-------
ان شاء الله التدوينة القادمة هتكون التشكيل الوزاري
اللي هكون ريسة عليكم فيه
ياسواح هاااااااااا
مش حد تاني
-------
اللي هكون ريسة عليكم فيه
ياسواح هاااااااااا
مش حد تاني
-------
النهاردة قابلت صحبتي
وكان معاها ابنها اللي كانت دايما تشتكي منه انه لعبي ومش بيصلي
وليل ونهار بيسمع اغاني ...الخ
وتفضل تدعي له ربنا يهديه
شمس:اهلا اهلا ازيك ياريس عامل ايه
ابنها:الحمد لله ياتانت بخير
شمس:ماشاء الله انت ربيت دقنك
ابنها :ايوة ياتانت الحمد لله
شمس :بارك الله فيك
ليه بقا ربتها
ابنها :ده موافق للمرحلة ياتانت
شمس :اه نيو لوكيعني :)) زي فورمة الساحل كده
ابنها :مش اوي يعني
شمس :طب علي كده بقيت بتصلي
ابنها :يعني مش للدرجة
شمس :طيب يابني ربنا يهديك وتواظب علي الصلاة والقرآن
ويكرمك ربنا وتحلق دقنك
هناك 18 تعليقًا:
لو اى حد بيلتزم بجد بجد
اكيد بنفرح بيه بس المشكلة ان المعظم بيهتم بالمظهر ويسيب الجوهر
شمس الشموس
شمس الملكات
لا تستغربى
انور بيه البلكيمى
تاريخ حياته
سائق توك توك
سائق ميكروباص
سائق تاكسى
قرأ كتاب ابن تيمية
ربوا دقنه
بقى شيخ
بتاع ربنا
الطريق الذهبى للبرلمان
هذا هو الواقع للاسف
سلام يا شمس الشموس
*Noha Saleh
ده كل المني ان كل شبابنا يلتزم بس بجد
مش مظهر فقط
او عبادة من غير اخلاق
في ملتزم بالصلاة واخلاقه مش قد كده
مره واحد واقف وماسك السجادة في ايده مستني الامام يقيم صلاة الجمعة واقف مع صاحبه واكيد متوضي طبعا عايزة اقولك ان نص كلامه شتيمة ومن ضمنها سب الدين استغفر الله العظيم
شموسه وحشتنينى جدا ووحشنى التدوين والاطلاع على تدوينات الزملاء وخصوصا انتى
بوست جميل وبيلخص حاجات كتير جدا
الواد بقى سلفى ولا إيه ؟ ؟؟
*ابراهيم رزق
:)) ضحكتني ياابراهيم
جبت السي في بتاع البلكيمي منين:))
البرلمان فين البرلمان ده
واحد رايح بالجلابية هي دي اخرتها
طيب نواب الفلاحين كانوا بيروحوا باللبس الفلاحي الجميل والجلابية السكروته الشيك
ده رايح بالجلابية الغريبة دي ليه
ده غير الدقون المبالغ فيها جداااا
ماتربي دقنك لكن بالطول ده ليه
ان الله جميل يحب الجمال
*فافي
:)))
ازيك
ماقلتيش هاتخدي وزارة ايه ؟؟
ولا اعمل لك وزارة للعرسان :)))
ههههههههههههههههههههههههه
ياريت طب بذمتك يا شيخه مش اسحقها عن جداره ؟؟؟
ده انا مدوباهم 70
*فافي
مش خسارة فيكي ياجميلة
:))
حلال عليكي
شموستنا الطيبة
هو فيه مانع ان البني ادم يلتزم مظهر وجوهر
ليه لا واحنا ايه اللي يضايقنا في كده
انا بشوف ان احنا بنتجني كتير
علي اللي بيحافظ علي مظهره الديني
او مايعتقد انه سنة واجبة عن الرسول صلي الله عليه وسلم
شموستنا
فيه ناس بتعمل سوء
وتجهر بيه
وفيه ناس بتعمل سوء وتخفيه
وتلتزم بالمظهر
ايهما افضل عندك
فيه ناس بتفطر في رمضان جهارا نهارا
قدام الناس يعني
وفيه شباب نفوسها ضعيفة لما تشوف الفاطر ده في رمضان
قد يقتدوا بيه ويقلدوه
اذا فهو لم يؤذي نفسه فقط
فقد اذي غيره
اما المفطر المستتر فهو لم يؤذ غير نفسه فقط
فأيهما افضل
تحيتي ياشموسة
ماما شموووووووووووسه
وحششششششششتينى وضحكتينى بصراحه
حتى الدقن بقى موضه
ربنا يهدددى :)
وماله ماهى موضه والمفروض اننا ننتهز الفرصه ونركب الموضه .. او نركب الزمن عشان الواحد برضه ياخد له من الحب جانب يمكن يبقى وزير ولا حتى رئيس مجلس اداره ولا اى عضمه كبيره نهبرها .. اصل انا انتهازى
*سواح في ملك اللــــــــــــــــــه
انا شخصيا اتمني ان اللي يلتزم يلتزم مظهر وجوهر
ويارب الكل يلتزم
لكن تنصب بأسم الدين
يعني حرامي يربي دقنه ويعمل فيها شيخ
ربنا رب قلوب
واجمل عبادة اللي في السر هي مش منظرة
وطالما انت عايز توصل لتمام الدين يبقا قلبا وقالبا ماتبقاش مربي دقنك وبتسب الدين
لأ احلقها بقا
اقسملك ان النهاردة منقبة سايقة عربية شتمت رجل بصوت عالي علشان كسر عليها
الدين مش مناظر
الدين عمل وقدوة وعبادة
وانا هنا بتكلم عن السلوك الغير مقنع اني اربي دقني علشان هي دي المرحلة بتاعت الدقن مش علشان انا ملتزم بتعاليم والا كان صلي الاول
وماتقليش ايهما افضل عندك انا الافضل عندي
ان يكف اذاه عن الناس يعني ماابقاش ماشية في امان الله الاقي سب الدين والشتيمة ومربي دقنه
اما صايم فاطر ده لنفسه مش لحد وكل واحد عقله في راسة يعرف خلاصه
*دعاء العطار
دودو عندنا يامرحبا يامرحبا
ايوة بقت فورمة الساحل
وفورمة المرحلة
:))
نقيتي وزارة؟؟:))
*فشكووول
طيب ماانا عماله بقالي تدونتين
انادي عليكم تختاروا الوزراة
:))اللي تعجبكم
شمس الشموس
انا مشفتش تعليق الغير معرف اللى دلوقتى
اولا الاخ الغير معرف قليل الذوق و الخبرة و الفهم يا ريت يزورنى فى مدونتى عشان اقوم معاه بالواجب براحتى لان هذه المدونة نظيفة جدا لا تسع امثاله
موضوع البلكيمى ده بعض المراحع التاريخية
http://www.ahram.org.eg/Al-Ahram-Files/News/140271.aspx
تحياتى جلالة الملكة
*ابراهيم رزق
صباح الفل:)
انت عارف انا لاانشر لغير معرف اطلااااقا
بس بجد حبيت انشر التعليق علشان تشوفوا عينة من اللي ببقا حجزاه عنكم في الاشراف
شتيمة وحاجة مش ممكن ويقولك اسلامين
هو الاسلام شتيمة
اسلام ايه اللي بيدافعوا عنه وهو يسب المحصنة
علي راي بنت علي تويتر يمكن بيدافعوا عن اسلام ابن اختي
:))
شكرا علي اللينك
:))
ما فكرة البوست ده من عندك أساسا
كله سلف ودين
عادي يعني
ومش اى حد ربى دقنه بقى علامة او شيخ..
فيه مثلا القساوسة والكهنة المسيحين ورجال الدين اليهود والمواطنين المسيحين واليهود بيربوا دقنهم وهم على غير ملة الاسلام..
ولكن ان المسلم يربيها كمنظر دا شىء
وانه يربيها اقتداءا بالرسول ويكون فى نيته ذلك يبقى دا شىء اخر بس لو عملها كده يبقى يقتدى بسيدنا محمد فى بقية افعاله واقواله
إرسال تعليق