السبت، 20 أغسطس 2011

الله ينور + تحدييييييث

ليبياااااااااااااا
ونقول مبروووووووووك
مقدمااااااااااااا
وفاضل علي الحلو دقة
ويوكسه اللي اسمه موسي ابراهيم ده
عايش في وادي تاني خالص
وعايزة اهدية كداب ياخيشة كداب اوي
متأمر واهبل
اول مره اشوف في مؤتمر صحفي واحد يقول معايا دكتوراه في الكدب الاعلامي
:)))))
بيعترف انه بقاله ست شهور بيكدب
:)))
اللهم انصر اهلنا في ليبيا
======
اول مرة يستشهد مصري علي حدودنا مع الصهاينة
ورئاسة الوزراء يطلعوا بيان
كل ماالازمات بتشد اوي
بحس ان الفرج قريب
كده الصهاينة ابتدوا يشوفوا موقف مصر الرسمي اصبح ازاي
وان الدم المصري خلاص مش هيروح هدر
عقبال مانجيب حق الدم المصري
اللي اهدرتة عصابة اللامبارك
====
ومن يومين تفعيل قانون الغدر اللي هيمنع اعضاء الحزب الوطني من العمل السياسي
لمدة خمس سنوات
يعني ان شاء الله المجلس القادم
خاااااااااااالي من اللاوطني
مش كنت بقول لكم عندي تفاؤل نسبتة عالية جدااااااااااااا
======
ولسة كل يوم ان شاء الله في جديد سعيد
وعقبال مانقدر نوقف المحاكمات العسكرية للمدنيين
ولو ان امبارح كان في واحد مستضيفه وائل الابراشي
وجايب معاه كتاب وعمال يقرا منه
وقالك المادة مش عارف ايه بتقول
ان من حق رئيس الجمهورية ان يحيل اي شخص مدني للمحاكمات العسكرية
ورئيس الجمهورية الان هو المجلس
:(
دخلت علي اليوتيوب اجيب الحلقة اسمعها تاني
علشان امبارح ماكنتش مركزة كنت بتابع الاحداث في سيناء
مالقيتهاش بس لاقيت حلقة تانية من كفر مصيلحة
هتعجبكم جدااااااااااااااا
======
ان شاء الله اخوتنا في ليبيا علي بكره بعده بالكتير
يكونوا خلصوا مشوارهم واخدوا
طرابلس
وان شاء الله يعلقوا المدمر القدافي علي باب سوق الجمعة
وبكده نكون عرفنا مين الجرزان
ومين اللي حرر ليبيا شبر شبر دار دار زنجة زنجة
======
الحلقة اهي

هناك 39 تعليقًا:

مصطفى سيف الدين يقول...

كنت اتمنى بيان وقرارات اقوى من كده
كنت اتمنى لو مطردناش السفير الاسرائيلي يبقي استدعاء السفير المصري
على اي حال احسن من ايام النظام اللي فات
وادينا مستنين بيان المجلس العسكري اللي شكله مش هينطق
تحياتي

سواح في ملك اللــــــــــــــــــه- يقول...

فعلا عمل جيد ياشموستنا

علي فكرة يامصطفي

تم فعلا استدعاء السفير المصري

تحيتي

Moalgredy يقول...

شمس النهار

السلام عليكم ورحمة الله وبركاته

أخبار جميله فعلا .... كان ممكن يكون رد الفعل أقوي لكن مش مشكله
واحده واحده

بالتوفيق دائماً

تحياتي

حَنيّـن نِضال يقول...

يا بختك على التفائل دا كلو . . على رأيك كل ما بزيد الازمات بنقول حتفرج . . ان مع العسر يسر . . !

==> مش محتاجين شهد على الحدود منشان تاخدوا موقف من اسرائيل ألا يكفي تراشق الدم الفلسطيني !!!

هو بيفرق لو اسرائيل قتلت . . الشهيد الفلسطيني عن المصري منشان ناخد موقف . . !!؟؟

sony2000 يقول...

ويكأنك ياابو زيد
ماغزيت:(

Dr Ibrahim يقول...

مداخلة اللواء ممدوح شاهين بخصوص المحاكمات العسكرية
هوش ارح الفكرة اللى حضرتك ذكرتيها

rack-yourminds يقول...

القادم اجمل ان شاء الله
__

اتمني ان يقدر الشعب المصري اليوم التحديات العظيمه الي يواجها الجيش بقيادة المجلس الاعلي واتمني يدرك الشعب ان مثل تلك التحديات تعالج بالحكمه وليس بالانفعال الذي يبديه كثير من الناس

Unknown يقول...

أنا كمان متفاءله و إن شاء الله خير بس الناس بتوع الإستقرار و الاسفين على شبابهم مالين النت صويت و نواح...بجد مستفزين كأن إسرائيل هتحتل مصر...مش مصدقين لسه إن مصر مقبرة الغزاه.

تحياتي ليكي و ربنا يديم علينا التفاؤل

دعاء العطار يقول...

انا كمان متفائله وحاسه ان بكره أحلى ان شاء الله

حتى لو كل الاحداث قالت غير كده

(: (:

sabry abo-omar يقول...

بالرغم أن الرد المصرى مازال أقل مما نريد لكن أفضل من الماضى برضو.. رغم مانحن فيه لكنى متفائل بإذن الله ..وشايف كمان فى كلامك وكلام التعقيبات عندك تفاؤل.. ياارب

zizi يقول...

شمس الشموسة ..نوارة المدونات كلها ..كلامك فعلاً يدعو للتفاؤل ..وبعدين اجيش بتاعنا ما يتخافش عليه..هو هادي وبيصبر كتير ..لكن وقت الجد عارف بيعمل ايه ..وبعدين ياستي النسكافيه برد وانا مستنياكي وما جيتيش ياللا بقى ..باي

Amira Yusuf يقول...

اسلمى يامصر إننى الفدا

سواح في ملك اللــــــــــــــــــه- يقول...

انا مش عارف مين موسي ابراهيم ده

بس الي فهمته انه من مدرسة الصحاف

بتاع العراق

vanilla scent يقول...

رغم ان الاحداث موجعه

لكن بحس ان ربنا بيدينا بصيص من النور والامل

ان مع العسر يسرا ان مع العسر يسرا

وحشتينى يامامتى

إيمان هلال يقول...

سبحان الله الايام دى الاخبار جميله ربنا يستر على اللى جاى

ابراهيم رزق يقول...

فعلا اشعر ان نصر الله قريب

كمان التوحد اللى اصبح فيه الشعب المصرى

تحياتى و سلامى الى امل بكرة نور الدين

ريهام المرشدي يقول...

موقف مصر الرسمي لا تعليق عليه ، فهو لم يختلف كثيرا عن "نشجب و نعترض" التى اعتدنا سماعها ، ويقولون سحبنا سفيرنا فى اسرائيل ، ثم يقولون حدث خطأ و انما استدعينا سفيرهم لدينا ليقدم اعتذار ، اعتذار لم يقدم و لو حدث فهو غير مقبول، أما عن موقفف الشعب المصري فهو مشرف ، و بعد المحاولات المستميته لإنزال العلم إياه و حرقة قام شاب بالتسلق و احضره و رفع علم مصر ، أما عن اخواننا فى ليبيا فنصر قريب إن شاء الله .
شكرا لك شمس :)

كريمة سندي يقول...

بإذن الله الثوار منتصرين في ليبيا وسوريا وغيرها بس صبرا جميلا

شمس النهار يقول...

اول حاجة بعتذر عن تأخري في الرد علي التعليقات معلش اليومين دول مشغولة وبشدة
ونبتدي بقا نرد
:))

شمس النهار يقول...

*مصطفي سيف

فعلا المجلس مانطقش لحد دلوقتي
وفي اخبار انهم رفعوا علم اسرائيل تاني علي السفارة ومش عارفة ده صح ولا لأ لسه ماتأكدتش

شمس النهار يقول...

*سواح في ملك اللــــــــــــــــــه

ما رجعوا في كلامهم تاني وقالك مسودة
:))))

شمس النهار يقول...

*Just Me
وعليكم السلام ورحمة الله وبركاته
مااعتقدش ان هيكون في رد فعل قوي اصلا

بس انا مبسوطة ان بقا في قوات لنا في سنا في مناطق لم يكن لنا فيها تواجد اصلا

شمس النهار يقول...

*haneen adam

حبيبتي مش محتاجة اقولك قد ايه مصر قدمت شهداء علشان فلسطينن علشان اكيد انتي عارفة
لكن مصر كانت لاتثور حتي لشهدائها
والان تغير الحال والحمد لله
واعتقد ان الوضع الان هيسمح بحاجات كتير
ولسه بقول نوضب نفسنا في الداخل الاول ويبقا عندنا مجلس نيابي ورئيس ونترستق كده وهيبقا فيها كلام تاني خااالص

شمس النهار يقول...

*sony2000
ليه بس
مااسبيدر مان المصري اهو طلع علي العمارة ونزل العلم
:))
الحركة دي حاسيتها طلعت من نافوخ الصهاينة

:))

شمس النهار يقول...

*Dr Ibrahim

شكرا يادكتور علي اللينك
دايما كده سباق بالخير
:))

شمس النهار يقول...

*rack-yourminds

لسه بقول لحنين في تعليق فوق
نوضب الشأن الداخلي الاول
ونرسي علي بر
ونتلفت للخارجي علي رواقة
يعني الصهاينة هيروحوا مننا فين
هنفوق لهم قريب اوي

شمس النهار يقول...

*شيرين سامي

الناس اللي بتنوح دي عندها فوبيا الخوف والاستقرار
ومن الاول يقولولك كفاية كده
خاليهم همه ينوحوا والدنيا ماشية
صدقيني الساعة مش هترجع للوراء

شمس النهار يقول...

*دعاء العطار

ان شاء الله بكره احلي بكتيييييييييير
ربنا مابيضيع حق حد
ومابيضيعش تعب حد اخلص في عمله
بكره احلي بالاصرار

شمس النهار يقول...

*sabry abo-omar
ايوة
يارب
احنا نعمل اللي علينا ونتفائل
ويبقا عندنا حسن ظن بالله
وان شاء الله ربنا يدينا الخير

شمس النهار يقول...

*zizi

عندك حق يازيزي
جيشنا مش سهل ابداااااااا

وهو انا اقدر ماجيش انا جيت بس ماعلقتش انتي من المدونات اللي لازم ازورها بس الوقت ضيق خالص اليومين دول يادوب ادخل ازور المدونات وابص بصاااااية صغنننة كده واطلع

كل سنة وانتي طيبة

شمس النهار يقول...

*mira@
ان شاء الله
مصر تسلم واحنا معاها

شمس النهار يقول...

*سواح في ملك اللــــــــــــــــــه

ضحكتن ياسواح

ايوة فعلا اهو موسي ابراهيم ده عامل زي الصحاف
كانوا بيكسروا في تمثال صدام وهو عمال يقول العلوج
:)))))

موسي ده المتحدث الرسمي بأسم الحكومة الليبية وعلي فكرة هو اختفي تماما هو ورئيس الوزراء
ورئيس الوزراء لاقوه في فندق في تونس
:))

شمس النهار يقول...

*vanilla scent

اهلا اهلا ياجميلة
انتي كمان وحشتيني
بتنوريني

شمس النهار يقول...

*eman helal

ان شاء الله اللي جاي اجمل
عملتي ايه في البانر؟؟

شمس النهار يقول...

*ابراهيم رزق

ادعي ربنا في الايام المفترجة دي
ان ربنا كده ياخد الباقي فشار الفار وطالح ومايستجد

الله يسلمك نور الدين كمان بيسلم عليك
:))

شمس النهار يقول...

*ريهام المرشدي

هو مافيش موقف رسمي مصري ممكن نعلق عليه
مش قادرة امسك حاجة كده محددة وافصصها
:))

ان شاء الله ليبيا ربنا يتم لها علي خير نصرها الجميل
والحمد لله اخيرا مصر اعترفت بالمجلس الانتقالي

الشكر ليكي انتي علي تعليقاتك الثرية

شمس النهار يقول...

*كريمة سندي
ان شاء الله الوطن العربي كله هيبقا حر
زي ماتخلص من الاستعمار الاجنبي هيتخلص من الاستعمار الدكتاتوري

مدونة عرفة فاروق يقول...

ايه الكلام الكتير قوى ده

مش عارف اعلق على ايه

ربنا ينصر اخوتنا فى اليمن وسوريا

والقذافى اكيد اكيد فنه باقى

وربنا يعيشك دايما فى تفاؤل

شمس النهار يقول...

*عرفة فاروق عبد لله

انت قريت بوست وعلقت في واحد تاني
:))

وبعدين علق علي الحتة اللي تعجبك
منور