كل مااجي اكتب هنا
الاقي نفسي مغمومة جدا
طيب هكتب عن ايه ولا ايه
الاحداث كلها لاتسر عدو ولا حبيب
ومصر بقت عاملة زي السيرك في مولد في قرية صغيرة
المجتمع بقا غريب جدا
اقعد مع ناس الاقيهم في عالم تاني
فلوس ولبس فاخر وعربيات واو
ورحلات لبره مصر
ولا كأنهم من هنا
وناس تانية
مش لاقين قرش ياكلوا بيه
وناس تالته بتشتغل وتكد علشان لقمة العيش
وناس كل شوية همها ان البلد تبقا فوضي وخلاص
وناس كل همها السلطة وتكوش علي كل حاجة
حتي الدين ماسلمش من المولد
والدستور اهم عمالين يطبخوه وشكله جملي حبتين
ولاحد دريان ايه اللي بيحصل
رحمتك يارب
هناك 34 تعليقًا:
...
كل ما يحدث يدل على قرب انفراج الضائقه
فكلما ضاقت الحلقات انفرجت
وكلما زاد الظلام انفجر رغماً عنه الفجر
البلاد العظيمه تمرض وابداً لا تموت
تحياتى
....
مغمومة ؟؟؟؟
بالعكس أنا متفائل وفرحان جدا
إحنا داخلين على انتصارات جميلة وتصاعد الأحداث فى صالحنا تماما
وكلامى جد مش تريقة
ابعدى وشك عن الصورة حبتين
هتلاقى تفاصيل أحسن كتييييير
شمس الشموس
فعلا رحمتك يارب
احنا تهنا
تحياتى
مساء الغاردينيا شموسه
ولاتزعلي نفسك هي الدنيا كدا
بس يارب يبقى وضع مصر احسن
البلد لسى تعبانه من الظروف الي فاتت
خلي عندك امل بالله ونقول يارب "
؛؛
؛
ممكن اشوف ابتسامتك الحلوة :)
لروحك عبق الغاردينيا
كانت هنا
Reemaas
(والدستور اهم عمالين يطبخوه وشكله جملي حبتين) !
ليس طغيانا على صدق وجمال كل ما كتبتيه أستاذة شمس إذا قلت أن هذه العبارة أعجبتني جدا!
بكل تأكيد اجدكِ محقة في كل ما قلتيه أستاذة شمس،والأكيد أن حالنا يسر العدو جدا!
نحن في حالة إنفصال مجتمعي إن صح التعبير فكلا منا يغني مواله الخاص،لا ترابط ولا تعاون ولا وحدة ولا شعور يوصل بيننا،وكلا منا يعمل لمصلحته ومنفعته الخاصة و يستمتع بوقته ولا يهمه تعذب الأخرين بوقتهم!
كأن هذا الوطن ليس وطننا جميعا وكأننا لا نتشاركه،ولكن الحقيقة المؤكدة أن هذا الوطن لو سقط فهو سقوط لنا جميعا،وربما وقتها نستفيق!
ورغم كل هذا مازال لدينا الأمل بان القادم أفضل وأجمل بإذن الله.
كل التحية والإحترام.
):
أعلق اقول ايه
ربنا يرحمنا
اللي بيحصل كويس ياشموسة
دي مرحلة وهتعدي
دي مرحلة الفرز بين الغث والثمين
مصر بأذن الله هتبقي احلي
رحمتك يا رب العالمين
حايكون دعائنا دائما رحمتك يا رب
تحياتي
*momken
الوضع بقا غريب
وكل واحد في سوقه
ان شاء الله خير
*الازهري
لأ بجد لما بتكلم مع الناس
بتغم
بيطيروالي التفاؤل الخصوصي بتاعي
*ابراهيم رزق
ان شاء الله خير
نفسي مصر تبقا جميلة الجميلات تاني
*ريماس
انت ابتسامة بلوجر الحلوة
ربنا يعدي الايام دي علي خير
*احمد احمد صالح
صح احنا في حال انفصال
وكل واحد بيدور علي مصلحته
مع اننا الان في احوج مايكون لوحدتنا
ان شاء الله خير
*Ramy
فعلا الحال يعقد اللسان
ومايبقاش في كلام
*سواح في ملك اللــــــــــــــــــه
المرحلة طولت وبوخت خالص
ربنا يعديها ايام علي خير
*كارولين فاروق
آمين
مالناش غير
ربنا رب كريم
ربنا كبيررررررر
ومنتظرين عمل ربنا فينا وايديه اللى ديما ممدوده لينا بالخير
السلام عليكم
أولاً ربنا يذهب الغم والهم عنك.
كل الأحداث الحالية من وجهة نظرى طبيعية جدًا فى هذه المرحلة.
لكن حديثك عن من هم فى كوكب آخر ولا يشعرون بغيرهم فمعك حق شىء مستفز جدًا.
وكلنا نحزن عندما لا يسلم إسلامنا وأدياننا من هذه الأحداث فكله يهون إلا إسلامنا.
مع تحياتى.
سقراط يقول ... اثنان فقط بإستطاعتهما الحياة خارج الدولة ... الإله والوحش .
وبكل اسف في مجتمعنا حاليا ... انقسم البشر ... ما بين الوحوش ...وما بين من يري نفسه إلها ... لا بشر يصيب ويخطأ .
والله اكبر من الجميع .
تحياتي
*mrmr
صح
ربنا بيدينا الخير
هو كريم
بس فينا ناس اشرار
مابيتهدوش الا لما تكون الدنيا والعة
*habiba
وعليكم السلام ورحمة الله وبركاته
ربنا يرفع الغمة عن الامة
ويعدي بينا المرحلة دي علي خير
*اندروميدا
اهلا بيك
علي فكرة بقالي اسبوع كل مااروح مدونتك مالاقيهاش مش عارفة ليه
ايوة الله اكبر
والله غالب علي امره
يقال أن وقت الشدة كلما زاد كلما قرب الإنفراج .. فبلاش تنغمي وكل واحد له حكمة من خلقه ووضعه ونعم بالله مقسم الأرزاق
كل يبكي على ليلاهُ
ربنا يصلح الأحوال ويرحمنا برحمتك .. حضرتك بس هوني على نفسك فالله أرحم بعباده من عباده
نبدأ بالدستور
شكله لا حيسر عدو ولا حبيب وشكلى حاقول لأ
وناس كتير مش زى ناس ... ناس هايصه وناس لايصه
عشان الغير مبارك وشلته بهدلوا الطبقه الوسطه
يا فوق قوى ودول المبسوطين ومش هاممهم اى حاجه
يا تحت قوى وطالع روح ابوهم والدنيا مغلباهم
دى مصر يا عبله ودا النيل اللى مليان بلهارسيا وفيروس سى .. ودا الهرم اللى الدنيا كلها بتتفرج عليه والمصريين ما يعرفوش عنه حاجه
*كريمة سندي
فعلا
ان بعد العسر يسر
بس الواحد لما بيشوف الاحوال اللي حواليه فعلا بيتغم
*βent Pasha
اهلا اهلا
ازيك فينك غايبة
يارب تكوني بخير
ان شاء الله خير
بس هي دي النفس البشرية مانقدرش نمنع نفسنا من القلق
*فشكووول
:))
بكره لما نيجي نقول لأ
يعتبرونا من كفار مكة
وضد الدين
ومش مسلمين اصلا
مش هيسيبونا نعترض خلاص
والبعبع هو التكفير
هذه الاحداث فرضت علينا تعلم لغة الصمت
جمله واحدا اقدر اقولها
ربنا موجود
*مصطفي سيف الدين
مااحنا صامتين وصامدين اهو
:(
* sony2000
مالناش غيره
أصبحت ( أم ياسين )
مش قادرة أقول لحضرتك على كمية الفراغ اللي بقيت عايشاها لدرجة إني تعبت من كتر النوم :-))
هههههههههه
ده كان سبب غيبتي الفترة اللي فاتت
وإن شاء الله نتواصل دائما من جديد
متشكرة على سؤال حضرتك الجميل
* βent Pasah
ااااااااالف الف مليون مبروك
ماشاء الله
ربنا يحميه ويبارك فيه
وحمد الله علي سلامتك ياجميلة
إرسال تعليق