للأسف الشديد بقا الدم عادي
ودم شبابنا عادي خالص انه يتسفح
موضوع اسكندريه
من اسبوع والطرفين بيهددوا بعض
شيخ قال كلمتين في خطبة جمعه
وابتدت التهديدات
فين الامن فين المحافظ فين مرسي
الاتوبيسات اللي دخلت اسكندريه ومعروف رايحه تعمل ايه
مااتحجزتش ليه
حقنا للدماء
الشباب الاسكندراني اللي راحوا حوالين الجامع
ماتحوطش الجامع ليه واتمنع التواجد حواليه
مش هيحصل حاجه
لما جمعه الصلاة ماتقمش في الجامع
حقن للدماء اللي هي اغلي علي الله من الدنياوالكعبه
بقيت حاسه ان الداخليه والناس اللي في السلطه
بقت نظريتهم خاليهم يخلصوا علي بعض
كل قطرة دم سالت
كل روح في رقابتكم يااولي الامر
والامر لله من قبل ومن بعد
هناك 15 تعليقًا:
شمس الشموس
معاكى والله كل الحق
لما الداخلية حبت تحمى نفسها من ابو سماعين عملتها
لكن للاسف بتتعامل مع الشعب خليهم يتخانقوا
احنا مالنا
تحياتى
انا معك أن هناك تقصير كبير من كل الاطراف
لكنك دائما غير منصفة
شيخ فى التسعين من عمره يضرب وتكسر سيارته
ومسجد يحرق
ثم يتظاهر اناس سلميا فيأتى شباب ليحتكوا معهم فتلوميهم
أنا متأكد إن ده لو البرادعى اللى انضرب كان زمانكم بتطالبوا بإعدام الشباب اللى ضربوا
لله الأمر من قبل ومن بعد
لما يكون في دولة اصلا يا شموسة
مفيش دولة و لا في بتاع
لا في احترام للقانون و لا العرف كل عايش حياة الحرية و مع نفسه
* ابراهيم رزق
الداخليه هتحمي نفسها بس
يعني حماية اقسام ماشي
الوزارة مايضرش
مدريات الامن
غير كده اتصرفوا مع بعض ياحلوين
*مسلم مصري
مع اعتراضي علي اني دايما غير منصفه دي :)))
انا لاالوم الشباب اطلاااااقا علشان تبقا عارف
لييييييييه
للشباب فوره وحميه غير الكبار
اللي بيهيجوا الشباب علي العنف همه الشيوخ والكبار دول من الطرفين علشان همه مش قادرين يعملوا ده
بقا للأسف الشباب اللي همه المستقبل
وقود وادوات الصراع
واقرا المقالة الملحقه بالموضوع ومستنيه رايك انت بالذات فيها
:))
اما البردعي :))
طيب اضرب مثل تاني ياشيخ
:))
ده مافيش مره نزل الميدان او حتي وهو بيدلي بصوته الا وانضرب
:))))
بص ياعزيزي نحن في زمن غياب المنطق وتبعته القوانين ووراهم الدولة
واللي بيقول كتير بس فين الفعل
ماللي يطالب يطالب اعدام ولا مش اعدام اللي في السلطه بقا صوتهك من دماغهم خلاص
نقول استرها يارب علي مصر
*مصطفي سيف الدين
عارف يامصطفي احنا طول عمرنا ماكنش عندنا نظام ولا دولة
بس بطريقة منظمه شويتين
واحد صاحبنا امريكان لما جه مصر
قالك انا هعيش هنا
هشتغل واخد شقه واجيب عربيه واعيش هنا
صراحه استغربنا احنا عارفين ان الاجانب بيحبوا مصر
وكتير منهم عايز يعيش فيهاعادي
لكن يستقر هنا ومن اول زياره كده
طلع ايه بقا :))
قالك انتوا هنا عندكم حريه رهييييييبه
انا ممكن اكل ساندوتش وارمي ورقته في الارض عادي من غير مااخد تيكت
وممكن امشي بعربيتي في اي اتجاه من غير مايطلع لي من تحت الارض ظابط او كاميرا تصورني
وهكذا
فضل يتكلم عن الاسبوعين اللي قعدهم ويسهب ومبسوط جداااااا
قال هو في حريه اكتر من كده
:)))
ياشموسة
ربنا يحفظ مصر
*سواح في ملك الله
آمين
قريت المقال
الزّمن الجميل تحيّيك وتدعوك الى تصفّحها و الاشتراك فيها
هى كدا فعلا يا شموستنا بقت سياسة خليهم يخلصوا على بعض هى السايده واعتقد ده من وقت ثورة يناير
امتى بس يجى اليوم وتكون الداخليه والشعب ايد واحده مش ايد مقطوعه
كل سنة وحضرتك طيبة .. وبالف صحة وخير وسعادة .
وفي انتظار جديدك بكل شوق دائما
*منجي بكاير
ده شئ يشرفني طبعا:)
*mahasen saber
وانا اقول المدونه منوره ليه :)
*بحر الالوان
كل سنه وانت بالف خير
وسنه سعيده عليك
الأخت الغاليه / شمس
كل سنة وأنتى طيبه
وحشتينا كتير ومفتقدينك
ربنا يسمعك أخبار تسعدك السنه دى
دمتى بكل الود
إرسال تعليق