الجمعة، 3 أغسطس 2012

النور والكشاف والشموع


لما يكون الحمل تقيل علي شبكة الكهرباء
يبقا الحل مش انهم يقطعوا النور علي الناس
وهي بتتسحر
ولا وهي بتفطر
ولا اثناء صلاة التراويح
والدنيا حر نار
لأ
الحل ان عواميد النور اللي في الشوارع تطفي بالنهار
وبالليل تبقا عمود منور وعمود لأ
الحل ان المدرستين اللي امام بيتي
النور يطفي فيهم بالليل مش منور للأشباح
الحل ان الزينة الضخمة بتاعة رمضان تتخفض للنص
في حلول كتير
اخرها اني اقطع النور علي الشعب
وفي رمضان
!!
وطبعا النور لما بيقطع المية بتقطع
طبعا مش اكتر من نص بيوت مصر شغاله بالمواتير والخزانات
عموما حلال فيهم
الدعاء عليهم من الناس كلها
ليل نهار
:))
شكلهم لقوا الشعب بقا عنيف ومش طايق نفسه
قالك نخليهم يعيشوا شوية رومانسية علي ضوء الشموع

هناك 22 تعليقًا:

faroukfahmy يقول...

من لطفك ورقتك نهيتى هذه النهاية الرومانسية
الحقيقة كلنا نعانى من انقطاع الكهرياء وياريت الحلول اللى ذكرتيها توصل للمهتمين برمضان وليالى رمضان

Empress appy يقول...

ما دى الاداره الفاشله السنه اللى فاتت مع الفرق فى الكويت عملوا كدا بس هنا التكييفات انتى عارفه عامله ازاى الناس اكلوا الحكومه وبهدلوا الدنيا السنه دى ولا اى مكان اتقطع وكانوا بيقطعوها عاده عن المصالح الحكوميه والمدارس لانها مكيفه مش البيوت العاديه

Unknown يقول...

بجد بجد
أنا ندمانة إني مأبطلتش صوتي في الإنتخابات
اللي بيحصل ده مهزلة
الأجهزة بتبوظ و الأطفال بيخافوا غير الحر و بنضطر نمشي بدري من الشغل..العيادات بتقفل ساعات و الصيدليات كمان..يعني خراب من الآخر.

هندعيي عليهم أكيييد

سواح في ملك اللــــــــــــــــــه- يقول...

الكهربا دي منتج

تم التعاقد عليه مع الشركة انها توفر

الكهربا

المفروض في حالة زيادة الاحمال

ان الشركة تعمل علي تطوير الاتها بحيث تغطي احيتاجاتنا

زي ماليهم حقوق كل شهر بياخدوها

عليهم التزامات نحو المستهلك

المواطن الغلبان الللي زي حالاتنا

مالوش ذنب في حكاية زيادة الاحمال دي

الازهرى يقول...

الحمد لله

انا مش من الشعب

أحمد أحمد صالح يقول...

اقتراحاتك رائعة أستاذة شمس،و لكن يبدو ان غباء المسئولين هو مرض وراثي حتى و ان لم يكن بينهم أي قرابة !!
..
تحياتي

كريمة سندي يقول...

هي فترة مؤقتة ولن ستطول بإذن الله

حنين محمد يقول...

صباح الغاردينيا شموسه
الله يصلح الحال يارب
بس بجد اغرتني الشموع :) "
؛؛
؛
لروحك عبق الغاردينيا
كانت هنا
Reemaas

لــــ زهــــــراء ــــولا يقول...

عندك حق والله ياشموسة احنا طهقنا يارب سلم يا رب سلم من كل شر ومشاكلنا قوام تتحل


لولا

غير معرف يقول...

مشكله الكهربا دي بقت فعلا مشكله كبيره وليها اضرار كتيره بجد ربنا يخلصنا منها علي خير.
الحلول اللي قولتيها عمليه جدا وكويسه يارب نلاقي حد يعمل بيها.

شمس النهار يقول...

*faroukfahmy58
:)
ده بس من ذوقك

همه لو عايزين يحلوها هيحلوها
بس كالعادة مش عايزين يحلوا حاجة
:)

شمس النهار يقول...

*Empress appy
الدنيا كلها بتحاول تحل
هنا بيتفننوا ازاي يعقدوها
:)
انتي ازيك اخبارك ايه؟

شمس النهار يقول...

*شيرين سامي

المشكلة كمان في الصيدليات اللي بره مش في المستشفيات
بيبقا في ادوية لازم تكون في التلاجات
ده غير السوبر ماركت اكيد الحاجة اللي في التلاجات بتتأثر

شمس النهار يقول...

*سواح في ملك اللــــــــــــــــــه

الشركة لما حبت تحل
نقت ارخص حل
وكدرت الناس في شهر مفترج
وفي ناس اجهزتهم الكهربائية باظت
وكفاية دعاهم علي الحكومة والريس
تحس ان مافيش حاجة اتغيرت

شمس النهار يقول...

*الازهري
:))
اومال من مين
؟؟
من العائلة المالكة
:)))

شمس النهار يقول...

*احمداحمد صالح
ايوة كلامك صح
:))
تحس ان الكرسي بيضفي عليهم غباوة هي هي
بيشتركوا فيها مع بعض

شمس النهار يقول...

*كريمة سندي
اتعشم ان يكون ده الصح
مايسوقوش فيها علي طول الي اخر الصيف

شمس النهار يقول...

*ريماس

طبعا الموضوع كله مافيهوش غير موضوع الشموع
:)
قاعدة جميلة مع الاهل حوالين الشموع
:))

شمس النهار يقول...

* لـــولا وزهـــراء
ادعي يالولا انها تتحل
وادينا داخلين علي العشر الاواخر
:)

شمس النهار يقول...

*semsma ahmed

تحسي ان المقصود انهم يكدرونا
وزي زمان يلفتوا نظرنا تجاه حته
وفي حته تانية بتطبخ
:))

حسن ارابيسك يقول...

صح كده
كل شيئ بيبتدي بفكرة
وطرح ولو حتى جزء من الحل بيدلل على ايجابية جميلة
ان شاء الله كل شيئ يتعدل ويتظبط في مصر
وما يهزك ريح ياجبل
تحياتي
حسن أرابيسك

شمس النهار يقول...

*حسن ارابيسك

اهلا اهلا
ازيك انت فين بقالك مدة مش باين
يارب يكون خير