونه عندك
ماقلتليش رئيك فيه ايه
بالنسبه للعقيد القذافي
لازم تقول رئيك
هو احنا بندون ليه
مش عشان نتواصل
ونشوف وجهات النظر المختلفه
تعجبني ما تعجبنيش
مش مهم
المهم اترك لي الاختيار
ومش يمكن تعجبني
بتحجر عليه ليه ها ها

SeSaMe يقول...

هو متهيألي يعني لأن ليبيا ليها إستثمارات ضخمة في إيطاليا .. موضوع بيزنس يعني و بيرلسكوني تاجر شاطر جدا .. و المبلغ أساسا بسيط جدا جدا بالنسبة للمكاسب اللي بتاخدها و هتاخدها إيطاليا من ليبيا
بس الجديد و الحلو إن احنا و لأول مرة من فترة طويلة جدا ناخد حاجة و لوبسيطة في مقابل اللي بنديه
طول عمرنا بندي و بس بمنتهى السذاجة

انى احبكم فى الله يقول...

الموضوع جميل يا شمس النهار واشكرك على الموضوعات الجميله اللى بتقدمهالنا
وتحياتى ليكى وتقبلى مرورى