الأربعاء، 23 يناير 2013

اعترافات ابراهيم وشجرة اندروميدا:)

اولا :صباح الخير عليكم كلكم
طبعا انا مش باجي هنا كتير
محبطه من بلوجر
ومن الوضع 
بس خلاص ماباليد حيله
اهو كل شوية اجي وامشي وخلاص
النهاردة لما جيت
لاقيت تدوينتين رائعتين
**
الاولي لأبراهيم رزق
تدوينه وكلمات واعترافات
ماتطلعش غير من انسان واثق من نفسه حساس
والمفروض ايه بعد الكلام الجميل ده
تقوم تعمله كده صينية كيك بالشوكلاته
:)
**
والتدوينه التانيه من المبدع اندروميدا
  فكره بمليون دولار
 :)

واللي علقت عليها وقلت
اهو انا بقا نفسي في الشجره دي دلوقتي
في هذا الزمن
ليييييييييه ؟:))
علشان كلمة بحبك دي رغم قدسيتها بقت سهله خاااااالص :)
اجيب بقا الشجره واحطها عندي واعمل اعلان
كل اللي عايز يعرف الطرف التاني بيحبه ولا لأ يجي عندي
وطبعا هتحصل مشاكل نقوم نعمل وحدة بوليس جنب الشجره
وبالمره محكمة اسرة:)
انت شااااااطر في افكار قصصك
****
((طيب ليه انا خليت التعليق بالاحمر؟؟))
:)
((من كتر الدم اللي هيتسيح بسبب الشجره دي))
***********
تمام كده فوتوكم بعافيه بقا

هناك 12 تعليقًا:

ابراهيم رزق يقول...

شمس الشموس

بجد مش عارف اعلق
احيانا بيكون الصمت افضل تعليق بعد العجز عن الامتنان

ربنا يخليكى لينا و على فكرة فى حركة فى بلوجر ربنا يزيدها

تحياتى

Bent Men ElZman Da !! يقول...

حسيت ان البوستين جايين بالصدفة مع بعض
حبيتهم جدا وخصوصا اعترافات أ.ابراهيم :)

أندروميدا يقول...

ايه ده !! ... انا اسمي مكتوب ... طيب :))

وهذا امر يستحق تعليق مطول .. بس

اولا : امر بديهي ان الشمس تشرق في كل صباح ... ولكني اليوم وانا بقدر كبير من الخجل والسعادة ... اشعر انها اشرقت بشكل استثنائي هذه المرة .... ومتشكر جداااااا ... ان قلمي البائس استحق مثل هذه اللفتة الكريمة من حضرتك .

ثانيا : بيسموها ... شجاعة الاعتراف ... وبالتالي فإن الاخ ابراهيم ... من حزب الشجعان ... واتمني من الله ان يديم عليه وعلي اسرته كامل السعادة .. وكل الحب .

ثالثا : بمناسبة الشجرة .. فرأيي المتواضع ... انه كما اخرجت شجرة التفاح الانسان من الجنة قديما ... فمن المؤكد ان شجرة الحب هي الشجرة الوحيدة القادرة علي إعادته اليها مرة اخري .... وكده في ناس صعب قوي يرجعوا تاني :)) ... وربنا يرحمنا ويحسن ختامنا

رابعا : معاكي ان كلمة الحب فقدت قدسيتها ... وتقريبا بقت صيني زي بقيت حياتنا ... وبهذه المناسبة .. احتمال الصين تنتج الشجرة دي قريب :)) ... ونبقي نزرعها جوا قاعة المحكمة ... اظن هتساعد القاضي جدا في قضايا الخلع :))


شئ اخير ... ما اعتقدش اني ( شاطر ) ... لان الشطار في هذا الزمان ... يحكمون الوطن .. ويدعون المعرفة .. ويتصدرون العناوين والشاشات ... والحمد لله اني ماطلعتش شاطر بهذه الصورة

وفي النهاية من المؤكد ان كلماتي عاجزة عن الشكر والتقدير .

دمتي بكل ود وخير ... وبعيدا جدا عن شبح الإحباط .

سواح في ملك اللــــــــــــــــــه- يقول...

ازيك ياشموسة


جيت اسلم عليكي واقوللك احنا مهجرناش بلوجر ولا حاجة

تحيتي يااطيب شموسة



zeze يقول...

ازيك يا شمس
فعلا التدوينة بتاعتة استاذ ابراهيم جميلة ومكنتش اعرف انه رومانس كدا
بس التانية بصراحة معرفهاش قبل كدا
بارك الله فيكي

شمس النهار يقول...

*ابراهيم رزق

ربنا يكرمك ياابراهيم ويحفظكم ويخليكم لبعض :)
بلوجر في حركة صراحه مش شيفاها
عن نفسي باجي كل شويه علشان مااقفلش من هنا
لما باجي ومش بلاقي حد بزعل بجد
ومش هروح الفيس بس :(

شمس النهار يقول...

* Bent Men ElZman Da !

ايوة بالظبط تحسي انهم اتفقوا
:)
بجد الاتنين اجمل من بعض
مشاعر وحقائق واعترافات :)

شمس النهار يقول...

*اندروميدا

اي نعم اسمك مكتوب :)
عقبال مااشوف اسمك مكتوب جنب نجيب محفوظ واحسان عبد القدوس في مشاهير كتابنا

وقلمك من اجمل الاقلام افكارك في الكتابه جميله وبتكتبها بطريقة جميله

معاك حق في ناس صعب اوي يرجعوا تاني
حياتنا كلها بقت صيني فعلا:)
بس الشجرة دي صعب ان الصين يعملوها علشان دي شجرة الحقيقه
وبشكرك علي مجاملتك وكلماتك الجميله
ويارب دايما منور بلوجر بكتاباتك الرائعه:)

شمس النهار يقول...

* سواح في ملك اللــــــــــــــــــه

صباح الهنا ياخالد

بلوجر مهجور
لما الناس تكتب وماتلقيش حد يناقشها في اللي هي بتكتبه يبقا مهجور

:)تويتر والفيس الاسرع اخدوا مننا الاصحاب
وزي ماقلت لأبراهيم مش هروح الفيس
:(
نهارك ان شاء الله سعيد

شمس النهار يقول...

*zeze

صباح الفل يازيزي

كل سنه وانتي طيبه
يارب تكوني بخير يارب

ايوة ابراهيم رومانسي جدااااا اهو :)

امااندروميدا فهو كاتب ماشاء الله عليه ربنا يديم عليه موهبته

eng_semsem يقول...

مش عارف العيب فينا ولا في بلوجر بس اكيد احنا مقصرين
تحياتي

شمس النهار يقول...

* eng_semsem

العيب فينا احنا الاتنين
بلوجر ماجددش نفسه صح
ولما جدد ماخدمش القضيه ولاجدد بطريقة لطيفه
واحنا كسلنا واستسهلنا تويتر والفيس