الاثنين، 3 سبتمبر، 2012

هي دي مصر

بما اني من محبي السمسمية
لا لا لالا لالا
هيلا هيلا يامركب
قوم شد القلوع
وتوكلنا علي الله ياله
ماحدش فينا هيموت مالجوع
في معدية واحد ماشي مانعرفوش
ومد ايديه سحب شبكة
وخد سمكة وسلم وراح
ايه الجمال ده
من زمان ماسمعتش الحلاوة دي
فعلا في مصر ماحدش بيموت من الجوع
-----
كمان عجبي مقطع
لما عم الحاج يعدي
كله يوقف لعب يهدي
ايييييييييوة
زمان كان كده
لما الكبير يعدي اللي حاطت رجل علي رجل ينزلها
واللي مولع سجارة يطفيها
ويسلموا
كان في حب واحترام
وكان في حضرتك للكبار
الاغنية دي
هي مصر فعلا
وماحدش هيعرف يغيرها
حتي لو كان الجن الجنزاري او عين زرقة
يبص لنفسه في المرايا
ويقول بلاش غرور
مش هقدر اغير الناس دي
ولا العب بيهم
كان السبعمية اللي استعمرونا عرفوا
ده احنا بلعناهم بالهنا والشفا
وانا بقوله اجري ياشاطر العب بعيد
======

========
ملحوظة
عارفة اني مقصرة
ولضيق الوقت بزور اللي بيعلقوا عندي
من منطلق اذا حييتم بتحية
عادتا مابيفرقش معايا
وبزور اللي بيعلق عندي او اللي مابيعلقش
بس لضيق الوقت
بروح للي بيعلق عندي ويعبرني
معلش شوية مشغوليات وهيعدوا

اسماء المطربين

ياسر نور وايمان رضوان (التتر)
حسن الصغير (النوبة)
الالتراس
فرقة الطنبورة :عزام وجمعة(السمسمية)
جيهان المغاوري (الفلاحي)
فرقة الاسفلت (جاد الكريم-ابراهيم فاروق)
هادي (الصعيدي)
اوكا واورتيجا (الشعبي)
جمعة غنايم(البدو)

هناك 24 تعليقًا:

سواح في ملك اللــــــــــــــــــه- يقول...

بصي بقي ياشموسة

العادات المصرية القديمة مفيش احسن منها

احترام اللي معادش موجود بدعوي ان دي حرية شخصية

او تقدري تقولي بيقلدوا الغرب عشان هما قدام شويتين في الديمقراطية

فمتهيألهم ان العادات والتقاليد المصرية الآصيلة دي

ضد الديمقراطية

تاني حاجة مصر دي فعلا بلد ربنا مبارك فيها

بتتسرق من ايام الفراعنه لحد انهردة

ولسةالفقير لاقي ياكل



لـــولا وزهـــراء يقول...


لا لا لالا لالا
هيلا هيلا يامركب
قوم شد القلوع
وتوكلنا علي الله ياله
ماحدش فينا هيموت مالجوع
في معدية واحد ماشي مانعرفوش
ومد ايديه سحب شبكة
وخد سمكة وسلم وراح
ايه الجمال ده
من زمان ماسمعتش الحلاوة دي
فعلا في مصر ماحدش بيموت من الجوع
>>>>>>>>>>>>>>>>>>>>>>
روووووووووووووووعة الاغنية والمقطع تحفة
واختياراتك جميلة مثلك يا شموسة .. ده كان احسن اعلان من وجهة نظري في رمضان


لولا

شمس النهار يقول...

سواح في ملك الله

عاداتنا وتقاليدنا بتاعة زمان هي اللي كانت مخلينا عايشين في سلام

عمرك ماتعدي علي حد بياكل الا ويقولك اتفضل
ولقمة هنية تكفي ميه

مصر بأذن الله محروسة

شمس النهار يقول...

*لولا وزهرا

الكلمات واللحن والاختيار للمغنين
والتصوير رائع

مصر من البدو للنوبة للصعيد للفلاحين
للبحاروة

عمرو يسرى يقول...

ساعات بحس ان ديه مصر فعلا
وساعات بقول كان زمان

Bent Men ElZman Da !! يقول...

والله مصر دى فيها حاجات جميله كتير كده بتضيع وسط الزحمه اللى احنا فيها
بس لما بنبص عليها بنحس بحلاوتها تانى

Mafrousa يقول...

:))
ما بلاش الشاطر انتى مش قده

و الله واحشاني

شمس النهار يقول...

*عمرو يسرى

مصر هي مصر
واللي حاصل دلوقتي ده قشرة هتقع قريب جدا

شمس النهار يقول...

*Bent Men ElZman Da !!

بتحسي بيها اكتر لما تسافري بره
تنبهري في الاول
لكن بعد كده تحسي انك عايزة تدفعي نص عمرك وترجعي بسرعة

شمس النهار يقول...

*Mafrousa
:))
مين قالك
ده هو اللي مش قدنا
يمشوا عدل اهلا وسهلا مامشيش عدل
يروح يذاكر تاريخ
ويشوف مصر بتعمل ايه في اللي مابيمشيش عدل
صابرة اه
ونصبر معاها بس لما نطلع في شرنا
:))

وانتي كمان وحشاني ارجعي بلوجر بقا
وسيبك من التيك اواي اللي اسمه بلوجر ده

أسير الجراح يقول...

السلام عليكم

اختى الغالية شمس

والله الخير فى قلوب كتير من المصريين

وانا مع لولا اختيارك اكثر من رائع

دمتى متالقة فى ساحة الابداع


مودتى وتقديرى

اسير الجراح

شمس النهار يقول...

*اسير الجراح

وعليكم السلام ورحمة الله وبركاته

شكرا علي كلماتك

الاغنية فعلا من اجمل ماتم انتاجه من فتره
اللي عملها ذكي جدا

أم .. بوبه يقول...

صباح الخير يا شموسة يا حلوة .. أنا قولت أصبح عليكى قبل ما أنام ههههههههه .. متستغربيش أصل العيال لسه نايمين من شوية والفجر أذن دلوقتى فمش عارفة أقولك صباح الخير ولا تصبحى على خير .. المهم أخبارك إيه وحشتينى والتدوين كمان وحشنى

بيطرية ومش بايدى يقول...

الفرح اللى فى دار الجار فرحى
^_^

عايزة اقولك انى سمعتها بتاع تلات اربع مرات من عندك هنا
:)
صباحك فل :)

zeze يقول...

فعلا الاغنية دي عجبتني جدا لانها بتجمع كل المصرين بمختلف الفنون
بتعجبني كتاباتك وبارك الله فيكي

تائبه الى الله يقول...

مع قناة فيديو ارابوتك
إندونيسيا.. ورشة لصناعة الآلات الموسيقية التقليدية
http://arabotic.com/videos/category/processing-machinery/?lang=ar_ar

ريـــمـــاس يقول...

صباح الغاردينيا شموسه
مصر كل حاجة فيها جميلة انا صحيح سعودية
بس ربنا شاهد قد ايه بحبها وبحب أهلها
ربنا يحفظها من كل شر "
؛؛
؛
وحشتينا
لروحك عبق الغاردينيا
كانت هنا
Reemaas

sony2000 يقول...

هي كلمه واحدا

اغنيه(وهمممممممممممم)

شمس النهار يقول...

*ام..بوبة
يااهلا يااهلا
ايه النور ده
:)
صباح الهنا علي الحبايب اللي غايبين
انتي كمان وحشتيني ووحشتي التدوين
انا الحمد لله بخير وفضل من الله
هاااااااا
نقول رجعنا للتدوين تاني
:)

شمس النهار يقول...

* بيطرية ومش بايدى

صباح الهنا
هي تستحق السمع
علي طول
الحقيقة
:)

شمس النهار يقول...

*zeze
فعلا هي بتجمع كل المصريين
ولو انها اغفلت بدو الغرب المختلفين عن بدو الشرق
واغفلت وجه بحري المختلفين عن بحاروة القناة
بس ماشي الحال
وشكرا علي مجاملتك اللطيفة:)

شمس النهار يقول...

*تائبه الى الله

اهلا بيكي
بس الحقيقة
انا مافهمتش التعليق
خالص
:)

شمس النهار يقول...

*ريماس

صباح الهنا ريماس

انت اصلا انسانة جميلة
والجميل بيشوف كل حاجة جميلة
والناس بالتالي بتشوفه جميل
نورتيني ووحشتيني
:)

شمس النهار يقول...

*sony2000
:)

هي كلمة واحدة
صووووح

:)