الأحد، 5 أبريل 2009

التاج اه من التاج ده

تحديث
------ ابني كيمو (صوت من من مصر) دعاني لمدونه جميله اسمها صور من مصر ارجو انكم تزوروها
********************************************
التاج اللطيف ده تم اهدائه لي من اكتر من شخصيه بحبها وعشان مايزعلوش حاضر هجاوب عشان عايزه ابتدي في سلسلة الحب من غير ما تقطعها حاجه
وعايزه الفت نظركم ان بوستات الكلام عن الحب مش هتكون بوست وبس لا دي هتكون بوست وتعليقات يعني اللي يزور المدونه يقرا البوست وكمان التعليقات عشان هنفتح مواضيع كتيره في التعليقات وانتم هتشتركوا في الموضوع من خلال التعليقات وكمان تردوا علي بعض بالتعليقات
يعني بوست جماعي بتعليقاته
كل اللي هيعلق ينتظرني انا او حد تاني غيري يرد علي كلامه ونتحاورمع بعض
نستعين علي الشقا بالله ونبتدي التاج
- اٍسمك ؟
شمس النهار :)
- المشهور بيه وسط اصحابك..؟؟؟؟
شموسه
سنك..؟؟؟
هو في حد في البلوجر لسه مايعرفش سني ؟!
49 والله علي مااقول شهيد
مجال دراستك...؟؟؟
فنون جميله قسم ديكور شعبة عماره داخليه هكذا قالولي
- اسم مدونتك....؟؟؟
شمس النهار( بصراحه سؤال رخم رخامه )
صورتك الرمزيه بتعبر عن ايه...؟؟؟؟
انا بحب الورد جدا جدا وبحب يكون في الفازه علي قدر المستطاع ورد بلدي وزنبق لما بيكون اوانه
وفي يوم اشتريت ورد بلدي وكانت الورده دي برعم صغير جدا جدا بالنسبه للبراعم اللي جنبها عشان بحب اشتري الورد البلدي براعم
ويوم عن يوم كل يوم الاقي البرعم ده بيفتح والورده بتكبر بشكل غريب وحجم مبالغ فيه
وكنت كل يوم بصورها لحد ما اول ورقه وقعت منها اخدتها وصبرتها في مجلد للفراعنه
وهي دي صوره لها قبل ماتتصبر
- هل فكرت في اغلاق مدونتك....؟؟؟؟
نعم حصل بس القرار ده مااخدش اكتر من نص ساعه وقلت لا مش انا اللي اهرب
عشان انا طول عمري مابحبش الهروب
- ايه رد فعلك لو حد قل ادبه عليك في تعليق...؟؟؟
بمسح التعليق مش عشاني بس عشان ماضايقش المدونين المؤدبين اللي بيدخلوا
- اسوأ مدونه...؟؟؟
مااعرفهاش ومابتعلقش في ذهني
- هايحصل ايه لايميلاتك بعد ماتموت....؟؟؟
:)ميلاتي طبعا هتموت معايا مش احنا سوا علي الخير والشر
- اديت الباس ورد لحد قبل كده...؟؟؟
طبعا :)
- السفر بالنسبه ليك ايه...؟؟؟؟
بطبعي مابحبش الترحال ومابحبش الغربه ومابحبش ابعد عن البيت كتير
بس في سفر بيبقا جميل من الصحبه الحلوه
- المود بتاعك ايه...؟؟؟؟
الحقيقه في انسان غالي عليه جدا قال لي انت عامله زي الوتر المشدود الحساس
وانا بثق في كلامه
- بتعمل ايه في وقت فراغك...؟؟؟؟
:) وقت فراغي انا سمعت الاسم ده قبل كده
لا انا ماعنديش وقت فراغ عشان بعرف اشغل وقتي كويس
- اكلتك المفضله ايه....؟؟؟
مالييش في الاكل اوي من ناحية الاكل بس بحب اطبخ جدا و باكل كل حاجه بس بحب الفواكه والشوكولاته جدا
وطبعا مدمنة ايس كريم وخصوصا المستكه وليه في باع طويل وبشكله بحاجات كتير ضد المنطق والرجيم والرشاقه اللي انا فيها
- الصفات اللي اخدتها من والدك......؟؟؟؟؟
الحنيه المفرطه جدا جدا
- الصفات الللي اخدتها من والدتك....؟؟؟
مش عارفه هي دايما بتقول لي مااخدتيش مني حاجه خالص
غير ان صوتنا في التليفون واحد
- اكتر ست حاجات بتحبهم...؟؟
مش عارفه حاجات والا ناس
عموما انا بحب بناتي واخواتي الصبيان جدا وامي طبعا وصديقاتي الاتنين اللي مجنينني
وصديقي الطيب جدا وبحب النت والقرايه
اما لوحاجات بحب النيل والقمر لما يكون هلال وبحب بيت ابويا
وبحب البرفان واستاذه فيه وبحب الورد والزرع جدا وبحب الايام المطر
اقول كمان والا كفايه كده ؟
- اكتر ست حاجات بتكرههم...؟؟؟
الكدب وخصوصا الرجل الكداب والخداع والحر والزحمه والانتظار والنكد والحزن والفراق وخصوصا بين الاحباب
- شخصيتك نوعها ايه...؟؟؟
مش عارفه اعتقد ان ماحدش يعرف شخصيته كويس كل واحد فاهم انه احسن الناس اعتقد ممكن تسألوا اصحابي اهلي كده يعني
بس انا انسانه عاديه جدا جدا زي كل البشر فيا كل الصفات اللي خلقها ربنا
- لماذا دخلت عالم التدوين من الاساس...؟؟؟؟؟؟؟؟؟
صديق من ايام الطفوله واخ كمان طلعها في دماغي قالي انت طول عمرك لمضه وكلنا بنحكي لك مشاكلنا ومستحملانا ماتعملي مدونه وتتواصلي مع الناس عن طريق النت
- اجمل كلمه اتقالت في وصف مدونتك...؟؟؟
قالتها محاسن صابر هي كانت كلام كتير اختصاره ان المدونه حضن للكل وانتم عارفين محاسن ومجاملتها الجميله
و كمان عمرو بدر فى مره قالى ان مدونتى بتفكره ببيت العائله
- اهميه التعليقات بالنسبه ليك...؟؟؟؟
هي الوصله اللي بيني وبين اي مدون او مدونه بيقرا البوست مش كده وبس تعليقي عند الاخريين مهم بالنسبه لي
وبحب ان صاحب المدونه يرد علي تعليقي عنده واللي مابيردش بحس انه بيقول لي تعليقك عندي غير مرغوب فيه
مره والتانيه مابعلقش عنده وبكتفي بالزياره والقراءه فقط بدون تعليق
- احلي بوست كتبته وضع اللينك واذكر السبب...؟؟؟
بوست الحزن كنت حاسه بصاحبته جدا وبانكسارها وهي اللي قويه وكنت بعتبرها صخره ماتتكسرش ولما شفتها كده حزنت عليها جدا
وترجمت حزنها اللي حسيته في البوست
- افضل مدونه قرأتها...؟؟؟
كل مدونه بدخلها بحسها واللي مابحسهاش مابدخلهاش تاني يبقا كل المدونات اللي بدخلها جميله وبحبها
- افضل بوست قرأته..؟؟؟
:) كان عند عمرو بدر واسمه شمس النهار تشرق من جديد
- الشغل بالنسبه ليك...؟؟؟؟
جميل بس الحقيقه انا بحب اشتغل ماما اكتر
- الانترنت بالنسبه ليك...؟؟؟
ابن عم الكتاب خير انيس ونافذه علي العالم و هو الشىء الوحيد اللى بيدينى و مش بياخد منى
- تمرر التاج ده لمين...؟؟؟؟؟
لكل المدونين اللي احب اتعرف عليهم اكتر
ان شاء الله هابتدي في سلسلة الحب بعد يومين استعدوا للمناقاشات الحاميه ونصحصح كده مع بعض
وامناء الشرطه علي صبرني يارب

هناك 68 تعليقًا:

عمرو يقول...

أخجلتم تواضعنا يا برنسيس :)
بارك الله فيكى و حقق لك كل ما تتمنى ..

موناليزا يقول...

انتى جميلة ورقيقة على فكرة:)
===
ممكن اعرف يعنى ايه بتصبرى الورد؟

أمل حمدي يقول...

جميلة يا شموسة ودايما يارب يبقى قلبك ابيض بلون الفل ياست الكل

يعني ايه بتصبري الورد ؟ يعني تجفيف ولا ايه ؟

Eno يقول...

الله عليكي بجد ردودك حلوه اوووووووووي
وحاستها اوي طبعا عشان صدقها يعني كلام من القلب للقلب :)

اكتر اجابه عجبتني بجد ...

الانترنت بالنسبه ليك...؟؟؟
ابن عم الكتاب خير انيس ونافذه علي العالم و هو الشىء الوحيد اللى بيدينى و مش بياخد منى
انا احيانا بحس بكده بجد :)

امتعتينا بجد :)

مستنيه باقي بوستات الحب :)

MǿиY El-Shreef يقول...

شموسه والله في حاجه غلط !!

الريدر ماقراش الا ناو والله

مش فاهمه ليه انتي ونهاد بردوا

حاجه عجيبة

ايه ده انتي متجوزه

ومعاكي اطفال كمان

اوووووه ماااي جاااد

ماكنتش اعرف انا فكراكي بنوته زينا 23 سنه بالكتير اوووي

الحجات الي بتحبيها جميله اوي خصوصا القمر

كل تاج وانتي طيبه ياشمووسه

متابعه معاكي سلسله الحب

اصله تاعبني والله ومش فاهمله اول من اخر

:D

ممممموووااه

SHAPE YOUR LIFE (ABOALI) يقول...

ياترى التاج محلى ولا مستورد
هههههههه
اجابات التاج اجابات تعلن عن حالة توافق حياتى سهل
اللى بيقولوا عليه تصالح نفسوى

ويدل انى الحياه سهله
وسهل نشكل فيها ونحس بالمعانى اللى انتى حسيتى بيها



الورد والناس الورد
تجمعهم الرائحة الطيبة

فتحياتى يا ورد

إبن مصر يقول...

السلام عليكم يا شمس المدونات

يارب كده تفضلى منوره بكلماتك السلسه الطيبه مثلك ايتها المشرقه دائما يا شموسه

تاجك جميل وسلس فى كلماته وحسيت منه انك فعلا نور بيشع طيابه وحنان على الكل حتى على نفسك

كل تاج وانتى طيبه يا شموسه يا نور البلوجرز

صبرني يارب يقول...

شموسه حياااااتي

ميرسي على قبول التاج يا قمر

والتاج لايق عليكى جدا

ماهو برنسيس بقى على راي الاستاذ عمرو بدر

تحياتي لكى يا جميل وقلتلك بقى امناء مين يا باشا اقل من لواءات ما يجوش

ادخلي انتى بس على الحب برجلك اليمين وما يهمكيش

صوت من مصر يقول...

ايه الاجابات دى كلها
مش عارف اقولك ايه احلى حاجه فى الاجابات انى حاس انها سريعه جدا ومنطقيه ؟
تسلم ايدك

طوبه فضه وطوبه دهب يقول...

كلام جميل يا اجمل شموسه واحلى ماما ومستنين كلنا بفارغ الصبر سلسلتك الجميله

عاشقه الرومانسيه يقول...

اخدتى من ماما صتها فى التليفون؟
بس؟؟؟؟
طيب الحمد لله انى بارد على التعليقات باستمرار ومش باطنش
ههههههههههههههههه
انا بموت فيكى ياشموسه وانتى من الناس اللى باهتم قوى انى اشوف تعليقاتهم على اى بوست انزله
ربنا يكرمك يارب
انا كمان باهتم انى ارجع عندك واشوف الرد
بحـــــبك

عاشقه الرومانسيه يقول...

نسيت اقولك ان البوست اللى عجبك عند عمرو هو نفس البوست اللى عرفنى على شخصيتك الجميله

منتظره سلسله الحب
شدى حيلك ياقمر
يوووووه قصدى ياشمس
تصدقى انتى اجمل من الاتنين
بوسه ليكى

شمس النهار يقول...

*عمرو
انت كده دايما متواضع يارجل ياطيب
وربنا يكرمك ويريح بالك

شمس النهار يقول...

*موناليزا
شكرا علي لطف كلامك
موضوع اصبر الورد ده هوايه عندي من زمان جداالورده اللي احبها زي ماهي كده احطها في مجلد من المجلدات الكبيره اللي عندي او روايه بحبها واحط فوقيها كتب تانيه واسيبها وقت طويل لحد ماتنشف
وبيكون شكلها جميل

شمس النهار يقول...

*ماما اموله
شكرا علي كلامك الجميل
واصبر الورد يعني الورده زي ماهي كده احطها في كتاب واحط فوقها كتب تانيه واسيبها وقت طويل بتنشف وبيكون شكلها جميل

شمس النهار يقول...

*اينو
اينو الحبيبه شكرا ليكي
وبالنسبه للنت انا بحس معاه كده فعلا سمعتي عن نت طلب من صاحبه حاجه بالرغم انه بيديله كل حاجه وبيونس وحدته ودي اهم حاجه
وان شاء الله مع بعض في بوست الحب

شمس النهار يقول...

*موني الشريف
ايوه ياشقيه انا ماما لأجمل تلات بنات وكمان حماة اجمل ولدين في الدنيا
وام لكل ولد وبنت في البلوجر كله
ان شاء الله هنبتدي كمان يومين في الحب

شمس النهار يقول...

*ابو علي
لا التاج اخو تاج محل :)
شكرا علي كلامك والمجامله اللطيفه

شمس النهار يقول...

*ابن مصر
شكرا لك علي المجامله والكلام اللطيف
ربنا يديم المعروف بينا كلنا
انا فعلا بحس انكم كلكم اخوتي

شمس النهار يقول...

*صبرني يارب
ماقدرش مااقبلوش ماينفعش ياجميل
ده اسبشيل جيفت
وان شاء الله ندخل علي الحب بقلب جامد هو احنا بنخاف حاااااااشا واكااااااالا
وبرجلي اليمين برجلي اليمين المهم هاتي عوامه احتياطي معاكي وانت جايه:)

شمس النهار يقول...

*صوت من مصر
شكرا ياكيمو ليك
انا مابعرفش اكتب والا اقول غير اللي انا بعمله وحساه فعلا مهماكانت الظروف

شمس النهار يقول...

*طوبه دهب وطوبه فضه
انت فين ياجميل الفراخ واخداكي مننا فين
مش خلاص الشتا جه وانفلونزا الطيور خلاص
ركزي معانا بقافي موضوع الحب ده

شمس النهار يقول...

*عاشقة الرومانسيه
شكرا لكي علي الكلام الحلو ده
وانا كمان بحبك وبحب اعلق عنك وبحب تعليقاتك عندي
وان شاء الله نبتدي في السلسله كمان يومين

عاشقه وغلبانه يقول...

شموستي مش بتحب النكد وبتحب الورد البلدي
والله من غير ماتقولي واضح اوي

اني احبك في الله

شمس النهار يقول...

*عاشقه وغلبانه
ازيك
انا كمان بحبك جدا وبحس بيكي وبحس انك بنت من بناتي التلاته فعلا
ربنا يريح قلبك

الازهرى يقول...

اجابات جميلة جدا

لكن فى حاجة كده
لكن المفروض انك حذفتى 9 شهور من السن
ده خطأ مطبعى ولا انتى مش بتحسبى الكسور ؟

Foxology يقول...

الاجابات جميلة جداااا وعرفتنا اكتر بحضرتك :)

تحياتى :)

شمس النهار يقول...

ازهري
اهلا اهلا ازيك انت فين واخبار السياحه الداخليه ايه
يعني خلاص ياعم كلها تلات شهور واكتب خمسييييييييييين ربيعا

شمس النهار يقول...

*فوكسلوجيا
الف مبروك علي الجائزه فرحت لك جدا جدا
شفت ربنا كريم ازاي

شاب كــ طخين ـــــا يقول...

عارفه انابحسد الاهتبقى حماتهم
يعنى مفيش بعد كده بقى
يبختهم (عينى مش شريرة ولاحاجه )علشان متقوليش فقرى ههههههههه

ارزقنا يارب بحماة طيبة كده يارب :D

اجابتك جميله اوى ويبخت الناس الابتحبيهم

سلاااااااام

شمس النهار يقول...

*امبارح كان عمري عشرين
الحقيقه انا بحب جوز بنتي جدا وكمان خطيب بنتي جدا التانيه جدا وهمه بيحبوني
وان شاء الله ربنا يرزقك بحماة طيبه
وشكرا علي كلامك الجميل

حسام غانم يقول...

جميل يا شمس !!

ghorBty يقول...

ما شاء الله

ربنا يبارك لك يا رب

عجبني الرد دا جدا

(جميل بس الحقيقه انا بحب اشتغل ماما اكتر)

ربنا يسعدك ويهنيك ويقر عينك باولادك

mahasen saber يقول...

انا مبجاملش واحلف بايه بس حرام احلف بابنى ومينفعش نجعل الله عرضه لايماننا

بس مش بجامل لان فيكى كل الصفات الحلوه هجاملك ازاى بئه ده انا ببقا فى منتهى الصدق وانا بوصفك وبوصف مدونتك لانك بالجمال والروعه والرقى ده واكتر

وبلاش تواضع بئه
عشان انتى برنسيس بجد قلبا وقالبا

mahasen saber يقول...

وحشتينى بجد وانا عارفه انى بغيب بغيب بس انا شرحتلك فى تعليق حالا بس على البوست اليى فات ببقا عامله ازاى طول الاسبوع

انا مفيش عذر ااقدر اعتذر بيه عن غيابى بس عارفه انك مقدره وعذرانى لانك ملاك والملايكه جواهم وفطرتهم دايما بيعذروا ولبحبوا وبيتغاضوا وبيسامحوا

طب احلف بئه وااقولك فعلا والله بحبك فى الله بجد وبحمد ربنا على معرفتى بيكى لانك انسانه ملاك بمعنى الكلمه

ربنا يبارك فى روحك الجميله دى دايما
ويباركلك فى ملايكتك الجمال ربنا يحميهم يا رب


وبلغيهم بيرو بيسلم عليهم جامد هو اليى بيقول كده

شمس النهار يقول...

*حسام غانم
مين جميل ده...:) ؟

شمس النهار يقول...

غربتي
ازيك اخبار المذاكره ايه ربنا يوفقك
وشكرا علي كلامك اللطيف

شمس النهار يقول...

*محاسن صابر
شكرا ليكي علي كلامك الجميل انت انسانه جميله وعشان كده انت شايفه الكل جميل
والله عذراكي وعارفه يعني ايه مسؤليه وخصوصا لما تكوني انت الاب والام في وقت واحد
ربنا يبارك لك في بيرو اللي وحشني ويبارك لك في وقتك ويقضي تعملي كل اللي وراكي
وانا كمان بحبك جدا ياأم بيرو
وقولي له البنات بيسلموا عليك والماسك في الحفظ والصون

الربان يقول...

تحياتي

شكرا علي الاضاءات الجميلة لشخصية رقيقة...

تحياتي و تقديري

عمرو جويلى يقول...

شمس النهار
السلام عليكم
ردود جميلة وبارك الله فيكِ ومتعك الله بالصحة والعافية
دمت بكل الخير

هــو..مش ..نـو يقول...

ستنا...شمس الشموسه
ربنا يبارك في عمرك...
ويزيدك من النعيم يارب..
أحلي مجامله لي كانت منك ..
شكرا لكِ.
==هوهوه=

Kiara يقول...

انتي الاميرة الحسناء

بجد انتي اجمل امراءه بكل النساء

بحببببببببببببببببببببببببببك اوي ياجمل شموسة

صوت من مصر يقول...

ممكن اشتغل مذيع
انا مش هقولك غير كلمه صغنونه صغنونه
محاسن صابر دخلت عندى وسابت تعليق بتقولى انت واخد كلام شموسه بهزار ليه مش ممكن ربنا يكرمك وتشتغل مذيع بجد
من بقها لباب السما عموما لو ينفع انى اشتغلها مش هشتغلها عشان معيش واسطه ؟؟؟؟
بجد انتى شخصيه فوق الاحترام

بلاش فضايح يقول...

حضرتك من إجاباتك واضح انك طيبة اوى ورقيقة
على فكرة كل اجاباتك عجبتنى اوى حسيت ان حضرتك تشبهى ماما كتير هى نفس سن حضرتك

أنا - الريس يقول...

والله.يا.شمس.النهار.انتي.من.الناس.المحترمين
جدا.في.عالم.التدوين.ومش.عايز.اقولك
انتي.لولا.تشريفك.ليا.في.مدونتي.المتواضعة
انتي.واقصوصة.واسيرة.اللوحة.كان.الواحد
عاش.ازاي.يكفي.إنك.كنت.سبب.اني.كملت
في.التدوين.لأن.المدون.لما.بيلاقي.نفسه
بيكتب.مواضيع.ومحدش.بيعلم.بيحس.إن
مفيش.حد.حاسس.بيه.وده.اسوء.احساس.في
الدنيا.ثانيا.ربنا.يخليلك.ولادك.وخطابهم
ويسعدهم.بيكي.ويسعدك.بيهم.وكل.اللي.
اقدر.اقوله.لهم.يا.حظهم.وكنت.بس.عايز
اقول.حاجة.واحدة.احيانا.الناس.والقريبين
خصوصا.بيقولنا.كلمة.تعبر.عنا.مش.شرط
يكونوا.صح.ومش.شرط.يكونوا.غلط
ربنا.يكرمك.يارب.ويسعدك.ويجعلك
ايامك.كلها.فرح.ومفهاش.ولا.حته.جرح

aidy يقول...

شمس النهار

إجاباتك رقيقة جدا بتعبر عن شخصية جميلة وبتحب الجمال

تحياتى ليك

حاسوباتيه يقول...

حلو قوي التاج وكمان ردود حضرتك جميله خالص

شمس النهار يقول...

*الربان
شكرا علي المجامله اللطيفه

شمس النهار يقول...

*اللؤلؤه
الله يبارك فيك وشكرا لك علي الكلام اللطيف

شمس النهار يقول...

*هو...مش...نو
شكرا علي كلامك اللطيف والشكر ليك انت علي المجامله الحلوه وعايزه أسأل سؤال صغنن كده ليه هو مش نو هي القطط وحشه
مع العلم ان انا بحب اسم مدونتك جدا

شمس النهار يقول...

*كيارا
انت اللي بنوته جميله

شمس النهار يقول...

*صوت من مصر
ان شاء الله تشتغل الشغله اللي تستهلك
وانت كمان نعم الابن والصديق

شمس النهار يقول...

*نونا
شكرا ليكي
يشرفني جدا ان اكون زي مامتك

شمس النهار يقول...

مستربريزيدند
بشكرا علي كلامك اللطيف جدا
ومدونتك من المدونات اللي بحبها وبحس انك فعلا بتكتب من قلبك اللي حاسس بيه مش بتكتب وخلاص
وده ينم عن شخصيتك اللطيفه الصريحه
بشكرك

شمس النهار يقول...

ايدي
شكرا ليكي انت اللي لطيفه جدا وكذلك كتاباتك

شمس النهار يقول...

*حاسوباتيه
شكرا ليك وان شاء الله تبقي معيا في مناقاشات سلسلة الحب اوعي تهربي
انت احد اسباب اني افكر اعملها من كام بوست كده كتبتيه

hasona يقول...

السلام عليكم

الفترة دي كلها تاجات ولا ايه

فعلا مافيش وقت فراغ
لأن الزمن بيمر بسرعة رهيبة

واجاباتك تظهر بها لمسة احساس جميلة
وحبك للورد بيصور ذلك


تحياتي

من غير عنـــوان يقول...

ردود الشمس
ردود بيتوتيه مريحه
ردود صادقه على سجيتها

تحياتي

تامر علي يقول...

أجمل شيء الصدق والتلقائية
صباح الورد :)

تحياتي

د. ياسر عمر عبد الفتاح يقول...

إجابات هادية وراسية
وفيها معلومات كثيرة أول مرة أعرفها

شمس النهار يقول...

*حسونه
فعلا اناكمان لاحظت ده ويمكن عشان اغلب المدونين عندهم ملل شويه وفترة امتحانات بس الحقيقه هي بتعرفنا ببعض اكتر
وشكرا علي المجامله اللطيفه
بس ليه مش عارفه ازور المدونه بتاعتك

شمس النهار يقول...

*من غير عنوان
شكرا لحضرتك علي المجامله
الحقيقه مابعرفش اكتب غير اللي حاسه بيه فعلا

شمس النهار يقول...

*تامر علي
مساء الفل
شكرا ليك

شمس النهار يقول...

*د/ياسر عمر عبد الفتاح
شكرا ليك
معلومات ايه اللي جديده عليك

د. ياسر عمر عبد الفتاح يقول...

المعلومات اللى في التاج يعنى

إبن مصر يقول...
أزال المؤلف هذا التعليق.
hasona يقول...

السلام عليكم

شمس النهار

حبيت أنوه أني لست مدون ولا أملك مدونة
لكني أحب القراءة
لذلك أتابع القراءة الحية (المدونات ) من آن لأخر
واذا حبيت أن أضيف تعليق-أكتب اميلي(علي جوجل) واكتب ما يجول بخاطري وأرسله

والمفاجأة أني ما أعرفش مين حسونة اللي بيظهر ده-لأن أسمي محمد
احتمال أكبر انه عيب من الموقع نفسه
مع ذلك وجدت انها لن تفرق كثيرا

تحت أي أسم
،،،
شكرا لك كتير
لكن علي الاقل عرفت انك زورتيني وانا ماكنتش موجود-الباب مفتوح دائما

المحاولة الدائمة لا تندرج تحت جناحي النجاح أو الفشل فقط- لكنها تعني الاصرار والامل

بصراحة مافيش وقت لأكون صاحب مدونة ودي مسئولية كبيرة

وفي نفس الوقت مش أحب أنافق أحدا أو حد يجاملني أو يهاجمني والتاج ( آآه من التاج) وحضرتك جربتي

فقط ما أقوله من القلب الي القلب

وسأُتابع قدر الامكان

بأعتبر نفسي عابر سبيل



تحياتي لك وشكرا

هذه رسالة مسجلة

Unknown يقول...

السلام عليكم ورحمة
الله تعالى وبركاته
ومعلش شموسة
انا حاعلق على
التدوينةدى ولو انها
بقى لها مدة لكن عذرى
انى لم أكن اعلم بها:)
( اهميه التعليقات بالنسبه ليك...؟؟؟؟
هي الوصله اللي بيني وبين اي مدون او مدونه بيقرا البوست مش كده وبس تعليقي عند الاخريين مهم بالنسبه لي
وبحب ان صاحب المدونه يرد علي تعليقي عنده واللي مابيردش بحس انه بيقول لي تعليقك عندي غير مرغوب فيه
مره والتانيه مابعلقش عنده وبكتفي بالزياره والقراءه فقط بدون تعليق)
الكام سطر دول لفتوا نظرى انى نسيت احط السؤال ده فى التاج بتاعى؟ازاى؟
مش عارفة! بس فعلا التعليق مهم جدا ولازم فعلا اللى اعلق عنده يرد والا معناه انه مش معتبر كلامى :(
لكن ممكن الرد يكون بطرق اخرى مثلا :
يعمل بوست اساسه فكرتك انتى
او يجيب كلمة وسط الكلام الاساس من عندك انتى برضه.
او يكون فعلا المدونة تستاهل الزيارة
والكلام اللى فيها يستحق التعليق
بصرف النظر اللى ادامك رد ولا لأ