الثلاثاء، 24 أبريل 2012

البقدونس +تحديث :))

================================================
في مثل بيقول حاشر نفسه في كل حاجة زي البقدونس
:))
نشوف فوائد البقدونس ايه ؟
وليه اهل زمان قالوا عليه كده

1-يسكن الالم اللثة والاسنان ومطهر للفم
2-يحافظ علي نضارة البشرة والشعر والعين
3-
ويمكن تناول البقدونس بأي كمية لأنه لا يحتوى على دهون أو كوليستيرول
وتناوله مع اللحوم له أهمية خاصة، حيث يعادل حموضتها ويحث على إفراز العصارات الهاضمة خاصة العصارة الصفراوية مما يساعد في هضم الدهون التي تحتويها اللحوم।
4-
و للبقدونس العديد من الفوائد في تقليل الغازات والتقلصات المعدية المعوية الناتجة عن سوء الهضم والأكلات الدسمة،
كما أن له تأثيرا على العضلات الملساء كباسط لها ويزيل آلام المغص।
5-
بالإضافة إلى فائدته كمدر للبن الأم
وتخفيض الدهون في الدم وضغط الدم
وحمض اليورك الذي يسبب ارتفاعه مرض النقرس।
وكمان بيفيد الكلي جداااااااااا
يارب حد يستفيد من المعلومات اللي لطشتها من علي النت دي
واللي عايز يعرف اكتر النت مليان كلام عن البقدونس:)

هناك 17 تعليقًا:

ابراهيم رزق يقول...

شمس الشموس


هوانا خلفت غيرالبقدونس
طبعا ده السر ان الكبابجية يضعوا الكباب على بقدونس وقليل ما ينتبه احد له
لان اذا حضر الكباب والكفتة والطرببطل البقدونس
تحياتى

P A S H A يقول...

كما وأنه يا ختي عليه وهو مرشوش على أطباق الكباب والكفتة والطرب عند الحاتي وحواليه علبتين واحدة طحينة وواحدة بابا غنوج :))

خلاص والله بقى يا أستاذة خللي الحساب عليا أنا المرة دي .. مصرة يعني ؟؟ .. كل مرة كده نيجي نغرمك ؟؟

مش عارف أنا البوستات اللي بتيجي عليكي بخسارة دي :))

صباح الورد

سواح في ملك اللــــــــــــــــــه- يقول...

صباح الفل ياشموستنا

سبحان الله

ربنا خلق من الطبيعة لكل داء دواء

جزاكي الله خير

تحيتي

رحاب صالح يقول...

السلام عليكشموسة
وصباح البنفسج
والله بحب البقدونشس والحاجات الخضرا كلها وكمان بحب كتير الكسبرة الخضرا والشبت
واخيرا بقيت اكل جزر...بس بعد اية
بعد ما عملت نضارة
ههههه
شكرا علي المعلومات
ويارب تكوني ارتحتي من " غير معروف " اللي مخلص علينا اول بأول

دعاء يقول...

ياي !
لم أكن أعرف أن للبقدونس كل هذه الفوائد !
سوف أعمل على تناولهِ كثيرًا في المرت القادمة !
سأعمل سلطة و أضع الكثير منه عليها !
:)

شكرًَا على المعلومات اللذيذة !

تحيآاتي لكِ ..

مصري اصيل مش من جرابيع التحرير يقول...

قيل لاحد الخبثاء كيف تخرب البلاد قال اخون الحكام واسب القضاء واهين الشرفاء واجهل الاراء واسفة العقلاء واشجع الغوغاء وانصر الجهلاء. فقيل لة اهناك قوم يقبلون ذلك في بلادهم واهليهم قال لهم نعم في بلاد كثيرة يكثر فيها المنافقون والجهلاء ويسهل فيها تصديق الاشاعات وتكثر فيها شخصية شمس النهار

Foxology يقول...

شكرا على المعلومات القيمة دى :)

تحياتى

tarek momen يقول...

كنت سمعت ان اسمه المفروض المقدونس..شوفي لنا الكلام ده صح و اللا غلط

ريري كربكه يقول...

شكرا يا شموسه على المعلومات القيمه ديه
بس انا سمعت اني البقدونس بيعمل عقم
بس مش متأكده

شمس النهار يقول...

*ابراهيم رزق

لأ ده طلع حكاية بقا

شمس النهار يقول...

*P A S H A

صباح الهنا ياباشا

معلش مره عليك ومره علينا
:))

وعلي فكرة برضوا بابا غنوج فيه بقدونس برضوا

شمس النهار يقول...

*سواح في ملك اللــــــــــــــــــه

تحس ان في الطبيعة صيدلية ودواء لكل شئ ووقاية

شمس النهار يقول...

*re7ab.sale7

وعليكم السلام ورحمة الله وبركاته
صباح الورد الروز الجميل

:)
ايوة كل الخضار مهم جداااااا خصوصا الورقي

والجزر ده طلع حكاية لوحده

اما غير معرف ده اهو مسليني وباخد حسنات علي حسابه
وكده كده انا مختصماه لله ونتقابل يوم القيامة واعرف ده مين:))هيروح مني فين كلنا هنقابل وجه ربنا الكريم

شمس النهار يقول...

*dodo, the honey

ايوة حطيه كتير في السلطة واعملي تبولة واكثري منه في المحشي كمان وقللي الرز

وبالهنا والشفاء

شمس النهار يقول...

*Foxology

الله يكرمك

وعلي فكرة مفيد جدا للأطفال اللي بتسنن

شمس النهار يقول...

*tarek momen

واشوف انا ليه ماتشوف انت
ايه الكسل اللي فيه الرجالة ده

شمس النهار يقول...

*ريري كربكه

لأ المعلومة دي ماقبلتنيش خالص
مااعتقدش وعموما هدور عليها بالذات