السبت، 23 يوليو 2011

اسلمي يامصر

يعني خلاص كده الشعب اتفرق
بين روكسي والعباسية والتحرير وسلفين واخوان وليبرالين ووفد وتجمع و.....الخ
يارب سلم يارب سلم
ياريت مصرتتوحد تاني
وحركة النهارده اللي في اسكندرية
والتانية بتاعت العباسية
مقصود بيها ايه!!؟؟
اجهاااااض مسيرة بكره السلمية
انا مابقتش فاهمة حاجة
اسلمي يامصر

هناك 30 تعليقًا:

سواح في ملك اللــــــــــــــــــه- يقول...

قلنا قبل كده الاعتصام ده تصعيد في توقيت

غير مناسب

وقلنا ان مش كل المعتصمين

طلباتهم واحدة

اللي الناس مش قادرة تفهمه

ان الجيش شريك في الثورة

والجيش حمي الثورة

والمثقفين او مايقال عنهم ذلك

مش قادرين يفهموا كدة

Ramy يقول...

ربنا يسترها

Ms Venus يقول...

مافيش غير ربنا اللى قادر يحمى مصر


علشان كده بنقول يارب

حمدى جعوان يقول...

اللهم قنا شر الفتن ما ظهر منها وما بطن واحم مصر وشعبها اللهم آمين يارب العالمين

مصطفى سيف الدين يقول...

التفتت هيودينا لحد فين؟
لسه كل واحد ماشي بدماغه وبيحاول يقود الجماهير وراه للمجهول
مفيش اي تنسيق بين القوى الوطنية
محدش عارف مين اللي ورا حكاية العباسية امبارح ومين اللي عمل كده وكل فريق بينفي ودي حاجة بقت بتتكرر كتير
ومعناها ان في حاجة مش طبيعية في البلد رايي اننا نوقف اي نشاط سياسي لحد ما نفلتر نفسنا ونعرف مين اللي بيعمل العمايل السودة دي لأن كونك تحاول تعارض و في بينك ناس بتحث على الفتن اخطر مليون مرة من انك تعيش في حالة فساد
تحياتي

The illusionist يقول...

مش عارف
كترو قوى قوى قوى
والواحد طول الوقت بقى شاكك فى نفسه وفى فكره الشخصى
كل دى اتتجاهات
امال مين الصح بقى
انا بصراحه مبقتش بعرف افرق الصح م الغلط منهم

Foxology يقول...

يا شمس البلوجرز التاريخ بيعيد نفسه ... دورى على اللى حصل من مجلس قيادة الثورة سنة 1954 هتﻻقيه بالكربون اللى بيحصل دلوقتى لكن للأسف محدش بيتعلم من التاريخ وبكرة العسكر يركبوا الحكم واللى يعيش فينا يفكر التانى

تحياتى

غير معرف يقول...

المقصود بما حدث في العباسية هو نقس المقصود بما حدث في 25 يناير الاسود الا وهو الفوضي الخلاقة الامريكية يارب تفهمي والحمد لله المجلس في بيانة امس واضح انة فهم اللعبة وسلمولي علي البلطجية الا اصبحوا شهداء

نيللي علي يقول...

ربنا يسترها علينا امين يارب العالمين

الميكروباص يقول...

الشعب منقسم من ايام الثوره حتى الاخوات في البيوت مختلفين مع بعض والاصحاب في الشارع وغيرها
لكن ما حدث بالامس من بيان المجلس العسكري في حق 6 ابريل يدعو للحذر- لأن المجلس العسكري لا يطلع منه كلام فاضي وبالتأكيد عنده تحريات أدت إلى ان يتحدث بمثل هذا الحديث
انا ارى ان حالة الانقسام لن تنتهي قريبا

كريمة سندي يقول...

الله المستعان .. وربنا معاكم يارب ويسترها عليكم

Mahmoud Ahmed يقول...

الشعب لجامه فرط خلالالالالالالالالالالالاص

vanilla scent يقول...

ربنا يحمي البلد دي

وينصر شعبها ويحدهم

غير معرف يقول...

شموسة يالهلوبة فية خبر حلو ليك علي مدونة قطة الصحراء بسرعة يابت

ابراهيم رزق يقول...

الوجوه غير الوجوه

اختلط الحابل بالا النابل
اصبحت التحرير مصدر قلق لى بعد ان كانت مصدر امان
لم تعد النية صافية اندس كثيرون و ركبوا الموجة يجب ان نهدء لنعيد التفكير و فرز الغث من الثمين
اصبحت نظرية انا اشك اذا انا موجود
اصبح التحرير هو مصنع الشوهات بعد ان كان مصنع انكار الذات
تحياتى

mrmr يقول...

الامور اصبحت لغز كبيرررررررر
ربنا يستر

شمس النهار يقول...

*سواح في ملك اللــــــــــــــــــه

الجيش حاجة والمجلس حاجة ياسواح

المجلس بيعمل اللي علي كيفه بغض النظر الشعب عايز ايه
مش عارف يتصرف ولا يحتوي الموقف وبيخبط الناس في بعض

شمس النهار يقول...

*Ramy

ربنا مع الحق
فهو الحق

شمس النهار يقول...

*Ms Venus

ان شاء الله كل اللي هيسئ لمصر ربنا هيجيبه تحت رجلين الشرفاء

شمس النهار يقول...

*حمدى جعوان

آآآآآمين
ياحمدي الفتن في مصر مفتعله

المجلس حب يدي الثوار علقة يخوفهم
عنده زهايمر كانوا خافوا يوم موقعة الجمل وكان اللامبارك في الحكم

شمس النهار يقول...

*مصطفى سيف

القوي الوطنية !!
ماخلاص فرقوهم ولهوهم بشوية مشاكل ياخدوها ويقعدوا يحلوها علي جنب

وانشغلنا اننا نحافظ علي ثورتنا ونقف علي تحقيق اهدفها

في فيديوا لمنصور علي الجزيرة مع الشيخ صفوت حجازي في شاهد علي الثورة بيتكلم عن السويس يوم 27 لو لاقيته انشره علي تويتر
كلام صفوت مهم جدااااااااا

شمس النهار يقول...

*The illusionist

الموضوع بسيط في ثورة قامت
في اهداف ماتحققتش لحد دلوقتي
وفي عصابة بتتحكم فينا لحد دلوقتي

الصح يتحقق مطالب الشعب

شمس النهار يقول...

*Foxology

همه لسه ياابو يوسف هيركبوا الحكم

ماخلاااااااص

مش فاضل غير ان مبارك يطلع علينا في التليفزيون

شمس النهار يقول...

*نيللى

آآآمين
صدقيني ربنا مع الحق

وفرجه قريب

شمس النهار يقول...

*لورنس العرب

البيان ده ان دل علي شئ يدل ان لازم ناخد بالنا من المجلس شوفت فيديو دينا عبد الرحمن في صباح دريم

شمس النهار يقول...

*كريمة سندي

شكرا ليكي ياكريمة مشاركتك

شمس النهار يقول...

*سبايدرم

الشعب بقا غلبان اكتر من الاول

شمس النهار يقول...

*vanilla scent

آمين

ان شاء الله كله هيبقا تمام
رغم الحزن الا اني عندي امل كبييييييييييير في ربنا

شمس النهار يقول...

*ابراهيم رزق

حتي الوجوه المعروفة حزينة

شوفت فيديو دينا عبد الرحمن علي دريم
مش كل اللي في التحرير وحشين

في ناس دخلت علي الشغلانة مدسوسين اصلا

في لخبطة بس حاسة ان بعد اللخبطة دي خير

شمس النهار يقول...

*mrmr

في عايزها لغز

بس ربنا هيفكها علينا