السبت، 30 يوليو 2011

مصر هتفضل غالية عليا

مصر هتفضل مسلمة مؤمنة معتدلة وسطية متدينة اكتر من اي دولة في العالم
مصر فرمت وهضمت اعتي الحضارات
اخدت اللي هي عايزاه ويوافقها ورمت الباقي
احتفظت بهويتها ولهجتها واعتدالها
وماحدش قدر عليها
وان شاء الله خير
وعندي امل كبير في ربنا
يارب احفظ مصر
اسلمي يامصر
========
ملحوظة
عملت اشراف علي التعليقات
علشان في مدونين مستائين من غير معرف
مع اني انا مش مستائه
علشان انا اصلا مش بقرا اي تعليق بغير معرف
:))
انبسط ياابراهيم ادينا قفلنا دكان التعليقات
:))

هناك 42 تعليقًا:

حمدى جعوان يقول...

صباح الخيرااات
صباح الامل
انا كمان املى فى ربنا كبييير ومتفائل بان مصر هتقوم وهتقف وهتفضل ام الدنيااا

يااااارب احمى مصر من الفتن

غير معرف يقول...

صح وأكبر صح

ابراهيم رزق يقول...

اولا الغير معرف ده بينط عندى كتير و انا مش بضايق منه الا لم يقل ادبه اما غير كده فانا بحب لضحك الناس عليه و الدليل انى ناشر تعليقه على اخر بوست عشان ابين اقد ايه هو تافه فى تفكيره و عقله على قده لكن انا فعلا مرة اخرى باضايق لما يشتم ناس محترمة و مختتفى و را غير معرف زى التافهين اللى بيعاكسوا فى التليفونات و فى غير معرفين محترمين
المشكلة انهم داخلين بمدخل رهيب قد يستطيعون خداع البسطاء و لا يشعروا الا بعد خراب مالطة و الحل سؤالين فقط
هو انت مسلم و لا مش مسلم
هو انت مش عايز تفرض شرع ربنا
جاوبى بقى بصفتك المواطن البسيط فى النجوع و القرى و هم الاغلبية الصامتة التى اصبحت مؤثرة
تحياتى

مصطفى سيف الدين يقول...

اللي حصل امبارح هو شرخ كبير في جسد الكيان المصري
اكتشفنا ناس كتير بتتدخل في اللي مالهاش فيه وهو علاقتي بربي
لما تحسي ان الناس كلها باصالك انك كافر دي مصيبة
دلوقت فهمت كلام الشيخ حسين يعقوب في خطبة غزوة الصناديق ان فيه فسطاطين فسطاط فيه المشايخ وفسطاط فيه الناس التانيين ويبقى منظرك وحش لو فضلت مع التانيين وسيبت المشايخ
حسبي الله ونعم الوكيل في كل من يشكك في اسلامنا
الانسان ممكن يستحمل اي حاجة في الدنيا غير التشكيك في تدينه لان دي حاجة زي دي هي علاقة بين العبد وربه والناس اللي طلعت النهاردة معندهمش الشفافية اللي تخليهم يعرفوا اللي في القلوب
تحياتي واتمنى غد افضل لمصر

الغاردينيا يقول...

الله يحمي مصر وشعبها وهي غالية علينا كلنا :)
كل عام وانتي بخير ماما شمس
وربنا يسعدك ومبروووك بمناسبة كتب كتاب بنتك :) انا قرأت في الجروب هذا اصلي بقيت عضوة معاكم ^^ احم احم هههه
لكي ارق تحياتي
ورمضاااااان كريم

ليس فقيرا من يحب يقول...

صباح التفاؤل والاشراق والقلوب الحلوة

يا شموستى

الواحد محتاج الجرعه دى علشان يعرف يكمل

صباحك احلى من السكر يا ست الستات

سواح في ملك اللــــــــــــــــــه- يقول...

تعرفي ياست الكل

قبل الثورة انا كنت خايف علي الهوية المصرية كانت كل العقول والاتجاهات

بتروح ناحية الثقافات الغربية وكانوا مشاهير بلدنا بيروحوا يخلفوا عيالهم

في بلاد برة عشان ياخدوا الجنسية الامريكية والاوربية

الثورة اعادت لينا روح وريحة مصر

حفظ الله مصر وهويتها

Mona Hekal يقول...

انا كمان عندي امل كبير في ربنا لان زي ما حضرتك قولتي البلد اللي تفرم كل الحضارات دي و تفضل واقفة و صامدة مش أزمة زي دي هاتهدها
البلد دي كبيرة اوي و عظيمة اوي و هاتفضل بإذن الله كده رغم أنف الطامعين و المتسلقين
و كويس ان حضرتك عملتي اشراف :)
كل سنة و حضرتك طيبة و بخير انتي و كل اسرتك الكريمة و رمضان كريم

hend anwar يقول...

ربنا يستر .. مش عارفة ليه الناس لما تسمع كلمة الله اكبر جسمها بيرتعش

vanilla scent يقول...

اسوأ يوم كان امبارح بجد

اه التفكير دا

مش كانت جمعه لم شمل خالص

ربنا يسلمك يابلدى

Tarkieb يقول...

وياريتهم فاهمين الدين كمان....سبحان الله ...شغل فهلوة

لــــ زهــــــراء ــــولا يقول...

ست الكل شمس النهار

انا جايه اقول كل سنه وانتى بخير وبصحه وسعاده ويارب رمضان كله فرحه وسعاده على مصر وعلى اسرتك واحبابك ياااااااارب


زهراء

mrmr يقول...

املى فى ربنا كبير انه يكون بكره اجمل وافضل
كل سنه وانتى طيبه
رمضان كريم

rainbow يقول...

ربنا كبير
كل سنة وانتي طيبة ومصر بهية

Ms Venus يقول...

كل سنة وانتى طيبة

Foxology يقول...

المشكلة ان مفيش توافق فكرى ! السلفيين والاخوان يقولك اسلامية دينية والليبرالية دى كفر ! طيب يا شوية بنى آدمين بتفهم وعندها عقل لو فكرتوا شوية هتلاقوا ان الاسلام فى حد ذاته بيدعم الدولة المدنية وبيأكد عليها !!! لكن سياسة وثقافة القطيع ليها الغلبة اليومين دول .. جمعة التوحيد والنور كانت مسخرة سياسية بمعنى الكلمة فكرتنى بالسادات لما طلق الاسلاميين على الليبراليين والاشتراكيين فى أواخر عهده

تحياتى وعاشت مصر محترمة

Unknown يقول...

بإذن الله مصر ستظل علما على الوسطية والسماحة
كل سنة وحضرتك طيبة

جايدا العزيزي يقول...

• رمضان كريم •٠·˙۩•٠·˙۩۩˙·٠• ۩˙·٠•رمضان كريم •٠·˙۩ ٠·˙۩ •٠·˙۩۩˙·٠• ۩˙·٠• رمضان كريم •٠·˙۩•٠·˙۩۩˙·٠• ۩˙·٠•رمضان كريم •٠·˙۩ ٠·˙۩ •٠·˙۩۩˙·٠•

كل سنه وانت دايما بخير

تحياتى

دعاء يقول...

راق لي ما كتبت ...

يسعدني أن تكوني من متابعي مدونتي :
http://thusmylife.blogspot.com/

الاحلام يقول...

كل سنه وانتى بكل صحه وسعاده وان شاء الله تحققى كل امنياتك
تحياتى الاحــــلام

د. ياسر عمر عبد الفتاح يقول...

كل عام وحضرتك بخير ,,
ربنا يتقبل منا صالح الأعمال
ويقوينا على الصيام

شمس النهار يقول...

*حمدى جعوان

صباح النور والتفاؤل

انا كمان عندي امل كبييييييييير في ربنا
ومصر ان شاء الله هتبقا احلي

شمس النهار يقول...

*مصري جدا

صح يافندم

شمس النهار يقول...

*ابراهيم رزق

كلامك زين والله زين
بس مين يقرا ومين يسمع

:))

شمس النهار يقول...

*مصطفى سيف

علي فكرة الجماعات دي من اول يوم بتكفر باقي المجتمع
وايام الجامعة ياماعانينا منهم

بيكفروا كل شئ حواليهم مش معاهم

ماحدش يعرف يطلع علي اللي في القلوب الا اللي خلقها

شمس النهار يقول...

*الغاردينيا

اهلا اهلا

واهلا بيكي في جروب المدونين
الجروب نور

وانتي غالية علينا كمان
كل سنة وانتي طيبة

شمس النهار يقول...

*ليس فقيرا من يحب

صباحك هنا ياجميلة

يارب دايما متفائلين
وبكره دايما احلي من النهارده

شمس النهار يقول...

*سواح في ملك اللــــــــــــــــــه

اه انت جيت علي الجرح
الهوية المصرية

من ملابس لعادات وتقاليد

عارف محضره بوست عن الملابس بس مستنيه وقت مناسب انشره
لو تلاحظ اختفاء زي المراه المصرية سواء الفلاحة او الصعيدية او بنات بحري في زي السعودية وايران وافغانستان وباكستان

بس برضوا خير ان شاء الله

شمس النهار يقول...

*Mona Abo - Elso3od

صدقيني يامني

ماحدش هيقدر يغير مصر

مش سهل
لوبصيتي هتلاقينا لهجتنا مختلفة حتي عن باقي الوطن العربي

مصر هتفضل مصر

وكل سنة وانتي طيبة

شمس النهار يقول...

*sun of free dom

طبعا لازم الناس لما تسمع كلمة الله اكبر
لازم تترعش
دي كلمة كبيرة يطرب لها من في السماوات والارض
لا اله الا الله الاكبر الاعظم
كلمة الله تهز الكون مش عايز البشر تترعش

ولا يحسها الا المؤمنين بها حق الايمان
مش اللي كده وكده

شمس النهار يقول...

*vanilla scent

معلش اللي حصل حصل

والشمل

ان شاء الله هيتلم لاتقلقي
مصر بخير
وفي النهاية لايصح الا الصحيح

شمس النهار يقول...

*Tarkieb

دي مش مشكلتهم دي مشكلة الازهر والاوقاف اللي سابوا السايب في السايب

كان لازم التوعية والدعوة للدين الصحيح

اللي زي رسول الله بالظبطت

شمس النهار يقول...

*لـــولا وزهـــراء

كل سنة وانتي طيبة وبخير وسعادة

رمضان سعيد عليكي ياجميلة

شكرا يازهراء

شمس النهار يقول...

mrmr*

كل سنة وانتي طيبة ياجميلة

ودايما منوراني

شمس النهار يقول...

*rainbow

كل سنة وانتي طيبة وبخير وسعادة

وبكره مصر تبقا احلي

شمس النهار يقول...

Ms Venus

كل سنة وانتي طيبة وبخير وصحة وسعادة

شمس النهار يقول...

*Foxology

ضحتني بجمعة التوحيد والنور دي

الاسلام دين جمييييييييييل

بس مش دين التكشيرة وفرض الراي

بس عارف انا متفائلة جداااااا
عندي تفاؤل يكفي مصر بحالها

شمس النهار يقول...

*حاتم عبدالفتاح

ان شاء الله مصر هتفضل معتدله
ليها شخصيتها المستقلة ومش زي حد

كل سنة وانت طيب

شمس النهار يقول...

*جايدا العزيزي

عجبتني اوي رمضان كريم


كل سنة وانتي طيبة ياجميلة

شمس النهار يقول...

*dodo, the honey

اهلا بيكي وان شاء الله ازور مدونتك
كل سنة وانتي طيبة

شمس النهار يقول...

*الاحلام

كل سنة وانت طيب واسرتك بخير

ورمضان كريم

شمس النهار يقول...

*د. ياسر عمر عبد الفتاح

كل سنة وانت طيب يادكتور

وربنا يتقبل منك القيام والصيام