البلد اتحولت لبوتقة اشاعات
تعبان هري واشاعات
والناس تتخانق مع بعض
*ياسر علي بيتجوز عرفي
ماحصلش
دي الست فضحاه في كل حته
ماحصلش
*زوجة الرئيس راحت طابا ب360 الف
لأ كدب
والفاتوره المنشوره
مزورة
ده كلام الناس مع بعض
وماحدش طلع رسمي كدب
*ابن الريس اتعين ب39 الف جنيه في الشهر
كدب دول 900 بس
ده كلام الناس مع بعض
طيب فين الحقيقه
وماحدش طلع كدب
الي اخر الاشاعات .....
يعني هي الرياسه قاعده بقا للقيل والقال
ايوووووة
لما يكون في هذا الكم من الاحتقان
لما نكون عايشين في هذه الفوضي
يبقا لازم الرياسه تكدب
مستكبرين ليه
شوفوا الراجل ده بيقول ايه
دخلنا في الشرشحه لبعض
واسفه علي الكلمة دي
بس مالقيتش في قاموسنا المصري اخف منها
وقعوا مع بعض
حد خد حته من التورته اكبر
قالك لأ
ده حد اخد التورته كلها
فين الدين بقا في اللي بيحصل
شوفوا الفديو ده واسمعوه بأمعان
هناك 24 تعليقًا:
لست أظن أن مجرد التكذيب من المؤسسة الرئاسية كافى، بل واجب أن يكون هذا التكذيب بالمستندات، فمثلا فاتورة طابا كننا ننتظر الفاتورة الأصلية، راتب عمر يجب أن يتم تكذيبه بمستند رسمى يثبت قيمة الراتب الأصلية.
دون ظهور المستندات الحقيقية سيبقى القيل والقال هو أصل الموضوع، لكن هذا ليس بغريب على الجميع فحتى الآن لم تظهر مستندات جنسية السيدة نوال والدة حازم أبو إسماعيل، لم تظهر المستندات التى تؤكد تلقى الحركات المدنية فى مصر لأموال أجنبية بغرض التخريب، لم يظهر الفيديو الذى يؤكد مؤامرة الحارة المزنوقة ... وغيره الكثير، وحتى لو ظهر مستند أو فيديو (زى فيديوهات قتل المتظاهرين أيام مبارك أو تعذيب المتظاهرين أمام مجلس الوزراء أيام المجلس العسكرى أو فيديو تعذيب واستجواب المعتقلين أمام الإتحادية من غير ذوى الصفة الرسمية) ففى النهاية القاضى هايقول (مافيش دليل).
تقبلى تحياتى واحترامى
سبحان الله لسه كاتبه بوست شبه ده بس انا اهدف لشىء اخر بقى :)
تحياتى
للاسف هما لو كانوا شافوا معارضة وشعب صاحي واعي يقف عند كل كدبة وكل سرقة وكل اعتداء وياخد موقف ومايفوتش ومايعديش الغلطات خاصة الكبيرة
ماكنش الاستهزاء والتجاهل والاستهبال هيوصل بيهم للدرجة دي
دول مالهمش غير حل واحد علي رأي محمود عبد العزيز في مسلسل باب الخلق
قنبلة تهدم كل العك ده ونبتدي علي نضافة
موضوعك شدني كالعادة وعندك حق للاسف في كل كلمة وكل تشبيه اتقال
تحياتي لقلمك الهادف
شمس الشموس
ههههههههههههههههههههه
بجد هما وصلوا لاخرهم
اضطروا شمس الشموس تقول شرشحة
بصوا وصلوا الناس لايه
انا لما شفت الراجل بيبكى
و احسبه يبكى بكاء حقيقى
قلت قد كده وصل حبروتهم و كذبهم
لان السلفيين مع ان بهم كثير من العيوب
الا انهم تقريبا واضحين
تحياتى
الله يصلح الحال بس
كلنا متابعين وضعكم والله وندعي لكم
الله يصلح حال بلدكم و بلاد كل المسلمين يارب
كنت هنا ^^
لا ياست الكل مش معاكي
مش صح ان الرياسة ترد علي كل اشاعة
تتقال
واجزم لكي لوتم الرد علي اشاعةاو اشاعتين
تاني يوم هتلاقي خمسةوتمانين مليون اشاعة
وهتبقي مش بلد بقي
علشان يطلعوا يردوا عليهم او ينفوا محتاجين بقي يسيبوا شغلهم ويردوا علي كل شئ حتي لوكان تافه
العقل بيقول ان فيه حرب اعلامية قذرة
شغالة
وان الراجل ده لوكان ديكتاتور زي مابيقولوا
مكنش اي بني ادم فيهم هيجرؤ يتنفس
مش يطلع اشاعة ؟؟؟
مش عارفة بجد اقول ايه
كفاية كلمات أغنية حمزة نمرة اول مرة اسمعها النهاردة وعدتها اكتر من 10 مرات
لو طالت المسافات
أنا والأمل إخوات
وتالتنا كان الليل
ده انا ليّا فيها النيل
وليها فيا الروح مخترتش اني اروح
مانا جوعي كان كفران ملعون ابوك ياطموح اخرك تشوفلي كفيل لكن مش قلقان تذكرتي رايح جاي
عموما تحياتي البوست يحزن فعلا علي الحال اللي وصلت ليه البلد
حسبنا الله ونعم الوكيل
تحيـــــــــــاتي
كانت هنا ورحلت
Asmaa Fathy
http://www.almasryalyoum.com/node/1483316
* محمد فاروق الشاذلى قلب مصرى
هو ده اللي مخوفني الكلام اللي انت بتقوله ده
ان الحق يبقا باين ويضيع بينا
ونبقا ملعونين لضياع الحق بيننا
*فافي
:))
توارد افكار ياجميله :)
*صاحب الحبر الاسود
اللي مضيع الدنيا في البلد دي
البلطجيه اللي بياخدوافلوس علشان يبهدلوا الدنيا
والمعارضه اللي كل همها المنظره
وان يتقال ان التيار الفلاني هو اللي حل الدنيا
اخويا بيقول زيك كده
قنبله تضيع النص اوم التص التاني يبقا كويس
وياريت ابقا من النص اللي هيتفجر
ارتاح وندبس اللي هيقعدوا بقا :)
*ابراهيم رزق
:))
بنتي بتقولي شرشحه :))
لأ كده الثورة نجحت :))
:))
هو ده الدين نطعن واحد في زمته من غير اي دليل
طب اتستر عليه يااخي لحد ماتثبت وابقا اعمل بعدها اللي انت عايزه
مش ده اللي كان بيتعمل ايام مبارك البني ادم من دول يتسجن ويتعمل له فضيحه
وبعد سنين يطلع براءه بعد مايكون حطموه تماما
وبعد كده يقولك اصل الرياسه كانت بتقرص له ودنه
ده بني ادم سلفي اخوان اي تيار هو انسان له مشاعر واسره تنضر
*سفيرة المحبه
ربنا يصلح حال الوطن العربي كله يارب
ويزيح الغمه عن الامه
واهلا بيكي نورتي المدونة:)
* سواح في ملك اللــــــــــــــــــه
اختلف معاك ياخالد
ولو طلعت مليون اشاعه يترد عليه
لما تكون هتقوم الدنيا تاني
موضوع ابن مرسي
اللي بيشتغلوا في المصلحه كان هناك دعوه انهم يتظاهروا امام المبني
موضوع مراته اثار الفقراء
اي شئ يعمل بلبله يترد عليه
ده لو عايزين الدنيا تهدي
الرجل ده المطعون في شرفه يجب ان يرد علي ميشاع عنه الي اخره
مابنقولش يسيبوا شغلهم
مايخلي واخد من500 مستشار اللي مش فاهمه بيعملوا ايه دول يتولي الكلام ده
الاشاعه بتبتدي صغيره وتبهدل الدنيا ولا نسينا اشاعة كلينتون اللي ضيعته
رجل مين اللي ديكتاتور؟؟!!
* asmaa fathy
الكلمات جميله فعلا يااسماء
اللي يحزن اكتر ان رجل يطلع امام الجميع يبكي
وده في بلدنا مش سهل
اذا الرجل مقهور
وفي دعاء ان ربنا يعافينا من قهر الرجال
*غير معرف
:))
شكرااااا
بس ليه غير معرف يعني
ده لينك كلمتين
لم يتم حفظ التحقيق
جميل
حصل ايه بقا سكتوا البنت ولا هددوها
ولا طلعت متجوزاه ولا ايه بالظبطت
حد عرف رسيت علي ايه
الأخت الغاليه / شمس
يااااه بقالى كتير بعيد عن السياسه
وجع دماغ ع الفاضى
شفتى قد أيه أختلفنا بسببها ؟؟
كل واحد بيقول رأيه ومش شايف أى أتفاق جماعى على حاجه.
الجنيه عمًال بيضعف والمخزون برضه بيقل والأقتصاد متنيًل والبلد من سوء لأسوأ وحدش عاوز يشتغل ،، كلام وبس.
ياعالم .. يا خلق .. يا هوو
المخرج من الليله دى حاجه واحده بس
الغازيه لازم تنزل
قصدى الإخوان لازم ترحل
كان يوم أسود يوم ما إنتخبناهم
عاوزين يكوًشوا على كل حاجه
وماشيين بنفس الفكر القديم
لأن أصلا مفيش فكر جديد ولا حيكون
كدب كدب كدب ومش شايف أى حاجه على أرض الواقع.
المشكله والمصيبه أن الثوره الجايه مش ثورة الشباب النظيف بتاع الفيس بوك . دى ثورة اللى مش لاقى يآكل وساعتها بحسب الدين السرقه مش حرام
عشان المجلس العسكرى يتبسط
تحياتى لروحك الطيبه
خالص مودتى
* Days and Nights
يااهلا يااهلا
:))
بس اناماانتخبتهمش علشان كان واضح من الباديه ان ماعندهمش خبره ولا حنكه ليقودوا المرحلة الخطيره دي
مش كفايه ان يكون عندك نوايا طيبه علشان تعرف تحكم
بلد زي مصر كبييييييره
وعايزة حد كبيييييير
هي مش مدرسة ومحتاجه ناظر
الراجل قعد ست أشهر في وظيفته محدش عرفه او شاف صورته ولا طلع في اي فضائية وأول ما قلب ع مرسي طلع في قناة الناس قلنا ماشي سلفي وبيلعب في ارضه...عمل مؤتمر صحفي قلنا ماشي محدش بيشوف الناس الا ناس قليلة لكن يطلع في 13 قناة فضائية في يومين؟؟؟ ليه ناوي يطلع في كتاب الجينيس ريكورد بسلامته؟؟ بصراحة لم اتعاطف معه بسب كتر ما شفت خلقته...ولا اخفي عليكي كل ما كنت با شوفه بافتكر تفه هولاكو على فريد شوقي في فيلم واسلاماه..إتفوه لو شوفتوه في الحرب اقتلوه ...تخيلت كل قنوات الفلول كانت بتقول كده عليه بعد ما يمشي من عندها وخدو منه اللي عايزينه
انا زهقانة اوي ياشموسة من اللي بيحصل اول مره احس اني زهقانة من بلدي ونفسي اسبها بس للاسف مافيش حد في العالم احسن حال منا نروحله فاالبلد دي احسن من غيرها والله المستعان ربنا يهدي الحال
وحشتيني اوي عامله ايه ؟
هو انتي فعلا مصدقة التمثلية دي بجد ؟؟
الرياسة عارفة كويس قوي اللي بيشغل الشعب المصري او بالاخص شباب الثورة الطاهر و بتعمله .. طلع يابني اشاعات و اختلق خناقات خليهم يهروا مع بعض و الاشاعات تكبر و كل حد نفسه ف حاجة يقولها
و هوووب هتلاقي الكل لبس حاجة بعدها معتبرة :)
* Tarkieb
الفضائيات دي عامله زي خالتي بمبه بتدور علي ملي الفراغ وخلاص
وهو ماصدق بقا يجري يمين وشمال
عايز تتشهر اعمل اي حاجه
غريبه والفضائيات هتجري وراك وهتاخد فلوس كتيييييييير
* Eno
كلنا زهقنا من اللي بيحصل بس بلدنا ومش هنفرط فيها
ازيكامله ايه وحشتيني جدا
سلامي لأسرتك كتير
* Sweet Violet
هو الله ... ولا بلاش هو مش ناقص
من يوم ماقال خاليهم يتسلوا واحنا مش ملاحقين علي التسليه خالص :)
إرسال تعليق