مش لاقية حاجة اقولها ابلغ
من كلام فاتيما في بوست
كمين العباسية
حزينة جدا وخصوصا لما شوفت الفديوهات اللي ماليه الدنيا ودليل ان الشعب اضرب من اللي المفروض يحميه
ونفسي اكدب اللي بيقولوا ان المجلس بيعمل كده علشان اللامبارك هددهم يفضحهم وبالمستندات
مش مصدقة ان بعد الثورة يتقال كفايه خواجات مش مصريين
و6ابريل بيتمولوا من الخارج واتدربوا في الخارج
فاضل مين عليه الدور يتخون
ولما الشعب كله كده طلع خاين واجندة وبيتمولو
الجيش حمي الثورة ليه وقال انه شريك فيها
7 شهووووووووووور
ومافيش اي انجاز للثورة
ونقول يمين يقولوا شمال زي الشريك المخالف
كل القوي السياسية والناس المستقلة اللي هترشح نفسها والناس اللي هتروح تنتخب قالوا مش عايزين نظام فردي عايزين قوائم
عملوا العكس زي مايكونوا عايزنها والعه
حتي العصابة لسه بتحرك البلد
ولسه الاعلام المصري زي ماهو اللي فيه فيه
اعلام العصابة
من كلام فاتيما في بوست
كمين العباسية
حزينة جدا وخصوصا لما شوفت الفديوهات اللي ماليه الدنيا ودليل ان الشعب اضرب من اللي المفروض يحميه
ونفسي اكدب اللي بيقولوا ان المجلس بيعمل كده علشان اللامبارك هددهم يفضحهم وبالمستندات
مش مصدقة ان بعد الثورة يتقال كفايه خواجات مش مصريين
و6ابريل بيتمولوا من الخارج واتدربوا في الخارج
فاضل مين عليه الدور يتخون
ولما الشعب كله كده طلع خاين واجندة وبيتمولو
الجيش حمي الثورة ليه وقال انه شريك فيها
7 شهووووووووووور
ومافيش اي انجاز للثورة
ونقول يمين يقولوا شمال زي الشريك المخالف
كل القوي السياسية والناس المستقلة اللي هترشح نفسها والناس اللي هتروح تنتخب قالوا مش عايزين نظام فردي عايزين قوائم
عملوا العكس زي مايكونوا عايزنها والعه
حتي العصابة لسه بتحرك البلد
ولسه الاعلام المصري زي ماهو اللي فيه فيه
اعلام العصابة
هناك 43 تعليقًا:
الاعلام المصري الفاااااااشل هو اللي لسه ورا غسيل مخ الناس و إطاهر جانب واحد من الأزمه و لسه موجه مفيش فايده مات الملك عاش الملك.
أنا كمان صعبان عليه موضوع التمويل الأجنبي ده و للأسف ناس كتيييير صدقوا حتى من اللي كانوا ضد الكلام ده في الأول بدأوا دلوقتي يملوا و يخونوا بكل بساطه لأن العقل رافض أن يكون في غبار على الجيش و أنا كمان مبقتش عارفه آخرتها إيه نفسي نهدى شويه.
ربنا يسهلها وتعدي الأزمة دي على خير اللهم آمين
حالك ياماما حال اغلب الناس للاسف
ربنا يسترها ويعدي الفتره دي علي خير
عارفه الفرخة لما بتتدبح بتقعد تفرفر وبتلوش في اي حاجه تيجي في طريقها
احنا في فترة التلويش دي ويارب تعدي علي خير لانها طالت اوي
انا ضد المسيرة من بدايتها لانها لا تؤدي الي سيناريوهات مفهومة بعد سقوط المجلس العسكري
لكنني ضد التخوين وضد استعمال العنف على مظاهرات سلمية
من حق المظاهرة مادام سلمية الا يتعرض اليها احد
بس انا قريت شهادة احمد غربية ومخالفة جدا لكل اللي قالته فاتيما
http://ghagariya.wordpress.com/2011/07/24/%D8%B4%D9%87%D8%A7%D8%AF%D8%A9-%D8%A7%D8%AD%D9%85%D8%AF-%D8%BA%D8%B1%D8%A8%D9%8A%D8%A9-%D8%B9%D9%84%D9%89-%D9%8A%D9%88%D9%85-23-%D9%8A%D9%88%D9%84%D9%8A%D9%88/
بيقول ان الناس اللي هاجمتهم مش بلطجية دول اهالي المنطقة وان بعض المتظاهرين بادلوهم القاء الحجارة
سواء كده او كده فالجانبين مصريين ولازم في اللحظات دي نقول يا رب
ويا رب يكون في شفافية اكبر علشان نفهم الحقي
ازييييييييييك يا شموسة
بعد اذنك
هرد على الاخ مصطفى سيف
ماشى ؟
--------------
يا أستاذ مصطفى
انا مع حضرتك
ان شهادتى مختلفة عن شهادةاحمد غربية
بس كمان عاوزاك تقرى شهادة واحدةمن اهالى العباسية
لأنه هيلخص اللى كنت عاوزة اقوله
وهوه ان
كون فيه بلطجى من الحى نفسه
دا مش معناه انه صح
وانه من حقه اللى عمله
وان المتظاهرين هما اللى ابتدوا
انا كنت واقفة عند المكان اللى ابتدى منه رمى اول طوبة ف العركة دى
و أؤكد لحضرتك
ان الضرب ابتدى من الطرف الآخر
وتم ضبط النفس بشدة لفترة
ولما تم الاتفاق ع الرجوع للتحرير لأستكمال المسيرة رجوعا
كان البلطجية سدوا طريق الرجوع خلاص
وابتدى الطحن
اهالى العباسية كان فيهم اللى مش عاجبه المسيرة اكيد واعترض
ومنهم اللى رمى حاجات زى ما كتبت عندى
بس الأعتداء اللفظى دا معتاد
انا اتشمت من سواق التاكسى اللى كنت ركباه
:)
بس الإعتدء اللى تم علينا
كام منهجى ومرتب وبيعمله ناس محترفة
كونهم بلطجية المنطقة
فهم ف النهاية بلطجية
ولا يصح ان نقول عليهم ابدا
انهم اهالى العباسية
اللى رفضونا
لأن اهالى العباسية هما اللى نزلوا بعد نداءامام المسجد عشان نخرج ف حماهم
مش ف حما الجيش ..ولا أى حد تانى
اما حكاية فكرة المسيرة وهدفها
فقد نختلف عليه
لكن يا ريت نتفق
ان من حقك وحقى وحق كل واحد يعمل اللى عاوزه طالما بسلمية واحترام للأخرين
والوقوف بيفط امام مؤسسة الحكم للأعتراض على بطء استجابتها للمطالب الشعبية الثورية
ليس اعتداء ولا بث للفتنة
والا وقوفنا قصدا الداخلية وقصر العروبة وقصاد مجلس الوزراء وأى مكان فيه تباطىء ومنع للحقوق ...
يبقى غلط
الهدف يا أخ مصطفى اننا نزهق او نخاف
ونرجع ننام ف البيوت لحد ما يحنوا علينا وينفذوا المطالب
وزى مانتا ملاحظ
المطالب لا تنفذ الا بنزول التحريروالأعتصام والثورة كل شوية
وانا بأكدلك ان اللى ماشيين كانوا ف غالبهم ناس محترمة ومعهاش أى اسلحة تهاجم بيها ولا حتى تدافع عن روحها
وكان الهدف المرواح والرجوع
زى ما حصل ف مسيرة مجلس الوزراء ..
وبس
لكن الكماشة والكمين اللى اترسملنا لو بيقول حاجة
فهو بيقول اننا ما زلنا نعيش ف زمن الغدر والظلم ...
وكأن الثورة لم تصل لمن يحكمونها بعد
ودى مهمتنا
نعرفهم ان الثورة وصلت
هيعرفوا ازاى واحنا ف بيوتنا ؟
لازم ننزل ونعلى الصوت
مع الألتزام بالسلمية اكيد
بس لازم نعمل حاجة ...
والف شكر ليك
وليكى يا شموستى
https://www.facebook.com/notes/mohammed-shazly/%D8%B9%D8%A8%D8%A7%D8%B3%D8%A7%D9%88%D9%8A-%D9%81%D9%8A-%D8%A7%D8%AD%D8%AF%D8%A7%D8%AB-%D8%A7%D9%84%D8%B9%D8%A8%D8%A7%D8%B3%D9%8A%D8%A9/10150262832701192
حصلت حاجة غريبة
زياد و ساليناز بيحبوا الاغانى الوطنية و بينزلوها و يسمعوها
شفتهم النهاردة بيغنوا لوحدهم
الله يا بلدنا الله
على جيشك و الشعب معاه
ابتسمت و قلت يا رب خدوا فالكوا من عيالكوا و تصبح الاغنية حقيقة
لا اريد ان اعلق لانى محبط جدا جدا لانى بصراحة كده مش فاهم حاجة و عامل زى الاهبل فى الزفة اقصد فى الثورة
تحياتى
والله الواحد مابقى عارف فين الصح والغلط ربنا يلهمنا الصواب
والله ياشمس حاجة تخنق بجد كل شوى يحصل ضرب وتخوين والاهم ان مفيش حاجة تغيرت مش عارف هو المجلس مع مين بالظبط
؟
مع خالص تحياتى
اختي العزيزة فاتيما
اشكرك لأنك وضحتي صورة كانت تايهة عني
ويعلم الله انني احترمك ولم اكذبك في روايتك ولكن انتي تعلمين عدم شفافية الاعلام والصورة الضبابية التي تصلنا حتى اننا نبحث عن الحقيقة بصعوبة
كما قلت انا لست مع المسيرة بعقلي لاسباب عديدة ليس هنا مجالها
لكنني كنت مع الشباب الطيبين الذين خرجوا خوفا منهم على الثورة ومصر بقلبي
وربما يرفض العقل ما يميل اليه القلب
لذلك كنت اتمنى لكم السلامة
اشكرك لسعة صدرك ولأنك استهلكتي بعض وقتك كي ترينا حقيقة قد تكون غائبة
حفظكم الله وحفظ مصرنا الحبيبة وقادها للخير والرقي دائما
واشكرك اختي شمس لانني عرفت حقيقة الاحداث هنا
يا سيدتي لو استمرينا في الضغط والاساءه الي المجلس العسكري ستدخل البلد في فوضي لا يعلم الله متي ستنتهي ,,,يا سيدتي اوضاع البلد لا تحتمل كل اللي بيحصل ده ,كل المطالب ستحقق بالتدريج وفي ظل حكومه ورئيس منتخب ,يبدو ثمة اناس لا يريدون استقرار البلد ولا يريدون انتخابات وتحقيق هذا يتم عبر الفوضي التي تخدث الان
يا سيدتي ثمة قوي سياسيه في هذا البلد تريد تحدي ارادة الشعب وتحقيق مصالحها الضيقه مهما كلفت مصر من تضخيات وخسائر فادحه ,تلك القوي يجب ان ينتبه لها الشعب جيدا
حقيقة غالبية النخبه في مصر هي نخب فاشله وعقيمه وتقوم بتضليل الشعب وتحرضه علي المجلس العسكري
يا سيدتي من يحب أن ينتقد المجلس العسكري يجب ان يكون انتقاده بناء وهادف بعيد عن التحريض والتخوين في حق هذا المجلس الذي وقف ضد مبارك ورفض اطاعة اوامره بضرب المتظاهرين ,,,ولا نسينا كل ده
يا سيدتي لا نريد ان نكون ناكرين الجميل ,هذا المجلس حمي الثوره ويحرس البلد الان قد تكون ثمة مطالب لم تحقق ولكن بالتدريج هتقق بس محتاجين صبر شويه
حضرتك بتقولي انه مفيش انجازات حصلت بالله عليكي برده ده كلام !!!
__
اتمني تقدري عصبيتي لاني بجد مخنووق من اللي بيحصل
ياشموستنا
ان مايحدث من الشباب بصافي نية
انا بعتبره مش عارف طيبة او سذاجة
انهم يصنعون ديكتاتور ا جديدا
بتصرفاتهم
دي لانهم كدة بيخسروا تعاطف الشعب
وتاييدة
لانهم في الاساس مش مسيسين وبيتصرفوا
بتلقائية تؤدي الي انزلاقهم للاخطاء
انهم يصنعون ديكتاتورا وبكرة افكرك
بمناسبة الامثال
((الطريق الي الجحيم مفروش بالنوايا
الحسنة )) تحياتي
انا احساسى اننا فى لغزززززززز كبير محتاج نفكر فيه علشان نعرف الحل
ربنا موجود ويسترها
"ولا تنازعوا فتفشلوا وتذهب ريحكم واصبروا إن الله مع الصابرين"
السلام عليكم
والله انا حال البلد واللى بيحصل فيها كل يوم تاعبنى
وبصراحة انا بشفق على الناس اللى كل شوية فى التحرير بسبب المطالب مع انى اصلا بطلت اروح التحرير بسبب مناظر كنت بشوفها
وشرف والمجلس العسكرى والاعلام
ثالوث بديل عن رجال الاعمال والحكومة والاعلام سابقا
ربنا يبعد عنهم اغواء السلطة علشان خاطر البلد
قلت وهفضل أقول : الكلاب مبتعضش ودان بعضها .. كلهم كدة وهيفضلوا طول عمرهم كدة !!
زى ما الجيش وقف يتفرج يوم موقعة الجمل وبالعكس كان بيفتح الطريق للجمال والأحصنة علشان تدخل الميدان هو نفس الجيش اللى وقف يتفرج عند مسجد النور !
الاعلام المصرى اللى كان بيقدس ويمجد ميدان التحرير دلوقتى بأة ميدان التحرير مثير للغضب الشعبى من وجهة نظره العقيمة المتعفنة
مفيش فايدة بجد .. ومش عارف نعمل ايه تانى !
تحياتى
بسرعة يابت علي مدونة قطة الصحراء فية كلام كويس عن حركة 6 اسرائيل
*شيرين سامي
الاعلام واي حد يحكم البلد دي معتمدين علي ان اغلب الشعب غير مثقف
اي معونة امريكية او من اي حته لازم ويشترط ان يكون في نصيب منه لجمعيات المجتمع المدني ودي بتكون تحت اشراف الحكومة كمان
لكن هو كارت اللي بيحكم البلد دي بيطلعه لأي جمعية معدنية وقت اللزوم معتمد علي عدم معرفة الناس بالبروتوكولات
وهقول لك ايه ربنا مع الحق
*كريمة سندي
آآآمين
محتاجين ندعي ربنا يكفينا شر المستخبي
*كيــــــــــــارا
كوكي ازيك
مصر الان بتصنع تاريخ في من سيدخله من ازبل باب
وفي اللي هيدخله من اجمل الابواب
ومن قبل كل ده ربنا وحساب من سيول له نفسه وضميره ان يضر هذا البلد
وسبحان المعز المذل
شوفي العصابة كلها في ن دلوقتي اللي ياماذلوا الناس
*مصطفى سيف
مين اللي جاب سيرة سقوط المجلس العسكري
واحنا مالنا ومال سقوطه
لكن مالنا بالقوانين اللي المفروض تصدر بعد المناقشات مع القوي السياسية
يعني ايه يصدر قانون الناس وكل التيارات مش موافقه عليه ويقول لك بعد المناقشة بعد المناقشة مع مين
عارف نظرية اسمع كلامك اصدقك اشوف امورك استعجبك
واعتق ان فاتيما ردت عليك
وعلي فكرة كلام فاتيما زي كلام ناس كتير كانوا في المسيرة
واشمعنا المسيرة دي اللي اتعمل فيها كده
مابتوع التحرير طلعوا مسيرة اكبر لحد مجلس الوزراء ووقفوا شوية ومعاهم المطالب ورجعوا تاني
تحس ان في شئ غريب علي راي فيروز
في شئ عم بيصير
بس الله كبير
*فاتيما
الله يسلمك ياغالية وحمد الله علي السلامة
وطبعا تردي المدونة معمولة للمناقشات الجميلة بينكم الراقية
والشكر ليكي ياحبيبتي
*فاتيما
اللينك مش موجود
*ابراهيم رزق
خير ان الاولاد يحفظوا الاغاني الوطنية علشان بيسمعوها يعد مامات السادات ماكنش في اي اغاني وطنية حماسية عدلة تربي مشاعر الاطفال علي الوطنية
ولا حتي القديم كان بيتذاع
وبالنسبة لحالتك
كلنا هذا الرجل
بس انا زايدة عنك بالعياط من الخنقة
امبارح كنت في عذا واغلب القاعدين كانوا من بتوع خربتوا البلد وتصدق كل ماتقول لهم انتوا شوفتوا ده يقولك سمعت وبيتكلموا عن اللي في التحرير وكأن اللي في التحرير دول تبع الاداب قلت لهم حرام عليكم ماتتكلموش عن الشرف بسهولة كده
الاعلام عامل عمايله
وكله بيضرب في كله
وطيور الظلام شغالين الله ينور
*Carmen
الصح ان في ثورة و ثورة عظيمة كمان
الغلط مش عارفين نحقق اي انجاز
*Tamer Nabil Moussa
المجلس مع نفسه
نقول يمين يقول شمال
وادي الاحزاب والقوي السياسية رفضت قانون المجلسين علشان عمل عكس ماقالوله
*rack-yourminds
ليه دايما نسمي الاختلاف اسأه
هو لما اقولك انت كده غلط والصح كده يبقا بشتمك
ماتعلمناش نختلف ولا نعمل راي
لازم كله يبقا راي واحد
وعلشان كده اتفرقنا
المطالب اللي تتحقق بالتدريج فين اذا كان المطالب الفورية مابتتعملش
الوزارة اللي فاتت اللي كان اغلبها من لجنة السياسات في وزراء دخالوا وخرجوا ماعملوش اي شئ
انت عارف ان العمالة المؤقته اللي بعقد بقالهم سنين واللي قالوا هنعينهم اهي دي حاجة بسيطة اهو لحد دلوقتي مااتعينوش
انت عارف ان السباعي رجع المصلحة
(يا سيدتي ثمة قوي سياسيه في هذا البلد تريد تحدي ارادة الشعب وتحقيق مصالحها الضيقه مهما كلفت مصر من تضخيات وخسائر فادحه ,تلك القوي يجب ان ينتبه لها الشعب جيدا )
كلامك صح ميه في الميه
مااختلفناش
هنا بقا لازم نتحد ونعرف نتصدي لكن الان كله بيخون كله والناس بتصدق اي اشاعة وياريت تقري ردودي السابقة هنا علي التعليقات
(حقيقة غالبية النخبه في مصر هي نخب فاشله وعقيمه وتقوم بتضليل الشعب وتحرضه علي المجلس العسكري )
وكذلك العكس نخبه اخري بتضلل المجلس وتقلبه علي الشعب
والدليل اخر قانون بتاع المجلسين اللي ضد مايرده الاغلبيه العظمي من العقلاء اللي عارفين يعني ايه نظام فردي في قري مصر وخصوصا الصعيد
مشكلة المجلس انه مش قابل اي نقد لا بناء ولا غيره
ومانسيناش انه مارضيش يضرب الناس
بس يعني ماتجيش انت بقا وتدي ودنك لأي حد وتضربني انت
في حاجات ممكن يتصبر عليها لكن في حاجات تهدي الراي العام كان ممكن تخلص في ساعتها انت عارف التراخي في محاكمات قتالين القتله خاليتهم دلوقتي بيطاردوا اهليهم شوية بالفلوس وشوية بالتهديد
عندك اكتر من الف شهيد واكتر من 7 الاف مصاب بعاها مستديمة اهاليهم عددهم كام؟؟؟؟
لمصلحة مين يتنقل العصابة الي شارم الشيخ اهي دي في هتولع الدنيا
حاسة ان في ايد خفية كل ماالدنيا تهدي تولعا تاني
انا عايزاك انت وانت عارف ان باقدرك ازاي ولا امل من النقاش معك
عايزاك تقول لي علي حاجة اتعملت من مطالب الثورة وخلصت لنهايتها
وكلنا متعصبين ومتوترين وخايفين ثورتنا ثورة عظيمة وبنتمني تخلص مطالبها علي خير ويكفيها شر طيور الظلام
*سواح في ملك اللــــــــــــــــــه
صدقني الشعب مش متعاطف مع الثورة من الاول وراجع اللي انا كتباه هنا من ايام الثورة هتلاقي تاريخ هجوم الشعب علي الثورة مكتوب
الاعلام من حشد الثوار ضد المجلس والمجلس ضد الثوار
وعايزة اقولك علي المجلس اسمع كلامك اصدقك اشوف امورك استعجب
واخر التصرفات الغريبة القوي السياسية بكل تيارتها والناخبين والمجتمع والناس مش عايزين الفردي
قالك لا بقا نص ونص
لصالح مين ده بقا
*mrmr
لغز واحد بس يامرمر قولييييييييي الغاز
*حمدى جعوان
هو انا اللي مخوني ايه الفرقة اللي بقت التيارات والشعب فيها دي
*عرفة فاروق عبد لله
وعليكم السلام ورحمة الله وبركاته
مافيش حاجة بالساهل ورغم كل شئ ان شاء الله خير
*Foxology
كلامك صح ياابو يوسف
بس ان شاء الله خير
وشايفة ان اللي حصل وحد تاني القوي السياسية حتي الاخوان اللي ساعة الضرب كانوا بيحتفلوا طلعوا بيان
يارب سلم يارب سلم
ودايما الله كبير وعندي امل
مصر هتقتلنا من الحسرة
بيقولك الثائر الحق يعمل ثورة وبعدين يقنع الناس انها ثورة والله قلتها امبارح لواحد متبقوش تعيطوا في الاخر لو الثورة منجحتش لان عندنا اشكال مقتنعة ان الثورة ضد البلد
مقتنع تماما ان المصريين احرار وميستهلوش كل الغلب دة بس يمكن الوضع الحاصل دة من ناس كارهة الثورة يمكن دول نسميهم عبيد اسيادهم ومنافقينهم
الله المستعان عليهم
تحياتي وتقديرى :))))
ارجوكى اعملى اشراف على التعليقات
صحيح الهيافة ليها ناسها
تحياتى
الاخت شمس بداية انا بقدرك جدا واكن لكي كل احترام وتقدير فانتي من شرفاء واحرار هذا الوطن الذين شاركوا في الثوره العظيمه ويكفيكي هذا فخرا وشرفا الي يوم الدين ,وما اختلافنا الا من اجل الوطن وحبا فيه
___
هل اهتافات التي تطالب بسقوط المجلس العسكري يندرج تحت النقد البناء !!؟ هل الهتافات التي تطالب باسقاط المشير نقد بناء!!؟ هل تخوين قادة المجلس نقد بناء!!؟ هل خروج مسيره الي وزراة الدفاع هل هذا يتصرف يقبله عقل او منطق!!؟
يا سيدتي اريدك ان تفكري ولو لحظات في نوايا الذين يطالبون باسقاط المجلس العسكري !!انا اري من يطالبون بذلك ان لم يكونوا مرتزقه وخونه فهم اغبياء وحمقي
يا سيدتي لا نستطيع ان نفصل المجلس العسكري عن الجيش ,فالمجلس العسكري هم قادة جيوش
بالله عليكي عندما يطلب بعض الجهلاء والخونه باسقاط المجلس العسكري او باسقاط المشير الا تعلمين ان من شان ذلك حدوث انقسام في وحدة القياده العسكريه واذا حدث انقسام يبقي يعوض ربنا علي البلد
وتعلمين ان المسيره الني كانت متجهة الي المجلس العيسكري كانت فيها تلك الهتافات
سيدتي :تنحي مبارك وتم حبس نجليه ورموز نظامه وحل حزبه وحل جهاز امن الدوله وحرية تشكيل الاحزاب والافراج عن المعتقلين وحل المحليات وحرية اصداؤ الصحف والتحقيق مع كل من تورط في قتل الشهداء وسنشهد انتخابات برلمانيه ورئاسيه نزيهة نزيه لاول مره في تاريخ مصروعودة السياسه الخارجيه لمصر وفتح معبر رفح والمصالحه الفلسطنيه والعوده لافريقيا وغيرها الكثير من الانجازات ومع ذلك ثمة من يهيل التراب علي كل هذا ويتذكر فقط السلبيات
يا سيدتي اعلم ثمة بعض النطالب لم تتحقق ولكن الصبر الصبر كل شئ سيتحقق بالتدريج اما ما نشهد حاليا فهي فوضي ستدفه مصر ثمنها غاليا
سيدتي ثمة الكثير من العقلا والحكماء ممم اشتركوا في الثوره وكان لهم دور عظيم قبلها و فيها ويرون ان ثمة تطرف كبير في اوساط بعض الثوار
ما رايك في فهمي هويدي وعماد الغزالي وعمرو الشوبكي وعمر و حمزاوي وعماد الدين حسين ومصطفي النجار وغيرهم الكثير من المثقفين والكتاب العقلاء الذي راوا ان الامور اخذت مسارا غريبا ومتطرفا
يا سيدتي لا نريد ان ننجرف او نستقي معلوماتنا او نبلور راينا من خلال الفيس بوك والتويتر وغيرها من المواقع التي غالبية مريديها شباب ينقصهم الحكمه والسياسه ويقوم بدروهم بشحن بعضهم
يا سيدتي كثير من القوي السياسه التي تهاجم المجلس العسكري الان وتتهمه بالتواطي تريد من المجلس العسكري نفسه ان لا يستعجل بالانتخابات ويطيل من امد الفتره الانتقاليه ,الم تفكري حضرتك في هذه المفارقه الغريبه
يا سيدتي الذين يطالبون بان يقوم المجلس العسكري يصياغة الدستور اولا الم يعيبوا علي هذا المجلس ذاته بان اللجنه التي عدلت الدستور لم تشمل كل تيارت المجتمع ,الم تفكري حضراك في هذا المفارقه ايضا
حقيقي هناك قوي سياسيه دائما تتهم المجلس العسكري في كل شئ وتراه مخططئ في كل شئ !!
يا سيدتي هل المجلس العسكري هو مبارك او مجلس احتلال حتي يتم الهجوم عليه بهذا الشكل !!؟
المجلس العسكري بيحافظ علي البلد في هذا الفتره الانتقاليه وسيرجع الي ثكناته فلما هذا الهجوم القاسي عليه!!؟
اخشي يا سيدتي ان تضيع مصر من ذوي النوايا الحسنه اولا قبل النوايا السيئه
__
لكي احترامي وتقديري وكل سنه وحضرتك طيبه وكل الاسره في احسن حال
والله عندك حق يا شموسه كنت لسه بتابع برنامج وبقول مش باقى ولا حزب مقالوش عليه انه مش مصرى وبيتمول وامتداد لحركات خارجيه وكلام كتير يحرق الدم
المهم ادينا داخلين علي ايام مفترجه وربنا كريم
قرب رمضان فكرنى بناس يهمونى قلت اهنيهم قبل ما يسبقونى .. رمضان كريم عليكى يا شموسه
*Haytham Alsayes
رغم كل اللي حاصل عندي امل كبير جدااا
وان شاء الله الثورة تنتصر علي طيور الظلام
انت عارف تاريخ كويس وعارف ان اي ثورة لها طيور الظلام الخاصين بيها
صحيح احنا العشة عندنا كبيره اووووووووي
بس هاتجلهم انفلونزا الطيور تاخدهم شيلة واحدة
:)))
*ابراهيم رزق
ماتقلقش ياابراهيم انا مش بقرا اي غير معرف
وسيبه بكره يزهق
مابيدومش غير الصح
وياسيدي خاليه يتسلي
:)))))
تنكد عليه ليه هو مبسوط كده ربنا يبسطه كمان وكمان
:)))))))))
*rack-yourminds
اولا بعتذر عن التأخر في الرد عندي مشاغل كتير اليومين دول
وانت كمان من شباب البلوجر اللي بعتز بيهم جدا واللي بيدوني امل في بكره
انا ضد الهتاف بسقوط المجلس
ولكن المجلس ابتدا يعمل اخطاء كتير
مش بتاعته نتيجت انه حشر نفسه في اللي مالهوش فيه
وكمان مابقاش يسمع حد
وعلي فكره زي زيك ده مخوفني جدااااااا
علشان احنا شعب فينا ناس زي مابيقول محمد صبحي مالهمش كورنيش
لا المجلس حاجة والجيش حاجة المجلس متغير لكن الجيش باقي
يعني لااجد مبرر ان المشير يسيب اشخاص من المجلس يعملوا بلبله وحوارات علي فضائيات لاتجلب اي شئ ولا تعود بالنفع اصلا
وموضوع المسيرة نتفق او نتختلف معاها لكن لن نختلف علي اللي حصل كان غلط وكان ليها طريقة تانيه خالص كتبتها في تعليق هنا اعتقد
واديك شوفت التوضيبه اللي اتوضبت لهم
واصلا انا مااشتركتش علشان ماوافقتش علي التصعيد كده
كل الانجازات اللي قلتها لم تكتمل حتي تنحي مبارك يشوبه شائبه واديك شايف الاستفزاز كل شوية بأخباره
الانجاز لما يتم يبقا تم لكن كل الانجازات حتي الان تحت التشطيب :))
ايوة هتم لكن الثورات تحتاج سرعة في الاداء مش ماشين زي السحلفة
اللي بيتعمل في الثورات مش نفس اللي بيتعمل في الاصلاحات
والاخبار الان موثقة ماحدش بيخترع يعني فلان قال بيبقا اللي قاله علي اليوتيوب
يعني ماحدش يقدر يقول ماحصلش كله بالوثائق
وان شاء الله يتحد الشعب تاني وربنا يكفينا شر طيور الظلام ويبتليهم بأنفلونزا الطيور
:)))))
اشكر متابعتك ومناقشاتنا الراقية وده قليل اليومين دول :))
*nour shahen
اهلا اهلا بالحبايب الغالين
الغايبين
كل سنة وانتي بالف مليون صحة وسعادة ياغالية
إرسال تعليق