الأحد، 20 مايو، 2012

خلاص انبصطوا:))

همووووووووت
خلاص انبصطواااااااااا
مكتوبة بطريقة نطق محمد صبحي
:))
ماما قررررررررت
تنتخب عمرو موسي
بدل شفيق
ايوه اه
المهم فلول وخلاص
وانا قررت احطلها منوم
يوم الانتخابات الصبح
:)))
البيت حريقة بين بناتي وماما
حد يطلب البوليس
:))))

هناك 34 تعليقًا:

Ramy يقول...

الف بعد الشر يا استاذة شمس (:

((:

الهم اللى يضحك ((:

لـــولا وزهـــراء يقول...

سبحان الله العظيم ... الحاجة شمس الشموسة هي حرة في اختيارها تنتخب اللي هي عايزاه منفرضش وصايتنا عليها ودي من اسس ومبادئ الحرية مش كدا ولا ولا اييييييييييييييييه ( بطريقة فؤاد المهندس (: )


لولا

سواح في ملك اللــــــــــــــــــه- يقول...

الديمقراطية ياشموسة

بتقول ان احنا نسيب اللي عاوز حد ينتخبه

ومنتدخلش في قراراته ولانأثر عليه

بلاش نبقي ديكتاتوريين ونفرض رأينا علي حد

علما بأني لن انتخب فلول

رؤى عليوة يقول...

ههههههههههه لا كده ممكن نستعين بفتوى الشيخ اللى قال من حقك تسرق بطاقة والدتك لو هتنتخب الفلول :))


مساء الفل

شمس النهار يقول...

*Ramy

شر عنك يارامي
ايوة كده رجعت تاني تنور كل التعليقات
:)

ربنا يبعد عنك الهم وعننا جميعا:)

شمس النهار يقول...

*لـــولا وزهـــراء

طبع طبعا هي حرة جدا
علشان كده مش هنوديها الانتخابات :)))

شمس النهار يقول...

*سواح في ملك اللــــــــــــــــــه

ايوة الديموقراطسية
ان مانفرضش راينا علي حد
بس دي مش حد ياخالد
دي مامتتي
:)))

شمس النهار يقول...

*رؤى عليوة

لأ بصي السرقة حرام
حتي لو بطاقة الست الوالدة
لكن ممكن
اريحها وانيمها في البيت
انا عاااااااايزلها الراحة
:))

Foxology يقول...

عاااااااااااااااااادى جدااااااااااا على فكرة .. بقالى يومين بحاول اقنع طاقم الإستقبال فى مكان الشغل بأنهم ينتخبوا أى حد غير شفيق ومفيش فايدة !!

تحياتى

شمس النهار يقول...

*Foxology

بجد مش مصدقة نفسي
منين اسقطناه
وقعدنا رايحين جاين علي التحرير نسقطه ومنين ناس عايزة تنتخبه
هموت ناقصة عمر ولا ايه :))

مصري جدا يقول...

طيب

حلا لهذا المشكل

سؤال للهانم والدتك

تقدري تبصي في عين حد من أهل الشهداء وتقولي هنتخب حد من النظام اللي قتلهم؟

مصطفى سيف الدين يقول...

بصي هم اهون من هم
الف مبروك
على الاقل موسى مكنش ورا موقعة الجمل
يلا هنعمل ايه بقى
بس خليكي ديمقراطية
و قوليلها هاحرمك من الميراث لو اديتي فلول :)

مصري جدا يقول...

https://www.facebook.com/photo.php?fbid=386847371367527&set=a.170287423023524.48054.168595796526020&type=1

VÖltaa يقول...

خبى بطاقتها و خلاص :)
ازيك يا شموسة

Days and Nights يقول...

الأخت الغالية والعزيزة / شمس

سبحانك يارب

بعد الثورة اللى زى العسل دى

وبعد ماعرفنا كلمة شارك بصوتك

حدث الآتى:

((( أيام التصويت على الدستور )))

قلت لأمى وأختى قولوا لا للدستور

راحوا صوتوا بنعم للتعديلات

وقالوا لى أبوك لو طلع من تربته ح

يقول نعم برضه.

((( أيام أنتخابات مجلس الشعب )))

قلت يا جماعه خلينا مع الكتله

قالولى لأ .. أخوان يعنى الحريه والعداله

((( بالنسبة للإنتخابات الرئاسة )))

سألتهم أنتوا ناويين نتخبوا مين؟؟

قالولى أيه السؤال الأهبل ده !!!

طبعا عمرو موسى أو أحمد شفيق

أصل أكتشفنا أنه مفيش لا حريه ولا

عداله لغاية دلوقتى.

وبعدين سألونى وأنت ح تنتخب مين؟؟

قلتلهم مش ح أنتخب خالص

أصلى متأكد إن سنة 2011 عدت علينا

وأحنا نايمين . أو باين كنًا بنحلم

الله يرحمك يا ذكرى

القلوب أتغيرت والأسامى هيا هيا

لك الله يا مصر وبإذنه تعالى كل الخير

تحياتى لروحك الطيبة

خالص مودتى

تامر

Bent Men ElZman Da !! يقول...

بعد الشر عليكى
واضح ان مفيش امل ههههههههههه

Mohamed Amer يقول...

لا حول ولاقوة الا بالله

شمس النهار يقول...

مصري جدا

اللي غايظني ياهاني انها ست متعلمة
وكمان معاها ماجستير علم نفس وتربية اخدته ايام ماكان الماجيستير بيطلع عينهم فيه

شمس النهار يقول...

*مصطفى سيف الدين

:))
حلوة حكاية الميراث دي
:))

شمس النهار يقول...

*مصري جدا

ايه اللينك الرهيب ده ياهاني
ده عايز سطل نيسكافيه
واقعدله

شمس النهار يقول...

*VÖltaa

اهلا اهلا
فولتا عندنا يامرحبا يامرحبا

:))

انا الحمد لله يارب تكون انت بخير

موضوع البطاقة ده قدم بقا
احنا هنريحها ونيمها
:)))

شمس النهار يقول...

*Days and Nights

لأ ده انت ربنا معاك بقا
:)
عارف حسيت اننا شعب متطرف فعلا

يا يمين ياشمال

الناس لما بتخاف مابتعرفش تتصرف ولا تفكر
بتستسهل

ونقول يارب
وربنا يسترها

شمس النهار يقول...

*Bent Men ElZman Da !!

شر عنك ياجميلة

لأ في ان شاء الله في امل
بس علي مانفهم الحدوته
اصل في ناس فهمت وناس لأ
علي ما الباقي يفهم هناخد وقت شوية

شمس النهار يقول...

*Mohamed Amer

نقول يارب
واسترها معانا يارب
وهتبقا فلة

ابراهيم رزق يقول...

شمس الشموس

انا قريت البوست و معرفتش اعلق

انا دلوقتى بقولهم كلمة
اص انتوا متعبتوش فى الورة
محدش استشهد او اصيب
محدش طارت عينه
عاملين زى اللى ورث ثروة كبيرة على الجاهز
فبددها برعونة و صعلكة
انتور ورثتوا ثورة ومش عارفين قيمتها
فبتبددوها

تحياتى

شمس النهار يقول...

*ابراهيم رزق

تعليقك يقطر الم

مالقتش تعبير لغوي ابلغ من ده ارد بيه عليك

حبيبـــــــة القمـــــر يقول...

لما يبقى البيت الواحد فيه اختلاف علي مرشح دا اكبر دليل ان فيه تغيير حتي وان كان الاختيار خاطئ

بس عالاقل بنختااااااااااااار

عالاقل بقي فيه لغة حوار بتناقش مستقبل بلدنا بعد ماكانت البيوت مبتتكلمش غير في امور شخصيه بحته
وكلمة سياسه خارج مفهومنا وملهاش مرادف لغوي في حياتنا

صدقيني الرئيس القادم لو كان شارون نفسه مش هيقدر يكرر غلط اللي سبقه
انا مطمنه جدا لأننا اتغيرنا وان كنا بندفع التمن بس عالاقل الاجيال الجايه هتحس باللي احنا عملناه
القادم افضل باذن الله

مرور اول في مدونتك
لكي كل الود

صاحب الحبر الأسْوَد يقول...

افضل حل هو الاقناع اقناع مصدره الحق والعدل والرحمة بكلمات مقنعة صادقة تترجم مع مقاطع يوتيوب صادقة مع خلاصة اخبار حقيقية واقعية حدثت بالفعل
وتبقي النتيجة جدال مختصر قوي يوصلك للهدف النبيل بإذن الله

ولو فشلتي يبقي ثقي في الله ان ربنا هيولي الاصلح حتي لو حمدين صباحي مش دكتور ابو الفتوح المهم ان الاصلح بإذن الله هو اللي هيقود حلم الشهدا والمصابين اللي حقهم لسه مارجعش

وسيبك من خطة المنوم عشان عيب :(
وعشان اطمن اديني انا المنوم احتمال بابا يحتاجه اصله بفكر ينتخب موسي قصاد مرسي في الاعادة لو حصلت
وانا بفكر ابطل صوتي ساعتها فخليهم اتنين منوم وانتخب حمدين في الحلم اشرفلي

اسف اني طولت واحتمال رخمت
بس ثقي ان الحق هو اللي هينتصر في النهاية مهما حصل وربنا يهدي مامتك ويهدينا كلنا للطريق السليم بإذن الله

تحياتي

صاحب الحبر الأسْوَد يقول...

افضل حل هو الاقناع اقناع مصدره الحق والعدل والرحمة بكلمات مقنعة صادقة تترجم مع مقاطع يوتيوب صادقة مع خلاصة اخبار حقيقية واقعية حدثت بالفعل
وتبقي النتيجة جدال مختصر قوي يوصلك للهدف النبيل بإذن الله

ولو فشلتي يبقي ثقي في الله ان ربنا هيولي الاصلح حتي لو حمدين صباحي مش دكتور ابو الفتوح المهم ان الاصلح بإذن الله هو اللي هيقود حلم الشهدا والمصابين اللي حقهم لسه مارجعش

وسيبك من خطة المنوم عشان عيب :(
وعشان اطمن اديني انا المنوم احتمال بابا يحتاجه اصله بفكر ينتخب موسي قصاد مرسي في الاعادة لو حصلت
وانا بفكر ابطل صوتي ساعتها فخليهم اتنين منوم وانتخب حمدين في الحلم اشرفلي

اسف اني طولت واحتمال رخمت
بس ثقي ان الحق هو اللي هينتصر في النهاية مهما حصل وربنا يهدي مامتك ويهدينا كلنا للطريق السليم بإذن الله

تحياتي

zizi يقول...

على فكرة يا شمس مش والدتك بس اللي عندها الحالة دي ..أنا إخواتي كلهم للأسف وللألم ناويين على أحمد شفيق مش عشان حاجة عشان عارفين انه هو اللي حاينجح ومش عايزين يبوظوا اصواتهم ..وعموماً احنا كنا متعودين على الأكل في الوريد فلما اتشال الجلوكوز وحطوا لنا الأكل العادي بقينا مش عارفين مكان بقنا ولا عارفين ناكل ازاي ويمكن نتعود بعد كده ونعرف ننتخب في الفترة الجاية وربنا المستعان..بس أنا عموماً بارشح حمدين صباحي حتى لو مانجحش يكفي انه انسان مخلص بجد ..

ستيتة يقول...

ده اسمه كلام:)
من حقها
عارفة ليه من حقها؟
لأن فعليا محدش عارف حاجة
أو عارفين ومدكنين علشان مش ها ينفع نتكلم
من حق اي حد شايف اي حاجة يلحق يعملها
هي دي الدكروماطية
وسلمي لي على الأنياب
وخفوا على ماما تغور الإنتخابات وبلاش حريقة دم
تحياتي

rack-yourminds يقول...

اصعب لحظات تمر بها مصر

احيانا يينتابني قلق علي هذا البلد العظيم

اسال الله ان يحفظ مصر واهلها

فافى يقول...

ههههههههههههههههههههه
عادى معظم الاباء والامهات بيشجعوا شفيق انا اختى الكبيره برضه هاتنتخب شفيق وبابا واحده صاحبتى هايروح ينتخب شفيق وبرضه هى عايزه تحطله منوم فى الشاى
عموما ربنا يولى الاصلح

ريـــمـــاس يقول...

مساء الغاردينيا شموسه
مع اني كنت بضحك لما قريت البوست عشان روحك الحلوة بس بجد دمعت عيني من تعليق استاذ ابراهيم رزق ومش حقول غير ربنا يحميكي يامصر ويكتب لك الأصلح ليكي قلبي ودعواتي معاكم وليكم "
؛؛
؛
لروحك عبق الغاردينيا
كانت هنا
reemaas