الثلاثاء، 28 يناير 2014

البرنامج

بيقولك ايييييييييييه
هننتخب السيسي ازاي
مش نعرف ايه البرنامج الانتخابي بتاعه الاول
ضحك مني هستيري
ليييييييييه

؟؟؟
بمااني عاصرت خمس رؤساء جمهورية
في عين العدو
جمال عبد الناصر
انور السادات
حسني مبارك
فاصل كوميدي
عدلي منصور
ماشوفتش ان اي حد فيهم 
جه علي برنامج الانتخابي ده
دول كلهم تبع برنامج 
اخترنا لك
الا فاصل كوميدي المسمي مرسي
ده جه اثر برنامج خلف القضبان
المسمي النهضة
واتحدي ان يكون قراه 
اكتر من 100 
شخص من اللي راحوا انتخبوه
ياجدعان ده احنا بلد امي
لا ماتفهموش غلط
مش والدتي 
لا
بلد نمره واحد في الامية
قال برنامج انتخابي قال
ياشيخ روحوا كده ولا كده

هناك 8 تعليقات:

مصطفى سيف الدين يقول...

والله احنا شعب مسخرة هههههههههه

ندى الربيع يقول...

دمك خفيف ع فكرة ضحكتينى
ربنا يسعدك ، بس قوليلى ازاى عاصرتى كل الرؤساء دول ليه عندك 100 سنة يا بنتى انتى تلاقيكى اصغر منى بس دمك خفيف ، عارفه ان عندك حق ازاى هنتخب حد معرفش البرنامج الانتخابى بتاعه ايه بس بينى وبينك ده احسن الوحشيين يلا محدش عارف الخير فين ويمكن هو اللى يجيب التايهه لعله خير ؛؛؛؛؛؛؛؛؛

سواح في ملك اللــــــــــــــــــه- يقول...

كلام كويس ياشموسة

بس حتي الآميين بيبقي ليهم حد ادني

من

الطموحات

يجب علي من يتولي امرهم تحقيقها

وهو ده البرنامج الانتخابي لآي رئيس

تلبية طموحات شعب يطمح في ان يعيش

سواح في ملك الله

نيللي علي يقول...

فاصل كوميدي..كله بالحب :D

ضحكتيني بجد..جميلة شمس:)

شمس النهار يقول...

*مصطفي سيف الدين

اجمل حاجة اننا بنعدي علي الجرح بفرح :)

شمس النهار يقول...

*ندي الربيع
شوفي ياستي صلي علي النبي
جمال عبد الناصر مات وانا عندي 12 سنة جميل
والسادات مات وانا عندي 23 حلو
ومبارك بقا ومورسيكا وعدلي وادينا داخلين علي الرئيس الجديد
:)

شمس النهار يقول...

* سواح في ملك اللــــــــــــــــــه

يااهلا يااهلا
فينك يارب تكون بخير

وهو حد قال انهم ماعندهمش طموحات دول اكتر ناس عندهم طموحات مشروعة جميلة
واهمها الستر والصحة
احنا بقا عايزين رئيس يجيب الاتنين دول
الستر يعني الناس تقدر تاكل اكل حلال كويس وتشرب مايه نضيفة مش ملوثة وتسكن في بيت ادمي مش عشه ولا يهدر كرامتها
والصحة ان المريض يتعب يتعالج صح وبأدميه وعياله يطلعوا في بيئة ادمية
هي طموح الانساس الامي في بلدي
بس هو مش هيعرف يقرا الكلام ده هو عايز يسمعه يحسه يلمسه يعيشه
واي حد هيعمله له هيشيله علي الاكتاف والراس
الناس مش عايزة برنامج مايفهموهش وكلام مايقدر عليه الا بتوع السياسة
الناس حبت عبد الناصر علشان اداهم احلامهم خلاها حقيقة
نخلي املنا في الله

شمس النهار يقول...

*نيللي علي

:)
ايوة كله بالحب :)
وخصوصا ان عيد الحب قرررررب
:)
نورتيني