الأربعاء، 30 مايو، 2012

شوفوا بقا


عيسي نبي
موسي نبي
وكل من له نبي يصلي عليه
عليك افضل الصلاة والسلام ياسيدي يارسول الله
بما ان عسكرون اكلنا البلوظة
وزوروا تزويرننننننننن
متقن شديد
علي ميه بيضة
اي مارسوا الجريمة الكاملة
يبقا خلويص كده
سلمية بسلمية
سلاسل بشرية وتنسد اللجان
ومقاطعة علي قلب رجل واحد
وماحدش لا يصوت ولا يولول ولا يعيط
وبيضا علي الكريم
سودا علي اللئم
قلتوا اييييييييييييييه
اخوان ولا مبارك ولا مقاطعة
:))
ياريت الشعب يرجع تاني علي قلب رجل واحد
زي ال18 اللي خلعوا المخلوع
ولو رجعنا لبوست هنا سابق
انا نبهت فيه للفرقة اللي اتعملت علشان نوصل للي احنا فيه ده
وماتزعلوش من اللي صوتوا لشفيق
الخوف يعمل اكتر من كده
مصر اغلبها ناس بسطاء
خافوا قالوا اللي نعرفوا احسن من اللي مانعرفوش
بس انا عندي امل في
الله
كبييييييير
ان شاء الله مصر محروسة
ودم المصرين زي لعنة الفراعنة
اللي يستحضره
مايسلمش
ابداااااااااا

هناك 27 تعليقًا:

رؤى عليوة يقول...

المقاطعه معناها اه لشفيق وده للاسف

هو لعند دلوقتى محتارين طبعا بس اى حل اهون من الشفيق فريق ده كده هتبقى سنينا سودااااااا هى كانت ايام مبارك رمادى شفيق بقى هيعرفنا ايام مبارك وانها كانت جميله ورخاء

ربنا يستررررررررر

دعاء العطار يقول...

ماهى المشكله ياشموسه فى المقاطعه الجماعيه

لو الناس بس تقدر تتوحد لكن للاسف كل حد له راى ومقتنع بيه .. المقاطعه لو مش جماعيه هتكون ولا كاننا عملنا حاجه

ربنا ينور بصيرتنا ياارب

وطــــن يقول...

ان شاء الله مصر محروسة
ودم المصرين زي لعنة الفراعنة
اللي يستحضره
مايسلمش
...........
ان شاء الله

وطــــن يقول...

ممكن متابعة منك لمدونتي؟

سواح في ملك اللــــــــــــــــــه- يقول...

ربنا كبير ياست الكل

انا مش يائس وواثق ان القادم خير

rack-yourminds يقول...

وتفتكري المقاطعه لصالح الثوره !!!ولا هيا فكره رنانه وعجبت الكثيرين وكده نبقي ثوريين واخدنا موقف سياسي!!!

اخشي علي الثوره العظيمه تضيع وتجهض ليس فقط من اعدائها بل ايضا بسبب سوؤ تقدير ابنائها

مصطفى سيف الدين يقول...

بصي يا شموسة
هو لا اخوان و لا مبارك و لا مقاطعة
انا عرفت الحل
الحل هو الحبل
نجيب حبل كبير و نلعب نط حبل للصبح

ابراهيم رزق يقول...

شمس الشموس

ايه العمل فى الوقت ده يا صديق
غير اننا عند مفترق الطريق

نبص قدامنا
على شمس احلامنا
نلاقها بتشق السحاب الغميق

و ارجع واقول
لسه الطيور بتفن
و النحليات بتطن
والطفل ضحكه يرن
مع ان
مش كل البشر
فرحانين

تحياتى

غير معرف يقول...

علي فكرة الاخ الا قال علية قبل كدة اني لجان اليكترونية اقسم بالله العظيم انني لست من اللجان الاليكترونية ولاانتمي لاي حزب في مصر ولاتربطني بالجيش اي صلة قرابة او نسب ولا اي حد من المسئوليين السابقيين اةو اللاحقيين فقط انا مصري بحب بلدي موت وأعرف ان شاء الله اميز بين الخبيث والطيب وهو كدة كذب وجزائة عند ربة

Mohamed Amer يقول...

عليه الصلاة والسلام
املنا في الله كبير
وربنا يستر
تحياتي

مامة مازن يقول...

بس انا كان نفسى اروح واعلم ع الاتنين غلط واكتب ولا واحد ينفع بس المقاطعة تبدو فكرة اوجه

Days and Nights يقول...

الأخ الغاليه / شمس

طالما الأمور وصلت لكده
والجيش لعبها الدنيئه
يبقى الحل مع الدكتور محمد مرسى
أينعم مش عاوزينه
بس هما أربع سنين أو أقل
وأفلح إن صدق
مصدقشى .. يبقى زى ما مشى فرعون
اللى مش ممكن يكونوا أصعب منه
أحنا عرفنا الحل أيه
الحل فى أننا نبقى أيد واحده
وأنا مش قلقان على البلد
وسعيد جدا من اللى بيحصل
ويوم عن يوم بينكشف المستخبًى
لأن ربنا سبحانه وتعالى قالها
ويمكرون ويمكر الله والله خير الماكرين
وأحنا فى الأساس بايعين أرواحنا
يبقى عندك أيه أعًز من كده؟!!
شوية صبر بس وفرجه قريب
تحياتى لروحك الطيبه
خالص مودتى
تامر

عمرو يسرى يقول...

ربنا يستر

شمس النهار يقول...

*رؤي عليوة

المقاطعة مش هتبقا فعاله الا لو الشعب كله قاطع
وبمااننا مش ايد واحدة
يبقا شربنا شفيق بالهنا والشفا
التزوير المرة د ميه ميه متقن الصنع

شمس النهار يقول...

*دعاء العطار

لانملك الا الدعاء
وعندي احساس اننا مش هنوصل ليوم الانتخابات

شمس النهار يقول...

)وطن

اهلا بيكي في اول زيارة

وان شاء الله اتابع مدونتك

شمس النهار يقول...

*سواح في ملك اللــــــــــــــــــه
الامل في الله

والدم المصري زي لعنة الفراعنة

شمس النهار يقول...

*rack-yourminds

مش موضوع فكرة رنانة ولا حاجة
وياريت تقرا البوست كويس هتفهم قصدي لو حبينا فعلا نعمل مقاطعة
وكمان اقرا التعليقات
ما تصدرش لعقلك فكرة معينة بعينها تحجب عنك المقصود من التدوينة
اقرا تاني ومستنية منك تعليق تاني اعرف منه انك فهمت

شمس النهار يقول...

*مصطفى سيف الدين

كلنا هنتنطط ان شاء الله
ومن غير حبل
والتزوير المرة دي لشفيق برضوا علي عينك ياتاجر
ولا غلطة الجريمة الكاملة

شمس النهار يقول...

*ابراهيم رزق

العمل ان شاء الله خير
عندي امل ربنا يحلها من عنده

شمس النهار يقول...

*Mohamed Amer

اهل نفسك علي الشفشق

:)

شمس النهار يقول...

*مامة مازن

المقاطعة فكرة بس لو زي ماقلت الناخبين كلهم مش حبه وحبه لأ

شمس النهار يقول...

*Days and Nights

ماهي المشكلة بقا زي ماقلت في بوست سابق
اننا مابقيناش ايد واحدة

خلاص مش هنعرف نتجمع علي كلمة واحدة

انت عايز صبر ايه اكتر من كده سنة ونص ولا حاجة اتعملت حتي مجلس الشعب طلع كفتة

شمس النهار يقول...

*عمرو يسري

ان شاء الله خير

فافى يقول...

بصراحه انا كنت مقاطعه بس حسانى انى سلبيه ومش عارفه اعمل ايه ؟ ولكن اللى متأكده منه انى مستحيل اختار الاخوان
تحياتى

شمس النهار يقول...

*فافي

المقاطعة زي قلتها لو ماقاطعناش كلنا
او ابطلنا صوتنا كلنا
لكن كل واحد لوحده مش هنعمل حاجة

rack-yourminds يقول...

سيدتي الفاضله شمس النهار

انا افهم كويس ماكتبتيه ولكن انا معترض جدا علي الذين يروجوا لفكرة المقاطعه !!!

يا سيدتي نحن في تحد عظيم تمر به مصر ولا نملك اي ترف في التفكير والتنظير فالحق أوضأ من الشمس امامنا مرشح ثوري اسلامي اشترك في الثوره المصريه واعتقل يوم جمعة الغضب ومعروف نضاله واعتقاله ايام المخلوع هذا فضلا عن مكانته العلميه ,ومرشح اخر يجسد نظام مبارك المستبد ,هل في تلك الحاله نحتاج الي تمحيص وتحليل لنعرف ايهماالاصلح!!

خوفنا من التيار الاسلامي فزاعه ادخلها مبارك في عقولنا وضحك علي البعض منا وكان حري بنا بعد اسقاطه ان نتخلص من تلك الفزاعه ,والان يضحك ايضا علينا اذنابه بتلك الفزاعه وكاننا لا نتعلم ووكاننا ادمنا الضحك علينا !!!

سيدتي الفاضله صدقيني عندما اري التشنجات التي اراها في الاعلام عن التيار الاسلامي اضرب اخماس في ااسداس ,,,انخشي من فصيل كان معارض شرس لنظام مبارك دماء ابنائه روت ميدان التحرير وابلوا بلاء عظيما في الميدان !!!!

صدقيني اكاد اصاب بلوثه عقليه عندما اري البعض محتار بين مرسي وشفيق ويريد المقاطعه لمجرد اختلافه سياسيا مع جماعة مرسي!!!!

سيدتي الفاضله لو تركت العنان لوجعي والمي مما يحدث الان لاسهبت كثيرا في الكلام

ولكن لا اريد الاطاله

ارجوا ان لا يضايقك عصبيتي فانا اكن لكي كل احترام وتقدير

فعذرا ان صدر مني بعض الشطط