الثلاثاء، 8 مارس 2011

حكومة مايطلبه الشعب

*بنقول مبروك للحكومة الجديدة اللي برضوا فيها ناس قديمة (يمكن فسوخة)
واول حكومة بناء علي طلب الجماهير
ياريت نهدي بقا ونتعاون معاها علشان نقدر نعدي بمصر لبر الامان
وياريت كل وزير يغير ويحول للتحقيق وكلاء الوزارة الفاسدين مش نغير وزرا ونبقي علي وكلاء الشر
وربنا يكون في عون وزير الداخليه وخصوصا في وسط اللعب اللي بيحصل في الشارع المصري
زي مهاجمة بصات المدارس ومش اي بصات دول بينقوا البصات الغاليه مخصوص
بالمناسبه ياريت المحافظين بالشلة اللي حواليهم يستقيلوا ويريحونا
--------------
*هو ياتري ياهل تري الباشمهندسين بتوع جامعة الدول العربيه ظروفهم ايه بالنسبه للي بيحصل في الشعب الليبي همه مستنين لما المجنون يخلص عليهم ويدخلوا زي البوليس في الافلام المصريه ولا ايه
ده حتي علي غير العادة لم يشجبوا وينددوا ويستنكروا حتي
حتي دي حرمونا منها ربنا مايقطع لهم عادة
والاخ سيف القذافي واخوته لما بيهلوا علينا كده في وسائل الاعلام يتكلموا ويدلوا بتصريحات واوامر وتحذيرات زي مايكونوا رئيس ليبيا ايه وضعهم ولا ليبيا دي تكيه وهمه وابوهم بيديروها
-------------
*الاخت مني الشازلي ماكانتش قد اللقاء بأول اخواني يتكلم مع الناس وبصراحه للتعرف علي فكر الجماعة وكالعادة تهتهت وغمضت عينيها وفتحتها كان ناقص تقول ماما وبابا
وطبعا كنا ننتظر حوار اعمق من كده مش نظام تحب تاكل ايه؟
الشعب كان عايز يطمن ويعرف الناس اللي فضلوا محظورين ودفعوا من رجالهم الكتير علشان يعارضوا الحكام
ناويين علي ايه
توقعت حوار قوي من جانب واحد وحصل
الغرور قتل مني الشازلي وده بداية السقوط
----------------
*الاخوة بتوع الطلبات الفئويه ياريت تهدوا ومش لازم مظاهرات ولا اعتصامات ماتعملوا ده في داخل المكان ماانتوا عارفين الاجراء اللي تخدوه ماتقدموا شكوي ارفعوا قضايا لكن شكلنا كده مش حلو
واللي اعرفه ان اذناب الحزب الوطني المنتشرين هنا وهناك همه اللي بيقوموا الناس وبيفهموهم ان ماعملتوش كده مش هتخدوا حاجه وهتتنسي طلبات
-------------------
*ومش هنسي برضوا مخاوفي عن موضوع امن ادولة ياريت نعرف ايه السبب ان الجيش يدخل الناس مكان المفروض انهم محتلينه ويدخلوا ويصوروا ويلعبوا في الورق وياخدوه ونرجع ننادي اللي معاه ورقة يرجعها
----------------
*ياريت اللي بيشوه في كل رموز مصر يهمد بقا شويه مش معقول عمالين تشوهوا رمز ورا رمز البردعي وحش وعميل وعمرو موسي قام فط يسلم علي عز ومش عارف مين عمل ايه
عيب اوي ولا المطلوب مايكنش عندنا رموز قوية ولا ايه
-----------------
*هو قالها كلمة لو مشيت هتحصل فوضي ولما اتكبس وماحصلش اعوانه عملوا لنا فوضي تليق علي زوق الشعب المصري
وتلهينا عن باقي الحاجات

هناك 38 تعليقًا:

إيمان هلال يقول...

عندك حق على فكره فى كل كلمه

تخاريف مترجــِــمة يقول...

والله يا شمس مش عارفه هي البلد دلوقتي على فين رايحه

كل حد عنده رفض لشئ معين بيوقف البلد كلها له لحد ما تنهي له مشكلته وكاننا ف باص

انا خايفه جدا على البلد


ربنا يوفقنا والناس تتعاون بجدية

شكرا حبيبتي

أ / أحمد عبد المنعم يقول...

بسم الله الرحمن الرحيم

الأخت الفاضلة : شمس النهار

تسلمـــــــى

ويسلم وعيك

سواح في ملك اللــــــــــــــــــه- يقول...

كلامك رائع وعميق

انا عندي امل كبير في الحكومة الجديدة
برياسة عصام شرف

شريف صابر يقول...

هو فعلا الناس لازم تهدى بس اعتقد ان اللى مش هيهدى هم بقايا رموزالنظام الفاسد اللى عايزين يقنعونا ان الفوضى حدثت لم انظام مشى
ويبوزوا فرحتنا بالانتصار على الفاسدين امثالهم
تحياتى ليكى وربنا يسترها على البلد

كلمات من نور يقول...

كلام مختصر مفيد وياريت الكل يقراه بوعي وينشره ....لا فض فوكي يا شموسة النهار المشرقه

elsha3er يقول...

طيب مبدئيا السلام عليكم
انا حعلق على نقطتين بس
اولهم موضوع امن الدولة معرفش لية شايف ان اللى يزيد عن حده يتقلب ضده الناس برده مزوداها مع الجيش حبتين خصوصا اللى حصل فى لاظوغلى لا الناس يتهدا ولا الجيش حيستحمل كدة ولازم يبقى فيه ثقة فى الجيش شوية لان الناس مش عاطية الجيش ثقة خالص

ثانيا موضوع الاخوان واللقاء بتاع العاشرة مساءا انا مش حعلق على فنيات او اليات اللقاء على قد ما حعلق على كلام حضرتك انك عايزة تعرفى الجماعة حتعمل اية بعد 25 يناير انا عايز أسأل الاول هو حضرتك من الاخوان ولا أية لان دة حيحدد حاجات كتير انا مستنى رد حضرتك وحعلق بعد كدة على الجزئية دى

سجل .. أنا مصرية يقول...

اتفاااااااق

ما عدى نقطة عمرو موسى دى لان عمرو موسى ليس رمزا بالأساس حتى نحافظ عليه

Unknown يقول...

عندك حق في كل حرف مش كلمه أنا كل ما أروح أعمل أي مشوار ألاقي الناس مبتشتغلش و عاملين فيها معتصمين بجد اتخنقت
و النت كله تجريح لكل الرموز و اللي مش رموز بشكل مستفز الناس بقت وحشه أوي
أشكرك على الكلام اللي لخص حالنا اليومين دول و بتمنى اللي جي يبقى أفضل
تحياتي الخالصه لكي

mrmr يقول...

يارب نهدى بقى
وكل واحد يعرف ان عليه واجبات ذى ما ليه حقوق
تسلمى يا شموسه
وربنا الهادى

واحد من الناس يقول...

أنا أكتر حاجه غايظاني

بتوع المطالب الفئويه

افتكر الأفندي دلوقتي إن ليه حق وإن مرتبه لازم يزيد

طب مهو بقاله 30 سنه قاعد ، وكان عنده استعداد يقعد 30 سنه تانيين لولا الثوره قامت


بيفكروني بحنفي "قلت أزاحم يمكن أخدلي صابونه"

أنا من رأيي إن المسايسه متنفعش مع الأشكال دي

يا جماعه اللي مش عاجبه مرتبه يسيب شغله لغيره ، فيه ميت ألف واحد مستنيين شغلانه

لازم يبقى فيه موقف حاسم والا البلد هتخرب (أنا شايف إنها لسه بخير ومخربتش والله بس نلحقها)


بوستك جميل كالعاده

سلمت :)

شمس النهار يقول...

*اعقل مجنونه

شكرا ليكي
بس انا زعلانه بجد
ربنا يستر

شمس النهار يقول...

* تخاريف مترجــِــمة

ان شاء رايحه علي خير
بس هناخد وقت علي مانطهرها من الخفافيش والبوم والتعابين

وعندي امل

شمس النهار يقول...

* أ / أحمد عبد المنعم

اهلا بيك يااحمد حمد الله علي السلامة

وشكرا علي تعليقك

ربنا يكرمك

شمس النهار يقول...

* سواح في ملك الله

شكرا ليك

الامل في الله كبير
والحكومة الجديدة مش هينفع تسقف لوحدها لازم كلنا نقف جنبهم
ونرجع مصر احلي مما كانت

شمس النهار يقول...

*شريف صابر

صح ياشريف
بس لازم يكون عندنا وعي ونكون قد اللي حصل لنا
ونشكر ربنا عليه بالحفاظ عليه

شمس النهار يقول...

* كلمات من نور

اهلا بيكي ياست الكل

ان شاء الله ودايما عندي امل في الله كبيييير

وياريت كل واحد فينا يحاول يأثر في اللي حواليه

شمس النهار يقول...

* elsha3er

وعليكم السلام ورحمة الله وبركاته

الناس مش عاطيه الجيش ثقة علشان هي الثورات كده ده طبيعي
بس المفروض ان الجيش قدم اكبر دليل علي ولاءه لمصر وشعب مصر
واطلب من الجيش بيان يوضح فيه اللي حصل في فتح مقار امن الدولة للشعب
وخصوصا ان الجيش اللي فتحها للناس مش حد تاني

اما انا من الاخوان ولا لأ
ده شرف لاادعيه ولا تهمه انكرها
انا اتربيت مع اسرة من الاخوان وهم في مقام اهلي تماما

واري ان اللقاء كان فرصة الناس تعرف الاخوان عن قرب وتعرف انهم ناس متفتحين ومعتدلين
وانهم ضحوا بالكثير وانتهكواعلشان يقاوموا هذه النظام الفاسد

شمس النهار يقول...

* سجل .. أنا مصرى

ليه بتعتبر عمرو موسي مش رمز

مش هو ده اللي امريكا امرت عميلها مبارك ان يشيله علشان واقف لهم زي العضمه في الزور
مش ده اللي اسرائيل تنفست الصعداء لما اتشال من الوزارة

بلاش نقلل من رموز مصر وشخصياتها العامة حتي لو اختلفنا معاهم

وبلاش نخون بعض علشان كلنا بنحب مصر
والخائن معروف اللي مص دم الشعب

شمس النهار يقول...

* شيرين سامي

وكله كوم ياشيرين وبتوع مصطفي محمود كوم
يعني افتكروا دلوقتي يعتصموا ويتظاهروا

وهمه كده مش معطلين الدنيا ده انا علشان اوصل مطلع الكوبري وانا جايه من اشارة شارع شهاب اوصل سفينكس
اخدت ساعه الا ربع

ان شاء الله ربنا هيلهم المصريين الصواب
وعندي دايما امل

شمس النهار يقول...

* mrmr

لا يامرمر اللي ملاحظاه اليومين دول ان الناس افتكرت حقوقها بس
وماافتكرتش اللي عليها

ماحدش بيفكر ان الكل في واحد

شمس النهار يقول...

* واحد من الناس

المشكلة ان اللي بيعملوا كده همه نفسهم اللي هجموا الثورة

واللي مانزلوش
واللي استنوا لما يشوفوا هيجري ايه
ولو الثورة كسبت يبقوا معاها
ولو خسرت يبقا اسمهم مااشتركوش

ان شاء الله مصر ترجع احلي من الاول

الازهرى يقول...

http://www.youtube.com/watch?v=BdM7Dlfg5QA

Khld Y07 يقول...

الأمر لم ينته بعد
طول ما لسه فيه فلول من النظام البائد وخصوصا المتورطين والمنتفعين اللي بيحاولوا يدمروا الثورة

بس الأكيد إن البلد اتغيرت
والأكيد برضه إن فيه كوادر شبابية متميزة تفرض نفسها الآن وبقوة
بل يكفي أن روح الأمل والتغيير رجعت لشبابنا من تاني
واللي جاي أحلى بإذن الله
تحياتي

ذو النون المصري يقول...

اسوا شيء يحدث الان في مصر هو ما يحدث الان في اطفيح بحلوان ...كنت اعتقد انا و كثيرين غيري ان الحوادث الطائفيه مصدرها فقط الحكومه لانها تستفيد منها لكن يبدو انها في صلب تكوين الشعب و للاسف يبدو اننا في اعظم لحظات تجلي الوحدة الوطنية لم نتخلص من تعصباتنا...يجب ان تكون ثورتنا ثورة ثقافية حتي نستطيع التخلص من كل اثار التجهيل المتعمد للشعب علي مدار عقود طويلة من الزمن

elsha3er يقول...

السلام عليكم
انا ليا استفسار غريب هو حضرتك زعلانة منى ولا أية عملت شئ ضايق حضرتك أصلى مش لاقى حضرتك بتشتركى حتى لو بشكل بسيط معانا فى الجروب هو فى حاجة حضرتك مش عجباكى عشان دة شئ يهمنى طبعا

اما لو المسألة وقت وكدة فا يبقى مافيش مشكلة وربنا يعينك

شمس النهار يقول...

* الازهرى


حااااااااااااضر يافندم

شمس النهار يقول...

* Khld Hasan

دايما عندي امل في الله

وربنا بيقف مع الحق

والخفافيش مش هتقدر تعيش في النور
ومصر نورت اوي

HighOnLife يقول...

Amr Musa kissed up to Mubarak. He is going to sell Egyptian gas to Israel.
He is not a technocrat. seems like an old fashioned guy. Please tell me what his achievemnets are.

As for the mataleb fe2awaya, mesh wa2taha khaless. Very bad timing.
We need to start working hard quietly and stay careful to not fall for the fetna from elthawra el modadah.
Thnx for presenting and commenting 3ala alahdath. :) I love ur style.

شمس النهار يقول...

* ذو النون المصري

الموضوع هياخد وقت شويه علي ماالناس اللي مش متعلمه واللي لسه يحكمها الجهل والتار

وطبعا امن الدولة دكتوراه في الفتنة الطائفية
ربنا يستر

sony2000 يقول...

اخر كلمه عندك حق فيها بلقوي
ومش هقول غير الكلمه اياها:
يعععععع
بجد اتخنقت

هي مش بلدهم ولا مش بلدهم؟؟

وانعمه بقيت اضرب خمس في اسداس
هترق بينا لو ماحطناش ايدنا فايد بعض

وساعدنا بلدنا علشان تمشي
قلها المسلماني

نقدر نقوم بلدنا
فخلال 12 يوم
12 يوووووم بس

وهنشوف بقا التحرك القادم

شمس النهار يقول...

*elsha3er

ليه اعتقدت اني زعلانة
بالعكس موضوع الجروب ده انا سعيدة بيه جدا

بس الوقت ضيق نفسي اليوم يبقا 48 ساعة

وكل مابيسمح الوقت بدخل الجروب وبشترك

ياريت نقدر نعمل ادمن من المدونين المعروف عنهم النشاط

وربنا يوفقنا ويكرمك

مامة مازن يقول...

السلام عليكم اختنا وامنا العزيزة شمس
كيف حالك متابعة مدونتك ومجهود واضح جدا فيها ربنا معاكى
نبؤة الفوضى فى ناس فعلا بيحاولوا يحققوهاله وقد كان والكلام ده قولته فى تدوينة لى بالامس وبالليل عرفت بيان الحكومة فرحت الحسم والحزم لابد منهم فى الظروف دى
والصبح عرفت ان الحزب اللى كان حاكم فى تونس تقريبا حزب التجمع الدستورى باين حاجة كده المهم اتحل بقرار محكمة يعنى الشعب كسب القضية عقبانا يارب ونكسب قضيتنا الكبيرة مصر

غير معرف يقول...

اللهم سدد خطا حكومة شرف

شمس النهار يقول...

* Mer
بغض النظر عن اللي قلتيه

الشخصيات العامة الرياسيه

الشخصية التاريخيه يؤرخ لها بمالها وماعليها
عملت ايه صح وعملت ايه غلط
ومهما كان سواء اختلفنا او اتفقنا
مع عمرو موسي فهو شخصيه مصريه تستحق الاحترام
مش مجرد ان نختلف مع الرجل نجرح فيه
ولو عايز يرشح نفسه اهلا وسهلا
والفيصل صندوق الانتخابات
وماينفعش نصادر فكر بعض واراء بعض

وبالنسبة للفتنه لو ماانتبهناش مصر هتتخرب علي رؤوس الجميع
ومااعتقدش ان الثورة قامت للخراب

شكرا علي تعليقك الثري
واهلا بيكي دايما

شمس النهار يقول...

* sony2000

بالرغم من اني حزينة
الا اني عندي كم كبير من التفاؤل

ان شاء الله هصر هتبقا
رغم انف الخفافيش

شمس النهار يقول...

* مامة مازن

وعليكم السلام ورحمة الله وبركاته
اهلا اهلا بالحبايب الغايبين
حمد الله علي السلامة

اشكرك علي كلامك

ودايما تونس جايبه جون مبكر
مبروك عليهم وعقبال الحزب الوطني البلطجي الفاشل

شمس النهار يقول...

* يوميات شحات

ان شاء الله تبقا حكومة اسم علي مسمي
شرف