الأربعاء، 9 مارس 2011

الوطن وحرف الميم +تحديث+تحديث هاااااااااام عن الوراق

تحديث:
للي يقدر يساعد الوحدة الصحية بالوراق كان الناس هتحرقها النهاردة من كتر الغضب بسبب طفل وقع في بيارة دماغه اتفتحت وجاله ارتجاج في المخ وطبعا الوحدة الصحية مافيهاش اي استعدادات طوارئ ولا اي اسعافات ولا اجهزة

الناس جريوا بيه بين الحياة والموت لمعهد ناصر والله اعلم حصا له ايه دلوقتي
المشهد بيتكرر كتير هناك ويااتلحق المريض يامتلحقش صحيح الاعمار بيد الله بس مانرمنيش نفسنا في التهلكه ونغمض عينينا عن الغلط
الناس علشان تهدا قلنا لهم ادونا وقت وهنقدر نعمل حاجه
اللي يقدر يتصل برجل اعمال شريف او جمعية تشارك في تجهيز الوحدة يبقا كتر خيره وهمه مش عايزين فلوس عايزين اجهزة ودكاترة متطوعين
واللي هيقدر يعمل حاجه يتصل بي
==========
بدور في التليفزيون علي قناة اوتي في خبطت في تامر امين سولت لي نفسي اشوف البروفسير تامر بيقول ايه وياهول ماقال بالحرف الواحد

الحزب الوطني مايهمناش ولابنخاف من الحزب الوطني
كفايه عليه ३० سنه
ده انا رغم الغم ضحكت ضحك
ولا حول ولا قوة الابالله العلي العظيم
-----------
ياريت ونتمني ان سيادة المشير ورئيس الوزراء يعملوا زي فرنسا ونعترف بالمجلس الوطني الانتقالي لأحرار ليبيا
علي الاقل احنا هنعملها محبه واخوه وهنقف جنب اخوتنا في ليبيا
لكن فرنسا عملتها منظرة قال ايه حامي حما الحرية
وهي اصلا عينها علي مليارات الاستثمار الليبي واللي اغلبها بيروح ايطاليا
فاياريت في مظاهرات بكره نهتف بالطلب ده
----------------
حزينة وزعلانه
وهموت من الغم
هو الشهداء سقطوا والجرحي اللي فقدوا نور عينيهم او اصيبوا بعاها اخري
علشان في النهايه برضوا نقطع في بعض
علشان برضوا البلد تبقا ولعة
هوينفع كده شوية مرتزقه من بتوع امن الدولة فقدوا ضمائرهم يولعوا الدنيا كده

وهو في احلي واجمد من الفتنة الطائفيه تولع الدنيا وتشعللها

حدش جاب سيرة ان مظاهرات مسبيرو كان فيها مسلمين

حدش صور الصلبان اللي كانت مرفوعه ان كان معاها هلال

طبعا ده شئ ماريحش خفافيش الظلام

وازاي بقا في سابقه الاولي من نوعها رئيس الوزراء يخرج للناس (اقباط ومسلمين)ويكلمهم ويطمنهم

وازاي الناس تهتف اننا مصريين والجيش والشعب ايد واحده

فينك يامصري ياحدق يامدردح ياللي بتفهمها وهي طايرة
ليه تسيبهم يلعبوا بدماغك
ده ثورتنا علي مر التاريخ اقل الثورات خسائر ده ثورتنا الوحيدة اللي كانت الدنيا جميلة وبرضوا في ثورة
يعني الثورة لها مكان لتجمع الثوار وباقي البلد عاااااادي
ثورتنا اللي اظهرت المعدن الطيب للمصريين
ماصدقنا ان رجع لنا هويتنا الصح
وانتوا يابتوع امن الدولة اطالب بسحب الجنسيه المصرية من الفاسدين منكم من هددوا امن البلد بكل الاشكال
ويقام عليكم حد الحرابه
وانتوا يابلطجيه وياباكين علي العهد الماضي
معقول بعد ماثبت كل هذا الفساد وطلع مبارك حرامي هو وعيلته وحاشيته بعد ده كله لسه بتصدقوا العصابه دي وتثقوا فيهم وتنفذوا كل اللي يطلبوه منكم مش الفلوس اللي باقيه الانضمام للشعب وارادته هو ده اللي باقي
احب اقولكم ان الحق ان شاء الله هيغلب الحقوا نفسكم وارجعوا واطالب لكم اعادة تاهيل نفسي علشان ترجوا مصريين شرفاء طيبين تاني
وياريت يامصريين تتحدوا

وياريت نرجع للعقل والمنطق
ومش هقول غير لك الله يامصر

وبهني االشعب التونسي علي حكم المحكمه بحل الحزب المشبوه
وعقبال عندنا ان شاء الله لما نحل الحزب المشبوه تبعنا
-------------
ملحوظة:واشنطن واللي يشدد لها تركن علي جنب مالكوووووش دعوة نقبض علي الجناة مانقبضش علي الجناة نولع في الجناة نولع في بعض مالكووووووووش دعوة احنا اخوات في قلب بعض ماتدخلوش بينا
احسن لكم ورحوا اتشطروا علي نفسكم وانتوا طلعتوا نايمين علي ودنكم
يابتوع العصايا من النص

هناك 30 تعليقًا:

أنا - الريس يقول...

مصر للمصريين .
والجيش والشعب إيد واحدة
ومسلم ومسيحي إيد واحدة
وامن الدولة والبطلجية إيد واحدة
مسلم يصلي تحرير مسيحي يحميه باللإيد الواحدة
ومسيحي يصلي تحرير مسلم يحميه بالإيد الواحدة

تخاريف مترجــِــمة يقول...

يارب نهدي

بجد حرام

اقل حاجة نخليها طائفية ونولعها

نفسي دم الناس دي ميروحش هدر

!!

يارب سلم

تسلمي حبيبتي

دعاء العطار يقول...

فعلاً معاكى حق حاجه تنرفز اووووووى لما نوصل للنجاح اللى وصلناله ده وفجأأأأأأأأأه ... تحسى ان نجاحك بيتسرق منك وقدام عينيكى

بس ان شاء الله مصر اللى عملت ثوره لا يمكن تخيلهااااا .. هتقف فى وش اى حاقد وفاسد وجباااان

لانهم فعلا جبناااااء

وربنا زى مابارك الثوره ووفقنا للى وصلناله ده اكيد مش هيتخلى عن مصر

" ويمكرون ويمكر الله والله خير الماكرين "

داامت مصرنا بكلللل خير وسلام ان شاء الله

(:

سواح في ملك اللــــــــــــــــــه- يقول...

تامر امين
فقدمصداقيته
وبقي مصدراشمئزاز واستفزاز
امابقي قصةالفتنة دي
فخطورتها قائمة طول مافي عقول بيتلعب بيها ومستسلمة لاي دخيل يثير المشاعر
والغباء المستشري في التمييز الديني
لازم الفكر يتغير

Unknown يقول...

الحتة بتاعة الأخ الأمين تامر ورمضان خيري وغيرهم ينطبق عليها قول الشاعر

وكم ذا بمصر من المضحكات
ولكنه ضحك كالبكا

تحياتي (:

كلمات من نور يقول...

ياعيني يا شموسه خبطة موجعه اله يعينك يا قمر

ربنا يجمعنا مصريين على خير وحب ويبعد عنا الأشرار والشر

Dr Ibrahim يقول...

يجب أن يكون هناك محاكمة عاجلة وسريعة لفلول النظام السابق لأنهم يحاولون بث الفتن وإثارة الشغب إلخ فمن مصلحتهم ألا يكون هناك استقرار..
والله الموفق

♥نبع الغرام♥♪≈ يقول...

والله حراااااااااااااام


اللى بيحصل للشعب الغلبان

المصرين ولا مصر تستحق كده

حسبى الله ونعمه الوكيل
ربنا منتقم جبار

SHAPE YOUR LIFE (ABOALI) يقول...

جميل الموضوع ده اووووووووى
كلنا محتاجين نقف انتباه نعيد فيها الايجابية لكل انسان مننا
وانه عليه دور حاليا فى اعلاء كلمة وطنه وتغليب مصلحته العامة على الشخصية
ونحاول نساعد بعض ونهدى امور الخلاف
لان كل شيىء بالتفكير ليه حلول
وكمان نحاول نمرر الفرصة على غربان الليل اللى نفسهم تبقى سبهلله
ونعيش فى فساد دايم

ان شاء الله كلنا فى رباط داخل الوطن كما قال الرسول صلى الله عليه وسلم


ربنا يهدى الكل
وجميييييييييييييل ا وووووووووى صوت الايجابية

لك كل التحية العطرة

شمس النهار يقول...

* MR.PRESIDENT

ياريت الكلام ده ياريس يتطبق علي الواقع
مايبقاش مجرد كلام

شمس النهار يقول...

* تخاريف مترجــِــمة

هو ده اللي عاملي حالة الغم اللي انا فيها
ان الشباب يموت ويتصاب

وفي الاخر نضرب في بعض علشان قلة سودة

شمس النهار يقول...

* دعاء العطار

لازم نتمسك بثورتنا والانجاز الكبير اللي وصلناله برحيل مبارك

وربنا مش هيسمح لهم يسرقوا مننا انجازنا ابدا

وربنا بيدافع عن الذين امنوا

وعندي امل في الله

شمس النهار يقول...

*سواح في ملك الله

نفسي اعرف ليه هو بيظهر اصلا ياريت نعمل استفتاء عليه
:))

طول مااحنا بنقول اللي مابنعملوش
ولسه في رواسب
يبقا كلمة تودينا وكلمة تجيبنا

شمس النهار يقول...

* حاتم عبدالفتاح

صح
مصر فيها كل حاجه وعكسها

شمس النهار يقول...

* كلمات من نور

ايوة صح هي فعلا خبطه موجعه لمصر كلها

عايزين نفوق لباقي المواضيع
واللي هي المهمه زي الدستور اللي هنعيش عليه باقي عمرنا
ومستقبل مصر

دايما منوراني ياجميلة

شمس النهار يقول...

* ♥نبع الغرام♥♪≈

معلش اصلهم عندهم امل انهم يرجعوا

وده عشم ابليس في الجنة

وربنا هينصرنا عليهم

شمس النهار يقول...

* SHAPE YOUR LIFE (ABOALI)

اهلا بيك

ياتري ليه لم تشترك في الجروب بتاع المدونين علي الفيس

ياريت تشترك علشان كمان هنعمل حملة توعيه
وجريدة الكترونيه

واشكرك علي تعليقك اللي دايما بيضيف للبوست

شمس النهار يقول...

***Dr Ibrahim

معلش مش بالترتيب البلوجر مهنج خالص معايا

كلامك صح وبنكتبه وبنادي بيه وبنقوله

لازم الناس تحس بالقصاص
ولازم الناس دي يتقبض عليها
مش تتساب كده تمارس هوايتها في الخراب

أفلح اليعربي يقول...

سيدتي الكريمة شمس النهار

تحية طيبة

نقاط كثيرة هي التي سردتيها

بإذن الله أخوانا في مصر يرجعوا لهدوئهم على الأقل يعطوا الحكومة فرصة ، رئيس الوزراء شخص محترم ووبإذن الله راح تصير مصر أجمل مما يتمناه أهلها وكل العرب .

وحدة وازدهار وأمان

ومادام شبابها واعي ففي قلوبنا أمل كبير أن هذا قريبا سيصبح حقيقة .


أما واشنطن ياليت تنشغل بالبطالة والفقر اللي عندها والمافيات وبلاش شغلة البلد الملائكي داه أصلنا زهقنا من تمثيليتهم ، اللي عامله زي الأفلام المدبلجة .

لك تقديري

سجل .. أنا مصرية يقول...

بالنسبة لموضوع المسلمين والمسحيين
ان شاء الله الموضوع ينتهى على خير
بس نفهم حاجتين :
الأولى إن احنا محتاجين نخلص على أمن الدولة ده خالص _ وخالص يعنى خالص _ علشان ميقعدش يعملنا مصيبة كل شوية

الثانية إن موضوع المصالحة والكلام ده كله حلو بس الموضوع مينتهيش على كده يعنى لازم اللى قتل يتحاكم ولازم اللى هدم فى الكنيسة واللى عمل أى حاجة ولعت الموضوع ده يتحاكم

إنسان || Human يقول...

والله ياريت الناس كلها تفهم الكلام ده كويس ...وبعدين حضرتك بتقنعي مين ... البلطجية دي بتفكر بطريقة مختلفة ... بيفكروا بمنطق اللا منطق ... وعلى فكرة في بلطجية العقل والتفكير ,... واللي متشدديين برضه بتفكيرهم , واعتقد ان دول اخطر كتييير قوي من البلطجية التانيين

dalia يقول...

ومع ذلك أنا متفائلة يا شمس النهار، عارفه ليه علشان ربنا مش هيضيع تعب ناس تعبت وغيرت من نفسها صدقيني، عندك حق امن الدولة لسه شغال وربنا يورينا فيهم يوم
مع تحياتي

شمس النهار يقول...

*أفلح اليعربي

ياريت فعلا نهدء علشان الوزارة تعرف تشتغل صح

وان شاء الله كله هيتصلح

بالنسبه لواشنطن همه مش مبسوطين اصلا من اللي حصل كان صدمة ليهم
ماكانوش مصدقين

وزعلانين علشان كانوا مطمنين للناس اللي بتحكمنا
لاحظ في بداية الثورة قالوا ان مبارك قوي وقادر علي تسيير الامور

مسكوا العصايا من النص
همه بلا مبادء اصلا

ننتظرك للمشاركة في الجروب

شمس النهار يقول...

* سجل .. أنا مصرية

اثق في وزير الداخلية الجديد
وخصوصا القرارات الاخيرة اللي اتخذها
كفايه ان قبض علي اغلب القيادات اللي تسببت في قتل الابرياء

اما الفتنه الحمد لله شعب مصر اثبت اليوم ان الثورة رجعت له حبه لشريك الوطن

شمس النهار يقول...

* u-man
مش بكلم البلطجيه بكلم المسؤلين في البلد يلموا البلطجيه ويعيدوا تأهلهم للأنخراط تاني في المجتمع

والا هتحصل مصيبه بجد

شمس النهار يقول...

**داليا

انا كمان متفائله برغم كل اللي بيحصل

وعندي امل في الله
ربنا لايضيع اجر من احسن عملا

وان شاء الله مصر هتبقا احلي

فشكووول يقول...

السلام عليكم ياحاجه
تحياتى
مش عارف تامر بسيونى دا طالع لنا فى البخت ولاايه
زمان ومن حوالى شهرين تلاقيه عمال يقول قصايد شعر فى مبارك وجمال والجماعه النصابين والنهابين كلهم
النهارده الراجل حط وش غير الوش وعمال يشكر ويقول على الثوره ورجال الثوره .. يا راجل اختشى شويه وحط فى عينك شوية ملح ... طبعا عشان انت جيت بالواسطه والكوسه وانت ابن امين بسيونى رئيس مجلس اتحاد الاذاعه والتليفزيون زمان ولو ما كانش ابوك كدا ما كناش اتوكسنا بوش حضرتك
تحياتى

لــــ زهــــــراء ــــولا يقول...

فينك يامصري ياحدق يامدردح ياللي بتفهمها وهي طايرة
ليه تسيبهم يلعبوا بدماغك

" تقولي لمين ومين يسمع !!!"
لولا

شمس النهار يقول...

* فشكووول
اهلا بحضرتك وحمد الله علي السلامة

هو تامر امين بس
كل الوجوه المفروضة علينا

ربنا يفوت الايام دي علي خير

شمس النهار يقول...

* لـــولا وزهـــراء

هفضل ازن واقول للشعب المصري

بالرغم اننا عارفين ان في ثورة مضادة وان في فيران بتلعب
برضوا سايبين نفسنا

ليييييييييه مش عارفة