السبت، 22 ديسمبر 2012

دم تاني وتالت

للأسف الشديد بقا الدم عادي
ودم شبابنا عادي خالص انه يتسفح
موضوع اسكندريه
من اسبوع والطرفين بيهددوا بعض
شيخ قال كلمتين في خطبة جمعه
وابتدت التهديدات
فين الامن فين المحافظ فين مرسي
الاتوبيسات اللي دخلت اسكندريه ومعروف رايحه تعمل ايه
مااتحجزتش ليه
حقنا للدماء
الشباب الاسكندراني اللي راحوا حوالين الجامع
ماتحوطش الجامع ليه واتمنع التواجد حواليه
مش هيحصل حاجه
لما جمعه الصلاة ماتقمش في الجامع
حقن للدماء اللي هي اغلي علي الله من الدنياوالكعبه
بقيت حاسه ان الداخليه والناس اللي في السلطه
بقت نظريتهم خاليهم يخلصوا علي بعض
كل قطرة دم سالت
كل روح في رقابتكم يااولي الامر
والامر لله من قبل ومن بعد

هناك 15 تعليقًا:

ابراهيم رزق يقول...

شمس الشموس

معاكى والله كل الحق

لما الداخلية حبت تحمى نفسها من ابو سماعين عملتها
لكن للاسف بتتعامل مع الشعب خليهم يتخانقوا
احنا مالنا

تحياتى

محمد سلامة يقول...

انا معك أن هناك تقصير كبير من كل الاطراف
لكنك دائما غير منصفة
شيخ فى التسعين من عمره يضرب وتكسر سيارته
ومسجد يحرق
ثم يتظاهر اناس سلميا فيأتى شباب ليحتكوا معهم فتلوميهم
أنا متأكد إن ده لو البرادعى اللى انضرب كان زمانكم بتطالبوا بإعدام الشباب اللى ضربوا
لله الأمر من قبل ومن بعد

مصطفى سيف الدين يقول...

لما يكون في دولة اصلا يا شموسة

مفيش دولة و لا في بتاع

لا في احترام للقانون و لا العرف كل عايش حياة الحرية و مع نفسه

شمس النهار يقول...

* ابراهيم رزق

الداخليه هتحمي نفسها بس
يعني حماية اقسام ماشي
الوزارة مايضرش
مدريات الامن
غير كده اتصرفوا مع بعض ياحلوين

شمس النهار يقول...

*مسلم مصري

مع اعتراضي علي اني دايما غير منصفه دي :)))

انا لاالوم الشباب اطلاااااقا علشان تبقا عارف
لييييييييه
للشباب فوره وحميه غير الكبار
اللي بيهيجوا الشباب علي العنف همه الشيوخ والكبار دول من الطرفين علشان همه مش قادرين يعملوا ده
بقا للأسف الشباب اللي همه المستقبل
وقود وادوات الصراع
واقرا المقالة الملحقه بالموضوع ومستنيه رايك انت بالذات فيها
:))
اما البردعي :))
طيب اضرب مثل تاني ياشيخ
:))
ده مافيش مره نزل الميدان او حتي وهو بيدلي بصوته الا وانضرب
:))))
بص ياعزيزي نحن في زمن غياب المنطق وتبعته القوانين ووراهم الدولة
واللي بيقول كتير بس فين الفعل
ماللي يطالب يطالب اعدام ولا مش اعدام اللي في السلطه بقا صوتهك من دماغهم خلاص
نقول استرها يارب علي مصر

شمس النهار يقول...

*مصطفي سيف الدين

عارف يامصطفي احنا طول عمرنا ماكنش عندنا نظام ولا دولة
بس بطريقة منظمه شويتين
واحد صاحبنا امريكان لما جه مصر
قالك انا هعيش هنا
هشتغل واخد شقه واجيب عربيه واعيش هنا
صراحه استغربنا احنا عارفين ان الاجانب بيحبوا مصر
وكتير منهم عايز يعيش فيهاعادي
لكن يستقر هنا ومن اول زياره كده
طلع ايه بقا :))
قالك انتوا هنا عندكم حريه رهييييييبه
انا ممكن اكل ساندوتش وارمي ورقته في الارض عادي من غير مااخد تيكت
وممكن امشي بعربيتي في اي اتجاه من غير مايطلع لي من تحت الارض ظابط او كاميرا تصورني
وهكذا
فضل يتكلم عن الاسبوعين اللي قعدهم ويسهب ومبسوط جداااااا
قال هو في حريه اكتر من كده
:)))

سواح في ملك اللــــــــــــــــــه- يقول...

ياشموسة

ربنا يحفظ مصر


شمس النهار يقول...

*سواح في ملك الله

آمين
قريت المقال

Unknown يقول...

الزّمن الجميل تحيّيك وتدعوك الى تصفّحها و الاشتراك فيها

mahasen saber يقول...

هى كدا فعلا يا شموستنا بقت سياسة خليهم يخلصوا على بعض هى السايده واعتقد ده من وقت ثورة يناير

امتى بس يجى اليوم وتكون الداخليه والشعب ايد واحده مش ايد مقطوعه

بحر الالوان يقول...

كل سنة وحضرتك طيبة .. وبالف صحة وخير وسعادة .

وفي انتظار جديدك بكل شوق دائما

شمس النهار يقول...

*منجي بكاير

ده شئ يشرفني طبعا:)

شمس النهار يقول...

*mahasen saber

وانا اقول المدونه منوره ليه :)

شمس النهار يقول...

*بحر الالوان
كل سنه وانت بالف خير
وسنه سعيده عليك

Days and Nights يقول...

الأخت الغاليه / شمس

كل سنة وأنتى طيبه

وحشتينا كتير ومفتقدينك

ربنا يسمعك أخبار تسعدك السنه دى

دمتى بكل الود