الثلاثاء، 16 أغسطس 2011

توم وجيري





العلاقة بين المجلس والثوار بقت عاملة زي توم وجيري
لييييييييييه؟
؟؟؟؟
مش عارفة ؟؟
حد عارف؟؟
مش كنا سم
ن علي عسل
فاااااااااااجأة ال
دنيا اتقلبت
ومن بعد ماكانوا ال
شباب حلوين ومقطقطين وبيقعدوا يتكلموا معاهمبقوا وحشيييييييييييين
وكله كوم وتهمة مناوء دي كو
م مش برضوا هي مناوء
نكونش شيلنا ديكتاتوووووووور
علشان يجي بدالة عشرة خمستاشر
وايه حكاية ان
المدنيين يتحاكموا عسكريا دي
علشان قال رأي وبصراحة
وبعد ماكان الجيش والشعب ايد واحدة
وماعرفتش الايد الواحدة دي تسقف
دلوقتي خلااااااااااااص
اللي عايز يبعبع
له بكلمتين
يحضر شنطته ويره
ن الكردان الدهب
اه ما الفدية
20 الف جنيه
وانت وشطا
رة المحامي بتاعك بقا
ده علي كده المخلوع كان عامل لنا اوكازيون بقا
وبمناسبة المخلوع
ايه الباي باي دي اللي كان بيعملها ونبي ضحكني
والاخوين الظراف اللي حاولوا يستظرفوا اوي
حركاتكم مكشوفة وان شاء ا
لله المحاكمة مستمره
ويارب يعملوا لكم الزنزانة طوبة فضة وطوبة دهب
برضوا زنزانة ومش زي ماكان بتاخدوا الطيارة تروحوا تلعبوا جولف في اوروبا وترجعوا اخر النهار
ولا تروحوا تتعشوا في باريس وترجعوا
وتلتين الشعب يافي العشو
ائيات يامش لاقي ياكل
واللامبارك اللي امر بقتل الشعب
جه يوم الحساب وربنا مش بيسيب حق حد
وحقوق الناس الغلابة مش هتروح هدر ابدا
المدونة هنا مش بتحب اللامبارك و
ماحدش يدخل يقول لي عيب ده ابونا
اللامبارك مش ابو حد
وده شخصية عامة هو والمجلس اللي سابهولنا يرازي فينا ويحاكمنا عسكريا لأقل كلمة
والشخصية العامة من حقنا ننتقدها زي مااحنا عايزين
سيدنا عمر بن الخطاب - رضى الله عنه - حينما تولى الخلافة خطب وقال
(أيها الناس إنى وليت عليكم ولست بخيرك
م فإن رأيتمونى على حق فأعينونى، وإن رأيتمونى على باطل فقوّمونى) فرد أحد الحضور «والله أقوّمك بسيفى»
بس اصلها عادة فرعونية تأليه الحاكم
ماع
لينا
ياريت مسلسل توم
وجيري ده يخلص
وعجبني يسري فودة النهاردة وكذلك محمود سعد
البرنامجين كانوا موفقين جدااااااااااا
وشكرا يامجلس العسكر شكرا
11الف من الشعب مقبوض عليهم في ست اشهر
اسمع كلامك اصدقك اشوف امورك
استعجب
وبقول للناس اللي اطلقت علينا فاجاة
لما ابتدت المحاكمات
القافلة تسير والكلاب تعوي
والمحاكمات ماحدش هيقدر يوقفها
خلاااااااااااااااااااص
كش ملك

هناك 38 تعليقًا:

εïз زهرة εïз يقول...

توم وجيري فعلا

بس الفرق ان الاصابات حقيقية

مش زي الكارتون ان شالله جراله ايه هيصحى تاني

..

ربنا يحفظ مصر من كل شر :)

فافى يقول...

والله مانا عارفه هاتخلص على ايه المحاكمات دى مش قادره اخمن انا لا يهمنى يتعدم ولا يطلع براءه انا بس مش عايزه استهبال ويتحاكم محاكمه عادله وخلاص
يارب اكون اول تعليق:)

مصطفى سيف الدين يقول...

بصراحة المجلس العسكري بقت اعماله مريبة
الظاهر احنا فهمناه غلط وقلنا مادام سابولنا الدبابات نتصور عليها يبقى خلاص بقوا اصحابنا
اتاري الدبابات فيها سم قاتل
ربنا يعدي الفترة دي على خير بس حضرتك الحقي اعملي الكحك بسرعة علشان توزعيلنا قبل ما ييجوا زوار الليل:)
تحياتي

سواح في ملك اللــــــــــــــــــه- يقول...

بصي بقي ياشموستنا

يعني انتي عاجباكي الفوضي بتاعة كل يوم

اعتصام كل اسبوع مليونية مش عارف ايه

عشان مش عارف مين نزلوا مليونية

وبعدين ياريتها تيجي علي مليونية

ونفضها ونمشي لا ابببداا

يطلع ميتين تلتمية ويقوللك اعتصام

طيب الهدف ايه من الاعتصام

واحد يقوللك الدستور الاول والتاني

يقوللك مش عايزين الوزارة

والتالت يقوللك رفع المرتبات

والرابع يقوللك عايزين مساكن تاوينا

طيب فين دم الشهداء وم-حاكمات قتلة

الشهداء

لما يتزنقوا اوي ويحسوا ان طلباتهم مش

معقولة يقولولك دم الشهداء

طيب مكان من الاول المطلب ده يبقي

الوحيد والرأيسي

انا متهيالي انهم لو سابوا الدنيا كدة

اللي هيتخانق مع جاره بعد كده هيروح

يعتصم في التحرير عشان ياخد حقه

ياشموستنا

الثوار مش بتوع سياسة

وكل كلامهم تلاقي فيه غلطات

وانا خايف نخرج من تأليه الحكام لتأليه

الثوار

الثورة بدون المجلس العسكري وقيادات

الجيش مكانتش ممكن تنجح

وبدون مساندة الشعب اللي هوه احنا

مكانتش ممكن تنجح

وعلي فكرة انا بقدر اسماء محفوظ

جدا بس هي مش نبي ومش معصومة

من الخطا ولو اخطات تتحاسب

The illusionist يقول...

ايواااااااااااااااااا

اه والله

والله البوست ده شكحنى جدا

اه والله

ده مش توم جيرى ده بيقى ميكى ودنجل

بندق وابو طويله

حاجه كده ملهاش اى معنى

حاسس انو سبيس تون برنامج الخدعه اللى عمرك ما هتعرف سرها

ناس طيبين قوى الناس دى

تفتكرى فى حاجه هتبقى سعيده زى ما بيحصل ساعات فى توم وجيرى وتوم يتعاون مع جيرى عشان يهزموا الكلب الكبير

مع اختلاف التشبيهات هنا ؟

Moalgredy يقول...

جميلة جداً هذه التدوينة

نظراً لبعدي عن الساحه المصريه مش عارف أوي اللي بيحصل بس متابع من بعيد لأني مليت...

اللي يسمع كده يفتكر أني مش مصري

أنا مصري وأبويا مصري علي رأي نانسي
بس أقدر أقول ان رأي المصريين اللي خارج مصر كلهم تقريباً نفس رأيي

في حالة خمول وطنية
زهقنا من اللي بيقوله التليفزيون
مش شايفين جديد

بس عندنا أمل أنه هيحصل بإذن الله

ومنتظرينه

تحياتي .....

بحب مصر

ابراهيم رزق يقول...

رغم ان اسماء محفوظ دى من الشخصيات اللى بتعصبنى لا تجيد الكلام و عندها قدرة غريبة على فقد التعاطف الا انها فى الموقف ده معاها قلبا و قالبا و اخدت اجازة و رحت عند النيابة و كان نفسى الا تدفع الكفالة عشان تحرج المجلس العسكرى بس طبعا الامر يرجع لها و عشان خاطر اهلها
لو اسماء و غيرهم لم يتكلموا و لم يستمع اليهم من الذى يتكلم عمرو مصطفى و طلعت ذكريا
نأتى للمستفزين قوى و على راسهم هبيب الظالمى و ابتسامته الصفراء التى تشبه اسهال الاطفال اسف على التعبير
نعود للمحاكمة القاعدة تقول طالما استقر يقين و ضمير القاضى هو القاضى ده مش من مصر و عارف حسنى و عارف انه قتل يعنى مفروض من جلسة واحدة و نخلص و مع ذلك نحن فى انتظار الحكم و فى انتظار مكر الديب
اه يا بلد
تحياتى و سلامى الى نور الدين

sabry abo-omar يقول...

فعلا دلوقتى الدنيا ضلمت.. ربنا يستر.. أظن محتاجين نستعجل الفترة الانتقالية دى ونتحرك بسرعة ناحية تسليم الحكم لسلطة مدنية

غير معرف يقول...

ثقافة الهزيمة .. مغامرات البقرة الضاحكة

ما قصة لوسي أرتين؟
ـ لوسي أرتين كانت علي علاقة بالرئيس مبارك والعلاقة بدأت عن طريق زكريا عزمي وجمال عبدالعزيز، و كان فيه رجل أعمال مشهور بيحب يعرف مبارك علي فتيات من دول شرق أوروبا وحسين سالم كان متولي دول غرب أوروبا.

هل قصر الرئاسة كان يدار بهذه الطريقة؟
- القصر كان يدار بالسفالة والأسافين والنقار والقمار والنسوان وقلة الأدب ودا كل اللي كان شغلهم ومصلحة البلد بعدين .

هي سوزان كانت بتحس بالغلط اللي كان بيعمله الرئيس؟
- هي كانت مقهورة من اللي بتشوفه والنسوان داخلة طالعة قدامها واللي جايين من أوروبا الشرقية وأوروبا الغربية ومش قادرة تتكلم وبتبكي علي طول بسبب اللي بتشوفه وأحيانا كنت بأصبرها وأقولها مصر مافيهاش غير سيدة أولي واحدة، بس بعدها قرر الرئيس أن ينقل جلساته الخاصة في شرم الشيخ وبرج العرب .

ھل تزوج علیھا؟
-لا ھو مش محتاج یتجوز .. البركة في زكریا عزمي وجمال عبدالعزیز. ...

باقى المقال ضمن مجموعة مقالات ثقافة الهزيمة ( بقلم غريب المنسى ) بالرابط التالى

www.ouregypt.us

شمس النهار يقول...

*εïз Semsema εïз

ان شاء الله مصر محفوظة

بس لعبة حاوريني ياطيطه دي(ماتسألنيش مين طيطه دي)

اللعب ده لازم يخلص علشان نفوق للبلد بقا

شمس النهار يقول...

*فافى

ماهو يافافي هايتحاكم هيتحاكم
علي كل صغيرة وكبيرة
انا بتكلم علي الاستفزفز لمشاعر الناس
تحسي ان في قوة غامضة كده بتستفز الشعب

وطبعا هيتحاكم محاكمة عادلة
القضاء المصري بخير طبعا
والقاضي ده بالذات كل الحقوقييييين بيشكروا فيه وفي نزاهته وصرامته في الحق

ومعلش ياجميل سمسمه سبقتك
:)

شمس النهار يقول...

*مصطفى سيف

ايوة يامصطفي انا معاك المجلس العسكري بقا تحركاته وتصرفاته وتصريحاته غريبة جداااااااا

لاتتفق مع حمايته للثورة

واللي انا مستغرباه اللي بيحصل مع الثوار والنشطاء الان
بيتشدوا واحد واحد ليه
نظرية اضرب المربوط يخاف السايب

يعني ياتيارات اسلامية لموا نفسكوااا
ادي اللي بيحصل في الثوار نفسهم

امن شاء الله الفترة هتعدي علي خير
الشعب المصري مش هيضحك عليه تاني


مين قالك يامصطفي اني بعمل كحك
:)))))
لا انت كده فاهمني غلط خااااالص
اومال الكحك الجاهز ده بيعملوه لمين
:))))))
للهوانم اللي زي طبعا
:)))))))))
وبعدين انت دقة قديمة اوي الزوار دول ماباقوش يروحوا لحد
ده كان زمان
دلوقتي بيبعتولك حتت ورقة صغننة كده
وانت تروح لوحدك زي الشاطر
وتسيب الكردان في البيت علشان الكفالة
:))))))

شمس النهار يقول...

*سواح في ملك اللــــــــــــــــــه

اللي بيحصل من المجلس الان ياسواح مالوش دعوة باللي بتقوله
اللي بيحصل دلوقتي قصقصت ريش لكل التيارات الموجودة
تقدر تقولي 7 شهور والمطالب الفئوية ليه ماتحلتش لحد دلوقتي
النهاردة لما تلاقي الجيش كل شوية مطلع فلوس شئ للعشوائيات (مع ان رجال الاعمال وبعض المؤسسات شالت الموضوع ده)
وبعد شوية شنط رمضان
من امتي الجيش بيطلع شنط رمضان ده غير الطريقة المهينة اللي فرقوها بيها
ونلاقي شرف مطلع كام مليون علشان تجديد المقار الرئاسية
يعني الطلبات الفئوية اعتقد اقل من كده بكتير
واغلبها تعينات لناس بالعقود من حقهم يتثبتوا
او ناس وعدوهم يرفعوا الاجور ومارفعوهاش حضرت وقفة في كفر الشيخ لعمال النظافة اللي بياخدوا 200 جنيه مرتب ده كلام برضوا
انا معترضة ياسواح علي طريقة توم وجيري والاستفزاز
يعني لما تحاكم نشطاء عسكري في قضايا حرية نشر او سب
باقي النشطاء هيسكتوا
ده بعتبروا استفزاز وبتشد القطة من ديلها ومش عايزها تخربشك
من امتي حرية الراي في بلدنا بيتعمل فيها كده
ده المخلوع ماعملهاش
ولا المجلس رضي الله عنه علي راسه ريشة
المجلس ان احسن يستحسنه وان غلط نقول له انت غلطت علشان مايتماداش ونستني الكارثة
وبعدين كل شوية يقولك الثورة من غير المجلس ماكانتش تنجح
ماشي ياسيدي مااعترضناش وهللنا للجيش وللمجلس بس ده مش معناه ان لما يغلط اسكت له
يعني الصديق لما ينبه صديقه ان غلط يروح صديقه ضاربه علشان نبهه
المجلس جنب كل التيارات والقوي السياسية وبيعمل اللي علي مزاجة دلوقتي
وارجع لكل القرارات اللي اتخذها لما يشارك فيها اي حزب او تيار ولا حتي الشعب
احنا بنرسي الان قواعد دولة جديدة ماينفعش حد ينفرد لوحده
وعلي فكرة الموضوع مش اسماء محفوظ ولا غيره
الموضوع الفكرة نفسها
محاكمة المدنيين محاكمة عسكرية
ماينفعش
احنا بنطلب كلنا محاكمة عادلة للمخلوع
يبقا من باب اولي المواطنين
اومال الناس هتحس بالعدل امتي
ومن اولها مافيش عدل

ربنا يستر

شمس النهار يقول...

*The illusionist

ضحكتني بجد

:))))
لا لا اعتقد

عمرك شوفت قطة بتلعب مع فار
طيب عمرك عرفت ليه همه اعداء
:))))
؟؟؟

شمس النهار يقول...

*Just Me

غريبة مع ان المصريين اصحاب اللي بره بحسهم عارفين اللي بيحصل هنا اكتر مننا

خصوصا بتوع امريكا
:)))

ان شاء الله خير
وصدقني مصر هترجع احسن من الاول بس عايزة شوية صبر ووقت
وناس بتحبها صح مش حب مصلحة زي بتاع اليومين دول
:))

شمس النهار يقول...

*ابراهيم رزق

الموضوع مابقاش اسماء محفوظ
الموضوع ان في 12 الي 11 الف مصري مقبوش عليهم منهم قصر
وبيتحاكموا محاكمات عسكرية ومن غير اي عدالة
ايه ده هي ثورة ولا مظاهرة والمخلوع موجود

وعلي ذكر عمرو وطلعت
تحس في برامج الحوارات السنة دي الاتجاه لتلميع وسماع فلول النظام
انت معايا في ده ماتلاقيش حد من بتوع الثورة او السياسييين اللي بجد

اما محاكمة اللامبارك
دي قمة الكوميديا اللي علي حق
شوفت الباي باي
ولا ولاده اللي عاملين ماسكين نفسهم
ليه الظالم المفتري مابيبقاش حاطط ان في يوم حساب

نور الدين بقا كميلة كل مايكبر ونبي بيحلو
:))))
هو سماره شوية بس كميلة
:))))
وهناخد ساليناز يعني هناخد ساليناز
:))))
وزي بعضه هناخدها بقلتها

شمس النهار يقول...

*sabry abo-omar

المشكلة اننا انتقلنا تاني
من مقعد المشتركين في الامور
الي مقعد المتفرجين وتاني رجعنا مش عارفين حاجة في اي حاجة

Unknown يقول...

بس أنا بحب كرتون تومى وجيرى اوووووووى يا شموسة........*ــــــ^

rack-yourminds يقول...

اولا: لا يوجد عاقل في مصر يقبل أن يحال اي مدني الي المحاكمه العسكريه,لان من شان هذا اعادة انتاج نظام مبارك الفاسد

ثانيا :يجب ان تكون ثقافة الاختلاف والنقد في حدود الادب والاحترام ,اما التجريح والسب والقذف فهذا ليس فقط مضيعه للحق والوقت بل ايضا من شانه فقدان تعاطف كثير من الناس لوجهة نظرك

ثالثا: أتمني ان يدرك الاعلام ان مبارك ونظامه اصبح من الماضي ومن ثم يجب ان تكون اهتاماته مستقبل مصر والمعاناة التي ييعيش في ظلها الشعب المصري وما اكثرها الان

Unknown يقول...

ربنا يطمنا عليكى
ياشمووووسة :):):)

ريهام المرشدي يقول...

السلام عليكم و رحمة الله
و الله يا شمس احنا نقول اللى لينا و اللى علينا ، اللى بيحصل ميرضيش حد أ÷ لكن برضو العطله اللى احنا فيها مترضيش حد ، احنا خارجين من ثورة "حتى لو تحفظ البعض على انها ثورة أم لا" يعنى المفروض نعوض اللى خسرناه و كمان نبقى ايد واحدة قبل مانحطها فى ايد الجيش انما احنا متفرقين و كل يوم بنزيد تفرقه ، و الغريب اننا معانا الحق بس هنضيعه بعدم الترتيب اللى احنا فيه و خير دليل على كلامى الجلسه التانية من المحاكمة ، هم على باطل و مرتبين و اهل الشهداء على حق و عشوائيين ، لازم نلحق نفسنا قبل ما يعدي الوقت و يتمكنوا تانى فى صورة ناس تانيه ، أو يطمع غيرهم فينا ، ربنا يصلح الأحوال يا رب .
عذرا على استخدام العامية و لكن هذا ما أردت أن أقوله ... تحياتي .

Foxology يقول...

قلتها وهفضل أقولها : الكلاب مش بتعض ودان بعضها !!!

وزى ما قال العرب زمااان : شهاب الدين أزرط من أخيه .. يعنى ألعن وأسوأ منه

تحياتى

غير معرف يقول...

هشرح لك وطبعا أنتي ست العارفات

الموعد المضروب لنقل السلطه أقترب

طب وبعدين؟ دا هما اللي بيقولوا

ديمقراطيه بجد ولا ايه؟ برضو هما اللي بيقولوا

الشعب هيحكم ويتحكم خلا ص...؟ برضو هما اللي بيقولوا

طب ما تيجي نخربها بئا

دي من عندي علشان الحبس بئا والذي منه

شمس النهار يقول...

*Diara El-Masry

وماله ما من كتر ما اغلب الشعب بيحب توم وجيري ادينا بنلعبها كلنا
:))))

شمس النهار يقول...

*rack-yourminds

اهي نمرة اتني دي اللي لانجيدها ابداااااااااا

ماحدش بيعرف يختلف من غير شتيمة
كل اللي بختلفوا معاك تلاقيهم داخلين يشتموك
وده انا بعتبره ضعف حجة
اللي ماعندوش حجة قوية بيشتم علي طول

ونمرة تلاته موضوع الاعلام لحد دلوقتي مش قادرة استوعبه الاعلام بكل رموزه مع مين؟؟
المفروض انه يكون مع مصر وثورة شعب مصر

شمس النهار يقول...

*norahaty

لاتقلقي يادكتورة الرب واحد والعمر واحد

:))
والكردان موجود

:)))))

شمس النهار يقول...

*ريهام المرشدي

وعليكم السلام ورحمة الله وبركاته

كلامك تمام التمام
بس العطلة مش من الشعب
الشعب بينزل يشتغل
واللي حاكمينه الان بيستفزوه بكل الطرق

وفعلا لازم نلحق نفسنا ونبقا ايد واحدة تاني زي ماكنا في اول الثورة
مش مليون ائتلاف علي تيار علي مش عارفة ايه

واتكلمي زي ماانتي عايزة عامية عربية فرانكو عربية
المهم نتواصل مع بعض
:)))
انتي مش بتشوفي كمية الغلطات الاملائيه اللي بتبقا في البوست ولا ايه
وخصوصا الهمزة
:)))))

شمس النهار يقول...

*Foxology

بس عارف ياابو يوسف
عندي امل وايمان قوي انا نفسي مستغرباه
رغم اللي ظاهر ده كله
بس مستبشره خير
وخصوصا بعد مااتفعل قانون الغدر ده
بصراحة اثلج صدري كده وخصوصا ان الدنيا حر وصيام

:))))))

شمس النهار يقول...

*مصري جدا

:)))
يعني ايه يامتر كرسي في الكلووووب

:))))))

وبعدين حبس ايه اومال مين هيطلعنا كلنا
ده انا موصية العيال
يبيعوا الكردان وينادوا عليك

:)))))))

غير معرف يقول...

الجيش بيقرطس الشعب ... ربنا يستر والقرطاس مايطلعش ضيق

Lady E يقول...

شالو ألدو جابو شاهين

هو مين حطهم ع البلد أصلا يا شمس طبيعي ده يبقى حالهم

الحاجة الوحيدة اللي الجيش معملهاش هو انه مضربش المتظاهرين ايام يناير وفبراير وكان سلبي سابهم يضربو لكن مضربش فيهم ودلوقتي بيضربو بس بطريقة تانيه
على رأي الأغنية : وش ياخد ابن البلد من مجلس الضباط

شمس النهار يقول...

*فتاه من الصعيد
تفتكري ان الشعب المصري ممكن يتقرطس تاني
دا هي دي المشكلة ان الشعب مش هينفع يتقرطس تاني ولا يضحك عليه تاني
الموضوع جد الجد
والشعب مابيهزرش
ومستبيع
وهيسخطوك ياقرد قال وايه يعني
يعني هيسخطوني غزال
:))

شمس النهار يقول...

*Lady E
:)
حق ربنا الجيش ماضربش
هو سابوهم يضربوا براحتهم


بس بعد ماالامور استتبت ضرب هو

فاكرة كان في مسرحية اسمها البيه صاحب العمارة
كان بيقول ايه ساجعة وحلوة ماشراااابيش ليييييييه

:))))

Dr Ibrahim يقول...

قلنا مليون مرة المجلس العكسرى لازم يمشى..طلع علينا ناس وقالوا مش هنقدر نخش الانتخابات فأجلوها شوية..اتأجلت عشانهم..كنا زمنا الوقتى كمان 15 يوم بنقول للمجلش العسمرى باى باى..بس نقول ايه..

طبعا هيقولوا نعمل مجلس رئاسى مدنى..طبعا مينفعش..عشان البلد هتولع وتتحول الى حرب أهليه!

طبعا المجلس العكسرى هيخون كل الناس..وهيضرب كرسى فى الكلوب قريب عشان امريكا عايزه كده عشان عارفة ان العلمانيين مش هيوصلوا الحكم وان الاسلاميين لهم قوةلايستهان بها..فمن مصلحتها ان اللى يمسك مصر عسكرى!!!
(قمة الديمقراطية!!)

وعلى الرغم ان هناك تصرفات من بعض الثوار كاسماء محفوظ عندما تسب وتشتم على الهواء مباشرة!! الا انه لايجوز محاكمتهم عسكريا ومن يتم محاكمته عسكريا هو البلطجى!

فهو المجلس العكسرى الآن عاوز يضرب عصافير بحجر واحد.!!
والله أعلم

شمس النهار يقول...

*Dr Ibrahim

المجلس بيعمل نفس اللي عمله اللامبارك
قالك ماينفعش يمشي علشان الفراغ الدستوري طيب علشان نقدر نغير الدستور وفضلوا يلعبونا
ولما اتخلع ماحصلش حاجة
اهو احنا دلوقتي بنمر بنفس الموضوع
زيد عليه المحاكمات العسكرية
وانهم ياخدوا اسماء دي في اعتقادي حركة نص كم
يعني اضرب المربوط يخاف السايب
وهي موجهه في الاصل للأسلاميين
وانذار لهم
مش هنطبطب علي حد
كل تيار يلم نفسه
ولا هتتجرجروا زي ماجرجرنا الناس دي كلها
واللي يسكت علي جرجرت اخوه
مايشتكيش بقا لما يتجرجر هو
في شئ بيتعمل مش مفهوم
ومافيش حل غير ان جميع التيارات والقوي السياسية تلتحم تاني مع الشعب وتنزل من الابراج اللي طلعوها
علشان نقدر نحافظ علي الثورة ونقدر نكمل
في النهاية كلنا مصريين في مركب واحد
ان عبرت بسلام كلنا هنبقا في امان
وان غرقت هتغرق بالجميع
ربنا يستر
ورغم كل اللي حاصل عندي امل في الله كبيييييييير
ومتفائلة جدااااااااا
والشعب المصري مش هيضحك عليه تاني

Tarkieb يقول...

كنا بنحب جيري عشان بيضحك على توم ....لكن هنا توم عمال يدي جيري على قفاه وبقية الجرزان واقفة تتفرج....من انتم ههههههههه

شمس النهار يقول...

*Tarkieb

من انتم؟؟
لسه بتسأل؟؟!!
نحن اللي بناخد علي قفاهم
:)):)):))

شمس النهار يقول...

*Just Me

شكرا علي اهتمامك بالرد عليه
وانت علي فكرة علقت في بوست الحب زمان مش توم وجيري
:))
معلش هو الاشراف ده رخم كده
:)))))