مساء اي مساء بقا
عليكم
و
بالبلدي بقا كده
موضوع سيناء ده
علشان انا زهقت
اللي عنده مصالح وسبوبه
ونفقين تلاته مظبطينه فلوووووس
مهيص الدنيا وبيولو وبيندب
ويقولك حقوق ومش حقوق
واللي
مالوش في ده موافق ومبسوط
ومش فارقة معاه
و بيضحي علشان الكلاب اللي بتنهش فينا تغور
ايام الحرب مع اسرائل
مدن القناة اتهجرت واتوزعت علي الجمهورية
علشان عبد
الناصر يستفرد بالصهاينة
وماحدش اعترض ولا لولو
ودي مدن بحااااااالها
وانتوا بتولوا زي البغبغانات
علي
الرجوع في نفس المكان شوية
ده ايه النيلة البني دي
مش قلتلكم
لو اللي موجودين دلوقتي
همه اللي كانوا في
67
ماكناش عبرنا وانتصرنا
ارحمنا يارب
هناك 9 تعليقات:
الكلاب اللى بتنهش بقت كتير وماصين دم الغلبان
دلوقتى لا فيه رجوله ولا نخوة ولا حب حقيقى لبلدنا
كلنا بقينا بغبغانات بنرمى كلام لاعارفين قيمتوا ولا عارفين معناه
ملحوظه ياستاذتى فيه تدوينه عندى هتعجبك وفيها اسمك مشرفنى اسمها اعز الناس
فعلا يا شموسة
لو مرحمناش يا ويلنا
لأ مش أي مسا..مساء الخير، أستاذتنا :)
..
الموضوع ده عشان مش واضح للجميع ناس كتير بتقول فيه أي كلام وخلاص، لأنهم ما ينفعش يسكتوا، أو وهما ساكتين بيبقوا مش مستريحين!
يمكن اللي بيحصل في سيناء واقعيا مش واضح وناس كتير مش فاهماه، وأنا عن نفسي مش فاهم!، لأن الوضع غامض. لكن أنا واحد من الناس مع اللي بيحصل هناك لأسباب اعتبرها كفيلة بإن ده يحصل.
وهاعرض جزء بسيط.
انا شغال في مجال الزراعة، وبنتعامل مع "العرايشية" كتير جداً، وبنتجاوز أحيانا في أماكن الزراعة، وفاكر في 2012 في سنة مرسي كانوا بيشتكوا من قلة الانفار اللي بتشتغل معاهم لأنهم في البلد "العريش يعني" بيشتغلوا في حفر الانفاق والتهريب، وده مربح ليهم أكتر!
أعتقد اسرائيل لما وافقت إن مصر تدخل قواتها سيناء وتهدم الأنفاق ماكانش في بالها، ولا في بال اللي صدعونا بالكلام!، إن ده هيجي على دماغها، وإن ده هيوقف حال الانفاق اللي بتهرب لنا من خلالها المبيدات الإسرائيلية المسرطنة، وشبكات ري، وسلاح متكهن في الجيش الإسرائيلي، وحبوب مخدرة..الخ.
و"العسكر" بتوعنا، وأنا هأستخدم كلمة عسكر لكن بغرض غير غرض ناس تانية، أظنهم كانوا أذكياء جداً، لأنهم أظهروا أسباب لتواجدهم في سيناء ولهدم الانفاق غير الأسباب الحقيقة ورا دهن وأظنهم نجحوا، واما اسرائيل اكتشفت ان اتضحك عليها ما كانش ينفع يتراجع، فالكالعادة لعبت في المية العكرة!
كل اللي بص للموضوع قالك مصر بتخنق الفلسطينين بهدم المعابر، ودلوقت بيقولك العسكر بيقتلوا وبيرحلوا وبيبيدوا اهل سيناء!، وما حدش فيهم بص للبلاوي اللي بتدخل لنا منها، لأنهم ببساطة ما يعرفوهاش ولا عمرهم سمعوا او هيسمعوا عنها. لكن لأننا في مجال شغل معين، وبنتواجد في اماكن معينة، وبنتعامل مع أشخاص معينين، فعارفين كل البلاوي دي، او على الأقل شوية منها. ولأننا عارفين غن اللي بيحصل للتحجيم منها، فموافقين عليه.
.
لا حضرتك الكلام فيه مغالطات و بلاش نبص تحت رجلينا
اولا الدستور اللي قالو عليه احسن من دستور الاخوان المزفت..يمنع التهجير القسري..طبعا يعملوه قراطيس لب احسم
ثانيا انا لاعندي نفق و لا ليا سبوبة و معترض لاني باتخيل نفسي قاعد في امان الله في بيتي ييجي واحد بقول لي اطلع بره هانفجر البيت علشان مصر..اذا كنت انا مصر و انتي مصر و كل واحد مصري هو مصر
ثالثا اهل مدن القناة ماجاش ليهم امر بالتهجير سعادتك دول كانو تحت النيران الصهيونية فسابو بيوتهم و لما خلصت الحرب رجعوا لبيوتهم
انما اهل رفح بتتفجر بيوتهم و بكره الدور جاي علي ناس تانيةفي سينا مادام الناس سكتت
اخيرا الربط بين جنودنا اللي بيموتوا و بين التهجير فده مشي ورا طبالين الاعلام..حضرتك المقصر يتحاسب و الجيش يصحصح و يامن كماينه و معسكراته
كفاية عليكي كده
احب اقول السلام عليكم والى احنا فيه ده من علامات يوم القيامه
لا اعتراض عندي اطلاقا علي اي تهجير طالما لهم تعويضات و حقوق مرعية
برافو عليكى .. جبتى المفيد فعلا شموسة .. تسلمى حبيبتى و يسلم فكرك و يا رب بس نفهم ..
وحشتينى و مبسوطة أنى رجعت تانى للمدونة و التدوين و الناس الطيبين :)
ياريت ولوله
ده تخوين و و كلام يحرق الدم من الاخوان المنتفعين اي تقليب و تحريض
لك الله يامصر
إرسال تعليق