الأربعاء، 8 مايو 2013

بمبي بمبي:)

بجد مش مصدقة اللي بيحصل اليومين دول في مصر
ديل حصان وقلنا 
مااااااااشي
سلسلة وقلنا
مايضرش
انسيال وحظاظة وحركات وماله
لكن 
بنطلونات سكيني
حمرا وفوشيا وبمبي 
و تيريكيوووووووواز

:))
اهو ده اللي مش ممكن 
ابداااااااااا
طيب 
احساس الشاب اللي ماشي
لابس بنطلون اسكيني وتيريكيواز 
ايه؟
طيب 
لوخارج مع خطيبتك
وهوووووب 
جت الطوبه في المعطوبة
 ولاقيتها جايه لابسه هي كمان زعطلون سكيني 
وتيريكيواااااز
شكلكم هيبقا ايه
؟؟؟؟ 
:))
شباب حلابوظة صحيح

هناك 32 تعليقًا:

Bent Men ElZman Da !! يقول...

ههههههههههههههههههههههههههه
جديده حلابوظة دى
الموضوع بقاله كتير بس دلوقتى زاد عن حده
كان الأول البناطيل الواسعه الساقطة دلوقتى بقت السكنى
والله أعلم بكرة هيبقى فى ايه!!

يعنى اية بردو حلابوظة أصلاً؟؟

الازهرى يقول...

عدى يا ليلة

أسماء فتحي يقول...

اه والله ياشموسة الموضوع بقى مستفز جدااااااااااااااااااااااااااا
طريقة لبس الاتنين بقيت مقرفة بجد
وبالزات اشباه الرجال
لا استيل لبس ولا اكسسورات ولا الوان وتسريحة شعر ولا حتى طوله فيها حاجة ينفع ننسبها للرجال
اللي اتقال عنهم قوامون علي النساء ولا اللي المفروض يكونوا مسئولين عن أسرة او بيت
بجد ربنا يهدي

تحيـــــــاتي

Do3aa El_attar يقول...

هههههههههههههههههههههههههه

شباب آخر زمن ياشموسة :D

أنا كبنت أقدر أقولك أتكسف البس البناطيل دي وأمشي في الشارع مفرقعة كدهون فمابالك بإنه ولد :/ :/

ابراهيم رزق يقول...

شمس الشموس

هههههههههههههههههههههههههه
شباب حلابوظة صحيح

انا صحيح ممكن البس الالوان دى بس تشيرتات و قمصان
لكن بنطلون مش ممكن ابدا

بس لو خطيبته لابسه نفس اللون ممكن يبقى يونفورم

تحياتى

Ramy يقول...

هههههههههههههههههههههه

مبينفعش اعلق غير كدة (((:

شمس النهار يقول...

* Bent Men ElZman Da !!

:))
فاضل لهم الجيبات :))))
الحلابوظة دي كلمة بقولها عن اي شئ هلامي :)))

شمس النهار يقول...

* الازهري

عدي ياليلة :))
بس لما بيعدي واحد منهم جنبك ايه شعورك تجاهه:)))

شمس النهار يقول...

* asmaa fathy

ده استيل :))
المشكلة ان ده بينعكس علي الشخصية كمان
وبيقولك نسب الطلاق زادت ليه:)

شمس النهار يقول...

* doaa elattar

المشكلة تقبل الشاب للكلام ده نفسيا

يعني بيحصل تغير في نفسية الرجال :)

ربنا يستر علي الجيل اللي طالع

شمس النهار يقول...

*ابراهيم رزق

ايوة :))

يبقوا مأنتمين في الزي:))

شمس النهار يقول...

* Ramy

:)))
ايوة صحيح شر البلية مايضحك :)

P A S H A يقول...

نسأل الله الهداية

amiraali يقول...

الموضوع ده بقي مقزز ومقرف جدا..فاكرين نفسهم ماشيين ع الموضه..دول بيتخلو عن رجلوتهم..حرااام يتقال عليهم رجاله اصلا ...الموضوع زاد عن حده ..انا متنرفزه منهم اوي

النسر المهاجر يقول...

شمس النهار
على فكره أنتى كده سبيتى الشباب لما وصفتى دول بالشباب فيه وصف يليق عليهم أكتر ومش هيزعلهم أوى لانها مش بتفرق معاهم ممكن تسميهم (المخنسين)متشبه بالنساء
الرجل مفروض يكون خشن فى مظهره لين فى طبعه وتعامله مش مايع
أكتر حاجه ضايقتنى واحد لابس حظاظه فبقوله ملهاش لازمه فى ايديك ومخليه شكلك مش كويس وكان يقولى دى بتحفظ توازن الجسم دا على اساس الناس قبل إختراع الحظاظه كان ماشين مسطولين

أنا طبعا بشكرك جدا لانك إتكلمتى فى خلل إنتشر أوى بين الشباب وربنا يحفظنا

Mafrousa يقول...

هههههههههههههههههههه
حاجة تفرس و تغيظ الصراحة
بيقلدوا و خلاص و هو ده اللى جايبنا ورا

سواح في ملك اللــــــــــــــــــه- يقول...

متعرفيش قد ايه بتجيلي قرفة ياشموسة

من مثل هذا النوع من المخنثين

فللرجال وقار

في الملبس والحديث والمسئوليه

تحيتي ياشموسة

سواح في ملك اللــــــــــــــــــه- يقول...

مسخرة ياشموسة

الشباب دلوقتي بقوا مسخرة

شمس النهار يقول...

* P A S H A

آمين

شمس النهار يقول...

* amiraali

هرجع واقول الشاب ده اكيد مش يتيم
ابوه فين
فين دور الاب اللي يعرف ابنه انه راجل

شمس النهار يقول...

* Gamal Abu El-ezz

:))
حلوة بتاعة الحظاظة دي
فكرتني بواحد زميلنا كان من صغره مربي شنبه يعني ثانوي كده وعنده شنب ولما كبرنا واحد زميلنا تاني بيقوله مازهقتش من شنبك ده يااخي جرب واحلقه
رد عليه وقاله احلقه ازاي ده عاملي توازن
ده انا لو حلقته ممكن اقع علي ضهري
:)))
شوف الفرق بين الاتنين

شمس النهار يقول...

* Mafrousa

:))

ياهلا ياهلا

هو الفرسه بقت اكتر من الاول بكتييييير
بس المحلات كمان بقت مخلبطاني ده محل بنات والا صبيان:))

شمس النهار يقول...

* سواح في ملك اللــــــــــــــــــه

غير ان الرجولة شئ فطري

الا ان الولد برضوا لازم يتعلم الرجوله من والده ووالدته

يعني لما يجي يلبس حاجة مش مناسبه للرجال ابوه يوجهه
للأسف ده مابيحصلش وربنا ستر
شبابنا بقا بيقلد اي شئ وكل شئ

رحاب صالح يقول...

ممممممممممم
فعلا حاجة بقت تقرف والله
حتي الالوان بقينا مش عارفين هو في الوان بناتي دلوقت والا كله خلطبيطة
اصلا احيانا بشوف ناس مش بكون قادرة احدد هما اولاد والا بنات .... ممن لبسهم وكرمهم وطرقعة اللبان ف بؤهم

ندى الربيع يقول...

عندك حق شباب ضايع على الأخر شباب بجد مينفعش يتحمل مسئولية نفسه هيتحمل مسئولية حد تانى ازاى ، ربنا يصلح حال المسلمين ...

Days and Nights يقول...


الأخت الغاليه والعزيزه / شمس


هو الزمن أتغير ولا أيه؟؟؟

باين كده الموضه الجايه للشباب

جيب وبلوزه وحلق فى الودن

سيبك أنتى أنا مش خايف غير

إن الرجاله بعد كده تلبس حجاب

وتكتر بقى قضايا التحرش

هى الدنيا كده سلف ودين

ويطلع واحد يفتى ويقول

يا معشر الرجال النقاب هو الحل

لمن خاف منكم على نفسه الفتنه

تحياتى لروحك الطيبه

تامر

شمس النهار يقول...

* re7ab.sale7

النوع ده اللي ملعون
من الله
اللي مايبانش ده ست والا رجل
المتشبه بالنساء والمتشبهه بالرجال

شمس النهار يقول...

*ندي الربيع

شباب مش لاقي حاجه تشغله صح
جري وراء موضه خايبه

جميله المصرى يقول...

السلام عليكم

ممكن تزورى مدونتى وتشوفى الرابط ده

http://gamilaelmasry.blogspot.com/2013/05/blog-post.html

كل الشكر

اختك جميله ام مريم

شمس النهار يقول...

* Days and Nights

يااهلا يااهلا :)

الزمن بيتغير ايوة
بس المفروض ان الثوابت مابتتغيرش
يعني هيفضل الرجل رجل
والست ست ولا ايه ؟

وضحكتني اوي حكاية النقاب للرجال دي:)
نورتني

شمس النهار يقول...

* جميله المصرى

وعليكم السلام ورحمة الله وبركاته

حاضر من عينية اروح هناك ان شاء الله حااااالا:)

ذو النون المصري يقول...

فعلا و الله حلبوظه