يااااااااصباح الجووووود موووورنج عليكم
*********
كنا قاعدين مجموعه من الشباب والشااااااابات
وانا العجوزة الوحيدة فيهم
وقلت لهم مش هنتكلم في السياسة
ومن هنا لهنا
قلت لهم عايزة اعرف حاجه من الشباب
لما تحب تختار زوجه
هاااااااااتخترها
شخصية ذكيه لماحه دمها خفيف وجمال عادي
ولا
مالهاش راي ولا فكر ولا ليها اي حاجه في اي حاجه
حلابوظا خالص يعني
ولكن جميلة جمال خاااااارق
الاجابات صااااااااااااااااادمة
تلاته عايزنها امينه
علشان الحياة مش ناقصه مناهده ووجع قلب
مع العلم ان امينه خرجت من غير اذن سي السيد
ولولا رجلها اتكسرت
كان سي السيد لبس السلطنيه
اومااااال
واتنين لأ
عايزنها شخصية ودمها خفيف ولماحه
بسسسسسسسسسسسس
مش عليه
يعني ايه ياابا الحاج
يعني برضوا مش عايز مناقشات بقا وحوارات
اومال عايزها شخصية ليه بس
ايوة هو انا هعيش مع تمثال جميل وبس
مش لازم يبقا في روح كده وحركات
عارفين
بعد ما دوخوني
وطبعا قامت حريقة بين الفتايات والفتيان
:)
قلتلهم اتكلموا في السياسة اسهل
:)
صباح الهنا عليكم
هناك 48 تعليقًا:
شمس الشموس
الجمال تعود
وطالما اعتاد المرء الشىء
فمن المؤكد ان يمل منه
اما الفكر المتجدد
فمن الصعب التعود عليه
وفى النهاية النصيب بيغلب
لان العملية مش كتالوج جهاز
تحياتى
فاظفر بذات الدين تربت يداك
صدق الرسول الكريم
صباح الفل ياشموسة
ههههههههه
أنا لو إتفتحت في الموضوع ده مش هسكت على فكره :)
أهم من كل الصفات دي تواجد المشاعر
عشان لما بنحب حد بنشوف إنه جميل و لماح و ذكي و دمه خفيف..حتى لو هو مش كده.
و لما بنحب حد بنقدر نعدي أخطاءه و نتقبل عيوبه ببساطه..ده لو مشوفنهاش ميزات كمان :)
عشان كده بنصح أي حد ميتجوزش إلا إذا دايب دوب..لكن أنصاف المشاعر مبتسعدش..و الإختيار بمواصفات معينه عامل زي تنقية الفاكهه..إستنى بقى لما قلبك يتخطف و بعدين إتجوز :)
ده مجرد رأي
جميل و غني الموضوع يا شموسه
ههههههههههه
هو اللى بيطلب امينة لأن الموضوع مش محتاج مناهدة وما الى ذلك عنده نقص هيحاول يعوضه بذلك
صباح النور والسرور ، أنت الخير والبركة وجمال أي حوار .
الحديث في السياسة أسهل بكثير من الحديث عما يرغب به الشباب لحياتهم فكل منهم له رغبة مختلفة ولن يتفقوا على شيء في هذه الناحية بالذات منهم من يرغب بالمطيعة دون تفكير منهم من يفضل من تناقشه وتحاوره
منهم من يرغب بالجمال وحده ،منهم من يفضل الغنية وهناك اختيارات كثيرة غيرها وطريقة دفاع كل منهم عن رأيه وإظهار ميزاته وتفنيد اختيار الآخر هي طريقة عادية بالنسبة لهم أما نحن فنراها صاخبة .
ونفضل الهدوء لذا فالسياسة أجهل بكثثثثير وغالباً يكون بها رأيين
بوست جميل كصاحبته ،دمت بود غاليتي .
تحياتي .
ايوى السياسه اسهل و اخف وجع راس
وعلى فكرة محدش بياخد الي هو عايزة :)
وكله بيوقع غز ع راسو :)
بعد ان اكل الدهر و شرب خلصت الي ان الزوجه المتفهمة العاقلة افضل كثيرا
و الحمد لله مش موجوده
تحياتي
هههههههههههههههههههههههههههه
خناقات السياسة أهون من خناقات الرأى فى الزوجات و الازواج
يارب اللى يبقا عايز يتجوز امينة يتجوزها بس تطلع عينه و يقول حقى برقبتى
صباح الفل يا قمر
صباح السعادة
أغلب الأولاد دلوتى عايزنها جميلة وعاقلة وتدين وسط
والمشكلة مش عايزين يتنازلوا عن أى شرط
خليهم يخللوا بقى :)
مش معقول كل الشباب رأيهم كده
هو اللى لاحظته انه معظمهم عايزين آمينة
والمشكله انهم عارفين ومتاكدين انهم مش هيلاقوها أصلاً
ولما بيختاروا بتكون احياناً بعيدة خالص عن الفكرة دى
ومع ذلك بيكونوا راضين بردو
الزمن اختلف وهما عارفين كده بس مش قادرين يقتنعوا بردو
صباح الفل عليكي يا أستاذتنا
هههههههههههههههههههههههههههههه
فعلا السياسة أسهل
\شمس
اى حاجه
الاهم يكون فيه تفاهم بين الاتنين
المهم يكون فيه تقدير
المفروض كتير بس الواقع بيكون غير اللى بيتمناه الواحد بس بيكون افضل له لانه نصيبه مساءك هنا
ههههههههه
والله فعلا الكلام ف السياسة افضل كتير
مقايس الاختيار حاليا زي الموضة بالظبط مالهاش مقايس ومش لازم تليق عليك المهم انها موضة
عن نفسي استحالة اني افكر اني اتجوز جواز وبس لاء لازم يكون مبني علي اسس قوية
هو ينفع اقول ان الدكتور محرج عليا الصنف ده خالص؟
مالي كده؟
اهوه سلطان زماني
الستات كلهم زي بعض الذكية و الاجتماعية و المتعلمة و غير المتعلمة و العاملة و الغير عاملة كله شبه بعض في النكد :P
البعض عنهم راحة بال
*ابراهيم رزق
تمام كده
صح كلام ياابراهيم
واخيرا كله قسمه ونصيب
:)
*سواح في ملك الله
تعليق جميل
جدااااااااا
بس مش روح سواح في ملك الله
هستني تعليق تاااااااااني
ولاتقلق ان شاء الله خير
ان الله غالب علي امره
شيرين سامي
:)
اتكلمي واكتبي
وماتسكوتيش
ده انا سمعت كلام من الطفين يعمل بلوجر لوحده
ماحدش بيشوف عيوب حد بيحبه
كله بيبقا تمام يافندم :)
ولازم يكون جنب المشاعر تفاهم كبيييييييير
واحترام وود ورحمة
علشان لما المشاعر تهدي يعرفوا يكملوا
صباح الهنا علي اديبتنا الجميلة:)
*علي رزق
هو عايز يريح نفوخه مش اكتر
بس علي مين
امينه كانت هتلبس سي السيد السلطنيه :)))
*الحياة الطيبه
اهلا اهلا بيكي
صباح الياسمين علي الغالين
كلامك صح
وانا بتكلم معاهم حسيت ان الشاب عايز كل حاجه
وعلي الجانب الاخر مش عايز يدي اي حاجه
وللأسف حسيتهم مش فاهمين يعني ايه زواج
نورتي المدونة:)
*haneen nidal
طبعا اسهل بكتير :)
ايوة هي قسمه ونصيب
مهما اعتقدنا اننا بنختار هي قسمه ومكتوبه
*احوال الهوي
اهلا اهلا
نورت التعليقات يادكتور
:)
وليه بس كده
موجوده يافندم موجوووده
بس نادره حبتين
:)
*nona
صباح الهنا والفل يامني
اااايوة
همه فاهمين ان اللي زي امينه بتريح
لكن هيهااااااااات
:))
*مروه زهران
صباح الياسمين
ايوة فعلا ده اللي لاحظته انهم عايزين كل حاجه ومش عايزن يدو اي حاجه
:)
*Bent Men ElZman Da !!
شوفي امينه موجوده بس ناااادره جدا
وفي اعتقادي ان هي بتتغير بعد كام سنه جواز
علشان الشاب اللي بيبقا عايز امينه ديكتاتور
وهي بيجلها يوم تنتفض
وبطلعه علي عينيه
:)) صباحك زي الفل
*P A S H A
صباح الهنا ياباشا
:)
فينك ؟؟
*βent Pasha
بكتيييييييير
صباح زي الفل :)
*محمود(باحث عن حب)
صباح الفل يامحمود
ايوة التفاهم هو اللي بيحدد نوع العلاقة والاستمرار
وكله قسمه ونصيب
* re7ab.sale7
صح يارحاب
الاسس القوية دي هي اللي بتخلي الزواج يستمر
صباحك زي الفل
*مصطفي سيف الدين
عارف بقا يامصطفي اللي زي حضرتك كده
واللي بيسمعوا كلام الدكتور ايه ده
بيقعوا حتت وقعه
وابقا افتكرني ساعتها
وقول ماما شمس قالت وماسمعتش كلامها
:))))
مش كل الستات زي بعض
ومش كل الرجاله زي بعض
ربنا خلق الكون علي التنوع
:))
وابقا خاللي الدكتور ينفعك :))
الا اذا سمعت انغام في القالك حد
يبقالك صحبه واهل وبيت
:))))
ناس بتجيب لنفسها الكلام
:))
عارفة ديما كلنا بنقول حاجات ومواصفات
وفى الأخر الرزق والنصيب
تحياتى المعطرة
عزيزتي شمس النهار
في الزواج الجمال ليس معيار السعادة والدليل أن الأزواج الجميلين ليسوا هم الأكثر سعادة ..أصل السعادة في الاقتناع والتوافق الذان يخلقان الحب ..والحب هو أصل الحياة
أشكرك على هذه الحيوية التي بعثيها في الجميع
....
ببساطه شديده انا عاوزها
بـــتــحـــبـيـنـى
وده كفايه اوى من وجهه نظرى
مع بعض النصائح النبويه فيها
وفيا انا طبعاً
تحياتى
.....
هههههههه تصدقي فعلا يا شموسة الكلام في السياسة أسهل لأن المواضيع بتحرق الدم بصراحة و هتلاقي مواهب فى الاجابات ..
منورة دايما يا جميلة
*مسلم مصري
المهم نحدد وناخد بالاسباب
والتساهيل والوفق علي الله
كله مقدر ومكتوب
*زينة زيدان
اهلا بيكي يازينة
الحب اصل الحياة
بس الحب لو مش صح في زمن صح
مقترن بالتوافق والاحترام
يبقا خلاص
نورتيني
*momken
ماانت كمان لازم تحبها
الحياة هات وخد
*EMA EMA
مواهب وانهي مواهب
انا سمعت كلام
اختراااااااااع
:))))
مدونة اكثر من رائعة
يرجى التواصل لللأهمية
a7medfares@yahoo.com
*ahmed fares
اهلا بيك في اول زيارة
وليه لم تشترك في مناقشات التدوينة :)
ليييه كتبتى كدة D:
للآسف فعلا بقى هو ده التفكير السائد S:
على فكرة:
انا " انا و دماغى " D:
بس مش عارفة ليه بيبين اسمى بس فى التعليق D:
http://anawedemaghii.blogspot.com/
على فكرة يا شموسة داخل الاسرة فيه اختلافات قد تصل الى الاشتباكات بالايدي زي اللي بيحصل في الميادين كدا
اكتشفت اننا بقينا شعب غرررررررررررررييييييييييييييب كل واحد وجهة نظره وبس وهي الصح واللي له رأي تاني على باطل ويتكتم ومنسمعش صوته
وبالنسبة للشباب يحبوها ايه؟
بسم الله الرحمن الرحيم الاجابة تونس (:
لولا
*انا ودماغي
اهلا اهلا
نورت بلوجر
ايه الغبة الطويله دي
بجد زعلت علي ضياع المدونة
معلش الجديده ان شاء الله تكون جميلة
*لولا وزهراء
للأسف صح
اصحاب خسروا بعض
اهل خسروا بعض
جيران خسؤوا بعض
ربنا يستر علي مصر
صباح الغاردينيا شموستنا
ههههههههههههههههههههههه
والله ضحكت مابلاش تتكلمي عن الزوجة والاختيارات سيبيها سياسة احسن
شموستنا انا أسفة اوي اوي عشان تأخرت عن التدوينة بجد مكسوفة من نفسي :("
؛؛
؛
لروحك عبق الغاردينيا
كانت هنا
reemaas
*ريماس
اهلا بيكي ياغالية
تنوري داااااايما
في اي وقت
:)
إرسال تعليق