ابن آدم
*******
قال: إيه مراد ابن آدم؟
قلت له: طقه
قال: إيه يكفي منامه؟
قلت له: شقّه
قال: إيه يعجّل بموته؟
قلت له: زقه
قال: حـد فيها مخلّد؟
قلت له: لأه
قال لي: ما دام ابن آدم بالصفات دي
نويت أحفظ صفات ابن آدم كل ما اترقى.
**********
كل مااشوف الناس حواليه
اتغيروا وبيجروا ورا الدنيا
افتكر الابيات دي
الله يرحمك ياعمنا بيرم
هناك 38 تعليقًا:
الناس دى كانت بتعرف تتكلم وتكتب بجد
كلام يعيش ونحتاجله فى كل وقت
شكرا للاختيار اللى هاخده حالا وانزله فيس :)
دمت بخير
هما مش بيقولو ابن ادم ما يملاش عينه الا التراب؟ لا تتعجبي
خرج ابن آدم من العدم قلت : ياه
رجع ابن آدم للعدم قلت : ياه
تراب بيحيا ... وحي بيصير تراب
الأصل هو الموت و الا الحياه ؟
عجبي !!!
الله عليكي ياشموسه وعلي بيرمنا
تسلمي علي النقل
الناس فعلا بقيت حاجة صعب اووووى
بقوا عايزين الطقة كباب كل يوم
وعايزين الشقة فيلا في مصر الجديدة ولا الزمالك مفيش مانع
نسيوا بقى الزقة دي وان مفيش حد مخلد
ربنا يرحمنا
تحيــــــــاتي
كانت هنا ورحلت
Asmaa Fathy
جميلة جدا يا شمس .بسيطة ولها طعم لذيذ .
صحيحة وفلسفية . وكل حد فينا لازم يفتكر الكلام دا . ويخليها قاعدة في حياته دايما . بيها يرضا . يعيش في سعادة . والابتسامة ما تفارقهوش . لانه بني آدم . ويا ابن آدم ايه مرادك ... والى اخر الكلمات .
تشكراتي كامل احترامي وتقديري .
دعواتي . لكي مني تحياتي
ده ابن آدم بتاع زماااااان أوي !!
افتقدتك شمس البلوجرز وتقبلي تحيتي
شمس الشموس
صدق عمنا بيرم
بخمسين قرش ترفع ميكرفونك
لوش الفجر , و زيادة شويه
و خمسين قرش توضع نص درهم
في جيب خصمك و ترميه في بليِّه
و خمسين قرش تنهب أجزخانه
من المستشفيات القاهرية
و خمسين قرش يعفيك المفتّش
من الغرامات و يشطب لك قضيه
و خمسين قرش تتبدّل محاضر
بتهمه عليك و تتحوّل عليه
و خمسين قرش شيخ حارتك يخلِّي
ولادك , يهربوا من العسكريه
و خمسين قرش محفظتك تعود لك
من النشال بالوسطه القويه
تفتكرى يا شموسة
لو عمنا بيرم دلوقتى كان حط كم بدل الخمسين قرش
ايه رايك نخليه سؤال بوستك القادم
هههههههههههههههههههه
تحياتى
رؤى عليوة
اتفضلي ياجميل ده بيرم بتاع مصر كلها
:)
الناس دي كانت بتعمل كل حاجه باخلاص وضمير
كانوا بيقعدوا علي سحابه يألفوا ولما يخلصوا ينزلوا يسمعونا
*Tarkieb
مش كل الناس
في ناس ربنا خلقها قنوعه جدا لدرجه رهيبه
*الازهرى
الاصل هو مابعد الحياة والموت
هي دي الاصل :)
:)
رحم الله صلاح جاهين
*asmaa fathy
والله يااسماء في ناس كل املهم في الحياة انهم يتستروا
لاكباب ولا فيلا
:)
*SHARKawi
بيرم فعلا كان كلامه عميق فلسفي في غير تعقيد فلسفة المصري البسيط رغم انه كان تونسي وكان منفي لمصر
*Foxology
اهلا اهلا اااااااازيك
انت فين وحشتناووحشتنامدونتك
يارب تكون بخير
:)
*ابراهيم رزق
:))
50 قرش ده انت طيب اوي
قول 50 الف 500 الف
:)
ده غير ان البني ادم اصلا بقا رخيص جدا
خرطوش حي واقلب في الزبالة
:(
إحنا ليه عنصرين قوى مع عم بيرم ونقول عليه (التونسى) رغم إنه مصرى حتى النخاع فى كل حاجة بإستثناء إنه من أصل تونسى
الشهوة و الطمع تعمي العيون فلا نرى الحقيقة
بيرم يا شمس كان من الزمن الجميل
واسعدنى كامل حظى وسعادتى ان رأيته يوما فى الدرب الاحمر وهو خارجا من دار الكتب حاملا تحت ابطه اكثر من كتاب كانه بائعا للكتب القديمه بكامل كلماتها وطربها ووزنها وحسها
رحم الله بيرم رحمة واسعة
عندك حق بس للاسف ماحدش بيستفاد من كلام حكيم اتقال او من تاريخ طويل اتكتب
والغريب ان الواحد يتصرف علي ان الحياة ابتديت اول ماهو اتولد وماتكتبش في سطورها غير افكاره هو وبس
فالطبيعي انه مابيتعلمش
موضوعك شدني كالعادة
شكراً علي المشاركة
وحشتينىىىىىىىى
للاسف دا حال بن ادم
ولا اي اندهاش ^_^
أحييك على الاختيار الرااائع
أنا أول مرة أسمع الأبيات بس بجد أصابت الهدف
لك مني كامل الاحترام و التقدير
*محمد فاروق الشاذلى قلب مصرى
:))
ده مصري اكتر مني ومنك :))
بس يقال ان كان في بيرم تاني:))
زي نجاة علشان يفرقوا بينها وبين نجاة علي قالوا عليها نجاة
ووردة الجزائريه كان في مغنية برضوا اسمها وردة :)
*مصطفي سيف الدين
صح ياقناوي صح
*faroukfahmy58
الناس دي ماتتعوضش مابقولش ان مافيش مواهب تاني الوطن العربي مليان مواهب
بس مش زي دول
الان اللي كتب له كلمتين افتكر نفسه حاجه
فاالموهبه بتضيع
لكن الناس دي كانت تفضل تلامذه وهمه اساتذه
شوف انيس منصور لما كان قاعد امام طه حسين
وشوف دلوقتي اي كاتب عنده موهبه واشتهر نص نص بروايه ولا اتنين وهو قاعد مع من هو اكبر واعمق منه
اييييييييييه يااستاذنا الدنيا اتغيرت اللي زينا عايش فيها غريب
:)
*صاحب الحبر الأسْوَد
اهلا بيك
كلامك صح طبعاااااا
ربنا يحسن ختامنا
*كيــــــــــــارا
كوكيييييييييييي
حبيبتي
وحشتيييييييييييني جداااااا
يارب تكوني بخير
انتي فين
:))
* مجلة الأم الصغيرة
اهلا بيكي
هي دي حقيقة لبني ادم من اول يوم الي اخر يوم:)
نورتي
انتى فييين ياشموسه بقالك اربع ايام بحالمهم منورتيش المدونة ببوست جديد
عموما
ادعوكِ لزيارة مدونتي المتواضعة
وذكر رأيك في ( في دار المسنين )
آخر كتاباتي حالة عشتها للأسف
وتأثرت بها ولم أستطع نسيانها فقررت أن أكتبها
علي هذا الرابط
http://asmaafathy.blogspot.com/
تحيــــــــــاتي
كانت هنا ورحلت
Asmaa Fathy
الله يرحمه .. ويرحم ايامه بقا :)
صباح الغاردينيا شموستنا
للأسف أصبحنا نركض خلف ملذات الدنيا
ولا ندري متى نستفيق "
؛؛
؛
لروحك عبق الغاردينيا
كانت هنا
reemaas
من زماااان ما جيتش هنا ...
لكن هنا زي هناك .
مافيش فرق ...
الارض هي الارض
والسما هي السما .
لكن ابن ادم هنا ...
مٌش زي هناك .
اختيار راائع شمس
تقبلي مروري
تحياتي
*asmaa fathy
انا موجوووده اهو :))
كنت مشغوله جدااااا
انتي ازيك يارب تكوني بخير يارب
وطبعا هروح جري اشوف ايه الموضوع :)
انتي كتاباتك جميله :)
شكرا علي سؤالك عليه :)مااتحرمش
*فتاه من الصعيد
ايييه كانت ايام
انتي ازيك يارب تكوني بخير :)
* ريـــمـــاس
ريماس الجميله
:)
الاستفاقه عند الرحيل
* عـصفور مهاجر
اهلا بيك وحمد الله علي السلامه
البني ادم هنا زي هناك
هو هو مابيتغيرش
* salwa abdelhalim
شكرا ليكي
واهلا بيكي دائما
إرسال تعليق