الجمعة، 4 مايو، 2012

مافيش فرق:(

نفس التعتيم نفس التهميش
نفس الاشاعات والتصرفات الفردية
الوفد اللي سافر السعودية ده مش برلماني شعبي
؟؟!!
يعني من الشعب المصري مش التنزاني
حد من دول قعد كده مع اهل حتته
بلاش دايرته ؟؟
طب حتي اهل بيته
وعرف الشعب عايز ايه
طيب همه سافروا كده ولا الولد الهربان من بيتهم ليه؟؟؟
مافيش اي معلومة مؤكدة مع اي اعلامي
لا همه مين ولا عددهم كام ولا رايحين يعملوا ايه
ليييييه؟؟؟
ولا حتي مؤتمر صحفي
يحترم الشعب ده
الدنيا لسه سايبه زي ماهي
ولسه اللي في الصدارة بيبصوا للشعب علي انه قاصر
مش هقولكم غير فضحتونااااااااا

هناك 8 تعليقات:

سواح في ملك اللــــــــــــــــــه- يقول...

http://shorouknews.com/news/view.aspx?cdate=04052012&id=ff9feced-8988-4d1b-8ed9-b2dc65ebfa3c

ده لينك ياست الكل عن الوفد

بصي ياست الكل

انا مش عارف ليه لما بيكون لينا حق

بنضيع حقوقنا بتعصبنا وتهورنا

يعني لاانا موافق علي اللي حصل قدام سفارة السعودية

ولا اي سفارة

شمس النهار يقول...

*سواح في ملك الله
انا برضوا ماعجبنيش اللي حصل امام السفارة ممكن كانت تبقا مظاهرة تليق بمصر لكن شنايم ورفع احذية مش من طبعنا لكن من حقنا نروح امام السافرة نعلن احتجاجنا بطريقة تليق بمكانة مصر العالم كله بيقف امام السفارات لكن كده!!

السادات عمل حاجة هكتب عنها بوست اعرفك لما الرئيس بيخاف علي مواطنيه بيبقا ازاي

المصرين مهدور حقهم في اي دولة بيرحوها ليه؟؟؟؟

ارخص دم دم المصري ليه؟؟

لو المره دي ماتعملش الموضوع صح هضيع الحقوق فعلا
وانا شايفة ان الوفد اللي راح من غير ترتيب زي اي حاجة بتتعمل بدون دراسة
هوجه وياله رحلة لكن ماتعرفش ايه اللي حصل
طيب ايه الخطة فعلا الاعتذار طيب الاعتذار عن ايه
ماشرايط مطار القاهرة قالت انه خارج سليم
ان المره دي ماوقفناش صح هضيع زي اي حاجة بتضيع دلوقتي
وعاااااااادي
ربنا يستر ويحمي مصر

Tamer Nabil Moussa يقول...

السياسة بلا مبادىء ولااخلاق المقولة دى مش عارف تنسب لمين لكنها صادقة يا شمس فى ما ارى واشاهد الان ومن قبل

كما نقول لاجديد تحت الشمس

راح فرد ونظام مازال باقيا بكل قرفة وعدم جديتة فى الخروج من الشرنقة المظلمة التى وضعها فية المخلوع

مع خالص تحياتى

مصطفى سيف الدين يقول...

متقلقيش يا شموسة
مصر لن تركع :(
معرفش ازاي بس لن تركع ده اللي بيقولوه و هيتقال لكن الحقيقة بقى
الله اعلم بيها

Days and Nights يقول...

الأخت الغالية / شمس النهار

هى دى السياسة المصريه على طول الخط

دائما وأبدا أحنا الغلطانين

والغلط راكبنا من ساسنا لراسنا

ولازم نعتذر ونقدم فروض الطاعه

الله يرحمك يا أنور ياسادات

مدونتك رائعة وأستمتعت بقرائتها

روح الفكاهة تطغى على كل جنباتها

أسمحى لى بالزيارةبين الحين والآخر

وتقبلينى عضوا

تحياتى لروحك الطيبة

دمتى سعيده

أخوك / تامر

شمس النهار يقول...

*Tamer Nabil Moussa

مافيش اي مبرر ان المصري يتهان كده
وليه المصري رخيص عند حكوماتنا كده
ولما تيجي تعمل تحرك شعبي يقولك
العلاقات
ماهي العلاقات لازم تكون سوية
كده مش سوية

شمس النهار يقول...

*مصطفي سيف الدين

والله يامصطفي اللي انا شايفاه ان مصر مابتعملش حاجة غير انها بتركع
واللي مش فاهماه الناس دي عارفة انها هتقابل ربنا فعلا
طيب لو عارفين انهم هيقابلوا ربنا
طيب هيقولوا له ايه

شمس النهار يقول...

*Days and Nights

اهلا بيك ياتامر
تنور المدونة

وشكرا علي مجاملتك اللطيفة