الخميس، 7 يوليو 2011

الله كبير

واناراجعة امبارح علي القاهرة قاطعة اجازتي
سمعت اغنية الله كبير لفيروز وكأنها جت في وقتها
مهما يصير الله كبير
-----
ان شاء الله غدااااااااااااا نازلين نقول ان الثورة موجودة ولسه ماحققناش حاجة
وانا عايزة اعرف مين بيحكم مصر دلوقتي
وياتري اللي بيحصل ده لصالح مصر
باقيين علي الفاسدين في جهاز من اهم احد اسباب قيام الثورة
-----
نازلين يارب مش عايزين لاجاه ولامال ولا اي شئ غير العيش بكرامة وحرية
نازلين يارب نرضي ضميرنا وفداء للوطن
نازلين ومحتسبين
----
وايه بقا موضوع الدية ده اللي ماشي في البلد
وان شاء الله الازهر ساكت ليه مش بيطلع بيان بالموضوع ده
ودار الافتاء ماطلعوش ليه بيان
مااحناش قد المقام
ماطول عمركم عمالييييين تطلعوا فتاوي مسيسه وغير مسيسه
الدية مش اني ازور الحق واغير اقوالي واضيع حق الباقيين اللي مارضويش يغيروا ضمايرهم ويشهدوا زور وبهتان
الدية ان القاتل يعترف بأنه قتل فاأهل القتيل يايطلبوا القصاص
بقتل القاتل يايقبلوا الفدية اللي هي الدية
ويادار مادخلك شر
لكن اللي بيحصل الان ده رشوة وشراء زمم واستغلال لفقر اهالي الشهداء
علشان اضيع حق الشهيد وغيره من الشهداء
طيب والجرحي هيعملوا فيهم ايه اللي فقد نور عينيه او الاتنين هيعمل ايه
حسبي الله ونعم الوكيل
ان شاء الله الحق مش هيضيع تاني فيكي يامصر الشعب المصري ماينفعش تاني يضحك عليه مفتح ومفنجل لكل حاجه
والله كبير

هناك 25 تعليقًا:

شريف صابر يقول...

ان شاء الله مصر هتبقى احسن بولادها
وربنا اسمه الحق ولازم ينتصر الحق
اللهم اهلك الظالمين بالظالمين واخرجنا من بينهم سالمين
ان شاء الله بكره ينتصر الحق
الله اكبر من كل شى واسمه الحق
تحياتى

مــــــــنـــــــي يقول...

كلنا نازلين عشان خاطر مصر تبقي افضل

مصطفى سيف الدين يقول...

كله لازم ينزل بكرة
بس من غير شعارات زي الدستور اولا او الانتخابات اولا
شعارنا لازم يبقى واحد وهو مصر اولا دم الشهداء اولا
كلنا لازم نبقى صف واحد علشان المطالب تتحقق اي تخبط في الشعارات والطلبات مفيش حاجة هتتحقق حتى لو خرجوا ملايين
لازم كلمتنا تبقى واحدة
وهي مصر

تحياتي ليكي
ملحوظة يا ريت حضرتك تشوفي ردي على تعليقك عندي علشان الصورة تتضح

Haytham Alsayes يقول...

كلنا نازلين خلاص كل سنة واحنا طيبيين ياما ننقذ الثورة ياما نموت من الحسرة والخيبة وان شاء الله الثورة منتصرة غصب عن الجميع لان الله كبير فعلا

موضوع الدية كنت كاتب بيه حاجة
http://polotekaa.blogspot.com/2011/07/blog-post_07.html

تحياتي

سواح في ملك اللــــــــــــــــــه- يقول...

مهو كده مينفعش

منطقيا كده وبدون استشارة علماء دين

موضوع الدية ده فيه شبهه

لو افترضنا وده فرض

واحد معاه نصف مليون جنيه ودفع الدية يخرج

طب لو واحد فقير وقتل قتل خطا يعدموه عشان

معهوش الدية

يبقي فين العدل بقي

شمس النهار يقول...

*شريف صابر

اهم حاجة في بكرة ياشريف انك ماتنزلش لوحدك لازم كل واحد مقتنع ببكره ينزل ومعاه ناس تانيه كتير
المصريين اغلبهم استكانوا

شمس النهار يقول...

*مــــــــنـــــــي

ياريت فعلا كلنا ننزل بكره

شمس النهار يقول...

*مصطفى سيف

ده اللي واجعه قلبي بيه من اربع ايام لازم كله ينزل
ومش تحت شعار
وتحت هدف واحد بس
مصر

قريت ردك وشكرا ليك يامصطفي

شمس النهار يقول...

*Haytham Alsayes

ان شاء الله ننزل كلنا

ومش هنموت من الحسرة
اللي ضد التغيير والثورة همه اللي يموتوا مش احنا

قريت البوست وعجبني جدااااااا

شمس النهار يقول...

*سواح في ملك اللــــــــــــــــــه

الدية حكم من الاحكام اللي مافيهاش اختلاف
لااجتهاد مع النص
والقصاص والدية منصوص عليهم ياسواح

SHAPE YOUR LIFE (ABOALI) يقول...

جميل جداااااااااا عنوان البوست
الله كبييييييييييييير
فعلا هو كبير وعالم باللى فى القلوب واننا بنتمنى الخير وعازين نفوق ونبطل بقى كل العك اللى كان
وتبقى لينا قيادة ونضف نفسنا من زبالة من كانوا يحكمون بالقاذورات وتناول الفساد اليومى

يااااااااااااااارب انت كبير وعالم
استخدمنا ياااااااااارب ولا تستبدلنا


كل التقدير لانسان قدير

Unknown يقول...

ربنا يجيب الي فيه الخير

شمس النهار يقول...

*SHAPE YOUR LIFE (ABOALI)

الله كبير ياابو علي

وعجبني دعائك

اللهم استخدمنا ولا تستبدلنا

شمس النهار يقول...

*فتات الزكريات

ربنا مابيعملش خير الخير
والشر من انفسنا

sony2000 يقول...

ربنا معانا يارب
وبأذن الله حلمي هيتحقق ومصر هتكون احسن حاجه فالعالم كلو


بأذن الله

Tarkieb يقول...

دول على راي المثل اللي تعرف ديته اقتله....فلوسهم كتير مع انها مسروقة

mrmr يقول...

امور كتيره محتاجه تفسير
ربنا يعدى بكره على خير ويعم الاستقرار على مصر

Bent Men ElZman Da !! يقول...

ربنا كبير فعلا
ولازم الحق يرجع لاصحابه
ربنا يستر

mohamed ghalia يقول...

ربنا معانا إن شاء الله

سواح في ملك اللــــــــــــــــــه- يقول...

استاذتنا شمس

يمكن الاجتهاد مع النص

فقد عطل سيدنا عمر رضي الله عنه الحدود في

عام الرمادة

اي ان هناك شيئا ما حدث جعل تطبيق الحدود في

هذا العام ليست عدلا

تحيتي

Tamer Nabil Moussa يقول...

شىء يحزن بجد


ربنا يصلح الحال المقلوب دة

مع خالص تحياتى

Foxology يقول...

زى ما قال احمد سمير : نصف ثورة !

كل اللى بتمناه اننا نفضل مصممين ويا احنا يا هما

تحياتى

لــــ زهــــــراء ــــولا يقول...

ربنا معانا ويارب النصر لمصر
ويارب خلصنا من الفسدة
لولا

الاحلام يقول...

معا حتى النهايه ومعا حتى النصر
دمتى بخير تقبلى تحياتى الاحـــلام

غير معرف يقول...

wassup shams-elnahar.blogspot.com admin discovered your website via search engine but it was hard to find and I see you could have more visitors because there are not so many comments yet. I have found site which offer to dramtically increase traffic to your site http://xrumerservice.org they claim they managed to get close to 1000 visitors/day using their services you could also get lot more targeted traffic from search engines as you have now. I used their services and got significantly more visitors to my website. Hope this helps :) They offer search engine ranking tips seo services uk backlink service need backlinks Take care. steve