الأربعاء، 14 مارس 2012

قديمة :))


كنت بكتب بوست عن محو الامية ولاقيت المسودة دي قلت طيب نضحك شوية
:))
=======
الجيش حاطط علي مدرعاته استيكرات زي سواقين الميكروباص
وبكرة تلاقي بوستر
" الحلوه مدرعة وقاعدة ومربعة !
ولا تقولى بنزين و لا تقولى غاز ॥ الحلوه بتمشى بدم الناس
الثوره صابتني و مكتب الارشاد نجاني
"يا بلطجي يا قاسي...المدرعة مفيهاش كراسي"
الخرطوش اللي ميصبش يدوش متبوصليش بعين رضية ....
دى جاية بالمعونة الامريكية سوقوا بالراحه يابهايم،
سواق المدرعه نايم طريق السلامه يا حظابط ماتبصش بشماته ॥
الحلوة دهسه تلاتة متبصش باحتقار
॥ الحلوة داهسة ثوار
الثورة خوخة ॥ ركبناها بعد دوخة
المدرعه دى طاهره...عمرها ما وقفت فى مظاهره
هدي و خليني أعدي ... أنا بدهس و محدش قدي!
لا تقولى نانى ولا سوسو الى هيقرب منى هدوسه
احترس الدهس متكرر

هناك 28 تعليقًا:

ابراهيم رزق يقول...

شمس الشموس

هههههههههههههه
حلوة قوة

و ممكن نلاقى الحلوة من دهشور
و كمان ممكن نلاقى السلطان طنطاوى و الاميرة قرينته
و الامير عنان

اللى رايك صحيح فى بوستر الجيش و الشعب ايد واحدة
حاسس ان الواد الصغير مستحمى قوى
ههههههههههه
تحياتى

شمس النهار يقول...

*ابراهيم رزق

تحس انه عيل مستورد

:))))

هم يضحك وهم يبكي

مصطفى سيف الدين يقول...

اه فعلا المجلس العسكري بصمجي :)
و اصلا الفنجري ده منادي في موقف
ههههههههه
حلوة يا شمس

رؤى عليوة يقول...

ههههههه حلوة بس مؤلمه
بس عارفه الدم الخفيف ده مش موجود غير عند المصريين
احيانا بحس ان لينا الجنه ومعرفش مين الغلطان فى حق مين احنا غلطانين ولا البلد ظلمتنا

ياللا ان شاء الله الجاى احلى

صاحب الحبر الأسْوَد يقول...

دي شكلها وقت ما المدرعة اتنشلت يا حرام : (


قديمة اه بس تموت م الضحك
وخاصة ان كل حاجة بتتكرر مافيش تجديد

مش عارف ليه الطابع الكوميدي اللي غالب ع المصريين اليومين دول بزيادة رابط معايا باغنية ضحكة المساجين وخاصة الكام بيت دول

يا مصر هدي وانتي بتفوتي
الصوت في صمته اعلي من صوتي
وادي السجين اللي ماباتش حزين
واللي يقف في وش ثوارها
ماهايورث الا ذلها وعارها
واللي هايفضل ضحكة المساجين

شكراً علي الابتسامة : )
تحياتي

لــــ زهــــــراء ــــولا يقول...

روووووووووووووووووعة ومأساة
شر البلية

لولا

إيمان هلال يقول...

هههههههههه
جامده جداً

Tamer Nabil Moussa يقول...

ههههههه

احنا شعب زى العسل والله

مع خالص تحياتى

zizi يقول...

ماهي المشكلة يافندم انك طالبة مننا طلبين اصعب من بعض :إننا نعلق بالحقيقة اللي جوانا وبضمير طيب بذمتك وانا راضية ذمتك الحاجتين دول تفتكري موجودين في كام واحد فينا ؟؟ياللا زي بعضه.. النكت والقفشات ظريفة زي صاحبتها ..وبالطبع رغم ألمها ..تحياتي ..

شمس النهار يقول...

*مصطفى سيف الدين

الفنجري ده بالذات طلع فنجري بق

:))
اتكلم لما شبع وماعملش بالكلام اللي قاله

شمس النهار يقول...

*امة الرحمن

ان شاء الله الجاي احلي

واحنا المصريين لما لاقينش حد نتريق عليه نتريق علي نفسنا

:))))

شمس النهار يقول...

*صاحب الحبر الأسْوَد

لأ دي ساعة ماكان هيحتفلوا بعيد الثورة

الطابع الكوميدي غالب علينا
وبنضحك
علشان مش عارفين نعيط من اللي احنا فيه

شمس النهار يقول...

*لـــولا وزهـــراء

ايوة فعلااااااااااا

شر البلية مايضحك

:))

شمس النهار يقول...

*eman helal

ايمان عندنا يامرحباااااا
يامرحبااااااا

بقالي كتير مش بشوفك علي تويتر
يارب تكوني بخير

شمس النهار يقول...

*Tamer Nabil Moussa

طبعا شعب زي العسل
عملنا ثورة
وجرينا ورا العجلة

:)))

شمس النهار يقول...

*zizi

:)))
ايه الاسئلة المحرجة دي يازيزي

:))))))

ماباقيتش عارفة الاقيها منين ولا منين

منين ماتلتفتي تلاقي وجع قلب

ذو النون المصري يقول...

طبعا الدم الخفيف في الازمات الحاده متوافر لدي المصريين بافراط و دليل ذلك الراجل اللي ورا عمر سليمان

غير معرف يقول...

السلام عليكم ورحمة الله
سنعاني كثيرا من الجيوش كما عانينا من العروش
وسنلاقي الويل حتى نضع الجيوش في مهامها الصحيحة

احترامي وزيارة واطلاع اولي للمدونة

eng_semsem يقول...

هو احنا ما سبناش حاجه الا واتريقنا عليها سواء كانت كويسه او وحشه اتملت الدنيا بقفشات المهم نضحك من قلبنا مش نضحك من حزننا
تحياتي

غير معرف يقول...

وماذا بعد تشككون في الجيش وتشككون في القضاء وتشككون في اي شيئ بمصر انتم الشرفاء فقط وماعداكم فاسد بالله عليك هذا تفكير سليم اللهم ارفع مقتك وغضبك عنا

حنين محمد يقول...

صباح الغاردينيا شموسه
ههههههههههههه
بجد حاجة تضحك رغم وجعها
وخاصة انا حدوس ومين قدي
ربنا يحفظ مصر يارب"
؛؛
؛
لروحك عبق الغاردينيا
كانت هنا
reemaas

شمس النهار يقول...

*ذو النون المصري*
صح
ايام النكسة طلع كمية نكت
مهووووووولة

المصري يسخر من الالم حتي لايهزمه

شمس النهار يقول...

*علي محمد رحيل

وعليكم السلام ورحمة الله وبركاته

احنا لسه هنعاني
ماالجيش نفسه معانا من 52

اهلا بيك في اول زيارة

شمس النهار يقول...

*eng_semsem

المصري هو الوحيد اللي بيسخر من المه

علشان يهزمه

شمس النهار يقول...

*ريـــمـــاس

مساء الياسمين

ادينا بنضحك من كتر الحزن
اصلنا مش عارفين نحزن
الحمد لله عارفين نضحك

!!! عارفة ... مش عارف ليه يقول...

أيه الدماغ العالية دي :))))

البوست ده شديد طححححححن

والله موتيني من الضحك

الواحد من زمان مضحكش من قلبه

صحيح شر البلية ما يضحك

شمس النهار يقول...

*وليد الزهيري

وليد في بلوجر يامرحبا يامرحبا

:)
ماهو من كتر الهم
قلب ضحك

:))

rona ali يقول...

ههههههههههههههههههههههههههه
جميله اوى يا شموستنا عوض انا وقريت من القديم شويه :)