الاثنين، 4 يوليو 2011

حرق الدم

ماكنتش ناوية ادخل النت
كنت محتاجة اجازة من كل حاجة
بس ازاااااااااي اخد اجازة واللخبطة السكلانس دي حاصلة
هقولها تاااااااااني وعاشر وللمره المليون
الشعب المصري ماعدش يضحك عليه
ماعدش يضحك عليه
يعني ايه دفاع يطلب صحيفة سوابق الشهداااااااااااء
يعني لوطلع سوابق مش هيتحاسب اللي قتله
طيب نقول تاني فرضنا انه كان سوابق وتاب
ماعلينا
خلاص كل شهداء الثورة بقوا سوابق وبلطجية
ايه البلطجية الثورجية الحلوين دول اللي نازلين من غير سلاح عزل
مع ان البلطجي مايمشيش من غير سلاح
خلاص كل الشهدااااااااااااااااء بقوا بلطجية
الرحمة من عندك يارب
يااااااااااااوزير العدل اين العدل
ياقضاة مصر اين العدل
شوية تغروهم بالمال وشوية تضربوهم وتصلتوا عليهم بلطجيتكم
محتارين تعملوا فيهم ايه
خلاص خالونا نقضيها هيصة وبلاش نبني مصر تاني ونفوق للي ورانا
علشان نعرف نبني لازم من القصاص العادل
وماحدش يلوي دراع حد
ارحموا دم الشهدااااااااااااااء
يعني ايه نفرج عن قتلة بكفالة هبلة عشرة الاف جنيه
مش كفاية استفزاز بقا للناس
يعني عايزين تسحلونا تاااااااااني ونسكت
لا المصريين ماعدوش يسكتوا
ماعادوش يبصموا
ماعادوش يسمعوا ويسكتوا
يااولي الامر ندااااااااااااااااااء من ام مصرية لفت علي جرحي الثورة وشافت امهاتهم وقهرتهم علي اولادهم
اومال امهات الشهداء حالهم ايه
ندااااااااااااء مني
كله كوووووووم ودم الشهداء وحقوقهم وحقوق الجرحي كووووووووووم
المصريييييييين مش هيرضوا غير بالعدل
ده لقاء مع احد جرحي الثورة اتجرح في السويس بالزمة ده بلطجي جزء اول
ده جزء تاني
يامثبت العقل والدين يااااااااارب

هناك 28 تعليقًا:

Tamer Nabil Moussa يقول...

الواحد اتخنق

حسبى الله ونعمة الوكيل

مع خالص تحياتى

Bent Men ElZman Da !! يقول...

يعنى سؤال
هو لو معظم الشهداء طلع ليهم سوابق وبلطجيه
الجزء الباقى من الشهداء مش هيتحاكموا على قتلهم يعنى؟؟؟
بجد الموضوع بقى غريب وفيه شك كتير
ربنا يستر

مصطفى سيف الدين يقول...

اللي مضايقني ان الدفاع دول المفروض معاهم جنسية مصرية
ازاي دول عندهم ضمير يدافعو عن مجرمين زي دول
حسبنا الله ونعم الوكيل
حاجة تحرق الدم فعلا لما يتحول المقتول لقاتل والمجرم لبريء
تحياتي

Ramy يقول...

عندك حق

دى بقت حاجة تخنق

و كفاية كده خلينى مؤدب

ان شاء الله نازل يوم 8

أع ـقل مـ ج ـنـونــة يقول...

ربنا يستر !!!
لكِ الله يامــصر


وحشتني مدونتك جداً:)
تقبلي مروري

سواح في ملك اللــــــــــــــــــه- يقول...

مش عايز اعلق

اصلي مستفز جدا من البطئ الغريب ده

Haytham Alsayes يقول...

لا دي كوم
وموضوع الدية دة كوم
وحد قالهم ان مفيش قانون لا مؤاخذة
ماشي الدية حاجة شرعية جميلة
بس لكم في القصاص حياة يااولي الالباب
يعني لكم في القصاص ياعالم ياللي بتفهموا
يعني لكم في العدالة ياخوانا حياة

يعني الدية دي ماشي كويسة بس بلاش التفاف بيها علي العدالة
يعني الظابط بقي يقتل براحته وبعدين يدفع
مينفعش دي ثورة
ودم
ومينفعش كدة لو مفيش عدالة يبقي الثورة ضاعت

العدالة ثم العدالة وبسرعة


تحياتي

ابراهيم رزق يقول...

طبعا حاجة تحرق الدم بصحيح

بس بصى العملية دى مقصودة مقصودة يخلوا بلطجية وسط الشهداء عشان انتى عارفة الاسود بيشوه الثوب الاسود

عشان كده بعد الوجوه اللى شفتها فى التحرير الجمعة اللى فاتت قلتلها الشعب يريد ان يعرف من هو الشهيد حتى لا يختلط الحابل با النابل لمصلحتهم

تحياتى

خالتى بمبة يقول...

عندك حق خلاص الشعب فاق من سبات عميق ومش ممكن هينام تانى كانه مارد خرج من القمقم وياريت القائمين على البلد يفهمو كده

حلم بيعافر يقول...

ربنا يسهل

معادنا الجمعة

Tarkieb يقول...

كل ده دليل ان مفيش حاجة اتغيرت ...ايه اللي جد ولا حاجة ..الثورة كانت حلم وانتهي لم يبقى منها لا شئ

Mahmoud Ahmed يقول...

هقولك كلمتين و خديهم مني

مفيش حد في مصر كلها ، هيسكت ابدا ابدا عن دم الشهداء
ابدا ابدا

Unknown يقول...

الثورة لم تكتمل وكل واحد راح يدور على حتة من التورتة

اللى يقول الدستور أولا واللي يقول لأ الانتخابات أولا

مع إن الأصل إن الثورة مش غنيمة

لقد أسمعت إذ ناديت حيا.. ولكن...

إيمان هلال يقول...

المجلس خلاص بيودع ،، اللى لسه ما اتصورش مع العسكر يلحق يروح يتصور

شمس النهار يقول...

*Tamer Nabil Moussa

لا ماتتخنقش

وخالي دمك المحروق ينزلك يون الجمعة

شمس النهار يقول...

*Bent Men ElZaman Da !!

اصل الشهداء من المطرية وعين شمس والدويقة والي اخر الاحياء الشعبية او العشوائية فاخلاص بقا
ندوس عليهم وعلي اهاليهم
بس الشعب المصري خلاص مش هيضحك عليه

شمس النهار يقول...

*مصطفى سيف

لابد يامصطفي ان يكون للمتهم محامي وان ماكنش عنده محامي المحكمة بتعين له محامي

بس مش هي دي القضية
القضية هي اقتناع هيئة الدفاع ان الظباط دول مش مذنبين
مع ان المحامييين اكتر ناس عارفين الظباط دول كانوا ولسة بيعملوا ايه

شمس النهار يقول...

*Ramy

ماخلوش لنا حل تاني
تس مطالبنا هنقدمها لمين يوم الجمعة
مابقتش عارفة مين بيحكم مصر

شمس النهار يقول...

*أع ـقل مـ ج ـنـونــة

اهلا بيكي يااعقل مجنونة

وكتاباتك وحشتني جدا مش نرجع بقا
:)

شمس النهار يقول...

*سواح في ملك اللــــــــــــــــــه

ساعات بيبقا الغضب جوه الانسان اكبر من التعليق والكلام

شمس النهار يقول...

*Haytham Alsayes

المشكلة ياهيثم

ان الازهر ودار الافتاء عامله ودن من طين وودن من عجين

مابيصدروش بيان ليه
وخصوصا ان السلفييين شغالين الله ينور في الموضوع ده وانا كتبت بوست عن الموضوع ده

شمس النهار يقول...

*ابراهيم رزق

علي فكرة ياابراهيم ان كنت تقصد البلطجية اللي اتجرحوا واتقتلوا في الاحداث سواء كانوا شهداء او لا هم قتلوا علي يد الظباط وهم في النهاية ارواح زهقت
دول ماماتوش في حرب دول ماتوا في مظاهرات سلمية
وشوف الفيديو ده وقول لي ايه الراي اللي كونته منه
http://www.youtube.com/watch?v=xgeXNXojbzc

شمس النهار يقول...

*خالتى بمبة

ان شاء الله هيفهموا يوم الجمعة الجاية

شمس النهار يقول...

*حلم بيعافر

ان شاء الله موعدنا الجمعة

شمس النهار يقول...

*Tarkieb

ماتخافش ان شاء الله لو نزلنا كلنا زي مانزلنا من 25 يناير الي 11 فبراير كل شء هيرجع اجمل من الاول

شمس النهار يقول...

*سبايدرمان

ولا حد هيفرط تاني في اي حق

خلاااااااص الشعب المصري ماعدش يضحك عليه

شمس النهار يقول...

*حاتم عبدالفتاح
وللأسف اللي بيقسموا التورته دلوقتي اغلبهم مش اللي قام بيها

الشعب الحقيقي اللي قام بالثورة مااخدش حاجة
ولاحقق حاجة

شمس النهار يقول...

*eman helal

مشكلة المجلس انه مجروح زيه زي اي حاجه كانت في عهد مبارك