السبت، 19 مارس 2011

الشعب يريد الاستفتاء:))

يارب انصر اخونا في ليبيا وسوريا واليمن والبحرين علي السفاحين
يارب انصرهم مش مصدقة ايه الرخامة دي ماتمشوا هو الحكم بالعافية يخربيت كده

فرحااااااااااااااااااااااااااانه
بغض النظر عن مين قال (لا) او مين قال(نعم)
من سنة 77 من يوم ماعملت بطاقة انتخابيه الي الان لم اري هذا الجمال والوعي
اول مره اروح انتخابات من غير ماالاقي بلطجيه وخناقات وشرطة جوه اللجان
دائرة الكابتن زكريا عزمي
اول مره انتخب جنب بيتي مااهاجرش علشان انتخب
اول مرة الاقي كل الاعداد دي من ناس فاهمه وواعيه
كل اللي واقفين اول مرة ينزلوا انتخابات
عارفين طبعا ان الشعب المصري بيكره الطوابير وبينه وبينها تاااااااااااار بايت من سنين مش عارف ياخده
النهارده خلااااااااااااص
عايزة اقول ان الطوابير سواء رجال او نساء ليس لها اخر ومع هذا الناس واقفه مبسوطه وبيتكلموا مع بعض وبيتناقشوا
اخدنا ساعة وربع ومازعلاناش
واول مرة في مصر يكون في حساب لكبار السن والحوامل
مبرووووووووووووووك يامصر مبروك مبروك ان شعبك اتحرك اخيرااااااااااااااااا
وفي كلمة وقفه في زوري بقا عايزة اقولها كل اللي قال نعم علشان خايف من حاجه او بيدور علي الاستقرار
ابقا تعالي قابلني
وعايزة اقول سواء النتيجه بلا او نعم هنقف جنب بعض ونقاتل علشان نحقق برضوا دستور جديد
يجيبوا زيد يجيبوا عبيد برضوا لازم دستور جديد ومجلس شعب وشوري يمثل كل الامة مش اتجاهين تلاته بس
ولو النتيجه نعم مش عايزة اسمع كلمة ماكفايه بقا لا مش كفايه
مصر تستاهل كل جديد ومافيش حاجه اسمها كفايه
الثورة ثورة علي كله مش حته منه

هناك 30 تعليقًا:

Mervat Elgamal يقول...

سواء النتيجه بلا او نعم هنقف جنب بعض ونقاتل علشان نحقق برضوا دستور جديد

Haytham Alsayes يقول...

كلامك تمام ومتفق معاه جدا
وعن نفسي رحت وقلت لا

تحياتي

غير معرف يقول...

أنتي قلتي اللي عمال أفكر في كلمات علشان أقوله

ايوه يا شمس معاكي حق

تعرفي دلوقت بس نقدر نقول ان الثوره نجحت وأن اي تخوف عليها محض هراء وترهات

سواح في ملك اللــــــــــــــــــه- يقول...

مصر تبتسم لاولادها
شعب مصر متحضر صدقيني
اجميل يامدام شمس شفت بنت عندها 12 سنة
مع باباها وزعلانة وعايزة تنتخب
تصدقيني لو قلتلك شعبنا واعي بالفطرة
شوفي الرابط ده

http://www.elbashayer.com/news-132269.html

صيدلانيه طالعه نازله يقول...

النهارده اول مره اشوف الناس مبسوطه ان فيه طوابير امام اللجان
و اللى بيرجع بيحكى قد ايه الطابور كان طويل و انه فضل واقف لغايه دوره ماجه
و بيحكى وهو سعيد و فرحان مش متضايق خالص

انا مبسوووطه اوووى و راضيه باى نتيجه تكون
المهم انى شاركت ولاول مره فى حياتى

شمس النهار يقول...

*Mervat Elgamal

اهلا اهلا البلوجر نور يامرفت

ايوة صح طبعا هنقف صف واحد مع بعض

نختلف في الصندوق ماشي
لكن نحقق طلب الاغلبيه علشان هي مش معركة حربيه

شمس النهار يقول...

*Haytham Alsayes

اهلا بيك ياهيثم مع اللأ

بس عارف ايه اللي مخوفني دلوقتي

اللي قالوا لا او نعم عن خوف مش عن اقتناع
لييييييه؟
اللي قالوا نعم عن خوف لو النتيجه طلعت نعم وكان ده اختيار غلط ومطلوب بقا وقفه علشان تتنفذ الوعود واللي اتقال علشان نقول نعم
تفتكر اللي خايف ده هيعرف يحارب علشان تحقيق دستور جديد ومجلس شعب بأوجه جديدة
واللي قالوا لا عن خوف لو النتيجه طلعت لا وكان ده اختيار غلط ومطلوب برضوا وقفه ومحاربه علشان نحقق دستور جديد الي اخر المواضيع
تفتكر الخايف ده هيعرف يعمل ده

انا بقا خايفة من الخايفين دول علشان دول بتوع كفايه بقا عايزين استقرار هنموت من الجوع الدنيا واقفه وعايزين نخرج عايزين امان زهقنا بالبلدي كده دول اللي بيجيبونا ورا وهمه دول اللي لما مبارك قال خطابه العاطفي قالوا خلاص بقا زهقنا ماخلاص الراجل بقا كويس انتوا عايزين ايه تاني

عرفت انا فرحانة وخايفة ليه

شمس النهار يقول...

* مصري جدا

ماتخافش علي الثورة

الصورة في الحفظ والصون
واي تلاعب الله في سماه مش هتبقا مليونيه لاهتبقا 50مليون

خلاااااااص الشعب بتاع النهارده دي اللي كل شوية يزهل العالم
مش هيسيب حد يسرق ثورته
ولا حتي المشايخ والقساوسه

شمس النهار يقول...

*سواح في ملك الله

مش بس الاطفال لا
انا خطيب بنتي رجله لسه مكسور من 5ايام راح الاستفتاء

في لجنة الاستفتاء لاقيت معاقين وكبار جدااااااااا في السن
وستات شايله اطفال لسه مولودين
وحوامل اولهم بنتي اللي المفروض انها مابتتحركش اصلا

مصر اليوم في عيد
وعظيمة يامصر

شمس النهار يقول...

* صيدلانيه طالعه نازله

المصريين اتولدوا من جديد

الكل فرحان

اي كان النتيجه
هنقف كلنا وقفت رجاله
:))
ربنا يحمي مصر وعمااااااار يامصر
عارفة بما اني من قداما الناخبين ولا امل ولا اكل كل مره اروح واقول لا واختار اي حد غير زكريا عزمي
النهارده لاقيت نفسي بعيط وانا واقفه في الطابور من الفرحه
من لجان مقفله وبلطجه لهذا الرقي الجميل
وعظيمة يامصر

صبح يقول...

ربنا يباركلكم يارب و يتم نعمتو عليكم

شمس النهار يقول...

*صبح

آآآآآآآآمين

لــــ زهــــــراء ــــولا يقول...

مبروووووووووووووك لمصر الوعي اللي صحي فجاءة وصوتنا له اهمية
لولا

شمس النهار يقول...

* لـــولا وزهـــراء

مهما كانت النتيجه النتيجه لصالح الشعب
نجح في امتحان الديقراطيه
وخرج كله يقول كلمته
سواء بنعم او لا

اسيره الاحزان يقول...

الحمد لله انك عيشتى اليوم دا

انهارده كان يوم عيــــــــــــــــــد لمصر

راء يقول...

الحمد لله اني عشت وشوفت مصر منورة بناسها
:)

فعلا حاجة مبهرة اوي
برغم ان فيه سلبيات بس ممكن نعديها
على اساس ان ديه اول مرة نتعامل فيها بشكل ديمقراطي

وكان لازم تجاوزات

ربنا يديم نعمة الانتماء

سمكه واحده يقول...

انا مبسوطه اوي
مصر بتتولد من جديد
انا فخوره بشعبي
ربنا يعدي الفتره دي علي خير
ويحميها
انهارده كان يوم مميز اوي لمصر كلها بدايه الحريه بجد والديمقراطيه
ايه الناس العسل دي
الشباب السكر ده
ايه الشعب اللي زي الفل ده
ايه ده بجد انا مش مصدقه نفسي انا مبسوطه اوووووووووي
مبروك علينا كلنا الرقي ده

دعاء العطار يقول...

انا كمان فرحانه اووووووى

النهارده شوفت مصر مختلفه جدااااااا

ومبشره جداااااا جداااااااا سواء كانت بنعم او بلاااا

ربنا يحمى مصر واهلها

(:

شمس النهار يقول...

* اسيره الاحزان

الحمد لله فعلا علي نعمة اني موجودة وعشت الثورة وتوابعها

شمس النهار يقول...

* طالبة مقهورة ..درجة أولى

تجاوزات هي دي تجاوزات ده كده فلة

الحمد لله ان الشعب قام يصوت بالصوت العالي
:))

ومصر اليوم في عيد

Dr Ibrahim يقول...

الله الموفق والمستعان...

Foxology يقول...

والله نفس الاحساس بالظبط كان يوم غير عادى والكل كان مبسوط وفرحان وبالرغم من الدعاية المشبوهة للأخوان المشبوهين بس برضه كان فى درجة وعى كبيرة عند الناس

انا واينو نزلنا مرتين علشان ندخل اللجنة مرة معرفناش من الزحمة الشديدة والمرة التانية وقفنا فى الطوابير واستنينا ولا همنا حاجة :)

تحياتى وربنا يعمل الصالح

SHAPE YOUR LIFE (ABOALI) يقول...

كاااااااااااان يوم رائع مغذى كله فتيامينات الحرية عالية الجودة الغير مسرطنة بمبارك واعوانه
الحمد لله ان عشنا وراينا طوابير نقف فيها ونحن سعداء نتحاور ونتبادل بعض الهمهمات حول بلادنا وكان شد الازر والحث على تغير شيىء سلبى بشيىء ايجابى

وقفت فى الطابور 5 ساعات ونصف
وكنت فى منتهى السعادة

ربنا يوفق يااااااااااااارب للخير
ونقدر نكون امة افعال لا اقوال
ونبدء فى تغير ملموس
وان شاء الله الخير قادم


كل التقدير على تلك الاحاسيس الرائعة

Tamer Nabil Moussa يقول...

بحد كان يوم اكثر من رائع ومختلف تماما وتحسى ان الواحد اتولد من جديد



مع خالص تحياتى

المصوراتي يقول...

رصد |عاجل | الاروبت|المجلس الأعلى للقوات المسلحة | الإعلان عن دستور مؤقت خلال 48 ساعة

ملقتش مكان غير دا اقول الخبر دا فيه :)

معلش

بس عشان تتأكدوا ان الدستور معطل و لا الرئيس القادم حيكون تاني الواحد الاحد الفرض الصمد له صفات ربنا و لكن عنده ولد

الدستور معطل اي لا تتطبق اي احكام منه و نعم كانت تعني اعلان دستوري جديد يضاف اليه بعض القوانين ليكون دستوراً مؤقت للبلاد

و الحمد لله ان الله ادخل علينا السرور الامس قي الاستفتاء

و ممكن نقول حمد لله علي السلامه ( يا صوتي )

Dr Ibrahim يقول...

الله الموفق والمستعان...

mrmr يقول...

انا كمان فرحانه قوى
مهما كانت النتيجه يكفى الاحساس بقيمه الفرد واهميته وان صوته ح يفرق كتير وفى النهايه الكل بيحترم الراى الاخر

تحياتى

sony2000 يقول...

كل سنه وانتي طيبه ياتيتا
ويارب الي جي احلي
اللهم امين

الازهرى يقول...

كل سنة وانت طيبة يا أحلى وأطيب وأجمل أم فى الدنيا

طبعا متأخر بس عارف إنك هتعذرينى
لإنك عارفه إنى مش هأتخر إلا للشديد القوى

تحياتى وخالص مودتى

ذو النون المصري يقول...

سعدت جدا بالاسلوب الحضاري الذي تمت فيه عملية الاستفتاء و احزنني ما شابها من عمليات شبه تكفيريه لمن قال لا و اعتبار ان نعم دين و لا لا دين