السبت، 25 يناير 2014

25 يناير

النهاردة
25 يناير
يامهون يناير قرب يخلص اهو
ماعلينا
امبارح صدعت وزغللت واحوليت
وانا علي غير العادة من مدة
بقلب القنوات وبجري ورا المحللين السياسين
والامنين
لحد ماهوووووبا
شوفت الفديو بتاع المتحف
اللي طبعا اكيد مدير امن القاهرة
هيموووووووت
انه اتسرب
واتفرج ياسلام
علي تامين مديرية الامن
عربية بيضا شبه عربيات المباحث
تيجي تركن بهدوء وشجاعة امام المديرية
في نفس موعد تغيير النابطشية
وينزل منها ارهابي بهدوء وثبات وهو بيطلع لنا لسانه
وتيجي عربية تانية
في ثانية تاخده خده ربنا
اوم اييييييه
عسكري الحراسة مايلاقيش العربية دخلت ولا نزل منها حد
يروح يبص عليها
ولما يلاقيها فاضيه يروح يبلغ
المهم الموضوع اخد 3 دقائق بالظبطت
ياناس العربية دي مشيت في القاهرة ازاي
واحنا بنتكلم يوم جمعة الساعة ست الصبح
يعني الدنيا فاضية
نجاح العملية دي في تحرك العربية اصلا
كده كده اكتشفوا مااكتشفوش
هي هتنفجر
العملية دي علشان تفشل يبقا من المنبع
لكن مادام اتحركت خلاص
في خسائر في خسائر
ربنا يستر
فوتكم بعافية

هناك 6 تعليقات:

فاتيما يقول...

مهو دا اللى الثوار بيقولوه يا شمس
مفيش حاجة أتغيرت
الأداء لسه هوه هواه
مهترىء
ومترهل
وتتكلمى يهبوا فيكى
ويقولوا انتى ضد البلد
وشكلك مع الاخوان والتنظيم ودياوله

احنا بنقول قصاص
عشان لنا ف القصاص حياة
الحياة دى مش هتحصل ونعيشها
الا لما نصلح اللى فات
واللى فات لسه زى ما هوه
حتى لو نيتهم كويسة
فين الحماية والحذر الخ الخ
اللى مش عارف يامن بيته
هيحمى الناس ازى .. ؟!

قصره
ربنا يسلمّ البلد

وكل يناير وانتى بألف خير

sony2000 يقول...

ربنا يستر بجد

النسر المهاجر يقول...

كل الى بيحصل فى مصر الهدف منه الرجوع للوراء ليس الا

الدول الى بتتقدم بتتقدم لانها ديما نظرها لقدام ايا كان الحاجه الى بتنادى عليها مش بتبص ليها اليابان وامريكا بيكرهوا بعض بس علشان مستقبهم بيتعاونوا مع بعض

احنا كمان عايزين منشوفش غير المستقبل والى يقف فى طريقنا ميلومش غير نفسه وبس

شمس النهار يقول...

*فاتيما

لا طبعا مافيش حاجة اتغيرت
ودم اللي راحوا حصل دم اللي راحوا في 67
من امتي في دم حقه بيجي

والعيشة هي هي
بالعكس
العيشة اتاندلت
والغلابه بقوا اكتر من الاول
وسياسيا حدث ولا حرج
وامنيا برضوا حدث ولا حرج

بس املي في الله كبير
وربك رايد شئ موجه كل شئ تجاهه

شمس النهار يقول...

* sony2000

لاتقلقي
انتوا الامل في بكره

شمس النهار يقول...

* Gamal Abu El-ezz

الدول الكبري عمرها ماهتسمح لك تكون اكبر من اللازم

وخايفين اصلا من توحد العرب لأن العرب عندهم الايمان
وبيكرهوا بعض وبيتوحدوا علي ازيتنا نحن العرب

واليهود تقريبا بيتحكموا في اغلب اقتصاد العالم
وهقول ايه ولا ايه
الحمد لله