الجمعة، 30 ديسمبر، 2011

العجلة البيتسا الاستقرار !!

افهم من حكم البراءة بتاع ظباط السيدة زينب
ان المخلوع هياخد براءة هو والشلة
!!؟؟
لييييييييييييييييه؟؟
ماهو كده ماحدش قال لحد اقتل
الظباط كانوا بيدافعوا عن نفسيتهم
من المتظاهرين الوحشين الكخة
اللي اطاحوا بالعصابة
اللي لولاهم لولا لولا لولا
ماكانش التيارات اللي مايعلم بيها ربنا طلعت للنور
وماكناش عرفنا حجم النهب والسرقة وماهيات الكبار
الي اخر ماكشفته المظاهرات واتت بيه الثورة
اول مره في التاريخ يحصل ان معتدي علي ثورة يطلع براءة
بكره يرجعوا بالتعويض علي اهالي الشهداء والمصابين الكخة
ويلزموهم بمصاريف التقاضي واصلاح الاقسام
علشان كده بقا مافيش ظابط قعد في بيته
كانوا عارفين انهم هيطلعوا براءة كده كده
تصدقوا قالهالي ظابط من زماااااااااااان وماصدقتوش
قلت ده بيقول كده وبس
قالي مافيش ظابط هياخد حكم
بلاش اوهام وكلام فاضي
ولسه ياما هنشوف
علشان
العجلة البيتسا الاستكراد
ايوة الاستكراد
--------
سؤال علي الماشي؟
ايه موضوع الامر بالمعروف والنهي عن المنكر دي
--------
ممكن حد يصلي علشان خايف من حد واقف له بالعصاية بس الحد ده مش هيبقا عارف الحد ده بيصلي ولا بيعمل تمارين رياضية
حسبي الله ونعم الوكيل

هناك 40 تعليقًا:

لورنس العرب يقول...

نحن جميعا ارتضينا ان يكون القضاء حكما- إذن ما يقوله القضاء هو الحق حتى لو اختلفنا معه
كما ان قسم الشرطه محروق امام الجميع - ليس كل من في الميدان ثوار ودي حقيقه

سواح في ملك اللــــــــــــــــــه- يقول...

ياشموستنا

اللواء العيسوي وزير الداخلية السابق

قالها قبل كده

قال ((ان اللي قدام الاقسام الشرطة

كانوا بيدافعوا عن الاقسام))

هنا بقي علي طول تعرفي مؤشرات البراءة بتاعتهم

المشكلة الكبيرة في ايه

ان العادلي وجالته ستفوا اوراقهم كويس

واحنا عارفين ان القضاء ياخذ بما امامه من اوراق

فيه مقولة بتقول ان ا لقاضي لايحكم بما يعلم


يحكم بما امامه من دلائل

ابراهيم رزق يقول...

شمس الشموس

حسبى الله و نعم الوكيل

انه عصر الشيخة ماجدة
انه عصر احمد سبايدر
انه عصر عمرو مصطفى
انه عصر لميس جابر
انه عصر الشحات
انه عصر بكار
انه عصر خالد عبد الله
انه عصر عكاشة عماشة

هل هذا ما حلمنا به
هل هؤلاء ما حلمنا بهم

الان عرفت لماذا لم يهرب
انها بالونة اخنبار
اقسم بالله لو سكتنا لتمادوا
ان غدا لناظره قريب

صبح يقول...

ااااه يااا ناااري

الازهرى يقول...

خبر متوقع من كتير

انا حتى ولا دورت على الأحكام
كنت أول مرة أعرفها منك

الأيام الجاية هتتكرب وأكتر

وربنا يسترها بجد

شمس النهار يقول...

*لورنس العرب

فينك مش باين لعل المانع خير

معاك حق ليس كل من في الميدان ثوار فيهم بلطجية مدسوسين علي الثوار
وامن وتحريات ومخبرين

والقضاء اللي علي حكمه الف علامة استفاهم
ليه علشان اللي قدم الادلة مين والاوراق والادلة طالعه منين
يبقا تناول القضايا من الاول كان غلط
وده اللي بنقوله ان المجلس بيلعب لعبة مش حلوة
ماينفعش تبقا انت الخصم والحكم مافيش حد علي وش الدنيل بيقدم دليل ادانته بأيده
انت عارف انا بنتي كان هيموتوها في المستشفي غلطة طبيب وتمريض وكانيوله ملوثة
تصدق مافيش طبيب علي وش الارض بالمحروسة رضي يشهد علي زميله او المستشفي وشوهت يد بنتي ومش عارفة اجيب حقها ولا حتي اجنب المرضي اللي بعدها ان يتعمل فيهم كده
ماتقدرش تنكر ان مافيش في نطاق القسم من له تار مع القسم والعاملين فيه
الثورة قامت علي النظام وخصوصا الداخلية

شمس النهار يقول...

*سواح في ملك اللــــــــــــــــــه

ماحدش يقدر ينكر ان الاقسام كان بيتعمل فيها البدع
والبلطجي اللي كان بيتمسك بتهدر ادميته داخل القسم
والبلطجي او الاسلامي او الناشط اللي ماكانوش بيقدروا يجبوه كانوا بيجيبوا امه او اخته او زوجته
علشان يجي لهم
الشرطة اهدرت كرامة المواطن المصري
والعجب العجاب ان البلطجية والحرامية واللي ضيعوا البلد متهنين واظن صورة العدلي وجمال وعلاء ومبارك وهم يرتدون الملابس السينيه ومافيش كلبشات
والناشطين اللي مقيدين في سراير المستشفي
اما الاوراق احب اقولك ان الرصاصة اللي قتلت الشهيد محمد مصطفي الحرز اتسرقت منه الرصاصة الميري
وعرفنا منين انه ميري اخته دكتورة وحضرت التشريح
البلد فيها لعب علي كبير
واحنا نايمين علي ودنا وقاعدين علي النت نختلف
والدنيا رايحة حته تانية خالص
وان مافقناش وبقينا ايد واحدة البلد فعلا هتتسرق مننا تاني
وهنرجع تاني ياابوزيد ماغازيت

zizi يقول...

شمسنا الدافية ..

هو بصراحة مازال هناك تخبط لكن فعلاً القااضي بيبقى قدامه الأوراق والدلائل ..وممكن قوي يشوفوا الفيش والتشبيه بتوع اللي قتلوا قدام الأقسام متهيألي هو اكبر دليل على نوعية القتلى اللي كانوا قدام الأقسام ..وفي الآخر كل واحد يتحمل نتائج عمله قدام ربنا يوم الميزان الحق ...وربنا ينجي مصر آمين

شمس النهار يقول...

*ابراهيم رزق

ياريت ياابراهيم تقرا التعليقات اللي فوق علشان انا قلبي وجعني
بجد زعلاااااانة
برااااااااءة
طبعا ما الحقائق استخبت
هو مين اللي ماسك الداخلية دلوقتي
ماهم رجال العادلي

شمس النهار يقول...

*صبح

اه يانارنا كلنا

شمس النهار يقول...

*الازهرى

انا كنت متوقعه حكم غبي
بس بالفجر ده
لأ

شمس النهار يقول...

*zizi

ربنا ينجي مصر
انا حاسة يازيزي ان يراد بمصر شر
لكن ربك هيجعله خير

وياريت تقري تعليقاتي وردي علي الاخوة فوق هتعرفي وجهة نظري وبعض الحقائق

منورة ياجميلة

ستيتة يقول...

وانتي بتقولي فيها يا شمس
ما فريد ابو الدياب الصاحي طلب ضم قضايا ماسبيرو ومحمد محمود لقضية المخلوع والعادلي
ولما البراءات ترخ
حسني ينكرها كلها جميعا

فيه نبوءة من العرافة الشيخة المباركة الروحانية الواصلة الجامدة ماجدة
بتقول لك ممكن توصل ان جمال مبارك يترشح في يوم ويكسب
مستغربة؟
أقرأي دراسة د.مصطفى سيف واللي على طول بيكتبها على تويتر وكاتب جزء منها في تعليق عندي امبارح

الوضع مكشكش قوي ربنا يعرضها

مساء مبارك وجمعة رضا من رب العالمين

شمس النهار يقول...

*ستيتة

فريد ده ياكش ديب يلهفو وهو سكران طينة كده

بس بيقولوا ان القاضي رفض الطلب مااعرفش صح ولا لأ

بس خلاص ماهي بانت لبتها اهو
براءة لييييييييه اصلهم كانوا بيدافعوا عن نفسيتهم التعبانة

بجد ربنا يستر علي الناس اللي زي حالتنا بجد هطق بس مش هموت علشان طقتي دي هطلعها عليهم ان شاء الله

ان شاء الله جمعة جميلة عليكي وهي اخر جمعة في 2011

لـــولا وزهـــراء يقول...

مافيش غير كلمة واحدة
حسبي الله ونعم الوكيل

لولا

AHMED SAMIR يقول...

بالنسبة لتبرئة ضباط السيدة زينب فلا اعلم هل تم تبرئتهم (لنقص الأدلة) ام (لنقص الضمير)....؟!!!
يريت تكوني فهمتي انا قصدي ايه؟؟؟
بالنسبة للهيئة اياها...
ممكن جدا يعملوها في مصر بس على جثثنا
تحياتي

لورنس العرب يقول...

انا موجود ولله
بس مش بعلق كتير عشان الناس بتزعل مني في الحقيقه وانا مش عاوز اخسر حد
ياريت الناس تفهم ان علاقتنا شيء مختلف عن الآراء المكتوبه- بس قليل اللي يعرف كده

rack-yourminds يقول...

لن تتحق كل أهداف الثوره التي من ضمنهاحقوق الشهداء الا في ظل حكومه منتخبه
_

لقد نفي حزب النور السلفي اي صله بتلك الهيئة ,اتمني ان لا نعطي هذا الامر حجم اكبر من حجمه

ذو النون المصري يقول...

انا اصلا متوقع من زمن ان مبارك هياخد براءة و لن تثبت عليه تهمة قتل المتظاهرين او الامر بقتلهم
كان يجب ان تكون محاكمته بعيدا عن هذا الموضوع كان يجب محاكمته علي 30 سنه حكم او محاسبته علي 30 سنه حكم بلاش محاكمته دي
فيه رئيس دولة يحكم 30 سنه و يقع وقعه زي دي
دا لو محامي مبتديء استحالة يقع في مازق قانوني واضح زي ده

مصطفى سيف الدين يقول...

بصي يا شموسة مش شايف حد جاوبك على هيئة الامر بالمعروف والنهي عن المنكر علشان كده هاجاوبلك دي
الحلوين عملوا بالونة يشوفوا ايه الوضع عملوا صفحة على الفيس و اصدروا بيانهم الاول اللي كان فيه هنعمل زي (الاراضي المقدسة) وحطيلي خط تحت الاراضي المقدسة ونعمل هيئة امر بالمعروف واللي عايز يشترك يحط بياناته وقاموا حاطين لينك وقالوا انهم اعضاء تبع حزب النور وكده واستئذنوا من ائمتهم الكرام اللي اثنوا عليهم
حلو الكلام؟
بعدين بقى الصفحة اتشهرت ودخلت الناس نزلت سب فيهم و في ائمتهم وفي النور و الكل كليلة
راح حزب النور طلع تصريح ان الصفحة لا تمت له بصلة والناس دي شغالة مع نفسها
حلو الكلام؟
راح في نفس وقت البيان بالظبط الصفحة اتحذفت
ده بقى دليل ان الصفحة اصلا تابعة للحزب في بيانها الاول لان في نفس التوقيت بتاع انها مش تابعة للحزب اتحذفت وكانت مجرد بالونة يتأكدوا بيها ان الشعب فعلا متقبلهم مش عن طريق دعايا كاذبة ونتيجة خادعة واكتشفوا الحقيقة المرة
المهم بعد ما اتحذفت الصفحة في بيانها الاول بدات ناس تشتغلنا وتكتب بيانات وصفحات مع نفسها اللي يقولك خيزارنات واللي يقولك معرفش ايه لكن اعتقد ان كلها بيانات كاذبة الا البيان الاول لو لقيته هاجيبهولك

بالنسبة لحكم البراءة يا شمس اوعي تتوقعي في يوم عدالة من ظالم
و العسكر كله مبني على الظلم
تحياتي

مصطفى سيف الدين يقول...

اهو هو ده البيان اللي بقولك عليه واللي شايف انه الوحيد الحقيقي
http://www.mo3akpress.com/wp-content/uploads/2011/12/facebook_392370092.jpg

infowksl يقول...

يا صديقتي ...اوكنتم تظنون عدلا يقام بوجود حكام ورؤساء عرب يدعون الاسلام اسما متغنين به مشرفين به كعبتا ثم خمرا يحتسون وفحشا في القصور يفعلون ورب العزة لن يمس مبارك وعصابته اذا طالما هناك حكاما في السعودية فاسقون ولا حول ولا قوة الا بالله العلي العظيم ..كلامي سياسي وليس ديني

ماما أمولة يقول...

ربنا يستر يا شموسة
شكلها مش هتعدي على خير


كل سنة وانت طيبة ويارب السنة الجديدة تبقى خير على الجميع

Bent Men ElZman Da !! يقول...

حسبى الله ونعم الوكيل فى كل واحد فاكر انه هيقدر يتحكم فى مصير ناس

Dr Ibrahim يقول...

طبعا لان تلك المحاكمات تنقصها الأدلة وقد يكون تم اخفاء الادلة لان كما قالوا قديما حاميها حراميها وصدق الظابط لان من غير المعقول ان يقدم فاسد فى هذه الاجواء وخاصة من فاسدى الشرطة لان مؤسسة الشرطة لن ترضى ان تقبض على ظابط من بنى وظيفتهم..والله أعلم..

ثانيا الامر بالمعروف والنهى عن المنكر كصفحة وحوار الفيس بوك حزب النور ليس له اى علاقة به ونفينا مرارا وتكرارا ذلك ..لان التربية والدعوة والتذكير تسبق القوانين..
وان كان الامر بالمعروف والنهى عن المنكر من الأشياء الاصيلة فى ديننا من اجل الحفاظ على المجتمع الطاهر فقال تعالى"ولتكن منكم أمة يدعون إلى الخير ويأمرون بالمعروف وينهون عن المنكر وأولئك هم المفلحون" آل عمران 104
ولكن قبل ذلك تكون التربية والدعوة والتعليم..

شمس النهار يقول...

*لـــولا وزهـــراء

هي دي البداية وهي دي النهاية
وهي دي كل شئ

في الوجود

شمس النهار يقول...

AHMED SAMIR

الاتنين نقص تحريات وادلة ونقص ضمير طبعا
وماتنساش ان الغلب القضاة كانوا ضباط بوليس اصلا
وفيهم من ابناء ظباط بوليس وياريت تقرا ردي علي التعليقات علشان اقرب لك وجهة نظري

:))
اما الهيئة دي نفسي اشوفهم كده لما يدخلوا حارة شعبية هيتعمل فيهم ايه
:))

شمس النهار يقول...

*لورنس العرب

انت عارف اني بحب المناقشة وبصدر رحب
المهم انها تكون في حدود الفكر والفكر الاخر
لاتجاوز ولا خروج عن المألوف
اومال احنا عاملين المدونات دي ليه مش علشان كده
في بوست عندي التعليقات شغالة بين الابراهيمين
دكتور ابراهيم وابراهيم رزق
وانا بنشرها وبقراها ومستفيدة من كم المعلومات اللي فيها
وفي حاجات ماكنتش اعرفها عرفتها وفي حاجات لاقيت نفسي بدور عليها علشان اعرف عنها اكتر
ماتخافش علق هنا زي ماتحب
:))
المدونة امنة وتؤمن بالراي والراي الاخر
مدونة ديمقراطية علي حق ربنا مش اونطة
وتنورني دايما

شمس النهار يقول...

*rack-yourminds

ولن يحاكم اللامبارك محاكمة صح الصح الا لما لما العسكر يمشوا وفي ظل رئيس منتخب قوي من الاخر يحكم مصر رجالة
عايزة اقولك ان اخت الشهيد محمد مصطفي دكتورة وحضرت مع اخوها من اول يوم من اول مااضرب وحضرت اخراج الرصاصة
الرصاصة ميري بتاعت الجيش
انت عارف ان الرصاصة اختفت اي ان الحرز اختفي
وكمان بيدوها تقرير الوفاة ان مات عقب عملية جراحية
ايه رايك!!؟؟
ده مش كلام جرايد محمد ده في مرتبة ابني وكان مسافر يوم 3يناير الجاي يكمل تعليمه في امريكا
ومش عايزة اقولك اهله صابرين لكن حالفين لاياخدوا حقه

اما الهيئة اياها دي انت عرفت شلة شباب ملتحي ولابسين جلابيب قصيرة عملوا ايه في كام حلاق في بور فؤاد
اتهجموا عليهم وهددوهم مايحلقوش لحد دقته
وطبعا كلوا علقة
اذا كان السعودية اللي المفروض انهم بيقلدوها مش رجالتهم ملتحين
ونقول يارب 2012 تبقا اجمل

شمس النهار يقول...

*ذو النون المصري

محاكمة مبارك بالشكل ده عملية هزلية ميه في الميه
نتيجة الاستعجال في التحريات والورق
ونتيجة العسكر اللي سابوا باقي العصابة بره يقطعوا الورق ويمحوا الادلة ويهربوا الفلوس
بس لاتقلق مش هينفدوا
ربك موجود

اندروميدا يقول...

كل سنة وحضرتك طيبة .... عام سعيد عليكم وعلي مصر الحبيبة ... بإذن الله

rack-yourminds يقول...

سيدتي الفاضله في اي مجتمع فيه متشددين انظري الي تصرفات المتشددين اليهود في اسرائيل ونظرتهم المتخلفه للمراة ومازل المجتمع الاسرائيلي اليوم يئن من تصرفات هؤلاء.السؤال الذي ينبغي أن نطرحه علي انفسنا عندما نشاهد تلك الحوادث الفرديه كم يمثل هؤلاء المتشددين من نسبة الشعب المصري!؟
____

سيدتي الفاضله ادعوكي لقراء هذا المقال المهم للمفكر الكبير فهمي هويدي بخصوص هذا الموضوع منشور اليوم في جريدة الشروق

http://www.shorouknews.com/columns/view.aspx?cdate=31122011&id=919b4e38-a008-4663-890d-c8683d8d7c9e

شمس النهار يقول...

*مصطفى سيف الدين

ايوة موضوع الهيئة ده حسيته جس نبض كده

يعني السعودية بتفكر تلغيه
فاعايزين يعملوه هنا

دول يتقطعوا
:))

لأ مش متوقعة ابدا عدل من العسكر من بعد اللي حصل
اعترف انهم ضحكوا علينا

شكرا علي اللينك
ومش هقول اكتر من ربنا يهدي عبيده اللي عايزين يولعوها بأي شكل

شمس النهار يقول...

*infowksl

هي دي المشكلة
انهم عاملين فيها اتقياء وهم عكس كده تماما

وعايزين ريادة بفلوسهم مش باي حاجة تانية

ربنا يكفي الامة العربية شرهم

شمس النهار يقول...

*ماما أمولة

اهلا اهلا بالحبايب

كل سنة وانتي بخير وصحة وسعادة متهنية يارب
نورتيني

شمس النهار يقول...

*Bent Men ElZman Da !!

واحد علي تويتر كان كاتب

الناس ممكن تقبل عليهم ريس لكن مش ممكن تقبل حد يعمل عليهم ربنا

شمس النهار يقول...

*Dr Ibrahim

من قاموا بالتحريات هم اصدقاء القتلة واغلب الاحراز اتسرقت

والشهود زور

النهي عن المنكر والامر بالمعروف مش محتاجين هيئة والرسول ماعملش حاجة زي دي بالرغم ان المجتمع وضعه كان يسمح وحتي الصحابة ماعملوش كده

حتي السعودية بيدرسوا الغاء هذه الهيئة

ماينفعش تقف لي بالعصاية علشان اطيع ربنا
ممكن اصلي قدامك علشان خايفة منك لكن عمرك ماهتعرف انا علي وضوء ولا ل طيب انا فعلا بصلي ولا بعمل تمارين رياضية
طاعة الله لو كان تفرض لفرضها ربنا علي عباده وجعلنا كلنا طائعين
وانا معاك المهم التوعية ولكن بالموعظة الحسنة والكلمة الطيبة صدقة وتبسمك في وجه اخيك صدقة
وجارت اخي في امريكا اسلمت من حسن خلقه وتبسمه الدائم
دفعها سلوكه الطيب ان تعرف عن دينه وبعدها اسلمت وتخيل بعد ان اسلمت ماتت سبحان الله
وان كنت فظا غليظ القلب لأنفضوا من حولك

شمس النهار يقول...

*اندروميدا

كل سنة وانت بخير وصحة وسعادة
ودايما تمتعنا بقصصك الجميلة يارب

:))

شمس النهار يقول...

*rack-yourminds

ماهو المتشددين دول لو مالقيوش حد يردهم
هينتشروا ويأذو المجتمع
لازم كده اول بأول
زي السادات لما صحصح الاسلامين بتوع الجهاد والتكفير والهجرة
واشعلوها فتنة في البلد ده غير العمليات الانتحارية اللي حصلت

وشكرا علي اللينك هقراه طبعا

الحمل والامومة يقول...

القضاء له الدليل والاثبات