هبتدي بالأشياء الاخري
نبتدي بسليم العوا
الخبر ده كان غريب من كل الاوجه
وخصوصا انه ماقالش الكلام ده وهو هناك في ميدان التحرير
فاعايزة اقوله
سعيكم مشكور ومانجيلكش في حاجة لاحلوة ولا وحشة ولا نجيلك اصلا
عالم ومفكر علي راسي مالكش زي
لكن سياسي
لالالالالالا
-------
الخبر ده ازعجني جدا مااعتقدش ان ثورتنا السلمية ممكن تتحول الي دموية
اناشد المجلس والوزراء وكل قاضي اسرعوا العدل لازم يتحقق
ثورتنا قامت علشان كده العدل الحرية المساوة
-------
نيجي بقا لدكتور عصام شرف
عايزة اعرف لو انت لسه بتنزل ميدان التحرير مع الشعب
كان رد فعلك هيكون ايه علي كلام زي اللي كل شوية تطلع تقوله لنا
واضح ان المجلس العسكري مش فاهم يعني ايه شعب مصر
وزعلانة منك انك بتشترك في اللعبة دي
وعاااااااااااايزة اقولكم انتم الاتنين
الشعب المصري مش هينفع يضحك عليه تااااااااااااااااااااااااااااااني
وايه موضوع تغيير الوزارة ده
بتضحكوا علي مين
----------
يامصريييييييين احضنوا ثورتكم ارجوكم ارجوكم
انا خايفة علي الثورة من بعض المصريين
من القلة الصامتة
والقلة الخايفة
والقلة المنتفعه من النظامن السابق
ومن القلة اللي بتفتي علي الفاضي والمليان
واللي هيقول لي ان العجلة والاستقرار يجاوب علي السؤال الاتي
كام عاطل عن العمل في مصر؟؟؟
لو تعرف حد مابيروحش شغله شاور عليه
لو تعرف طالب مارحش امتحن ابعت اسمه
لو تعرف اي حد معطل شغله بلغ عنه
لو تعرف حد ماقبضش مرتبه
الاجااااااااااابة مافيش
الثورة الوحيدة في الدنيا اللي شغالة والعجلة السودة دي شغالة
كفاية ترديد كلام من غير وعي
المتضررين من الثورة اغلبهم من الطبقة اصلا اللي مطحونة وهمه هناك كمان
-----------
بكره ان شاء الله 3مليونية لحد ماناخد حق كل المصرين
نبتدي بسليم العوا
الخبر ده كان غريب من كل الاوجهوخصوصا انه ماقالش الكلام ده وهو هناك في ميدان التحرير
فاعايزة اقوله
سعيكم مشكور ومانجيلكش في حاجة لاحلوة ولا وحشة ولا نجيلك اصلا
عالم ومفكر علي راسي مالكش زي
لكن سياسي
لالالالالالا
-------
الخبر ده ازعجني جدا مااعتقدش ان ثورتنا السلمية ممكن تتحول الي دموية
اناشد المجلس والوزراء وكل قاضي اسرعوا العدل لازم يتحقق
ثورتنا قامت علشان كده العدل الحرية المساوة
-------
نيجي بقا لدكتور عصام شرف
عايزة اعرف لو انت لسه بتنزل ميدان التحرير مع الشعب
كان رد فعلك هيكون ايه علي كلام زي اللي كل شوية تطلع تقوله لنا
واضح ان المجلس العسكري مش فاهم يعني ايه شعب مصر
وزعلانة منك انك بتشترك في اللعبة دي
وعاااااااااااايزة اقولكم انتم الاتنين
الشعب المصري مش هينفع يضحك عليه تااااااااااااااااااااااااااااااني
وايه موضوع تغيير الوزارة ده
بتضحكوا علي مين
----------
يامصريييييييين احضنوا ثورتكم ارجوكم ارجوكم
انا خايفة علي الثورة من بعض المصريين
من القلة الصامتة
والقلة الخايفة
والقلة المنتفعه من النظامن السابق
ومن القلة اللي بتفتي علي الفاضي والمليان
واللي هيقول لي ان العجلة والاستقرار يجاوب علي السؤال الاتي
كام عاطل عن العمل في مصر؟؟؟
لو تعرف حد مابيروحش شغله شاور عليه
لو تعرف طالب مارحش امتحن ابعت اسمه
لو تعرف اي حد معطل شغله بلغ عنه
لو تعرف حد ماقبضش مرتبه
الاجااااااااااابة مافيش
الثورة الوحيدة في الدنيا اللي شغالة والعجلة السودة دي شغالة
كفاية ترديد كلام من غير وعي
المتضررين من الثورة اغلبهم من الطبقة اصلا اللي مطحونة وهمه هناك كمان
-----------
بكره ان شاء الله 3مليونية لحد ماناخد حق كل المصرين
هناك 20 تعليقًا:
عايز اختلف معاكي ممكن
يوم الجمعة كان يوم هايل
بس انا مختلف في حكاية الاعتصامات دي
اولا توقيتها غير مناسب يعني في عز الحر
وناس كتير هتتعب وناس كتير هتمل
ثانيا
ماذا نريد من عصام شرف ؟؟
يستقيل طيب ماشي وبعدين
ثالثا
اريد هدف او مطلب واحد توحدوا عليه
المعتصمين
يعني كان ممكن يبقي مطلب وحيد وفعال
يمكن التمسك به وتحقيقه
انما انا شايف الاراء ابتدت تختلف
والجهود ابتدت تتشتت
وزخم يوم الجمعة ممكن يضيع
لللاسف
حلو قوى وانا معاكي في الوضع بقى يخوف كل البلد بقت عبارة عن قلة مندسة قلة فلول قلة مش عارفة ايه لما اتقسم الشعب على نفسه ربنا يعديها على خير بس المطمئن في الموضوع ان الشعب اللى ثار مش هيقبل الذل والقهر تانى
والله صح كلامك حجج ومبررات عشان الوضع يبقى على ما هو علية
لكن على مين
الشعب واعى وفاهم ومش يضحك علية
مع خالص تحياتى
أولا : طالما الكلام ده الدكتور العوا مقالوش فى ميدان التحرير يبقى توقعى الفبركة الصحفية والتحريف المعتاد للتصريحات
ثانيا : موضوع كتائب شهداء الثورة ده شئ مش منطقى اساسا ومش بعيد أمن الدولة له يد فى الموضوع بغرض تشويه الثورة أكثر وأكثر وده طبعا عنصر من عناصر الثورة المضادة
ثالثا : الدكتور عصام شرف أصبح للأسف محل شك وان قراراته مش بايده دى بايد المجلس العسكرى
ربنا يسترها
بالنسبة للخبر التاني الذي ازعجك اعتقد انه خبر تابع لصحافة صفراء لا اساس له من الصحة
بالنسبة للاعتصامات طبعا معاكي ومتفق تماما ان مفيش مطالب بتتحقق غير بالاعتصام بس سؤال هي ايه المطالب وهل بيتوافق الشعب كله فيها؟
لو حضرتك ملاحظة بيجي شرف يقول خطاب زي بتاع امبارح مثلا بيوعد بشوية حاجات بنلاقي سقف المطالب بيعلا ويزيد
طيب احنا عايزين ايه بالظبط لازم يبقى في سقف للمطالب
انا مش بقول نوقف الاعتصام بالعكس مكنتش الحكومة هتستجيب ولا المجلس العسكري هيسال فينا من غير الاعتصام
يفضل الاعتصام الاسبوع اللي قال عليه شرف ولو منفذش كلامه نعلي سقف المطالب كمان لكن مينفعش كل شوية نعلي ومينفعش نسيء النية ومنتقبلش اي كلمة يقولها واقولهالك من دلوقت بعد اسبوع هتتغير الحكومة وهنطلع تاني نعترض على الوزرا الجديدة ونعترض حتى قبل ما يشتغلوا انا حاسس في ناس شغالة على وتر مصلحتهم الشخصية بس واي قرار لا يتناسب مع مطالبهم دي بيقوموا الشعب اللي هو اصلا مش قابل اي مصداقية لاولي الامر سواء حكومة او مجلس عسكري وشوفي الجديد كمان حطي عليهم القضاء اللي كنا بنفخر بيه دايما
طيب ايه؟
طيب آه
في خضم اللي عايشينه مبقاش لينا مركزنرتكز عليه ونثق فيه بقينا عاملين زي الكورة اللي بتلف وبس من غير ما يبقالها اهداف محددة في ظل اعلام موجه لاهداف شخصية وعمالين ندور وخلاص
وبقولهالك من دلوقت مفيش انتخابات هتنفع في الجو ده ولا في دستور هيتغير اولا وهنفضل عايشين في فترة انتقالية اكبر
احنا عملنا حاجات كويسة والثورة المليونية اللي طلعت الجمعة والاعتصام جابوا نتيجة ممتازة كمان لو فضل الاعتصام اسبوع نتيجته زي الفل لحد ما شرف ينفذ وعوده لكن تعلية سقف المطالب خطر وخطر كبير
هنشيل شرف وهنعترض على اللي بعده ده اللي انا متخيله
تحياتي واسف للاطالة
اشكرك علي الهدية بتاع الاغنية
سعدت جدا بها لكن انا رايتها متاخر لاني بعيد عن النت لمدة طويله نسبيا
المهم اني اول ما جيت و ارتحت حبيت اشوف مصر
نزلت القاهره يومين و نزلت التحرير ليلة الجمعه الماضيه و شاهدت التحضيرات الاولي ليوم الثورة اولا
اسعدني جدا اني اشوف مصر متغيره
روحها مختلفه تماما عما راته عيني قبل تسع شهور و انا اغادرها
تحياتي
كلنا خايفين والخوف بقى اكبر من قبل كدة بمراحل
بس منقدرش نجزم ونقول ان دكتور عصام شرف مشترك فى لعبة
فعلا الوضع مش مفهوم ولا واضح فى ايه بجد
والجيش ليه كان ساكت اليومين اللى فاتوا دول ولسة طالع انهاردة يلقى بيان
وغيره
فى حاجات احنا مش عارفين نفهمها بس اللى واثقة منه ان الجيش طول عمره هيفضل مع الثورة ان شاء الله
ولازم مننساش ابدا انه بعد ربنا بجد اللى حمى مصر
لان كان الامر جايله اصلا بضرب المتظاهرين
بالنسبه للعوا فأنا اتفق معاكى انه يصلح كمفكر وليس كسياسى مش بيقنعنى اطلاقا ولكن انتى اكيد عارفه بردوا ان فبركه الاخبار فى الوقت دا شئ عادى جدا
بالنسبه للتغيير الوزارى انا شيفاه حاجه كويسه مسكنات اينعم بس خطوه لطلب السماح - ومنها بردوا عرفت من الخطاب وأتأكدت ان الراجل مضغوط عليه
مش معاه انه يستقيل لان اللى هيجى مش هيقدر بردوا بس عايزاه يتحرك شويه اكتر ودا وضح فعلا انه مع ضغط الاعتصامات والمليونيات للتحرير والسويس حاليا
ومؤيداها جدا بس بدون تعطيل مترو او مجمع او كبارى علشان ماندى فرصه للفلول والبلطجيه واللى انتى عارفاهم
مقاللك اللى قلتيلى عليه بتاع الانتخابات هتعبك حطيلى اللينك اكون شاركه علشان مش عارفه اوصله هنا
وشوفى الكلام دا بتاع مستشار رئيس الوزراء
http://www.shorouknews.com/Columns/Column.aspx?id=502284
أحوال بلدنا وناسنا
قربت تخلى الواحد
يفقد عقله من
تقلبات الناس
وتغيير ارائهم كل شوية!
*سواح في ملك اللــــــــــــــــــه
اختلف زي ماانت عايز :)
موضوع الحر ده عايزة اقولك ان هو ده اللي بيلعبووا عليه هتقول لي مين هقولك اللي بيحكموا مصر دلوقتي
هتقولي يبقا المجلس هقولك مااعرفش انا شخصيا مااعرفش مين اللي بيحكم مصر دلوقتي
يعني الدنيا حر الناس هتكسل تطلع الشوارع علشان تطالب بحقها
يوم الجمعة كان مش حر كان جهنم بس علي قلبنا طراوة
اصل الحق بيدي قوة غريبة سبحان الله
اما عصام شرف
لا
عايزين منه كتير اومال اختير ليه في الوقت الصعب ده
ولما يستقيل يجي حد غيره وغيره وغيره يكون قد المرحلة الثورية والمصيريه في نفس الوقت
احنا عايزين نخلص بس مش نخلص علي قديمه ويبقا كأنك ياابو زيد ماغزيت
لاعايزين نخلص علي نور علي شئ نمشي وراه يكون صح الصح
والمعتصمين من اول يوم في الثورة المطالب هي هي
هو كان في حاجة اتعملت اومال نزلنا الشارع تاني ليه
وعلي فكرة الاراء مش مختلفة ولا حاجه انزل التحرير هتلاقي كل واحد التحرير رجع تاني واحد واللي كان بيطلع يتكلم عن الدستور اولا كان بيتهاجم
وماتخافش الكل في واحد
*خالتى بمبة
انا بقا اللي مجنني بتوع كفاية بقا خربتوا البلد
وخلصونا بقا
اهي خلصونا دي بتجنني
تقوليش الثوار بيطبخوا الغدا والشعب عايز ياكل ومستعجل
*Tamer Nabil Moussa
لا الشعب المصري الواعي مش هيضحك عليه تاني
*Foxology
شوف ياابو يوسف
ممكن موضوع العوا يكون فبركا لو هو ماقالوش بنفسه لكن هو قاله بنفسه مع مني الشازلي
وماقدرش يقوله في الميدان علشان رد الفعل بتاع الناس هناك
*Foxology
ماعرفش ليه ردي اتنشر من غير مااكملة:))
اما بالنسبة لموضوع الكتائب مااستبعدش ان فعلا فلول امن الدولة والحزب اللي مايتسمي همه اللي عاملينوا
لا هو عصام شرف مش محل شك لكن العسكر مش مدينه فرصة مش اكتر
بس ان شاء الله خير
*مصطفى سيف
يارب فعلا يامصطفي يكون كده الثورة ثورة سلمية ومش عايزنها غير كده
القوي السياسية اللي في الاعتصام حددوا مطالب اللي هي ماتغيرتش لحد دلوقتي اللي من يوم 25 هو كان في حاجة اتحققت
!!!؟؟؟؟
الاعلام الان قلب تاني تبع المجلس وعلي قديمه
ده الاعلام الرسمي
اما الفضائيات فاكل قناة بتتبع صاحبها ومن يملك يحكم
انت في موضوع الكرة دي جالك تشاؤم حبتين
لا مش هنلف من غير مانحقق حاجة
بالعكس الثورة الان اعلنت انها لن تقبل الا باللي جت علشانه
واعتقد انه بيتحقق الان ولسه وزي ماانت قلت طول ماالاعتصام شغال كله تمام
وياسيدي طول المدونة دي علشان كده
وماشاء الله التعليقات جميلة واثرت البوست جداااا
*ذو النون المصري
لا شكر علي واجب دي حاجة بسيطة بنرحب بيها بالطيور المهاجره
ميدان التحرير اصبح بيت كل المصرين
كان معايا هناك صديقة امريكية قالت لي لما اخدتها هناك ان ميدان التحرير اصبح مكان مقدس
حمد الله علي السلامة مصر نورت
*ندا منير
لا طبعا عصام شرف مش مشترك في لعبة
ولكن مش عارف يعمل معاهم حاجة
ولما طلعنا عملناله دعم كبير قدر يتحرك زي ماكنا نتمني منه
اعتقد ان المجلس كان ساكت بيتفرج ومش عارف يعمل ايه
مالازم نعرف ان الجيش مش بتاع سياسة
الجيش بتاع حرب وتخطيت عسكري
ومش هننكر فضل الجيش علي الثورة
بس الجيش حاجة
والمجلس حاجة تانية
واهلا بيكي في اول زيارة
*بسنت
الخبر بتاع العوا مش فبركة هو قال الكلام ده مع مني الشازلي
لما بقول يستقيل هنا مش موضوع استقالة بس موضوع انه يحرج المجلس العسكري ويعري المواقف الغامضة
يعني يقول استقالتي اهي علشان انا مش عارف اعمل حاجة من المجلس
وانا زيك ضد منع الموظفين من العمل او التعدي علي اي شئ من املاك الشعب والا هنكون كده بتعدي علي نفسنا
زي واحد غضب جوه بيته راح مكسر كل مايملك جوه بيته
http://shams-elnahar.blogspot.com/2011/06/blog-post_17.html
ده لينك موضوع الانتخابات بتاع التشكيلين
وهروح جري اشةف اللينك التاني
شكرا ليكي
*norahaty
يادكتورة الناس اللي شاركت في الثورة من اول يوم مااتغيرتش ثابته علي المبدء
اللي بيتغيروا الناس اللي مااشتركتش
والتيارات اللي استفادت من الثورة
نورتيني فينك؟
على الرغم من نبرة التشاؤم الرهيبة اللي في كلامك و كلام الأغلبية الساحقة هذه الأيام
و على الرغم من نظرة اليأس اللي بسهولة قوي تقدري تلميحها في عيون الناس في الشارع
الا انني لا ززلت مصرا على تفاؤلي بل و ارى ان ما يحدث حاليا مرده الى شيئين اساسيين اولها افرازات عصر مبارك الذي حكمنا 30 سنة و فعل بهذه البلد الأفاعيل
و ثانيها مخاض الثورة...شيء طبيعي ان يحدث ما يحدث بعد ثورة شعبية ضخمة كثورة يناير
تحياتي
إرسال تعليق