الجمعة، 23 ديسمبر 2011

آآآآآآآآه يابلد !! +تحديث

============================================
امبارح كانت جنازة الشهيد محمد مصطفي
ايوووووووة الشهيد محمد مصطفي
ومش عايزة حد يدخل يقول لي عملتيه شهيد
هقوله ارجع لحديث الشهداء هتعرف ان الشهداء كتييييييييير
عارف لو حد جاله شوية مغص مات فيهم ده شهيد
ماعلينا
ام الشهيد الانسانة الجميلة اللي عرفت تربي شاب زي الفل
وهو طالع من زينهم زغرتة زغروته حلوة اوي
محمد مش بلطجي
محمد كان هيبقا مهندس يعني متفوق
محمد ابوه مهندس امه دكتورة اخته دكتورة والتانيه سياسة واقتصاد والصغري في المدارس
محمد من بيت طيب مش بلطجي
ورياضي من صغره
---
لما نكون في المسجد علشان مستنين محمد
وواحدة غريبة وهي في وسط اهله واصحابه
تقول ايه اللي منزلهم الي اخر الكلام الخايب
وترد عليها واحد تقول لها نازل ينضف البلد
سيبكم اننا في جامع ماينفعش الجدل ده اصلا
سيبك من حرمة الموت
هو ينفع الكلام ده في وسط ناس مكلومة
للدرجة دي في ناس مابتعرفش تميز
ولولا كلنا قلنا هششش كانت هتقوم معركة سياسية
ينفع والجنازة شغالة الناس تتزمر من تعطيل المرور
عجبت لبعض شعب مصر
مش هو ده ميدان رابعة
اللي كان بيتقفل يوم بحاله
علشان مسؤل من عهد اللامبارك
جوز بنت خالة مراته مات والعزا في رابعة
وماحدش فتح بقه ولو بكلمة
مش ده ميدان رابعة اللي كان بيتقفل قبل وبعد الماتش ب4ساعات
مش ده ميدان رابعة اللي اقل تشريفة كانت بتقفله بالساعات
احلف لكم لما كان ميتران هنا في مصر
وكان في قاعة المؤتمرات ان المنطقة اتقفلت
6 ساعات قعدتهم في الشارع جوه عربيتي
بلاش تصدقوا ان انا نقلت بناتي من مدرستهم
اللي بيحبوها وكانت ممتازة
لمدرسة قريبه من البيت
بسبب تشريفات اللامبارك ومراته اللي كانت مابتهمدش كل شوية تشريفة
لما يتقفل ميدان رابعة
علشان شاب زي محمد ده شرف لميدان رابعة
والميدان ماتقفلش كتير
اصل محمد طاااااااااار زي اليمام
محمد صلي عليه ناس كتييييييييييييييييييير
ربنا ينتقم من اللي قتله غدر
محمد مات ان شاء الله شهيد
ان شاء الله الجنة ونعيمها
ودخل التاريخ من اوسع ابوابه يعني دنيا واخره
واللي قتله دخل مزبلة التاريخ
وكفاية دعاء ام محمد عليه

هناك 42 تعليقًا:

ابراهيم رزق يقول...

شمس الشموس

انا كنت موجود امس و مكنتش اعرف انك موجودة

محمد اخر دماء طاهرة زكية
و الله العظيم انا تعبت و بقيت اسكت عشان مبقتش اقدر اتكلم تقريبا هامد ايدى و ده مش اسلوبى
التلفزيون المصرى دلوقتى محادثة تليفونية من فتاة على طريقة تامر بتاع غمرة بتقول ان المتظاهرين هيرموا المصاحف تحت ارجل الجيش عشان يصوروهم و يورطوهم
و توفيق عكاشة الجزمة بيحلل الملابس الداخلية للفتاة المتعرية عشان يثبت انها prostitute و لا حول و لا قوة الا بالله
سبحان الله عمال اشرح للناس نوعية الشباب المعتصمين فى التحرير و كأن الله اراد ان يعطى اية للناس
الشهداء
شيخ وسطى من الازهر قلعة الدين فى العالم انتخب الكتلة المصرية
طالب طب متطوع لعلاج المصابين
خريج اعلام لم يحضر حفل تخرجه بعد
طفل عبقرى مخترع
طالب و بطل تنس و مشروع مهندس بالجامعة البريطانية
بالاضافة لسحل فتاة منتقبة تؤمن بحقها ان تعبر عن نفسها لا ان تكون قطيع فى فصيل
فتاة ابنة لواء جيش و ابت اخر لواء جيش و شقيقة لثلاثة ظباط اركان حرب
فتاة طبيبة حضرت من استراليا من اجل الثورة المصرية
رحم الله الشهداء الابرار بأذن الله
تحياتى لكى

rack-yourminds يقول...

يا سيدتي الفاضله هؤلاءالشباب الطاهر جند الله في الطريق الغلط تم دفهم ليكونوا وقود فوضي تجهض الثوره السلميه وذلك عبر التحريض الذي يقوم به اعلاميين ومفكرين وكتاب كانوا معارضين للنظام السايق واليوم هم كفروا بالديمقراطيه ويرفضون مسار الانتخابات ومن ثم يخدعون ويحرضون الشباب لتلك الفوضي مره باسم الثوره مستمره ومره باسم موجه ثانيه وثالثه للثوره ومره باسم الثوره الثانيه وغيرها من المسميات ,وكل اهدافهم لن تتحقق الا عبر تلك الفوضي التي وقودها هؤلاء الشباب يا سيدتي نحن امام مؤامره شيطانيه وسيكشف التاريخ يوما ما كل ملابساتها.

rack-yourminds يقول...

قام الشباب المصري العظيم بتفجير ثورة 25 يناير المجيده من اجل دوله ديمقراطيه بكل ما تحمل هذه الكلمه من معني,,,واليوم بدانا نضع أقدامنا علي اول الطريق الصحيح وهو بناء المؤسسات ,سيدتي لازم نعرف اهدافنا كويس جدا,الهدف الرئيسي والاصلي الذي قامت الثوره من اجله هو بناء دوله ديمقراطيه دستوريه وخلال طريقنا الي هذه الدوله المنشوده طبيعي ومنطقي وبديهي هيكون فيه عثرات ومؤامرات لذلك يجب ان نحرص وبالبلدي اعيننا مفتوحه علي الهدف الرئسي للثوره ومهما اتحدفنا بالطوب واصابتنا الجراح من العدو الخارجي وادواته في الداخل لصرفنا عن الهدف الرئيسي لا يجب ابدا أن نقع في هذا الفخ الذي يصرفنا عن تحقيق ام الاماني لهذا الشعب العظيم الا وهو دوله ديمقراطيه ,,سيدتي اليوم تقوم بعض الاطراف الداخليه والخارجيه باشعال الفوضي في مصر عبر ثوره دمويه تجهض الثوره السلميه ,سيدتي الدماء الطاهره التي تسيل يوميا من الشباب الطاهر يؤلم كل حر شريف سيتحملها كل الذي يحرضون الشباب ويستغلون حماسهم وحبهم لهذا البلد ودفعم لمواجهات مع الشرطه والجيش بزعم الموجه الثانيه او الثالثه او الثوره الثانيه وغيرها من المسميات ,للاسف هولاء الشباب ضحية نخبه تريد تحقيق مصالحها ولو علي جثة الشباب ,سيدتي الا يلفت نظرك ان كل القنوات التي تحرض الشباب وتدعمهم هي قنوات فلول من رجال اعمل ارتبطوا بمصالح مع نظام مبارك.

سيدني اعلم جيدا الاخطاء التي وقع فيها العسكر ولكن هل الحل ان ندخل في مواجهة معه ام نصبر ونتتحاور معه ونتفاوض حتي نصل الي غاياتنا ,سيدتي المجلس وعد بتسليم السلطه وحدد لها موعدا وكام شهر لو صبرنا عليه سيرحل الي ثكناته هذا هو الطريق السليم والامن .
__

Ramy يقول...

ربنا يرحمه

الناس بقت جبلات اساساً


و ميجيش حد يقول مفيش احترام لأختلاف وجهات النظر

نظر ايه و وجهات ايه فى ميتم

خلاص النظر أنعدم

ربنا يرحمنا

سواح في ملك اللــــــــــــــــــه- يقول...

للموت حرمته

رحمه الله وجعله في مصاف الشهداء

انا لله وانا اليه راجعون

Dr Ibrahim يقول...

ربنا يتقبله من الشهداء ان شاء الله.
لا سامح الله من أشعل الموقف وجعل كيده فى نحره..

Bent Men ElZman Da !! يقول...

ربنا يرحمه ويجعل مثواه الجنه واحتسبناه شهيد

فى ناس لسه دماغها قفله ومغمين عنيهم ومش قادرين يشوفوا حاجه ولا اصلا عندهم استعداد يشوفوا حاجه

Foxology يقول...

طبعا هو فى منزلة الشهداء على الأقل حاول يدافع عن عرض بنات بلده ولو بالكلام ..

بالنسبة اللى بيقولوا ايه اللى بينزلهم والكلام الفاضى ده ممكن يترد عليهم بحاجة واحدة بس : علشان بيصلحوا البلد اللى خربت بسبب سكوتكم 30 سنة واكتر !

بالنسبة لميدان رابعة العدوية .. احنا كدة زى ماقال عميد الأدب العربى الدكتور طه حسين : وكل شئ فى مصر ينسى بعد حين !! نسيوا التشريفات .. الله يرحم

تحياتى

haneen nidal يقول...

ربنا يرحمه و يحتسبو شهيد يارب و يصبر اهلو يارب

لـــولا وزهـــراء يقول...

رحم الله كل شهدائنا التي روت دمائهم ارضنا الطيبة

لولا

نور القمر يقول...

ربنا يرحمه ولد زي الفل واللهي ..ويجعل متواه الجنه
تحياتى لك
نور

Tamer Nabil Moussa يقول...

ربنا يرحمة ويرحم كل شهداء الوطن

وربنا ينتقم من القاتلين والظالمين والمتلونين

مع خالص تحياتى

bombona يقول...

ربنا يرحمه ويصبر اهله يارب
وياريت بقى حضرتك تبعتيلى حديث الشهداء ده الله يخليكى او تكتبيه حتى فى المدونه لو كنتى متاكده انه حديث صحيح عشان الناس تفهم وتبطل تجادل

طبيب فقد الامل يقول...

هذه هى المرة الاولى التى امر فيها على مدونتك
وتعجبت مما كتبتى ووما علقوا على ماكتبتى وجدتكم تقيمون مظاهرة تأيد للشهداء!!!!
اى شهداء؟؟؟؟ انها حبيبتنا تتحتضر
تبكون على الفتاة وملابسها !!! وامنا تغتصب ؟ تبكون على الشهيد !!على الشهداء!!! ولا نبكى على مصر؟
الشهيد بين يدى الله فى حرية وسعادة
ولكن امنا لا تزال اسيرة لم تحرر بعد
فى يناير 2009 بكيت مصر فى مدونتى تحت عنوان المتهالك القابع واليوم جف الدمع ولا اعرف كيف ابكيها
الشهيد!! الشهداء!! كم يساوى الجميع امام مصر
مصر المغتصبة من الاف السنين
اعلم تلامذتى فى الجامعةان مصر لا تحتاج الى اطباء
ان مصر تحتاج الى ابناء يخافون عليها ما قيمة ان تكون طبيب ناجحا بدون وطن يحتضنك وترعاه ويرعاك
ما قيمة ان تعيش بلا هدف
وما اسؤ ان تموت بلا ثمن
الشهيد مات بثمن
فمن مات دون وطنه فهو شهيد
ومن مات دون عرضه فهو شهيد
اسألكم بالله الا نحافظ على وطننا علنا ننعم بالشهادة من اجله
رحم الله من مات من اجل هدف ومن استشهد ابتغاء رضوان الله

فشكووول يقول...

السلام عليكم شمس هانم
مش حاعلق ولا حاقول حاجه لان اسهل حاجه الوقت ان اللى عايز يقول وجهة نظر خاصه بيه ممكن يشتم الناس ويعمل اى حاجه وعشان كدا انا مش حاقول حاجه .. انا من رأى rack-yourminds ومش حازود عليها ولا اقول حاجه .. الا ان يرفعون دماء الشهداء كما رفع قميس عثمان قديما وحدثت فى الاسلام اكبر فتنه ما زالت اثارها باقيه .. بس خلاص

شمس النهار يقول...

ابراهيم رزق

ايوة كنت موجودة

ورجعت كارهه الناس والدنيا

الجنازة كانت رهيبه كنت حاسة ان الميدان من كتر الهتاف بيترج

قائمة الشهداء كبيرة
همه دول اللي نجحوا في الثورة

شمس النهار يقول...

*rack-yourminds

اتمني فعلا علي الله
ان يكشف عنا الغمة
وينكشف من يخطط لمصر وايه اللي هو عاوزه من قتل الشباب الجميل
دول بينقوا مش بيقتلوا كده وخلاص
مافيش بلطجي واحد يموت!!

شمس النهار يقول...

*rack-yourminds

اتمني علي الله
ان يرحل المجلس فعلا اللي فشل فشل زريع في قيادة وادارة المرحلة الحرجة

العسكر لايصلحوا للسياسة
لكن يصلحوا للتكتيك العسكري

شمس النهار يقول...

*Ramy

ل ماهي فرصة قليل الزوق

تقول كلمتين خايبين تجرح بيهم الناس

لولا اننا في جامع
كانت الناس كالتها

شمس النهار يقول...

*سواح في ملك اللــــــــــــــــــه

آىمين
ولا نملك له الا الدعاء

شمس النهار يقول...

*Dr Ibrahim

آمين
ولاتقلق ربنا هينتقم ممن تسبب في هذا
ربنا مابيظلمش عبيده

شمس النهار يقول...

*Bent Men ElZman Da !!

ربنا عامي قلوبهم
وعامي بصرهم
وسادد ودنهم

EMA يقول...

لا حول و لا قوة الا بالله العلي العظيم..انا لله و انا اليه راجعون

ربنا يرحمه و يصبر أهله

ذو النون المصري يقول...

من يوم ما هاجرنا و الاخبار عندنا مش كاملة
اغلبها بناخده من افواه بعض
لاننا في الخالج اكثر من نوبة عمل
و مفيش وقت للنظر للخلف
نسال الله ان يصبر اهله
و ان يوقف نزف الدماء في بلادنا و غير بلادنا

مصطفى سيف الدين يقول...

دخلت هنا ومش عارف اعلق اقول ايه؟
هي الناس مالها بقت كده
خلاص المبادىء بتنفتل مننا شوية شوية والاخلاق بتبهت شوية شوية
الله يرحم محمد ويدخله فسيح جناته هو ارتاح في جنة ربه ان شاء الله وساب ناس كتير تنم وتغتاب وتغلط ومتفهمش انها في الآخر هتحصله بس مش في نفس المثوى
حسبنا الله ونعم الوكيل
احنا محتاجين ثورة
بس ثورة على نفوسنا علشان ننضف
تحياتي

Mohamed Amer يقول...

انا لله وانا اليه راجعون
ربنا يرحمه ويرحم كل شهدائنا

zizi يقول...

شمس الدافئة ..المنورة..


كل من مات في سبيل عرضه أو ماله فهوشهيد..رحمه الله وجعل مثواه الجنة ..تحياتي لكي ولقلمك المبدع

شمس النهار يقول...

*Foxology

عارف ياابو يوسف فاتيما
قالت لي ان لو هي نازلة من بيت مشبوه
هيغطوها بملاية

كلمتين فيهم اختصار الموقف
يبقا كان المطلوب ان البنات تتهدد

شمس النهار يقول...

*haneen nidal

آآآآآآآآآمين

شمس النهار يقول...

*لـــولا وزهـــراء

آآآآآآآآمين

شمس النهار يقول...

*نور القمر

آآآآمين

شمس النهار يقول...

*Tamer Nabil Moussa

آآآآمين

شمس النهار يقول...

*bombona

أمين

ايوه هو حديث صحيح وان شاء الله انشره او ابعته لك

شمس النهار يقول...

*طبيب فقد الامل

اهلا بيك وان شاء الله لاتكون الاخيرة

مين قال اننا لانبكي علي مصر
احنا اصلا فداء مصر
لازم تاخد جولة في المدونة
حتي تستطيع ان تعرف اتجاه صاحبة المدونة

ولا اعتقد انك تستكثر علي الشهيد الشاب بوست صغير لا يراه الا قليل القليل

وفعلا مصر محتاجة اللي يحبها
اهلا بيك مرة اخري

شمس النهار يقول...

*فشكووول

وعليكم السلام ورحمة الله وبركاته عمنا فشكوووول

انت تعلق وتقول اللي انت عايزه المدونة مدونتك

:))

شمس النهار يقول...

*EMA

آآآآآمين يارب العالمين

شمس النهار يقول...

*ذو النون المصري

ربنا يهون عليكم غربتكم

ويردكم سالمين للوطن

شمس النهار يقول...

*مصطفى سيف الدين

ايوة يادكتور
احنا محتاجين فعلا ثورة علي انفسنا
لازم كلنا نبتدي بنفسنا

شمس النهار يقول...

*Mohamed Amer

آآآآآآآآمين

شمس النهار يقول...

*zizi

هو ده اللي مبرد قلب الجميع علي الشهداء اللي سقطوا

mrmr يقول...

ربنا يرحمه
ويرحم كل شبابنا احياء واموات
لكن على التذمر فدا اصبح طبع البشريه
ربنا يتوب علينا بقى
اسفه على التقصير

تحت العشرين يقول...

الله يرحم الجميع