السبت، 7 أبريل 2012

تشكيل شمس الوزاري :))+تحديث وهام كمان

وادي اول بوستر في الحملة الانتخابية
رشوة من فوكس مدونة الكيت كات
معلش اصله راسم علي وزراة الداخلية:)



ان شاء الله ندخل انتخابات الرياسة
برجلنا اليمين
ونقول يارب
وعلشان نبقا علي نور (طبعا مش نور حفيدي)
هنشكل الوزارة سوا
طبعا انا الريسة
وان شاء الله التشكيل الوزاري البوست الجاي
يبقا كل اللي في نفسه وزراة يجي يقول لي عايز ايه
وطبعا علشان سواح في ملك الله اتنازل لي يبقا هعمله النائب الاول
وكمان الموجي اتنازل هعمله النائب التاني
وعلشان ابراهيم رزق تعبنا من اسم مدونته هديله وزارة الثقافة علشان انتقم منه
وماما مازن هتاخد السياحة
وبيوتيفول مايند عايز البيئة
هيعمل بيها ايه مش عارفة
بس يمكن السحابة الس
ودا تمشي علي ايده
وكل شوية هدخل اوزع الوزارات كده كل مااتشاور
والله الموفق والمستعان
حد هيقول ولزمت التيجان دي ايه ياشمس
هقولك طبعا مش هبقا الملكة
ماانا ماقلتلكمش
انا اول ماابقا الريسة
هعمل جلسة مشتركة بين مجلسي الشعب والشوري
وكل ترزية القوانين اللي حدانا في بر مصر وهنقلبها ملكية

:))
والملكة لازمه
ا تاج طبعا
وده برضوا هنبقا
ننقيه مع بعض
شوفتوني انا ديمقرطية ازاي
فين بقا البوستر ان ماحد بعتلي بوستر واحد

هناك 46 تعليقًا:

سواح في ملك اللــــــــــــــــــه- يقول...

صباح الفل ياجلالة الملكة

طيب الحقي قبل ميعملوا بقي الدستور

نروح نبلغهم ان هنقلبها ملكية

هههههه علشان ميلخبطوش الدنيا ونقعد

نعمل خناقات علي دستور تاني

احنا نحط مادة في الدستور

كل ((رئيس او رئيسة يقعد في منصبه

اكتر من تلات مدد متصلة من حقه

او حقها يقلبها ملكية ))

ههههههه

تحيتي ياجلالة الملكة

شمس النهار يقول...

*سواح في ملك اللــــــــــــــــــه

::))

صباح الهنا علي اول من علق من الرعية
:)))

ايوة ماانا واخدة بالي من موضوع الدستور ده

علشان كده عاملة استدعاء لترزية القوانين
:))
وبعدين ياسيدي خاليهم يتسلوا علي مااجلهم
واعمل لهم مفاجأة اجمد من بتاعة الاخوان وسليمان
:))))
وبعدين انا لسه صغيرة يادوب 52 يعني بعمر اللامبارك قاعدة علي قلبكم اكتر من 30 سنة :)))
واوعدكم بالشهيصة بقا
:)))

ابراهيم رزق يقول...

شمس الشموس

شمس الملكات

هو ايه حكاية وزارة الثقافة معايا
كل حد يشكل وزارة يجبنى وزير ثقافة

ههههههههههههههه
على العموم مقبولة منك يا شمس الشموس و الملكة التيتة

تحياتى

Foxology يقول...

انا عاوز وزارة الداخلية :)))))

أول حاجة هعملها .. هلغى الأمن المركزى وهلغى أمن الدولة (الأمن الوطنى حاليا) ده غير بأة حاجات كتيرة اوى ممكن تتعمل

البوستر فى الطريق يا افندم :)

تحياتى

غير معرف يقول...

أطالب بأنشاء وزاره للمرأه

وطبعا وحنما ولابد من كل بد أكون أنا الوزير ومش عايز لا مساعدين ولا موظفين بعون الله ولوحدي هعمل عمايل وهسوي الهوايل

معلومه

هذه الوزاره لاتتبع أي من سلطات الدوله يعني تقدري تقولي كدا متشعلقه في الهوا كدا

وما تقلقوش خالص من حكاية الهوا دي

أصل الهوا هوايا

رؤى عليوة يقول...

صباح الورد على ملكتنا الجميله
والله انا مش عايزة وزارة بس وظيفه محترمة والله بنت ناس ومعايا كوم شهادات والنعمه

:)


ومعاك ياريسه

اقصد يا ملكه
هههههههه

دمت بخير

مصطفى سيف الدين يقول...

انا عايز وزارة الطبيخ
مش هيبقى في برضه وزارة طبيخ؟

P A S H A يقول...

أنا عايز رغيف حواوشي وأقعد جنب الشباك
:)

zeze يقول...

انابقا بمااني اول مرة اعلق هنا لوسمحتي يامولاتي اتولي وزارة السياحة علشان اهيص واتفسح براحتي هههه ياسلاااام،واخلي الدخول مجاني علشان الشعب يهيص،ولونفذتي الفوكيرةدي محدش يفكر يعارضك ،اسمحيلي بالنصراف يامولاتي

tarek momen يقول...

فين الكومنت بتاعتي؟؟؟؟؟؟

tarek momen يقول...

شوفي بقي يا جلالة الملكة..ان عايز منصب المعارض الاول لجلالتك ومايهمنيش لو هاتعتقليني بس بلاش توديني معتقل بعيد و اتعهد لجلالتك اني هابتدي ادعو لمليونية لخلع جلالتك و الله الموفق

Bent Men ElZman Da !! يقول...

ده كده هيبقى تمام اوى واضح هههههههههههههههههههه

شمس النهار يقول...

*ابراهيم رزق

ايوة ياابراهيم لايقة عليك
ووزارة كبيرة ومتشعبه

وهمها تقيل دي مسؤلة عن دماغ المصريين
وعلشان انت معذبنا من اسم مدونتك
قلت اعذبك انا في وزارة زي دي
:))

شمس النهار يقول...

*Foxology

ايه ده انت داخل من اولها تبوظ الدنيا ولا ايه يافوكس

تلغي الحاجات اللي هتحمي ملكي من الرعية ولا يه

وبعدين لما تثوروا عليه مين هيضربكم ويسحلكم ويموتكم

ومع ذلك حلال عليك وزارة الدخلية

شمس النهار يقول...

*مصري جدا

تطاااااااااااالب
هو لسه هتطالب
يافندم دي اول وزراة اتعملت خلاص

وجاري البحث عن من تمسكها

وهتكون ست طبعا
وماتزعلش هنعمل وزراة للرجاله برضوا وهتمسكها واحدة ست برضوا
لاتقلق
مش بقولك هشهيصكم :)))

شمس النهار يقول...

*رؤى عليوة

صباح الهنا عليكي :)

انتي قنوعة خالص

وعلشان كده هتبقي مدير مكتب رئيس الجمهورية
وبعد شوية مديرة مكتب الملكة:))

شمس النهار يقول...

*رؤى عليوة

صباح الهنا عليكي :)

انتي قنوعة خالص

وعلشان كده هتبقي مدير مكتب رئيس الجمهورية
وبعد شوية مديرة مكتب الملكة:))

شمس النهار يقول...

*مصطفي سيف الدين

وزراة طبيخ ؟؟!!
ماشي ونبي ماانا كسفاك

شكلك قريت البوست وانت جعان يامصطفي
:))

طيب دي مهامها ايه بالظبطت يعني
هتطبخوا ايه ولمين
:))

شمس النهار يقول...

*P A S H A

:))))
رغيف حوواشي وتقعد جنب الشباك

اه بقا
ده انت راسم علي وزراة المالية

ماشي ياعم
حلال عليك وزراة المالية
:))

شمس النهار يقول...

*zeze

اهلا بيكي في اول زيارة
ومعلش جيتي متأخرة حبتين
مامة مازن اخدت وزارة السياحة

بس علشان انا بشجع الشباب
هخليكي وكيلة اول الوزراة
وابقي اعملي اعتصام علي وقفتين علي حتت مظاهرة وشيليها واقعدي مكنها :)) مش ده اللي بيحصل اليومين دول
:)))

شمس النهار يقول...

*tarek momen

:)))
ياحاج مااخدناش حاجة

ده تلاقي حضرتك اعترضت ولا حاجة
اوم ايه بقا اللجنةالالكترونية بتاعة جهاز المخابرات بتاعي
شالته
:))
ومع هذا نشرنا التاني اهو رغم تجاوزاته حد يكلم ريسته كده
:))))
وبعدين لاتقلق هعمل لك معتقل قريب من البيت في العاشر
علشان المدام والاولاد مايدخوش وهمه بيجولك:)))
شوفت قد ايه انا ديمقراطية

:)))

شمس النهار يقول...

*Bent Men ElZman Da !!

ايه ده مش عايزة وزراة ولا ايه
:))))

tarek momen يقول...

فخامتك انا متشكر لعدلك و كرمك بس برضه مافيش فايدة ..لقد ولدت معارضا و سأحيا معارضا و أموت معارضا و ارجو ان أحشر في زمرة المعارضين و يسقط يسقط حكم شمس النهار

حنين محمد يقول...

مساء الغاردينيا شمس
ههههههههههههه
لا انتي جميلة بجد
بس عشان خاطري سيبي زيزي تمسك السياحة عشانها صاحبتي عشان لما اجي مصر اهيص معاها <<< بدور مصلحتها هههه"
؛؛
؛
لروحك عبق الغاردينيا
كانت هنا
reemaas

صاحب الحبر الأسْوَد يقول...

ايه الحماس ده
طيب مافيش وزارة للفتوي (او الفَتيْ)
والتحريم
حلوة دي هتنفعك بعد كده
جربوها قبلك ونفعت بما لا يخالف شرع الله
والبوستر حلو جداً علي فكرة
سيري علي بركة الله
وشامسوووووووووون حتي النهاية
: ]

Tarkieb يقول...

لا والنبي بلاش ملكية لاحسن عمر سليمان يخطفك ويتجوزك بالعافية ويبقى أيبك

Haytham Alsayes يقول...

وانا فين بقي بالصلا علي النبي
:)

سواح في ملك اللــــــــــــــــــه- يقول...

حلو البوستر ياشموسة

بس كان مفروض يحط التاج كأيحاء لما سيكون

تحيتي ياشموستنا

Dr. Ibrahim يقول...

مش هقبل بأقل من رئاسة الوزار
وان كانت محجوزة
نقبل بوزارة الصحة :)

شمس النهار يقول...

*tarek momen

:))
كده ياكبير؟
ماشي لما ابقا ريسة ثم ملكة
هنشوف مين اللي هيسقط
انت فاكر اني هبقا زي اللامبارك
نو
انا هاكل بعقل الشعب حلاوة
وهخليهم يحبوني ومايستغنوش عني ابدااااااااااا
ومن ناحية تانية اعمل بقا اللي انا عايزاة:)))
يبني ان كيدهن عظيم
ده شعار المرحلة

شمس النهار يقول...

*ريماس

حبيبتي تنوري مصر كلها
الريسة ذات نفسها تفسحك بس انتي تعالي
:))

وماانا مسكتها وكيل اول الوزارة وده اللي في ايده كل حاجة
يعني ضمنتي الفسحة ببلاش

:))))

شمس النهار يقول...

*صاحب الحبر الأسْوَد

حلوة وزارة الفتوي دي
فنكيرة برضوا

هي دي مش برضوا دار الافتاء؟؟
خلاص نعملها وزارة
واهو نسيطر برضوا علي العالم اللي بتفتي
مليون فتوي في الدقيقة
وناخد رسوم علي الفتوي
علشان نعرف نشهيص الشعب برضوا
:))))

شمس النهار يقول...

*Tarkieb

:)))
يخطفني!!

لألألأ

انا هيبقا عندي حرس ياكلو الظلط
واختصار للوقت
نخطفوا احنا ونتحفظ عليه ونخلص

:)))

شمس النهار يقول...

*Haytham Alsayes

موجود وحجزالك وزارة الاثار ياريس

الا لو انت عايز وزراة تانية
شوف اختار قبل ما يخلصوا
:))

شمس النهار يقول...

*سواح في ملك اللــــــــــــــــــه

لأ ياسواح تاج ايه دلوقتي
احنا هنبتديها رئاسية وبعدين نقلب علي ملكية

ونحط الواد حفيدي نور الدين هو ولي العهد
واهو اسم من الاسامي بتاعة الملكية

اصحوا معايا ربنا يخليكوا احنا داخلين هلي ايام صعبة
:)))

شمس النهار يقول...

*Dr Ibrahim Samaha

تصدق كنت جيالك اعرضها عليك
:)))

بس وزراة الصحة مش رئاسة الوزراء
دي هتبقا لست
ايوة اصل شعارة المرحلة ان كيدهن عظيم:))))

رحاب صالح يقول...

ههههههههه
طيب والنبي يا ماما شمس في حد خد وزارة التلهية والتعتيم ...اقصد يعني التربية والتعليم
اصل انت زي ما انت عارفة شغالة ف التربية والتعليم والعيال مطلعين عيني فعايزة اعمل وزارة علي مزاجي...
ممكن بقي والا....؟
وبعدين بق ياحنا بنات زي بعض يعني لازم تقفي جنبي وتديني الوزارة
دي مش رشوة علي فكرة
هههه
مساء البنفسج

L.G. يقول...

عايزة وزارة الزراعة او التربية والتعليم من فضلك بجد وحقولك مشاريعي

شمس النهار يقول...

*re7ab.sale7

ياصباح البنفسج ياجميلة

بس كده من عينية
بس تقريبا شيماء حجزتها
ممكن نعمل وزارة للتربية والتانية للتعليم

وبعدي ياحبيبتي شعار المرحلة الاقادمة ان كيدهن عظيم :)))

شمس النهار يقول...

*L.G.

ممكن وزارة الزراعة

علشان التربية والتعليم خلاص اتحجزت
:))

tarek momen يقول...

بما انه اوكازيون مناصب وزارية و اللي نفسه في وزارة ياخدها
فاذا انا عايز وزارة الاعلام علشان اي حد يعمل مقالة في جريدة او حوار تليفزيوني ينافق سيادتك و يشيد بحكمة عظمتك هاشرده و اشرد اهله و كل المقالات و البرامج هاتبقي لنقد سياسة جلالتك
ايه رأيك بقي
مع تحيات المعارض الاول لحكم فخامتك

غير معرف يقول...

أنا عايزه وزاره العلاقات الخارجيه ... عشان لو قامت ثوره أفضل قاعده برضك :)

كلام على بلاطة يقول...

سعدت بزيارة المدونة
تحياتى

شمس النهار يقول...

*tarek momen

كده ياحاج ماشي
عموما الحمد لله
وزارة الاعلام اتحجزت
بس ممكن نستحدث لك وزارة جديدة تلم المعارضة كلها في مكان واحد
علي الاقل لما احب اقبض عليكم ماتعبش البوليس السياسي:)))
حتي اربعينات اهي

شمس النهار يقول...

*فتاة من الصعيد

بس كده من عونية
صحيح ان كيدهن عظيم
وده شعار المرحلة
:)))

شمس النهار يقول...

*كلام على بلاطة

اهلا وسهلا بيك نورتنا