السبت، 15 سبتمبر، 2012

رحمتك يارب

كل مااجي اكتب هنا
الاقي نفسي مغمومة جدا
طيب هكتب عن ايه ولا ايه
الاحداث كلها لاتسر عدو ولا حبيب
ومصر بقت عاملة زي السيرك في مولد في قرية صغيرة
المجتمع بقا غريب جدا
اقعد مع ناس الاقيهم في عالم تاني
فلوس ولبس فاخر وعربيات واو
ورحلات لبره مصر
ولا كأنهم من هنا
وناس تانية
مش لاقين قرش ياكلوا بيه
وناس تالته بتشتغل وتكد علشان لقمة العيش
وناس كل شوية همها ان البلد تبقا فوضي وخلاص
وناس كل همها السلطة وتكوش علي كل حاجة
حتي الدين ماسلمش من المولد
والدستور اهم عمالين يطبخوه وشكله جملي حبتين
ولاحد دريان ايه اللي بيحصل
رحمتك يارب

هناك 34 تعليقًا:

momken يقول...

...

كل ما يحدث يدل على قرب انفراج الضائقه
فكلما ضاقت الحلقات انفرجت
وكلما زاد الظلام انفجر رغماً عنه الفجر

البلاد العظيمه تمرض وابداً لا تموت

تحياتى

....

الازهرى يقول...

مغمومة ؟؟؟؟

بالعكس أنا متفائل وفرحان جدا

إحنا داخلين على انتصارات جميلة وتصاعد الأحداث فى صالحنا تماما

وكلامى جد مش تريقة

ابعدى وشك عن الصورة حبتين
هتلاقى تفاصيل أحسن كتييييير

ابراهيم رزق يقول...

شمس الشموس

فعلا رحمتك يارب
احنا تهنا

تحياتى

ريـــمـــاس يقول...

مساء الغاردينيا شموسه
ولاتزعلي نفسك هي الدنيا كدا
بس يارب يبقى وضع مصر احسن
البلد لسى تعبانه من الظروف الي فاتت
خلي عندك امل بالله ونقول يارب "
؛؛
؛
ممكن اشوف ابتسامتك الحلوة :)
لروحك عبق الغاردينيا
كانت هنا
Reemaas

أحمد أحمد صالح يقول...

(والدستور اهم عمالين يطبخوه وشكله جملي حبتين) !
ليس طغيانا على صدق وجمال كل ما كتبتيه أستاذة شمس إذا قلت أن هذه العبارة أعجبتني جدا!
بكل تأكيد اجدكِ محقة في كل ما قلتيه أستاذة شمس،والأكيد أن حالنا يسر العدو جدا!
نحن في حالة إنفصال مجتمعي إن صح التعبير فكلا منا يغني مواله الخاص،لا ترابط ولا تعاون ولا وحدة ولا شعور يوصل بيننا،وكلا منا يعمل لمصلحته ومنفعته الخاصة و يستمتع بوقته ولا يهمه تعذب الأخرين بوقتهم!
كأن هذا الوطن ليس وطننا جميعا وكأننا لا نتشاركه،ولكن الحقيقة المؤكدة أن هذا الوطن لو سقط فهو سقوط لنا جميعا،وربما وقتها نستفيق!
ورغم كل هذا مازال لدينا الأمل بان القادم أفضل وأجمل بإذن الله.
كل التحية والإحترام.

Ramy يقول...

):

أعلق اقول ايه

ربنا يرحمنا

سواح في ملك اللــــــــــــــــــه- يقول...

اللي بيحصل كويس ياشموسة

دي مرحلة وهتعدي

دي مرحلة الفرز بين الغث والثمين

مصر بأذن الله هتبقي احلي

;كارولين فاروق يقول...

رحمتك يا رب العالمين
حايكون دعائنا دائما رحمتك يا رب
تحياتي

شمس النهار يقول...

*momken

الوضع بقا غريب
وكل واحد في سوقه
ان شاء الله خير

شمس النهار يقول...

*الازهري

لأ بجد لما بتكلم مع الناس
بتغم
بيطيروالي التفاؤل الخصوصي بتاعي

شمس النهار يقول...

*ابراهيم رزق

ان شاء الله خير
نفسي مصر تبقا جميلة الجميلات تاني

شمس النهار يقول...

*ريماس
انت ابتسامة بلوجر الحلوة

ربنا يعدي الايام دي علي خير

شمس النهار يقول...

*احمد احمد صالح
صح احنا في حال انفصال
وكل واحد بيدور علي مصلحته
مع اننا الان في احوج مايكون لوحدتنا
ان شاء الله خير

شمس النهار يقول...

*Ramy
فعلا الحال يعقد اللسان
ومايبقاش في كلام

شمس النهار يقول...

*سواح في ملك اللــــــــــــــــــه

المرحلة طولت وبوخت خالص
ربنا يعديها ايام علي خير

شمس النهار يقول...

*كارولين فاروق

آمين
مالناش غير
ربنا رب كريم

mrmr يقول...

ربنا كبيررررررر
ومنتظرين عمل ربنا فينا وايديه اللى ديما ممدوده لينا بالخير

habiba يقول...

السلام عليكم
أولاً ربنا يذهب الغم والهم عنك.
كل الأحداث الحالية من وجهة نظرى طبيعية جدًا فى هذه المرحلة.
لكن حديثك عن من هم فى كوكب آخر ولا يشعرون بغيرهم فمعك حق شىء مستفز جدًا.
وكلنا نحزن عندما لا يسلم إسلامنا وأدياننا من هذه الأحداث فكله يهون إلا إسلامنا.
مع تحياتى.

اندروميدا يقول...

سقراط يقول ... اثنان فقط بإستطاعتهما الحياة خارج الدولة ... الإله والوحش .

وبكل اسف في مجتمعنا حاليا ... انقسم البشر ... ما بين الوحوش ...وما بين من يري نفسه إلها ... لا بشر يصيب ويخطأ .

والله اكبر من الجميع .


تحياتي

شمس النهار يقول...

*mrmr
صح
ربنا بيدينا الخير
هو كريم
بس فينا ناس اشرار
مابيتهدوش الا لما تكون الدنيا والعة

شمس النهار يقول...

*habiba

وعليكم السلام ورحمة الله وبركاته

ربنا يرفع الغمة عن الامة

ويعدي بينا المرحلة دي علي خير

شمس النهار يقول...

*اندروميدا

اهلا بيك
علي فكرة بقالي اسبوع كل مااروح مدونتك مالاقيهاش مش عارفة ليه

ايوة الله اكبر
والله غالب علي امره

كريمة سندي يقول...

يقال أن وقت الشدة كلما زاد كلما قرب الإنفراج .. فبلاش تنغمي وكل واحد له حكمة من خلقه ووضعه ونعم بالله مقسم الأرزاق

βent Pasha يقول...

كل يبكي على ليلاهُ
ربنا يصلح الأحوال ويرحمنا برحمتك .. حضرتك بس هوني على نفسك فالله أرحم بعباده من عباده

فشكووول يقول...

نبدأ بالدستور
شكله لا حيسر عدو ولا حبيب وشكلى حاقول لأ
وناس كتير مش زى ناس ... ناس هايصه وناس لايصه
عشان الغير مبارك وشلته بهدلوا الطبقه الوسطه
يا فوق قوى ودول المبسوطين ومش هاممهم اى حاجه
يا تحت قوى وطالع روح ابوهم والدنيا مغلباهم
دى مصر يا عبله ودا النيل اللى مليان بلهارسيا وفيروس سى .. ودا الهرم اللى الدنيا كلها بتتفرج عليه والمصريين ما يعرفوش عنه حاجه

شمس النهار يقول...

*كريمة سندي
فعلا
ان بعد العسر يسر

بس الواحد لما بيشوف الاحوال اللي حواليه فعلا بيتغم

شمس النهار يقول...

*βent Pasha

اهلا اهلا
ازيك فينك غايبة
يارب تكوني بخير

ان شاء الله خير
بس هي دي النفس البشرية مانقدرش نمنع نفسنا من القلق

شمس النهار يقول...

*فشكووول

:))
بكره لما نيجي نقول لأ
يعتبرونا من كفار مكة
وضد الدين
ومش مسلمين اصلا
مش هيسيبونا نعترض خلاص
والبعبع هو التكفير

مصطفى سيف الدين يقول...

هذه الاحداث فرضت علينا تعلم لغة الصمت

sony2000 يقول...

جمله واحدا اقدر اقولها

ربنا موجود

شمس النهار يقول...

*مصطفي سيف الدين

مااحنا صامتين وصامدين اهو
:(

شمس النهار يقول...

* sony2000

مالناش غيره

βent Pasha يقول...

أصبحت ( أم ياسين )
مش قادرة أقول لحضرتك على كمية الفراغ اللي بقيت عايشاها لدرجة إني تعبت من كتر النوم :-))
هههههههههه
ده كان سبب غيبتي الفترة اللي فاتت
وإن شاء الله نتواصل دائما من جديد

متشكرة على سؤال حضرتك الجميل

شمس النهار يقول...

* βent Pasah

ااااااااالف الف مليون مبروك

ماشاء الله
ربنا يحميه ويبارك فيه
وحمد الله علي سلامتك ياجميلة