الجمعة، 8 يوليو 2011

الحاجة الحلوة؟؟ +تحديث

كده ياشرف ماكنش العشم ياحسين
لما ضغطي يتظبط هكتب فيك حتت بوست
ده انا ست كبيره والشمس الصبح اكلت دماغي
مع اني كنت واخدة شمسية العمدة
بس الشمس كانت بتدخل لي من تحتها
مااااااااااااااااااااااااااشي
ياشرف
---------
يافتاح ياعليم يارزاق ياكريم
هو المجلس العسكري لسه ماردش
علي الميسد كول بتاعة امبارح؟
معلش يمكن مامعهوش رصيد
نطلبه تاني الجمعة الجاية
-------
بسم الله الرحمن الرحيم
الاجابة
شعب مصر
الحاجة الحلوة الدافية هي شعب مصر
---
مش قلت لكم ان شعب مصر مش هينفع يضحك عليه
تااااااااااااااااااااااني
ميدان التحرير النهارده شكله يفرح القلب الحزين
تاني نزلوا المصريين بكل الطوائف بكل المستوايات
من اول بياع البطاطة لحد السفير
دم ولادك يامصر عنبر مش ميه
كنت رايحة وخايفة جدا المصرين ماينزلوش
وبقيت اقول يارب
الشهداء مصريين فتحوا صدورهم ياالشهادة ياالنصر علي الفساد
والفساد لسه موجود
والحمد لله المصرين نزلوا ومش هيرجعوا تاني غير بحاجة من الاتنين
والمعادلة سهلة خااااااااااااااااالص
المجلس العسكري اللي تعهد بحماية الثورة والمصرين
ينفذ الاتفاق ويخلصنا من الفاسدين في كل مكان
خلصت
والعقد شريعة المتعاقدين
ومش عايزة حد يدخل هنا يقول لي عجلة الانتاج والاستقرار والكلام الغريب المريب ده
انا لاشوفت عجلة انتاج ولا استقرار
ومش هيكون في
طول ماديول الفساد موجوده ومعروف مكانها
-----
مصر صحيت ومش هتنام تاني علي ودنهااااااااااااااا
دي مصر فيها حاجة حلوة
مصر دلوقتي الكل في وااااااااااااااااااحد

هناك 40 تعليقًا:

SHAPE YOUR LIFE (ABOALI) يقول...

صح. صاد. صحوة. حاء. حب. ليكى. يا بلدى.

شريف صابر يقول...

فعلا الشعب ده عظيم بولاده
ويارب نكون ايد واحده دايما علشان نكمل مشورنا على خير

أمل حمدي يقول...

يارب يتمها بالخير

حفيدة عرابى يقول...

شكل التحرير و هو مليان ناس يفرح بطريقة رهيبة

(يامصر لسه عددنا كتير لا تجزعى من بأس الغير )

Foxology يقول...

واحلى حاجة النهاردة كلنا كان هدفنا واحد واختفت الشعارات المثيرة للفتن زى الدستور أولا والكلام الفاضى ده

ربنا يقدم اللى فيه الخير

Mahmoud Ahmed يقول...

تحيا مصر بولادها الاوفياء
تحيا مصر بولادها الاوفياء
تحيا مصر بولادها الاوفياء
تحيا مصر بولادها الاوفياء

beautiful mind يقول...

ان شاء الله نحقق كل اهدافنا
بس لازم نتماسك كويس
وبلاش والنبي اي فتنه تاني دلوقتي
تحياتي

mrmr يقول...

انا مجرد انى شفت المنظر فى التليفزيون كنت فى قمه السعاده امال شعوور الناس اللى قاعده فى التحرير ده يكون ايه ؟
يارب نحقق الاهداف اللى نسعى ليها
امين

Tamer Nabil Moussa يقول...

انا كنت فاكر انى مفيش حد نزل ولو نزل حد مش هيكون العدد الكبير دة

حاجة تفرح وبداية

مع خالص تحياتى

مصطفى سيف الدين يقول...

ما زال الامل موجود في استعادة كل مطالبنا طالما حافظنا على وحدة الصف ووحدة الكلمة ووحدة المطالب
النهاردة مش في التحرير بس لا كل محافظات مصر كان منظرها مشرف
تحياتي ليكي

mohamed ghalia يقول...

إن الله معنا

tarek momen يقول...

lمش تقولي انك رايحة ؟؟؟؟؟؟؟ مين كان معاكي؟؟؟؟؟؟؟

سواح في ملك اللــــــــــــــــــه- يقول...

يارب نفضل كده علي طول

ونبطل اختلافات في الامور الفرعية

تحياتي

ابراهيم رزق يقول...

لاول مرة منذ رحيل الرئيس المخلوع اشعر ان روح التحرير قريبة من ايام الثورة

تقريبا اختفت الايدلوجيات و توحدت تحت مطالب موحدة

تحياتى

dr.lecter يقول...

اتبسطت جداااااااااااااا

راء يقول...

السلام عليكم

انا يوم الجمعة ده اداني طاقة امل فظيعة بعد م الامل بدأ يتقهقر وينسحب مني
الحمد لله ..الثورة ديه اسطورة والاساطير مبتموتش عشان كده انا بطمن نفسي

شمس النهار يقول...

*SHAPE YOUR LIFE (ABOALI)

الصحوة كانت علي اشدها امبارح
المصريين صحيوا ومش هينفع يناموا تاني

شمس النهار يقول...

*شريف صابر

ان شاء الله المشوار هيكمل

باللي شوفته امبارح ده
ان شاء الله هيكمل

شمس النهار يقول...

*ماما أمولة

ان شاء الله ياامولة هتبقا خير

ربنا مع الحق

شمس النهار يقول...

*حفيدة عرابى

فعلا شكله كان يفرح

وعجبتني كلمة اوي
فعلا لسه في كتير

شمس النهار يقول...

*Foxology

ايوة صح
وصحيح الاخوان اتمنظروا شوية
بس انبسطت ان لما اغلبهم مشي الميدان كان لسه فيه ناس
وعلي فكرة كان حزبهم بيوزع استمارات العضوية يعني برضوا مانزلوش لوجه الله

شمس النهار يقول...

*سبايدرمان

تحيا مصر

وشعب مصر

وان شاء الله خير

شمس النهار يقول...

*beautiful mind

انا برضوا خايفة من التكة دي
علشان الفتنة دي هي الزمبلك اللي الاشباح بتملاه وقت العوزة ربنا يستر

شمس النهار يقول...

*mrmr

اللي في التحرير كانوا طايرين من الفرحة ببعض

انا نفسي كنت مطمنة جدااااااا
بعد ماكنت خايفة ماحدش ينزل

شمس النهار يقول...

*Tamer Nabil Moussa

خاللي بالك ياتامر ان الاستفزاز كان كبير جداااا

ماكنش ينفع الناس ماتنزلش
الناس حست بالقهر

شمس النهار يقول...

*مصطفى سيف

ايوة يامصطفي انت قلت المفيد
المحافظات وهو ده كان سبب نجاح الثورة في خلع مبارك ان المحافظات كلها طلعت
وامبارح قوته كانت من هنا
بس المنصورة ماكانش العدد كبير
مع ان في يناير وفبراير المنصورة كانت قوة

شمس النهار يقول...

*mohamed ghalia

الحمد لله يامحمد

فرحني كده وارجع البلوجر تاني
:))
ورجع باقي الناس معاك

شمس النهار يقول...

*tarek momen

ماانا عملت اعلان هنا:))))

كل الشعب كان معايا ياحاج

شمس النهار يقول...

*سواح في ملك اللــــــــــــــــــه

ماتخافش الناس كلها بتتحد وقت الخوف
وهمه خوفونا علي الثورة
فااتحدنا ونزلنا

شمس النهار يقول...

*ابراهيم رزق

زي ماخفنا علي بيوتنا وعملنا لجان شعبية
خوفنا علي الثورةهيجمعنا
وينسينا اي حاجة غير اننا مصريين

شمس النهار يقول...

*dr.lecter

كل اللي كانوا خايفين
انبسطوا واتطمنوا

شمس النهار يقول...

*طالبة مقهورة ..درجة أولى

وعليكم السلام

ازيك:)

صح ثورتنا ثورة اسطورة

تسلمي علي الكلمة

Unknown يقول...

هو المجلس العسكري لسه ماردش
علي الميسد كول بتاعة إمبارح؟

هههههههههه

حلوة والله

شمس النهار يقول...

*حاتم عبدالفتاح

ادينا بندلع فيه لما نشوف اخرتها

:))

Unknown يقول...

يا رب الايام الجاية تكون بتحمل كل خير

Mahmoud Ahmed يقول...

يافتاح ياعليم يارزاق ياكريم
هو المجلس العسكري لسه ماردش
علي الميسد كول بتاعة امبارح؟
معلش يمكن مامعهوش رصيد
نطلبه تاني الجمعة الجاية


هههههههههههههههههههههههههههههههه
ههههههههههههههههههههههههههههههههه

حلو اوي اوي الكومنت ده
^_^

الدكتور عصام شرف هيعمل بيان دلوقتي ^_^ لما نشوف هيقول ايه

شمس النهار يقول...

*فتات الزكريات

ان شاء الله في امل
والايام الجاية خير

شمس النهار يقول...

*سبايدرمان

ياريته ياخويا ماخطب ياريته
ده انارابطة دماغي ولا ربطة ريمبو وهو رايح يحارب

يخربيت كده
معقول كده هموت ياسبايدر ياخويا

الغاردينيا يقول...

الله ينصركم ويكون في عونكم

أحبك في الله يا شموسة

خذي بالك من نفسك

شمس النهار يقول...

*الغاردينيا

اهلا اهلا بالغايبين
ازيك يارب تكوني بخير وربنا ينصر اهلنا وحبايبنا في اليمن

وانا احبك في الله
وماتخافيش الرب واحد والعمر واحد
:)