http://www.facebook.com/home.php?sk=group_150308615029590#!/home.php?sk=group_150308615029590
=============================================
ده لينك جروب المدونين علي الفيس
الشاعر عمله علشان نتلم كلنا علي الفيس
اشمعنا احنا اذا كان الحكومة رجلها خدت علي الفيس
:)))))))
=============================================
ده لينك جروب المدونين علي الفيس
الشاعر عمله علشان نتلم كلنا علي الفيس
اشمعنا احنا اذا كان الحكومة رجلها خدت علي الفيس
:)))))))
==========
الف مبروك علي استقالة شفيق
عقبال امن الدولة مايحصله وباقي الاخوة الزملاء من الوزراء الغير مرغوب فيهم
وباقي العصابه اللي مش عايزة تيأس وعايسه فسادا في البلاد
=====
اتمني ان مايكنش المجلس العسكري بهدوئه وعدم اسراعه في لم رؤوس الفساد قد تسبب ان الغيلان دي تكون هربت اموالها بأسماء اخري لها وزنها زي الامير طلال وغيره وحرقت اللي حرقته من اوراق وطمست حقائق وستفتها
واتمني ان غيلان امريكا واوروبا اللي عاملين نفسهم دول ديمقراطيه ونزيهه مايضربوش الفلوس دي في جيوبهم
اه طبعا اذا كان همه مصوا دمنا واحنا في بيوتنا وبلدانا يبقا هيدونا فلوس اصلا في بنوكهم وبلادهم
وهي كانت رجعت فلوس قبل كده عندهم فين فلوس العراق؟
بس ابشر الغيلان ان حسابهم في الدنيا والاخرة هيبقا عسير
========
اتمني ان مايكنش المجلس العسكري بهدوئه وعدم اسراعه في لم رؤوس الفساد قد تسبب ان الغيلان دي تكون هربت اموالها بأسماء اخري لها وزنها زي الامير طلال وغيره وحرقت اللي حرقته من اوراق وطمست حقائق وستفتها
واتمني ان غيلان امريكا واوروبا اللي عاملين نفسهم دول ديمقراطيه ونزيهه مايضربوش الفلوس دي في جيوبهم
اه طبعا اذا كان همه مصوا دمنا واحنا في بيوتنا وبلدانا يبقا هيدونا فلوس اصلا في بنوكهم وبلادهم
وهي كانت رجعت فلوس قبل كده عندهم فين فلوس العراق؟
بس ابشر الغيلان ان حسابهم في الدنيا والاخرة هيبقا عسير
========
عايزة اضحكم شوية
الست اللي بتشتغل عندي(ام محمد)
كنت بشوف اخبار ليبيا لاقيتها بتقولي الحوار الاتي
ام محمد: هي ليبيا دي فيها دكاترة ومهندسين ومدرسيي وكده(ومرسوم علي وشها الجديه السياسيه)
شمس: طبعا ياام محمد وناس متنورة وزيهم زينا بالظبط
ام محمد: طيب لما همه متعلمين كده سابوا ازاي الرجل الاهبله ده يحكومهم ويمشي كلامه عليهم
هو في ريس يركب توكتوك
:))))))
========
ياريت المذعيين المصريين مايقلدوش مذيعين الجزيرة في طريقة الالقاء
وطريقتنا القديمة جميلة ومحببه
الكل بيقلد مذيعين اذاعة لندن طيب دول كان اغلبهم انجليز وبيتكلموا لغه عربيه
فاطلع كلامهم كده يعني مش قاصدين
لكن العرب اللي بيتكلموا كده يبقا ليه بقا
اتكلموا عادي وبلاش تحسسوني انكم هتنطوا من علي الكرسي من كتر مابتشدوا علي الكلام والحروف
========
اتمني علي اتحاد الاذاعه والتليفزيون
ان الانتاج من هنا ورايح يكون علي مستوي فكر واخلاق الشعب المصري
اللي نزل كله ميدان التحرير
بلاش غسيل المخ
من هنا ورايح بلاش الهيافه والسطيحة
والهبل
اديكوا شفتوا الشعب المصري عامل ازاي
عايزن نوصل قيمة للناس
وبلاش مسلسات القصور والفخفخه
عايزين واقعيه ونحس بالناس بقا
وكليبات الخيال واللي بتحسسني انها كليبات مستورده
يعني لو سكت الصوت وشوفت الصورة بس هتحس انك بتتفرج علي كليب اجنبي
وكمان هابط
=====
الثورة المصريه في يناير دي ثورة شعب بحاله دعي لها الشباب والشعب كله طلع فيها من اول الطفل الي الكهل
وكل الطوائف وكل الاتجاهات
وفي موضه ان الشباب بيتباها انه نزل التحرير
واتجاه ان اللي نزل تحرير هو اللي وطني مصري والباقي لا
لا معلش
اللي مانزلش التحرير وقف تحت بيته يحرس اهل اللي في التحرير
ولو ماكنش كده كان اللي في التحرير رجع يحمي اهل بيته
وكان التحرير فضي وهي دي كانت الخطه علشان الناس ترجع
وعلي فكرة كان في اصحاب علشان الشارع اللي فيه صاحبه في التحرير الرجال فيه مش كتير كانوا بيرحوا يحرسوا بداله في منطقه غير منطقتهم
واللي كان علي النت بيشير الاخبار وبيحارب الناس اللي ضد الثورة علشان يفهمه اللي بيحصل برضوا ده شارك في الثورة
الثورة لسه ماخلصتش والادوار كتير ومكمله لبعض
بلاش الغرور وبلاش الفرقه والثورة دي سر نجاحها الاتحاد اللي حصل بين المصريين
========
وبالنسبه للداخليه ورجالتها اللي بيستهبلوا وبيعاقبوا الشعب ومش عايزين يرجعوا اماكنهم ويتحملوا المسؤليه
خليكم ماتنزلوش وزيدوا الطينه بله بالبلدي كده
وعايزة اعرف هو الشباب المصري مش فيه كانوا مجندين
وفيهم اللي بيلعب كراتيه وجودو وكنفو .......الخ
واغلبهم عامل بدي بيلدنج
ده غير ان الشاب المصري معروف بالجدعنه
ده غير ان الشاب المصري معروف بالجدعنه
مايعملوا جروب علي الفيس ويلموا بعض وينزلوا الشوارع والاماكن المحتاجه حراسه زي الجهاز المركزي للمحاسابت
زي الشباب اللي يفرح القلب اللي في المطار واللي في باقي الشوارع بينظم المرور
=====
وياريت خفافيش الظلام يهمدوا ويتهدوا
يعني فاهيم لما تحرقوا الاوراق مش هتتعرفوا
اتفضحتوا واللي كان كان
وربنا هيتمها علي خير
وهتتحطوا في السجن كلكم وتتحسروا علي مراكزكم وفلوسكم اللي جمعتوها في الحرام
وعندي اقتراح كده
ياريت نعمل لهم سجن مخصوص يليق بيهم
سجن رجال الاعمال
هندسيا زي بيوت العشوائيات اللي سابوها وغذوها علشان يحظلموا الناس ويسكنها بعض البلطجيه اللي بيستخدموهم وقت العوزه
يكون من غير سراير علشان يناموا في الارض زي مانيموا الناس في الارض
وياكلوا نفس الاكل اللي الفقراء كانوا بيكلوه
وياريت يكون من نفس النوعيه في الكم والكيف
وياريت نتوصي فيه بالهرمونات والمواد المسرطنه
ولو حد فيهم مرض نسيبه يومين تلاته كده علي نعالجه زي الفقراء اللي كانوا بيتذلوا علشان يتعالجوا
والميه ياريت ميه من المجاري زي ما الشعب كان بيشرب من المجاري
يعني من الاخر كده نعيشهم نفس العيشه بتاعات العشوائيات
القصاص والجزاء من نفس العمل
وقولوا يارب
ربنا يحميكي يامصر
هناك 49 تعليقًا:
سلام عليكم
اولا ام محمد دي تبين لك عبقرية المصري
البسيط
انه لايليق بشعب مثل الشعب الليبي
ان يحكمه ماتراه هي مختل عقليا
اما بالنسبة للداخلية
فانا شايف الحل ان علي المجلس الاعلي
للقوات المسلحة
ان يستعين بعساكر الامن المركزي الذي عددهم
اكثر من مليون وينحي القيادات جانبا
ويعين قيادات من المجلس الاعلي
لتديرهم وتدير البلاد
اما بالنسبه لفلول الحزب الوطني
كما انهم تطرفوا في ايذاء الشعب
فلابد ان يحاكموا محاكمات
اثتثنائيه امام محاكم عسكرية
وليست مدنيه لانهم اضروا بامن مصر
والله كلامك صح يا شموسه يا حبيبتى
ومش هنقول فعلا
غير ربنا يحميكى يا مصر ويعلى من شأنك
لا تَبتئس بِالظُلم إن ن غَداً لَناظرهِ قَريب
أَشرق بوجهك ضاحِكاً وَلشمس شانئك الغُروب
ما بَعد غَمّك غَير يو م تطمئن بِهِ القُلوب
أنا عن نفسي مش عايز ابقي زيهم ـ إذا كانوا ذلوا الناس فبلاش نوصل لحقارتهم ودونيتهم ونكون عندنا أخلاقيات الاسلام واخلاقيات الإنسان السوي .. ولا نكون مثلهم ـ وإنهم لجرب ..
شمس النهار يا شموسه
ربنا يحميكى يا مصر واضيف الى ذلك ربنا يحميكى يا اجمل شمس فى احلى نهار
بصراحه مفقوع مرارتى من الساده الافاضل المذيعين اللى بيتكلموا عربى مقعر وهما اصلا مش دروسوا عربى صح هم اكيد خريجين مدراس كان العربى بتاعها زى اللى درست فى المدرسه لما كنت طالبه واللى اغلبنا درسه
المهم ايه المشكله لو الخبر اتاقال بالكلام البسيط اللى يخلى كل الناس تفهمه هو لازم اتكلم عربى جامد اوى كده عشان اكون شاطره بالعكس كلامى بطريقه سهله هيخلى الموضوع اسهل ويوصل الى قلوب وعقول الناس بالسهوله لكن بالبلدى كده زى جارتى او تتقفع مرارتى " على فكره عاوزه اقولك ان العربلاى بتاعى مسكر شويه ههههههه "
الشرطه بقى خليها مش تتعب نفسها احنا نستنى لغاية لما دفعات جديده تتخرج ونشوف دم جديد وروح جديده وتعامل مختلف وبعدين زمان كان فى شرطه وكان فى حوادث سرقه وقتل وتحرش و.. وحوداث ما انزل الله بها من سلطان
كنت هاوقل ايه كمان يوووووه رغيت كتير اوى معلش بقى انتى عارفه انى رغايه
فى حفظ الله ...
زهــــراء
انا بجد مشش قلقانه لسبب
ان في تويته عجبتني وبعديها دلوقتي
كل الحرايق دي بتقولكوا
اتطمنوا
للثوره رب يحميها
اللي مش بيحمي مصر حد
اللي بيحميها ربنا سبحانه وتعالي
دا اللي انا واثقه منو
السلام عليكم
يارب حضرتك تكونى بألف خير وألف مبروك على أسقاط حكومة مبارك ويارب انصر حكومة الشعب انا حعقب على نقطة مهمة جدا حضرتك طرحتيها
نقطة اللى منزلش الميدان أو شباب الثورة تحت أى مسمى انا كنت كاتب مقال على الفيس أسمه الحصانه الثورية وأفساد الحياة السياسية انا مش عارف لية عندى أحساس اننا حافظين مش فاهمين اللى ضيع مصر الحصانة الدبلوماسية وان ما ينفعش ننقد ولا نعارض مراكز الحصانة والقوى واصحاب القرار فى الدولة احنا بنعيد دة بشكل مختلف بدلنا الحصانة دى بالحصانة الثورية ان اللى يتكلم عن شباب الثورة لو فى غلط حصل يبقى عميل وخاين لدرجة ان فى ناس والله خايفة تعلق او تنقد بعض الافعال لشباب الثورة وكأننا نهينا عصر تخويف الناس وقمع الحريات عشان ننتقم ونقمع حريات محللين سياسين وما شابه
عشان كدة انا بحترم جدا كلمتك ان اللى منزلش حمى الشوارع واللى كان على النت كان أشبه بجناح أعلامى وان مافيش حد له فضل على حد دى نقطة فى غاية الاهمية عشان مانرجعش زى الاول
أنا عارف انى طولت بس عشان حسيت انها نقطة مهمة
تحياتى
انا عايز أسأل حضرتك سؤال هو فى على الفيس بوك صفحة او جروب للمدونين مجمع معظم او كل المدونين ولا لا ولو مافيش هل فى أمكانية نعمل دة منتظر رد حضرتك
وشكرا
الف مبروك الحريه
عصم الله مصر من كل شر
وقدنا جميعا على المرور من اعراض انسحاب المرض
قلمك يقطر ثوره
دمتى بخير
تحياتى
و يحكميكي يا شموسة
هو انتى مش قلقانة؟؟؟؟
انا لما بدخل عندك بحس بروح الشباب
ههههههه
شكلى عجز بجد
لا بس بجد انتى قلتى فكرة حلوة الولاد اللى بيعملوا بدى بيلدنج يعملوا جروب و ينزلوا يساعدوا افراد الامن و الظباط
الظباط موجودين و افراد الامن موجودين بس هيبيتهم راحت يا شموسة
و خايفين كمان
لسة امبارح سامعة قصة واحد خارج عن القانون مسكوه افراد امن صوت و صرخ و اتبلى عليهم انهم ماسكينه ظلم و عدوان اتلموا الناس يخلصوه من بين ايديهم و هرب
شوفتى بقا
ربنا يحمي مصر
بس انا عاوزة الشباب يكونوا مصحصحين
و يقسموا نفسهم لعمل توعية فكرية و توعية عامة لصالح الوطن فى جميع قري مصر
الاخوان شغالين حلاوة فى القري و الطرق الصوفيه برضه و كله بيرش فلوس على الغلابة علشان يضمن اصواتهم
الفترة ديه مهمه
لانها فترة خصبة اللى حتدخليه فى مخ المواطن حيثبت
المهم بقا انك تدخلى المفاهيم الصح ديه مهمه اوي
تحياتي ليكي
صباحك ورد وياسمين يا شموسة
ان شاء الله رغم انف كل ظالم ستتبدل الأحوال إلى ما تريده الشعوب
وربنا يحمي مصر وكل شعوب وبلدان العرب اللهم امين
السلام عليكم
أولا: شكرا جزييييييييييييييييييييييييييييلا على خبر إقالة الوزارة.. أصلي نزلت بوست عن سبب طلبنا للإقالة ونزول التحرير، وشاهدت معركة (شفيق - الأسواني) قبل النوم، ثم لم يتح لي تاني يوم أن أعرف أي أخبار (أن أعمل خارج مصر).. وكان أول مرة أعرف خبر الوزارة كان هنا!!!!
فشكرا جزييييييييييييييييييلا.. :)
ثانيا: ضحكت جدا من (أم محمد)... للأسف عندها حق!!!!
ثالثا: أحييك على كلمتك لتصحيح مفهوم (ثورة الشباب)، فقد تحدثت فيه أكثر من مرة في مدونتي، لأنه بالفعل يؤلمني وأحيانا يغيظني، خاصة عندما يأتي من أعداء الثورة (الذين تلونوا) ليحاولوا نفخ هؤلاء الشباب، وتحييد أدوار الآخرين، وكذلك إقصاء كثير من الرموز بحجة أنهم ليسوا من الشباب ويالتالي يريدون القفز على الثورة!!!!!!
رابعا: معك تماما بخصوص الشرطة.. هم بدؤوا الفعل ونحن كان منا رد الفعل، فليصححوا الفعل أولا حتى يصح رد الفعل!!!
خامسا: ببعض السادية أعجبتني فكرة ومواصفات سجن رجال الأعمال.. لكني بطيبة المصري ورحمته لا أوافق عليها، كما أني متأكد أنك فقط (بتفضفضي عن ألم السنين اللي جوانا)!!
تحياتي الخالصة أختي الكريمة.
انا فعلا قصدت جروب او صفحة للمدونين ككل نتجمع فيه كلنا خصوصا ان لو فيه فكرة مشتركة او عمل او ماشابه حيكون اسهل وأحسن عرضه على جروب الفيس اتمنى ان حد فعلا يعمل شئ زى دة او ممكن انا أعملكم الصفحة لو حبيتم وبعد كدة أسلمها لأى حد الاهم عندى انها تدخل حيز التنفيذ
والله معاك حق فى كل كلمه ياست الكل
كفيانا بقى
لان هو ده اللى كان جايبنا لورا
تحياتى
* سواح في ملك الله
وعليكم السلام ورحمة الله وبركاته
فعلا ام محمد ساعات بتصدمني من بساطتها في التعبير عن امور سياسيه بطريقه فطريه
وفي بوست عن الصين كان حوار بيني وبينها مااقدرتش مااعملوش بوست
http://shams-elnahar.blogspot.com/2008/11/blog-post_17.html
اما الامن المركزي اصلا لسه مارجعش الخدمة اغلبهم لحد الان
والحزب ده مش عارفه اعمل في ايه
قريت عند كيارا علي الفيس ان في مطلب ان اعضاء الحزب يمنعوهم عن ممارسة السياسه او الترشيح لمدة 10 سنوات
خوفا من تدخلهم تاني في الحياة السياسيه النقيه ويحولوها سوداء تاني
* ♥نبع الغرام♥♪≈
آآمين
محروسه دايما يامصر
* MR.PRESIDENT
:))
في ايه بس ياريس
يعني هنعمل كده ولا حاجه
ولو ان من الشرع ان يكون الجزاء من نفس العمل والسرة مليانه من القصص مايثبت ده
بس همه كده كده هيشربوا في السجن من نفس الميه مش معدنيه
وهيكلوا من نفس الاكل بتاع المساجين
ده كفايه عليهم
وتذكر كم شاب اطحن ويأس بسببهم كم من برئ اتحاكم ومات بسببهم ...الخ.....
عمايلهم السوده اكتر
وده قصاص ربنا مش كلامي
* لـــولا وزهـــراء
:)
شكرا علي كلامك اللطيف ومجاملتك الاجمل
وياستي ارغي زي ماانتي عايزة المدونة دي بتحب التعليقات المطولة
والرغي
المدونة مدونتك ياجميلة
ولما تفتكري ارجعي كملي
:))
* sony2000
انا كمان مطمنه علشان ربنا هو اللي صاحب الامر
يقول لشئ كن فيكون
هو حد كان يصدق ان اللي حصل ده يحصل
ده انا كنت مرعوبه كل مايقرب موعد انتخابات الرياسه
اقول هيبقا الدم فيكي يامصر زي النهر
والحمد لله كله مشي
* elsha3er
وعليكم السلام ورحمة الله وبركاته
اولا طول زي ماانت عايز وارغي واتكلم ورد علي التعليقات لو عندك اي رد او حوار مع اي بيتحاور هنا
المدونة مش حكر عليا لا انا بحب نتفاعل كلنا مع بعض
وايوة كتير من الشباب والسياسيين اللي اشتركوا في الثورة مش عايزين يسمعوا للفكر الاخر
مع ان احنا ثرنا علي ده
لابد من الحوار ثم الحوار ثم الحوار
ماينفعش مانتحاورش
يبقا دي مش ديمقراطيه خالص
والاهم نتحاور بلطف وبساطه وادب علشان نقدر نوصل لشئ ذو قيمة
اما موضوع الفيس ياريت فعلا يكون للمدونين جروب علي الفيس خاص بيهم
ياريت تعمله انت واديني اللينك اشترك واعمل له اعلان عندي هنا
بجد ماعنديش وقت اعمل اي حاجه يادوب انزل بوست وارد علي التعليقات
الدنيا هايصه عندي جدا اليومين دول
وممكن نسميه جروب مدونين علي الفيس
او مدونين مصر علي الفيس
اشمعنا الحكومه يعني
ولو عايز ممكن نختار اكتر من ادمن ليه وكل ادمن يكون له اشراف اسبوع علشان مايبقاش مضغوط علي حد لوحده
هستني اللينك
ولك كل الشكر
* momken
مبروك علي مصر الحريه
وان شاء الله نقدر نبني مصر تاني
ونشيل الانانيه من النفوس المريضه
ونتحد في حب مصر ومصلحة الكل حتي نصل لمصلحة الفرد
* Mafrousa
:)))))
اهلا اهلا بالحبايب اللي غايبين عن البلوجر
طبعا شباب بس شباب في الخمسينه
:))
لا صدقيني مش خايفه بالعكس مطمنه جدا
ان شاء الله بكره هيبقا احلي
لاصدقيني مش موجودين واللي موجود ده مايجيش الثلث
كنا بنطلع اذن دفن للشهيد محمود رمضان وده مات في مستشفي الزيتون
رحنا القسم(قسم المطريه) لاقيناه محروق وناقلين القسم في الحي طبعا دور ارضي منيل بستين نيله الظباط اللي هناك ملازم وملازم اول وامناء مايجوش سته وتحسيهم مكتئبين
والقصة اللي بتحكيها دي انا مش مستغرباها
بس ده طبيعي ولعلمك لو رجعتي للتاريخ وقريتي عن الثورات هتلاقي ثورتنا اقل الثورات خسائر وكمان اقلهم فوضي
هتلاقي ثورتنا لها طعم خاص ومفردات خاصه وحالة خاصه
ثورة مختومه بختم الطعم مصري
:))
وماتخافيش الشباب ماشاء الله عليهم شغالين حلو اوي
النهارده في شباب راحوا بني سويف يعملوا مؤتمر يفهموا الناس هناك ويوعوهم
وان شاء الله هنروح المحلة وطنطا واماكن كتير
ولو قريتي البوستات السابقه هتعرفي
حاجات اكتر
ولعلمك الاخوان مش زي ما اغلب الناس فاكره مالهومش قبول ساحق كده في المجتمع المصري
المصري بطبعه معتدل لايميل الي التشدد
بدليل ان الاخوان من سنة 28 وحالهم زي ماهو بالرغم من انهم اقوي تنظيم علي مستوي الشرق الاوسط والوحيد اللي له فروع في كل الدول العربيه
لا تقلقي المصرييين مدبدبين وواعين وبيسمعوا الان كويس علشان يقرروا وماعدش حد هيشدهم من ودانهم تاني
* ماما أمولة
صباحك هنا وسعادة ياماما امولة
ان شاء الله خير صدقني مصر بتتولد من جديد
والمولد قمر منور
:))
* ماجد القاضي
وعليكم السلام ورحمة الله وبركاته
يانهار ابيض ماعرفتش غير مني ده كتبت الخبر بعد فتره طويلة جدا من انتشاره
:))
بس برضوا البوست ضروري علشان اللي بيعرضوا في الاقاله
ولطيفة معركة شفيق - الاسواني دي
:)
الحقيقه الحوار كان راقي لحد مااتقلب
وماعجبنيش الاسواني في طريقته ابدا
انا ممكن اقول كل اللي انا عايزة في هدوء وبطريقه جيده
هو كده حرمنا من ان الحوار يكون بناء من ان نستمتع بوجود وسماع رجل زي حمدي قنديل وبصراحه الكلمتين الصغيرين اللي قالهم حمدي قنديل ابرك من الخناقه بتاعت الاسواني
وعموما شاهدتي برضوا مجروحه علشان انا لااحبذ الاسواني في كتاباته بعتبرها اباحيه اكتر من ادبيه
اما ام محمد دي مش عايزة اقولك ليها راي في كل حاجه وخصوصا اني بتناقش معاها في كل حاجه
وفي بوست انا كتبته عن احدي المناقشات ياريت تقراه
http://shams-elnahar.blogspot.com/2008/11/blog-post_17.html
ان شاء الله هيعجبك جدا
الست دي هي مثال للأم المصريه الاميه الفطنه الفطريه اللي بتربي اولادها بالفطره علي الجدعنه والاخلاق
ماهمه دول المتحولون المتلونون
اللي بيعملوا كده علشان مش فاهمين
المشكله ان الثوريين اللي علي حق بقوا يمشوا وراهم ويتكلموا بنفس المنطق
عارف لما كنا مره في القصر العيني تمرجي من التمرجيه بيزعق ويقول انا مش بخاف من حد ومالييش ريس انا رحت التحرير ومشيت الريس خلااص مالييش كبير
قلت له بعد ماخلص جعجعه الريس مش علشان حرامي وعلي راسه بطحه وخايف لكن احنا لا احنا هنا علشان الحق وانت هنا باطل يبقا احنا اللي هنطردك وفعلا طردناه من العنبر كله ومشي وهو بيشتم ويقل ادبه
فاهم انه لما يقول انه اشترك في الثورة يعني بقا عنده حصانه خلاص
الثورة ثورة شعب من اول بياع البطاطا لحد رئيس المحكمة السابق
وعندي فديوهات تؤكد ده وجلوس الدكتور بجوار بائع المناديل
يجمعهم حب مصر والفداء
بالنسبه للشرطه الفعل الوحيد منهم للصلح ماتكلمت عنه في بوست خاص وياريت تقرا ردي علي مفروسه
بالنسبه لسجن رجال الاعمال بالرغم اني كنت بكتب من نبع الالم اللي تسبب فيه هؤلاء المجرمين
الا ان الديانات السماويه كلها تتحدث علي ان القصاص من جنس العمل
او الجزاء من صنف العمل
هتلاقي لها تعبيرات لغويه كتيرة
بدليل من قتل يقتل ليه نستنكر ان يقتص من هؤلاء من نفس مافعلوه بالشعب ربنا لما اتكلم عن القصاص قال ولا تأخذكم رحمة
ربنا حذرنا ان تأخذنا الرحمة في القصاص ده دليل علي الحرص الشديد لتنفيذ القصاص
وعموما همه هيشربوا خلاص مايه ملوثه من ماء السجن مش معدنيه وهيكلوا من نفس اكل السجناء
ومش هيتهنوا خلاص كفايه عليهم دعوات الارامل والثكلي والايتام
شكرا ليك علي تعليقك الثري
*elsha3er
فييييين لينك الجروووووووب
:))
ثورة ثورة
سرعة سرعة
عايزين جروب
ولا نعملك اعتصام في البلوجر
:)))
* جايدا العزيزي
اهلا بيكي عايزة اعتذر لك عن تقصيري بس مافيش وقت فعلا خالص
ربنا يكرمك وان شاء الله بكرة احلي
وادي املنا بيتحقق
منوراني دايما
:)
مبروك لنا كلنا أنتصار الثوره المصريه والتى تميزت عن الثورات الأخرى وده طبعاًلأنها مصريه وشابه وسلميه وبدون قائد
وربنا يتم لنا الحريه على خير عشان ننطلق وأتنبأ بأن مصر ستكون فى أقرب وقت نمر جديد وقوى بس على النيل
****
وبالنسبه للشرطه وغيابها حتى الأن عن الشارع المصرى الذى أفتقد الأمن ببعض المناطق
فأرى بأنهم بتخاذلهم عن العوده لمهمتهم يثبتون أنهم لا يريدون العوده بالشروط الجديده وأهمها أحترام المصرى كأنسان أولاً
وأنهم يريدون العوده بنفس الشروط القديمه بصلفها وعنجهيتها ولا أنسانيتها وعلينا أن نحمى أنفسنا حتى يقبلوا بالعوده بالشروط الجديده
وعاشت الثوره المصريه المميزه
انا ف رحان النهارده علشان اللى بيحصل فى امن الدوله بجد
تلوقتى انا مش خايف يا ماما شمس
مبروك عقبال ما موبايلى يرجع من امن الدولة تانى
ارجوكى اتصلى بيا ضرورى لحالة انسانيه عندنا نتيجه همجية الشرطة
شاب " صديق "
السلام عليكم
اللينك أهه
http://www.facebook.com/home.php?sk=group_150308615029590#!/home.php?sk=group_150308615029590
انا بتمنى من حضرتك انك تعملى توصية ان الناس تعمله نشر بحيث نقدر نجمع قدر محترم ينتج فكر كويس
وانا عندى بعض الاقتراحات
ان لو فى حد مش حابب يدخل بصفحته الخاصة بيه على الفيس ممكن يعمل صفحة بأسم مدونته ويشارك معانا
ممكن لو حد كتب موضوع يضع معاه فى الاخر لينك مدونته وهكذا
وانا منتظر المشتركين وفور اشتراكهم حسلم الجروب ليكم على طول
الريس ما بيركبش توك توك طبعا
الا لو كان معاه شمسيه!!!!!!!!!!!!!!!
كلام موزون وكويس
وخصوصا طبعا تمنى ان امن الدوله ينتهى
ده كان مخصص شغله ضد الناس
رغم انه المفروض لحمايتهم
وبالتالى يبقى انهاءه افضل
واللى حصل فى الاسكندريه النهارده يدل على ان الجيش لازم يبقى اسرع واكثر حزما مع الناس دي
انا بصراحه مشكلتى الرئيسيه فى الناس دي مش الفلوس تتهرب لكن الاهم الملفات اللى ضدهم وبياناتهم
الناس دى كلها لازم تتحاكم وتتعاقب اقسى عقوبه عشان يتم الردع وناخد حق المظلومين
يارب
ربنا يكرمك ويوفقك
الاصرار على رحيل حكومة شفيق اتمنى ان يوجد بنفس القدر فى الصبر على حكومة شرف خاصة وأنه يحظى بدعم شعبى واسع
جهاز أمن الدولة من المؤكد أنه ملف شائك بين الداخلية وبين المجلس الأعلى العسكرى حاليا وبالطبع ليس كل ما يدور فى الكواليس يتم اعلانه :)
مشكلة ليبيا وأحوال قائدها الثورى تم تلخيصها فى مقالة نشرت بالأمس بجريدة الشروق لأحد الباحثين الأكاديميين متضمنا تسفيه الآراء القائلة بمرض القذافى النفسى :) وأنا اميل لرأى كاتب المقالة بالفعل وأهل مكلة أدرى بشعابها
بالنسبة لوزارة الداخلية هناك أخبار مؤكدة عن استقالات جماعية لأفراد الشرطة بسبب الحساسية الشديدة بينهم وبين المواطنين بخلاف حوادث الاعتداء المستمرة يوميا وأشاهد بعينى مالا يصح أن اتكلم عنه ! مهما حدث فهناك أشراف من رجال الشرطة ولكنهم كانوا للأسف غير واضحين تماما فى وجود الفساد العظيم الذى كان موجودا من قبل
لاأعتقد أن الدول الغربية ستعيد الينا أموالنا وكما أشرت الى أموال العراق :)
رجال الأعمال كثيرون .. كانت عصابة أخطبوطية بمعنى الكلمة لها أذرع فى كل مكان فى مصر شبكة معقدة من الفاسدين الذين يسقطون تباعا كأحجار الدومينو
تحياتى
لالالالالا
دا انت قاصدة تفرسينى بقى
أنا ساقد فيس بوك
أعمل إيه بقى
أموت نفسى علشان تستريحوا وألا أروح انضم للقذافى وأريح نفسى
الأمر لله نتعلمه
يااااااااااااااااااااااارب
خليها آخر الأفكار
تسلم ايدك
يارب كل ينظف بقه
مقار امن الدوله والتليفزيون وبيطلوا يقلدوا الجزيره مايقلدوا فى الحاجه كويسه
بس هما كده
يارب قدرنا على امن الدوله بعض منه مش هنقدر على التليفزيون
رحمتك يارب
خلصنا من الظلمه فى كل مكان واحفظ ليبيا
ازيك يا هندسة ... اخبارك ايه ... يا ترى فكرانى ... انا كنت بتابع تدوين من بعيد ... بعد ما قفلت مدونتى من فترة ... وراجع تانى بمدونى هسهس ...هههه
المهم :
تعليقاً على بوست حضرتك وخصوصاً :
اتمني ان مايكنش المجلس العسكري بهدوئه وعدم اسراعه .........
الرابط التالى لبوست صديق ...هههه
http://hesshesss.blogspot.com/2011/03/blog-post_05.html
تحياتى
السلام عليكم
كلام جميل ..
اما بخصوص الشرطة فالحل موجود تسريح كل من ثبت تورطه في اهدار حقوق الناس وهم كثر وهناك الكثير من الشباب زي الفل يمكن تعيننه وتدريبه لمدة من ثلاث الى ستة اشهر على العمل الشرطي بس يتعلموا يعني ايه انسان ..
*واحد من العمال
مبروك علينا كلنا
وعجبني تحليلك لغياب الشرطه
وياتري المصنع عندكم عمل اي وقفات فئويه ولا عدت بسلام
ان شاء الله بكره هيبقا احلي
* محمود(باحث عن حب)
ربنا يسعد قلبك يامحمود
وتفضل فرحان كده علي طول
وربنا مايجيب خوف تاني لأي مصري
واخر معاقل الظلم وقعت
كان نفسي تشوف مقر امن الدولة وهو بيقع النهارده
* صوت من مصر
ضحكتني طيب كنت فكرنا ندور لك عليه
:)))))
ان شاء الله اتصل بيك الصبح
فاتتك قعدت كوستا النهارده
:))
* elsha3er
وعليكم السلام
بجد برافوا عليك
هو ده النشاط ولا بلاش
وفعلا احسن حاجه كل واحد يعمل اكونت للمدونة
* مصري جدا
وخصوصا لما تكون الشمسيه اكبر من التوكتوك
لا بس عجبني اكتر الخطبه اللي كانت من فوق السطوح
:))))
فينك ياسادات ولا احمد رجب ومصطفي حسين لما كانوا مروقينه
* م/محمود فوزى
ابشرك ان امن الدولة بعد واقعة م نصر النهارده كده خلاص
وعايز وقت قبل ما يتجمع تاني
النهارده هربوا من اماكن خفيه وسابوا عربياتهم جوه المقر
* Foxology
كلامك منطقي جدا
بس الحمل تقيل اوي علي وزير الداخليه الجديد
شرطه مهلهله وامن دولة محطم وامن مركزي حدث ولا حرج
الوزير الجديد عايز اعصاب من حديد
* الازهرى
هي اخرتها تنضم للقذافي
ده بدل ماتاخد بندجه وتروح اتطوخه
:))
حاول تعمل فيس علشان الجروب
وامرك لله
اهو ارحم من القذافي
*جيجي
ربنا استجاب لدعاكي ودعاء مظاليم كتير
والحمد لله امن الدولة النهارده اتسلم للمصريين
*ENG./ELSAYED,PMP
اهلا بيك حمد الله علي السلامة
طبعا فكراك
انت ليه قفلت مدونتك خير ان شاء الله
والوقت اللي احنا فيه ده ماينفعش فيه الهسهس خالص
مصر بتجدد البيت بتهد حيطان وبتبني حيطان وبتغير الشبابيك وبتركب سيراميك
وانوار بتجدد الديكور من مزيف لواقعي
* جنّي
ماهو ده الحل اللي عمالين ننادي بيه
ومافيش سمع
وكأن المقصود يكون في فراغ امني
يعني الشرطه بتعاقب الشعب
شفتى مش باقول لك المشكله الاهم الملفات والادله ضدهم
وده اللى مخليهم يحرقوها
زي ما قلت فى مقالى (الضربه القاضيه) لازم ولابد الناس دي يتم التعامل معاهم بحسم رهيب وبسرعه
ويتحاكموا
طبعا اللى حصل كويس
واعتقد فعلا من الصعب اعاده مره تانيه
لكن الاهم التخلص من سمومهم ومحاكمتهم
وجودهم بره كده خطر
ده غير دم المظلومين مش ببلاش
ربنا يصلح الاحوال
ربنا يكرمك ويوفقك
* م/محمود فوزى
ماهو ده اللي ضايقني جدا
ليه مااتعملوش بحزم وتم التحفظ علي امن الدولة واللي فيه
وليه الجيش ساب الناس تدخل
وليه الجيش ماعملش بيان يقول انه تحفظ علي امن الدولة بدل المظاهرات دي
مش فاهمه حاجه
إرسال تعليق