يعني كده خلاص
الحظر راح في الباي باي
:)
طيب كان ليه من الاول القرارات الغير مدروسه
شكلك ياريس مش دارس الشعب المصري كويس
مش اي حد يقدر يحكم الشعب المصري
واقعد واتكلم مع كل التيارات كلام بجد مش ديكور
هاتهم واتكلم معاهم صح وفي الصح
مش لزوم الوجاهه للتاريخ
عبد الناصر كان بيكلم الناس كلهم
وانتوا يانخبه ويازعماء وياتيارات
خلافاتكم الان مش وقته خالص
الخلافات الان هتلبسنا في
الحيط
زي ماعمل حمدين وابو الفتوح في انتخابات الرياسه
طيب الحل
ايييييييييييييييييييه
علشان نستقر
الناس لازم تحس بالامان والعدل
وان كل حاجه في طريقها للحل
من الاخر لازم المواطن يحس بالامان والتغيير والعداله
وانه واخد حقه
وبعد كده كلمني عن الاستقرار
الاستقرار ان المواطن يحس ان الحكومه منه وليه
بتخدمه مش بتطحنه
وان اللي في الحكم بيحلوا لحسابه مش علي حسابه
الاستقرار في العدل الاستقرار من الشعب
انا هكتب وصية لحفيدي ان الثورة بتاعتنا اللي باظت دي يعملوا
زيها ويتجنبوا الاخطاء اللي حصلت
خالتنا من اعظم ثورة في التاريخ
الي لاشئ حصل خالص
:)
هناك 6 تعليقات:
تسلم اديكي .
الخلاصة .
اقتباس ( من الاخر لازم المواطن يحس بالامان والتغيير والعداله )
ومش اي حد يقدر يحكم الشعب المصري .
تحياتي ليكي ، تشكراتي تقديري واحترامي
شمس الشموس
مرسى لا ينظر الا لمصالح جماعته
دى مشكلته الكبرى
تحياتى
* SHARKawi
الله يسلم عمرك
شكرا علي مجاملتك :)
*ابراهيم رزق
ده اكيد ياابراهيم الجماعه من قبل ومن بعد
وياماقلت الكلام ده
وربنا يستر
تقريبا نفس السيناريوهات تقع عندنا في تونس،،
اللهم احفظ بلادنا
/ الزّمن الجميل فضاء للإستراحة من عناءات السّفر في الأيام تدعوك لتصفّح ورقاتها و ترك بصماتك ، شكرا لجميل التفاعل
http://zaman-jamil.blogspot.com/
الأخت الغاليه والعزيزة/شمس
وحشتينا جدا جدا
بعيدا عن السياسه
أكبر مشكله حاليا
هى تدهور الجنيه
لازم حل فورى وعاجل
قبل مارغيف عيش الغلابه
يبقى بربع جنيه
الإقتصاد المصرى أنتحر
وحاليا فى غرفة الإنعاش
بين الحياه والموت
ياريت نفهم قبل فوات الأوان
لأن المصيبه حتبقى ع الكل
وحمًى الغلاء المعديه
مش حترحم حد
تحياتى لروحك الطيبه
خالص مودتى
إرسال تعليق