حدثني في سطرين
*الماني يقبل صوره لزوجته المتوفيه اثناء استلامه الميداليه الذهبيه في رفع الاثقال
*رجل بنكي النزعه يهرب ب28مليون جنيه من بنك التنميه الزراعي
*مدير محترم بشمال سيناء يجازي نفسه والعاملين معه للتقصير
*سفينتين غير عربيتين تكسران حصار غزه
*الرئيس يأمر بالتحقيق في خيبتنا في الصين
## رسائل أوليفر ساكس: نافذة على عبقرية حساسة
قبل 12 ساعة
هناك 9 تعليقات:
* الألماني .. رجل وفي لزوجته .. ايه غريبه ؟! معندناش منهم دول ؟ لا عندنا وكتير كمان :D
* البنكي .. شحات بالفطره .. 28 مليون ملطوش ايه دول اللي يتهرب بيهم ؟؟!! ان سرقت اسرق جمل.
* مدير شمال سيناء : أشك .. بس مبروك عليه الأجازه .. يا رب يستمتع مع الأسرة الكريمة
* السفينتين : غير عربيتين !! كلمتين محشورين وسط الجمله لم يضيفوا جديداً للمعنى .. كنا هنعرف لو متكتبوش .. على فكره السفينتين كان على متنهم نائط سلام إسرائيلي أجرت معاه الجزيره مباشر لقاء امبارح
* الرئيس : مقالة عبدالباري عطوان في القدس العربي بعنوان " من يحقق مع من يا سيادة الرئيس؟
عمت مساء
آه
والحوار مع ناشط السلام الإسرائيلي اللي كان على متن احدى السفينتين .. وهو صاحب حركة ضد هدم البيوت .. اللي كان على الجزيرة مباشر امبارح ده لنكه
اقدر اجاوبك على بتاع شمال سيناء بس
هى دى احنا يا شمس انا عرايشيه وعندنا كلمه واحده وبنحاسب نفسنا على غلطنا صدقينى
*تافاتيفوا
شكرا يادرش انا شفتها من عند نواره حاجه تكسف
انت بتعملها ازاي دي
*ابي
ياريت ياابي كل مصي يحاسب نفسه
كانت هترجع جميله
شمس
لو كنا احنا أخدنا اى ميداليه دهب هناك مش كنا هنتصور واحنا بنبوس صوره زوجتنا الراحله كنت هتلاقينا بنبوس زوجاتنا وحمواتنا وحتى المذيعه لو لزم الامر . بلاش التفرقه دى تقصدى يعنى ان الالمان اوفياء واحنا بنتجوز اربعه وماملكت ايمانهم . انتى عنصريه قوى .
*ابو الجووووم
انا ماقصدتش حاجه ياعم ماتوقعنيش في الغلط
انا بصحح الامتحان بس
وكل واحد واجابته
والا انت علي راسك بطحه
شويه تقولي قوامه
وشويه تقولي هتجوز اربعه
ياعم براحتك
مايبقاش قلبك اسود كده
عشان ربنا يكرمك
وبعدين اشمعنا الالماني اللي علقت عليه
البقيين مالهم ما واحد حرامي والتاني
شريف زياده عن اللزوم
وبتوع السفنتين اللي طلعونا كلامنجيه
في ايه ياريس
الالماني بس اللي عجبك
الألماني بيبوس الصورة عفانا بجميلها لأنها توفت و تركته يتفرغ للتفوق
البنكي خايب 28 مليون بس
مدير شمال سيناء ياسلام طب مايستقيل و يسيب حد اكفأ منه يبقي مدير
طبعا السفينتين غير العربيتين هي العربيات بتمشي في البحر
طبعا الرئيس لازم يحقق ماهم خايبين و ماعرفوش يجيبوا ميدالية يهدوهاله بصفته راعي الرياضة و الرياضيين يعني هو اللي طلع من الأولمبياد بلا حمص قصدي مدالية
كل السطور لا محل لها من الأعراب الا ان قولنا
لا حول ولا قوة الا بالله العلى القدير
الله المستعان
وفقك الله لما يحبه ويرضاه
*نور
شوفتي ياستي العجب
ربنا يرحمنا
إرسال تعليق