الأربعاء، 3 أغسطس 2011

يوم تارييييييخي +تحديث

لا يوم تاريخي بصراحة
تعليقي
ايه لازمت السرير وكلنا عارفين انه تمثيلية؟؟
وياتري نوع الصبغة ايه؟؟
ناس بتغلي وفي شهداء وفي جرحي وعاهات
وهو اخر روقان صابغ وحالق وميت فل ومليون
ولا حول ولا قوة الا بالله
-------------
ياااااارب استرها يارب
يارب اليوم يعدي علي خير
اول مره في الوطن العربي يحاسب رئيس علي جرائم ارتكبها في حق شعبه
واللي يحاكمه شعبه
ربنا يستر
ونتذكر قول الرسول الكريم
لو ان فاطمة بنت محمد سرقت لقطعت يدها
علي الله بس مايقولوش انه دخل في غيبوبة
اه اعترضوا بقا علي قضاء ربنا
الراااااجل جاله غيبوبة هنعمل ايه يعني هنمنع الغيبوبة تجيله
هنقطع نفسنا بقا
:))
---------
ولكم في القصاص حياة يااولي الالباب
صحيح سبحان المعز المذل
لما نشوف هيحصل ايه النهارده من مفاجأااااااااااااات

هناك 34 تعليقًا:

غير معرف يقول...

قانونا

أول جلسة بتكون أجرائيه بمعنى تمهيد للمحاكمه

ولن يكون هناك سماع للمرافعات ولا للشهود

وغالبا ما تؤجل للأطلاع والأستعداد

كل ما سبق في الدعاوى عامة

Bent Men ElZman Da !! يقول...

بجد ربنا يستر
ويعديها على خير ياااارب

سواح في ملك اللــــــــــــــــــه- يقول...

تعرفي ياشموستنا

انا لحد دوقتي مش مصدق اني ممكن اشوفه في القفص

هذا اليوم هيكون اختبار للقائمين علي الامر

اما نثق او نفقد الثقة نهائيا

ابراهيم رزق يقول...

احاول ان الغى عقلى و الغى المنطق و الغى كل الاحداث و اتفائل
فمن الممكن ان اكون على خطأ و اتمنى ذلك من اجل نور الدين و زياد و ساليناز اما نحن فقد اخذنا نصيبنا

تحياتى و دعواتك لانى اكتب البوست و الفجر يؤذن

mrmr يقول...

نحن فى انتظار على احر من الجمر

Ramy يقول...

ان شاء الله يعدى اليوم كويس


و منتشلش (:

شمس النهار يقول...

*مصري جدا

مش مصدقة بجد!!
الحمد لله

صحيح اتأجلت بس اهو اول الغيث قطرة

شمس النهار يقول...

*Bent Men ElZaman Da !!

لاتقلقي ان الله غالب علي امره
واهو اول يوم عدي

شمس النهار يقول...

*سواح في ملك اللــــــــــــــــــه

لحد دلوقتي برضوا مش مصدقة علي مستغربة
علي حاجات كتيرة
بس الحمد لله ان اول يوم عدي علي خير

وربنا ورانا عدله ان كل اللي ظلموا الناس بينالوا عقابهم

شمس النهار يقول...

*ابراهيم رزق

لا ياابراااااااهيم ونبي ماتلغي عقلك
:)
ده كلنا محتاجين مليون عقل علي عقلنا
علشان نبقا مصحصحين كده ومفنجلينلهم

والحمد لله اهي عدت علي خير اول جلسة

في حاجة لطيفة في الاشراف علي التعليقات انك ممكن تعلم علي الغير مرغوب فامايجيش اصلا
ده مريح جدا ماحدش يظهر تعليقة الا اللي انت عايزة بس حتي في الاشراف

شمس النهار يقول...

*mrmr

والحمد لله دماء الشهداء وعاهات المصابين مارحتش هدر

شمس النهار يقول...

*Ramy

هو عدي بس انا اتشليت من الصبغة بتاعته

كريمة سندي يقول...

والله فرحت كتير .. مش المهم بسرير أو لأ المهم إنه حواليه قفص الاتهام ..

ولكل ظالم يوم بإذن الله

شمس النهار يقول...

*كريمة سندي

هي المشكلة في السرير انهم عايزين يعملوا مناظر قال يعني مريض
وهو قاعد في القفص متحفز وصابغ شعره

مصطفى سيف الدين يقول...

ان شاء الله نشوفه يكون صابغ شعره وحالق بس بالبدلة الحمرا
النهاردة يوم تاريخي بغض النظر ان القضية اتاجلت بس الاهم اننا شفناه بعنينا وهو مرمي ورا القفص حتى لو على سرير ريش نعام كفاية انه ورا القفص
تحياتي

شمس النهار يقول...

*مصطفى سيف

اليوم يوم القصاص يامصطفي

وفي فرق بين الشماته والقصاص

العين بالعين والسن بالسن والبادي اظلم
هو انكر كل التهم امام القاضي البشري
لما نشوف هيعمل ايه مع ربنا يوم السؤال الصح
وماحدش هيعرف ينكر كله في كتاب مرقوم
والحمد لله

غير معرف يقول...

صبغه وساعه سويسري وسرير فاضي بين الجلسات .... راجل مستفز بصراحه

بس كده احسن ما كان يصعب على الناس .... انا شفت تقريره الطبي صحته احسن مني انا ابنه الثلاثين عاما :)

ربنا يتم المحاكمه على خير وحق وعدل

سواح في ملك اللــــــــــــــــــه- يقول...

الحمد لله

بسم الله الرحمن الرحيم


فَالْيَوْمَ نُنَجِّيكَ بِبَدَنِكَ لِتَكُونَ لِمَنْ خَلْفَكَ ءَايَةً وَإِنَّ كَثِيرًا مِنَ النَّاسِ عَنْ ءَايَاتِنَا لَغَافِلُونَ

صدق الله العظيم

شمس النهار يقول...

*فتاه من الصعيد

مدلعينه اوي بصراحة

ياريت نفتكر الشباب والشيوخ اللي ياما تم اعتقالهم واتعذبوا وملقيوش علاج
ياريت نفتكر المقابر الجماعية اللي لاقوها في مقرات امن الدولة لجثث مجهولة

وفوق كل ده ياريت نفكر في مرضي السرطان ضحايا المواد المسرطنة اللي كانت نتاج حكم هذا الرجل

شمس النهار يقول...

*سواح في ملك اللــــــــــــــــــه

صدق الله العظيم

اكيد دي نهاية اي فرعون

سبحان الله

راء يقول...

الحمد لله
هنقول ايه يعني
لسه فيه شك برضه بس التأجيل مكنش كالمتوقع بعد رمضان
كلها كام يوم ونشوفه تاني بقى

كل سنة وحضرتك طيبة

rack-yourminds يقول...

"وقد خاب كل جبار عنيد"

صدق الله العظيم

شمس النهار يقول...

*طالبة مقهورة ..درجة أولى

ازيك عامله ايه يارب تكوني بخير
كل سنة وانتي طيبة

ياتري قبلتي بكلية ايه؟؟

شمس النهار يقول...

*rack-yourminds

صدق الله العظيم

ربنا هو الحق
وحق الناس اللي اتظلمت مش هيروح ابدا

Dr Ibrahim يقول...

سبحان الله المعز المذل...
رمضان مبارك وتقبل منا ومنكم صالح الأعمال..

hend anwar يقول...

بس لو يعترف بخطاه انما لا.. الجبلة جبلة ..


باذن الله هياخد حكم يستحقه باذن الله

شمس النهار يقول...

*Dr Ibrahim

اهلا بيك يادكتور ابراهيم
مختفي ليه
يارب تكون بخير

كل سنة وانت طيب وتقبل الله منك ومنا صالح الاعمال

شمس النهار يقول...

*sun of free dom

كل واحد في نظر نفسه سلطان

شوفي تاريخ اي طاغية هتلاقي نفس السيناريو

سواح في ملك اللــــــــــــــــــه- يقول...

في حد واخد اسم حضرتك وبيعلق بيه

في المدونات شفته في جبهه اتهييس اشعبية انهاردة وحط عندي تعليق بس منشرتوش

وده الرابط بتاعة

http://shamselnahar1.blogspot.com/

The illusionist يقول...

اهو انا اتمنى اعدامه وحرقه وتقطيعه عشان درجه اللامبالاه الرهيبه دى
فعالانسان لما ضميره بيموت ولا الهوا بعد كده
صابغ وحالق وراقد وميت فل وعشره
وينكرها جميعا

ربنا ينتقم منه

الاحلام يقول...

فخور شمس بما رايت وبما شاهدت فهذه نقله رائعه تثبت اننا نسير على الطريق السليم وان شاء الله سوف يتم ما نتمناه جميعا تحياتى الاحـــــــــــلام

شمس النهار يقول...

*سواح في ملك اللــــــــــــــــــه

شكرا ليك علي التنبيه ولفت نظري للموضوع
ربنا يهدي عبيده
انا عملت اصلي نظام التخلص من التعليقات الغير مرغوب فيها فامش بشوف اي تعليق لحد مااعرفوش
وتقريبا هتلاقيه غير معرف اللي كان بيعلق عندي قبل مااعمل النظام ده
ربنا يهديه
وكتبت بوست احذر فيه الاصدقاء والكل عارفني وعارف انا مين وبكتب ازاي
وربنا يهدي

شمس النهار يقول...

*The illusionist

مااستغربتش اوي
كل الطغاة كده
دمهم بارد والا ماكانوش عملوا كده في شعوبهم

شمس النهار يقول...

*الاحلام

الحمد لله
مصر بتكتب تاريخها من جديد
العالم كله بينظر لمصر وهي بتتحول للديمقراطية الحق