السبت، 14 سبتمبر 2013

مساجد الله

عملية غلق المساجد بعد الصلاة
 اللي بقالها سنين رجعت تاني
طيب رجعت ليه؟
مش لما اتحط فيها سلاح
واستخبي فيها خارجين عن القانون
وهو مسجد الفتح الرائع ده
اتبهدل من مين
مش من ناس قعدت فيه وخربته
وهو بيت ربنا بيتعمل فيه كده
وغلق المساجد اللي اقل من 80 متر
ده قرار انا مبسوطه بيه
لييييييييييييييييه
في قانون في مصر بيقول ان اللي بيبني مسجد في عمارته بيعفي من العوائد
هوبااااااااااااااااااا
كله بني مسجد تحت البيت
يعني مش مبني لوجه الله
طيب ايه المشكلة
المشكلة ان ده مسجد في عمارة 
فيها سكان وكل ساكن حر في شقته 
طيب تضمن ان الشقة اللي فوق المسجد دي شقة ناس افاضل ولا شقة استغفر الله العظيم؟؟!!
بلاش كنت بصلي التراويح في مسجد تحت عمارة
واحنا بنصلي كان في حفلة عيد ميلاد في الشقة اللي فوق المسجد علي طول
والدي جي وهابي بيرث تويو بتجلجل فوق دماغنا 
وطبعا تركيز وروحنيات ايه بقا
ومره صليت في مسجد تحت عمارة العشا في الصيف
وكان في خطوبة في شقة في العمارة
وحدث ولا حرج بقا
كمان اغلب المساجد دي لاتخضع لوزارة الاوقاف 
وطبعا بيروج في بعضها لأفكار غريبة 
وصلتنا للي احنا فيه ده وتسمع اغرب خطبة جمعه
وخصوصا في العشوائيات
ده يرضي ربنا

هناك 8 تعليقات:

ابراهيم رزق يقول...

شمس الشموس
صباح الفل

صاحب عمارة جنبنا
عمل مسجد فى العمارة المخالفة
و بعد ما وصل نور و مية للمسجد و طبعا العمارة
المسجد اختفى و ظهر بنيو لوك جديد
محل ملابس و لامؤخذة احذية

انا ممش بس بايد القرار
انا بطالب باغلاق اى مسجد حتى لو كان عشرين فدان اذا لم يتوفر له شيخ مؤهل مستنير
هو ينفع مستشفى القصر العينى تشتغل من غير دكاترة و نستبدلهم بعطارين

تحياتى

الحياة الطيبة يقول...

شمس النهار طرحت نقطة مهمةخاصة في فترة حرجة ، قرار صائب والله يديم عليكم الأمان ويحفظكم ويسدد خطا كل من رغب بصدق في أن يحفظ لمصر أمانها وينهض بها .
نتابع أخباركم كل يوم وندعوا لكم ونستبشر بغد لأن يكون أفضل فأنتم شعب طيب بالسليقة لذا نحن على يقين بأن الله حافظكم ، دمت بود ، تحياتي .

النسر المهاجر يقول...

ده ميرضيش حد
وزى محضرتك قولتى الهدف انه هسعفى من المصاريف ده لو عامل مسجد لوجه الله كان بناه فى ارض مستقله أو فى العماره بس مش لسبب غير رضاء وجه الله فقط للأسف الناس بتستغل قانون الخاص بكوردون المبانى ويبنى مسجد فى الأرض الزراعيه وهدفه ان الاراضى الى جمبه تدخل كوردون

شمس النهار يقول...

*ابراهيم رزق

خد من ده كتييييييييييير
فاهمين ان الفهلوة هتنجيهم من ربنا

الجامع بتعامل مع النفوس
لازم يكون فيه شايخ صالح لا هوي له الا مرضات الله

شمس النهار يقول...

*الحياة الطيبة

اهلا بيكي تعليقك نور المدونة
وادعي لمصر
ان شاء الله مصر بخير
ادخلوا مصر ان شاء الله امنين

نورتيني

شمس النهار يقول...

* Gamal Abu El-ezz

الناس دي فاهمه انه ممكن يضحك علي الحكومة بس مش ممكن تضحك علي ربنا
ويعني لما يقرب الجامع فين بقا الخطوات اللي هياخد عنها ثواب وهو رايح للمسجد

r يقول...

انا معاكى فى مسأله الزوايا وتحت العمارات لان محدجش عارف بردجوا مين الامام اللى فيها وكمان قرار ان الائمه خرين الازهر بس اللى تأم الصلاه دا ممتاز لان فى مسجد جنب بيتى بسبب الشيخ اللى صوته مش تمام وكمان مش عارف يقرأ القرأن بالتجويد مش بروحه خالص بالرغم ان قاعه النساء فيه ممتازه - انما غلق المساجد انا ضدها تعرفى ان مره زمان رحت الحسينى ولاقيته قافل ودى كانت المره الاولى والاخيره اللى زرت الحسين فيها اتقهرت لانى ما عرفتش ادخله واصلى فيه ممكن نقول يكون فى شخص مهمته حفظ المسجد وحمايته او التبليغ عن اى اساءه فيه انما تتقفل لا

شمس النهار يقول...

*بسنت

ماحدش شجع غلق الجوامع
لكن الزوايا دي بقت مركز لأرباع المشايخ
!!
والتطرف