الاثنين، 28 يناير 2013

هلاوس 1

الشرارة للي بيحصل ده
الحكم
لأ 
مااعتقدش 
مش 21
 بس اللي عملوا كده اكيد في ناس تانيه مااتعرفوش 
وكله علي اليوتيوب 
وطبعا من الاسامي واضح انهم من اللي بيتأجروا
اناشخصيا فرحانه بالحكم
وكنت هفرح اكتر لوجابوا اللي دفعوالهم علشاان يعملوا كده
ده بقا مربط الفرس
ان اللي دفعوالهم ماتجابوش والناس دي هتشيل الليله لوحدها 
يعني همه عاييزين يقتلوا الشباب ومايتحسبوش
 طيب مايقولوا علي اللي حرضهم ودفع لهم
لو حد فاهم ياريت يفهمني مش عارفه افهم حاجه كل مااركز في حاجه تطلع لي حاجه تانيه اركز معاها تطلع حاجه تالته ومااعتقدش اني بهذا الغباء
احنا ملهين في الاحداث وحاجات ومحتاجات عماله تتعمل
هي النهضة اللي وعدت الشعب بيها 
هي بناء مزيد من القبور ندفن شبابنا فيها 
ونبني مزيد من الحيطان نضرب دماغنا فيها 
ولا ايييييييييييه
يوم ماسمح مرسي بمحاصرة المحكمة الدستوريه 
كان الشرارة لحاجات كتير
استرها علي شبابنا يارب احميهم من كل شر ولا تحرق قلبنا عليهم واسترها علي مصر
الناس اللي عندها مبادئ النهارده 
بتدفع تمن ايمانها بالمبادئ دي
 وبتتعاقب ان ليها راي

هناك 5 تعليقات:

faroukfahmy يقول...

يا شمس الحقيقة باينه زى الشمس مفروض انتى تقوللنا عليها والا مستنيا النهار يطلع وتدوب الحقيقة

شمس النهار يقول...

* faroukfahmy58

ياريتني اعرف الحقيقه كنت ارتحت

ده انا احوليت كل ماابتدي افهم حاجه تنطلي حاجه تانيه اعقد من اللي قبلها

محمد يقول...

مباديء ! ده انا كنت قربت انسى الكلمة دي من اللي بيحصل :( كلمونا عن المباديء و خلونا نشوفها .. جيلنا فيه كتير مظلوم

SHARKawi يقول...

شمس . زي ما قال فاروق . الحقيقة واضحة زي الشمس . وعلى فكرة الموضوعلو ما اتفهمش . فهوا يتحس .
واللي بيحصل مطلوب اننا نوصل ليه . لمرحلة اننا نبقى مش فاهمين . وكل ما نمسك خيط نلاقي خمسين خيط . وكل ما نحاول نفهم حاجة نلاقي يجي تلاتين حاجة تانية مش مفهومين . فأوعي انهم يوصلوكي للموضوع دا .
اعرفي واتاكدي انك صح . بتفكيرك ورؤيتك . باحساسك وقلبك .


لكي مني دعواتي وتشكراتي مع كامل احترامي .

شمس النهار يقول...

* SHARKawi
لولا الامل في الله كنت اتجنيت

وان شاء الله خير