الأربعاء، 13 يناير 2010

بداية الرحله

يوم 5يناير سافرت مع بنتي الكبيره وجوزها
الي اسوان والاقصر في رحله نيليه

سافرنا الي اسوان عن طريق مطار القاهره الدولي من صالة الطيران الداخلي
والحقيقه انبسطت جدا للي شوفته فيها
عارفين صا
لة الطيران الداخلي دي كانت عامله زي موقف عبود شويه شويه الطيارين ينادو نفر القاهره
وكانت حاجه تك
سف امام السياح
لكن الحمد لله اصبحت جميله جدا وزي صالات الطيران العالميه واحلي
المهم اخدنا الطياره ووصلنا مطار اسوان
الحقيقه مطار متواضع جدا بس الحق يتقال نظيف جدا

خرجنا من المطار وكانت الدنيا يادوب النهار لسه بيطلع

المدينه جميل جدا

هادئه نظيفه جدا جدا وبصراحه انبسطت


ولكن يافرحه ماتمت

الشباب اقترحوا قبل مانروح المركب نفطر فول وطعميه من اي مطعم و

طبعا بما ان المرافق لنا اي المندوب من شركة السياحه من اسوان اصلا قال في مطعم الحاج امين كويس وزي الفل
واخدنا علي المطعم من شوارع جانبيه

ويالا هول الشوارع الجانبيه شوفوا بنفسكم مش هتكلم انا

خاااااااالص


يعني المحافظه منظفه للسياح لكن اهل البلد لا ولو ان في نظريه بتقول ان اللي بهدل الشوارع دي ينظفها بس ماعلينا

طبعا لما وصلنا امام المطعم

الكميل ده


نزلوا اتصدموا بس مارجعوش

قعدوا ياكلوا ماعدا بنتي وانا قلنا هي

مش ناقصه تلوث ونبتدي الرحله كده
قعدنا في الاوتوبيس ده في الشارع امام مطعم عم امين


بعد كده ذهبنا الي المركب وارتحنا الي موعد اول زياره اللي كانت

للمسله الناقصه

بس قبل الزياره عايزه اقول ان قباطين مراكب النيل مالهمش حل مهاره عاليه جدا جدا لدرجة لما تشوفوهم وهمه بيركنوا المراكب جنب بعض في المرسي

تحس انهم بيركنوا عربيات مش مراكب تلات واربع ادوار حاجه اعجاز


وهنتكلم عن ده بالتفصيل في واقعة عبور الهاويس واحنا متجهين من اسوان الي الاقصر ان شاء الله

والبوست الجاي نتكلم علي الزيارة الاولي

للمسلة الناقصهة والسد العالي

:)

هناك 58 تعليقًا:

تامر علي يقول...

ما شاء الله
اقترح على حضرتك تتخصصي في أدب الرحلات :)))

في السفر سبع فوائد

في انتظارهم

سمكه واحده يقول...

حضرتك بتهزري
بنتك وجوزها!!!!!!
ماشاء الله انا افتكرت حضرتك بناتك يدوبك 4 ولا 5 سنين
ربنا يباركلك فيها يارب
بالنسبه للرحلات
جديني خديني معااااااااكي
عارفه اهو انا نفسي بقي جدا الف بلاد كتير كتير واعمل 300 يوم حول العالم مش 200 يوم بس ,لا ابقي اكتر من انيس منصور(:

بالنسبه للشوارع الجانبيه والحجات دي اهو ده اللي بيزعل الواحد بجد ان احنا بنهتم ديما بالسياح ونسيب اهل بلدنا رغم ان احنا اولي من اي حد تاني ولو مقدرناش نفسنا محدش هيقدرنا لازم نحب نفسنا ونديها حقها احنا مش اقل من اي حد بالعكس

بالنسبه للسفر وتجربه اكتشاف الاماكن دي من ضمن حجات الكتير اللي بحبها اوي وبحلم بيها السفر بالنسبالي حياه بتنفسها
انا بعشق حاجه اسمها السفر والقطار والحصان ولقمه القاضي والناس الكبار في السن والورد (وش مبتسم)
بحب حكويكي اوي عن الاماكن اللي حضرتك بتروحيها
اسلوبك ممتع
يارب ترجعلنا بالف سلامه

اقصوصه يقول...

شكلها كانت رحله ممتعه

شوقتيني

خاصه اني من سنه ما سافرت

استمتعت جدا بقراءة التدوينه

وحسيت اني كنت معاكم في الرحله:(

صوت من مصر يقول...

بما انى من الناس اللى زهقوا من الاسقر واوسان اقولك
انتى كلتى من عند المطعم المفضل لكيمو يا ماما
وطبعا اكلتى طعمية وبتنجان واحمدى ربنا انى ما اكلتيش فول من عند مسعود
او قعدتى على قهوة الاسيوطى فى اسوان
بس مطلعتيش جبل ابو الهواااااااااا ليه ده تقدرى من فوقيه تشوفى اسوان كلها
حمدلله على السلامة

dr.lecter يقول...

هههههههه حمد لله علي السلامه

نفسي قبل ماموت اروح هناك بجد

للاسف رغم جمال اي حته في بلدنا لازم تلاقي الزباله في كل حته مافيش فايده لازم نتعكنن

حروف يقول...

االاول حمد لله علي السلامة

ان شاء الله انا كمان مسافرة اسوان بس علي شهر 3 تقريبااا

مستنية بقيت بوستاتك عشان اعرف لما اروح اعمل اية متهوش ههههههههه

الف ليون حمدلله ع السلامة

دمتي بخير

ذو الوجه المبتسم يقول...

السلام عليكم
يبدو ان الرحلة كانت ممتعة بجد
خاصة بالفول والطعمية
لانى باموت فيهم
اختيارك للصور مميزا وفعال
اسلوبك فى الاقاء للموضوع شيق جدا
بخصوص بنتك وجوزها
شكلك متجوزة صغيرة قوى قوووووى
اعتقد ممكن تكونى اتجوزتى فى سن 18 او 19
ربنا يبارك لك في اهلك واولادك
ودايما تكونى مبسوطة

الرحلة اللى جاية احجزى لى مكان معاكم بقي
على حسابك طبعا
ههههههههههههه

تحياتى لك

غير معرف يقول...

السلام عليكم

ممتاز
وأنا منتظر الأحلى والأجمل في هذه الزيارة

صحيح بمَ أني أكلت الفول والطعمية في كل محافظات مصر تقريباً فأقول لكِ لا يُعلى على فول وطعمية كفر الشيخ .. من حيث النظافة والطعم واللون وكل شيء

تعرفي .. نفسي يكون في اهتمام بالسياحة الريفية في كفر الشيخ لأنها بلد نظيفة وهادئة وأنا أعلم إن في اهتمام كبير من قبل الخليجيين بالسياحة الريفية المصرية الجميلة

على كل حال منتظرين تكملةالموضوع مدام شمس وبالتوفيق لك ولبناتك

انا مش معاهم يقول...

ههههههههههه
شكلها كانت رحله جامده

المسلم الصغير يقول...

السلام عليكم ورحمة الله وبركاته...
بجد التقاتك للصور حلوة قوي
حضرتك منتظرة ايه مهيا ديه مصر أهم حاجة السياح وبس لكن احنا يا اهل البلد مش مهموبنعمل للسياح قيمة اكثر مههما بيعاملونا
ومستنه الجديد
تحياتي

صاحب رأى يقول...

بصراحة انا نفسى لما اسافر وارجع ان شاء الله
اول حاجه اعملها اى الف مصر كلها
واشوف الجمال اللى فى بلدنا ومحرومين منه

بجد حاجه جامده جدا

Dr Ibrahim يقول...

لا مينفعش كده لازم البوست كله ينزل للنهاية :))
ربنا يسعد أيام حضرتك

طوبه فضه وطوبه دهب يقول...

انا مسافره اخر واحد هناك وهاجى احكى لك على كل الحاجات اللى هشوفها وانا مستنيه تعرفينى بكل الاماكن نظرى قبل ما اشوفها عملى ههههههههههههه يارب تكونى فى احسن حال يا اجمل وارق شموسه فى الدنيا

أمل حمدي يقول...

ألف حمد الله على سلامتك ياشموسة

مستنيين بقيت الصور والاحداث

سلام

MǿиY El-Shreef يقول...

زعلااااااااااااااااااااااااااااااانه :@

يعني تيجي عندنا ولا تقوليلي طب دانا كنت وريتك احسن مطاعم واحسن حتت عندنا ف اسوان بجد وربنا :(

المهم يعني حمدلله على سلامتك ومستنيه باقي صور الرحله

شمس النهار يقول...

*تامر

شكرا علي اقتراحك اللطيف الحقيقه انا بكتب اللي بشوفه قصادي وفي ملاحظات كتير في السفر المره دي هتقراها مع البوستات

مصر فيها كنز كبير واحنا بنردم عليه مش اكتر

سلامي

نور الدين (محمد الجيزاوى) يقول...

رحلة سعيدة ياشمس
وبعدين الفول والطعمية ميبقاش ليهم طعم من غير تلوث
دة التلوث هو اللى بيديهم الطعم حتى
فى انتظار باقى التفاصيل
وحمدا لله على سلامتك كونى بكل خير اختنا الكريمة
............
نورالدين محمود

شمس النهار يقول...

*سمكه واحده

مش معقول ان لسه في حد في البلوجر مايعرفش ان عندي اجواز بنات

لا كده انتي مش مذاكره المدونه كويس ::))

ان شاء الله تلفي العالم وتسافري زي ماانتي عايزه

علي قد ماانا مش بحب اسافر واسيب بيتي الا ان بعد مابسافر بنبسط

سلامي

شمس النهار يقول...

*اقصوصه

شكرا علي كلامك ان شاء الله تيجي مصر وتسافري تشوفي الاماكن دي بنفسك

وانتظري باقي البوستات

سلامي

شمس النهار يقول...

*صوت من مصر

كيمووووووو
شايف شيكو عامله ايه

انا ماكلتش منه ياكيمو انا مش ناقصه عيه

معلش ماشفتش الميسد غير الصبح وطول النهار كنت مشغوله هكلمك الصبح

اطلع جبل انت بتهرج اكيد انا عملتها مرتين في حياتي مره في امريكا وده كان بالتليفريك

ومره في دهب وكان علي رجليها وقلت حلو كده كفايه

سلامي

شمس النهار يقول...

dr.lecter*

الله يسلمك

وبعد الشر عليك ان شاء الله تروح هناك وتشوف الجمال اللي هناك

وعلي فكره انا عرفت ان في بيوت شباب جميله للجامعات والنوادي

او اطلعها مع الجامعه بتكون لطيفه جدا

بالنسبه لأهمال النظافه الحقيقه نكد عليه جدا علشان البلد منين ماتمشي في طريق الزياره اللي هو نفسه طريق السياحه تلاقي البلد جميله ونظيفه جدا جدا

وياويلك لو دخلت البلد جوه هتتفجع فعلا
بس عارف اهل الحي او الشارع ممكن يعملوا حاجه بس المواطن المصري دايما مستني الحكومه تعمل

سلامي

شمس النهار يقول...

* حرروف
الله يسلمك

ان شاء الله لما تسافري اسوان هتنبسطي جدا وطبعا هتروحي الاقصر والا ايه ؟

باقي البوستات هتعرفك الاماكن علشان لما تروحي تعرفي لوحدك

سلامي

شمس النهار يقول...

* ذو الوجه المبتسم

وعليكم السلام ورحمة الله وبركاته

الحمد لله فعلا الرحلة كانت جميله جدا جدا

شكرا علي المجامله الله يكرمك

وان شاء الله لما تنزل مصر ياريت تاخد الاسره وتعملوا الرحله دي هتنبسطوا جدا

سلامي

شمس النهار يقول...

*احمد الشريف

وعليكم السلام ورحمة الله وبركاته

بالنسبه للسياحه الريفيه عندك حق مافيش عندنا الفكر ده لكن في المنوفيه فيه قريه سياحيه المصريين بيقضوا فيها يوم لطيف

ياريت الفكره تعمم في باقي المحافظات

سلامي

شمس النهار يقول...

*انا مش معاهم

ايوه فعلا كانت رحلة جااامده اخر حاجه مش بتقولوها كده برضه ::))

سلامي

شمس النهار يقول...

* المسلم الصغير

وعليكم السلام ورحمة الله وبركاته

علي فكره احنا اللي بنفرط في حقوقنا علشان مانعرفش واجبتنا

من حقنا ان الشوارع تبقي نظيفه ومن واجبتنا نحافظ عليها نظيفه

انا شفت سائحه بعد ماشربت السجاره رمتها في الارض في السوق قلت لها ليه عملتي كده انتي لو عملتي كده في بلدك هتدفعي غرامه
قالت لي علشان انا لاقيتكم هنا بتعملوا كده
انا في بلدي لو ماعدتش عربية التنظيف يوميا بنعمل شكوه والمسؤل بيتجازا

هنا فين ده
ودخلنا مع بعض في حوار حسسني بأننا فعلا لانعرف واجبتنا والا حقوقنا

سلامي

شمس النهار يقول...

*صاحب راي

ان شاء الله ربنا يحقق حلمك

بس انت درست في الاسماعيليه وساكن في المنصوره

وبره مصر خير انت ساكن فين اصلا:)

سلامي

شمس النهار يقول...

Dr Ibrahim

يادكتووووور لو عملت الرحله كلها في بوست واحد
يانهار ابيض هيبقي طوله بطول ليل الحزين

:::)))

او طول سور الصين العظيم

::))

سلامي

شمس النهار يقول...

* طوبه فضه وطوبه دهب

تسافري بالسلامه ان شاء الله

بجد هتنبسطي جدا جدا هناك

مصر جميله فعلا


سلامي

شمس النهار يقول...

*امل حمدي

الله يسلمك ويبارك في صحتك وعمرك

ان شاء الله هنزل كل تلات ايام بوست علشان بتعب في الصور جدا

سلامي

شمس النهار يقول...

MǿиY El-Shreef

ايه ده انتي في اسوان

ياخساره كان ممكن شفنا بعض ياعفريته

ماكنتش اتوقع

ان شاء الله السنه الجايه بقي

وعموما الناس هناك كانت لطيف واصلا الرحله كانت فول بورد
بس الشباب حب يعمل منظر

سلامي

شمس النهار يقول...

*نور الدين

كده بقي الفول والطعميه لازم يكونوا ملوثين

:::))))

ماانا لو كلتهم يبقا ماكنش هيبقا في شمس

ان شاء الله باقي البوستات تعجبك

سلامي

Unknown يقول...

اولا حمد لله على السلامة
نورتى القاهرة من جديد وعقبال ما تنورى بورسعيد يارب العالمين
ولا مش عايزة ولا اية

بصى النظافة دى بقت حاجة صعبة خالص فى بورسعيد كمان فى اماكن مش نظيفة زى الصورة اللى حضرتك حطتيها

للاسف

بس فى المجمل يارب تكون رحلة سعيدة
وتكونى غيرتى جو

شمس النهار يقول...

*نهر الحب

شكرا ليكي جدا

وبجد فرحت جداجدا بمكلمتك اللطيفه
والحوار الجميل بينا

ان شاء الله نتقابل علي خير قريب

بورسعيد انا رحتها تلات مرات
مره 79 تقريبا وده كان يوم
ومره قعدت خمس ايام سنة95

ومره 2007

وان شاء الله ازوركم قريب

سلامي

-_- يقول...

السياح بيجيبوا فلوس
لكن السكان بالجزمة




شارم لايف
www.sharmlifeblog.com

شاب فقرى يقول...

كل سنة وانتى طيبة

وان شاء الله ترجعى بالسلامة

اى حد بيسافر اى مكان بقوله انه يصور كل حاجة كل حاجة يشوفها

لانى بحس انى بسافر من الصور اللى بتتنشر

ارجوكى انشرى كل الصور وصورى كل حاجة :)

طولت عليكى

بس ان شاء الله ترجعى بالف سلامة

ابقى طمنينا بقى :)

تحياتى واحترامى الكامل :) :) :)

شاب فقرى

شمس النهار يقول...

Sharm

لا صدقني احنا اللي بندقي نفسنا بالجزمه مش حد تاني

اسأل شباب المنصوره اللي قعدوا نظفوا بنفسهم الشوارع وبعد يومين حصل ايه


شوف البوابين بيرموا الزباله فين ومافيش ساكن بيقول لهم عيب

لازم احنا نتغير الاول ونشوف ليه محافظة الاسماعيليه انظف محافظه

لو عرفنا حقوقنا كويس وخدناها يبقي لازم ندي واجبتنا كمان
من حقنا ان الحي ينظف الشارع ومن واجبنا نحافظ عليه نظيف

سلامي

شمس النهار يقول...

شاب فقري

كل سنه وانت طيب

يانهار ابيض انا مش محتاجه توصيه خااااالص
انا مصوره في امريكا 22 جيجه

وفي دهب 1001 صوره اكمل والا كفايه كده

صدقني كل مااروح حته اقعد اصور فيها
واحتفظ بالصور دي

انا بحب التصوير

وانا الحمد لله رجعت وهحاول احط الصور المهمه وبفكر اعمل مدونه احط فيها الصور اللي بصورها فيها

شكرا علي دعواتك ويارب تكون بخير

سلامي

زهور الامل يقول...

واااااااااااااااااااااااو المطعم جنان
هموت وافطر في مطعم زي ده علشان ينقلوني على مستشفى الطواريء بالمنصورة عدل والداخل فيها مفقود والخارج منها مولود وقليل اوي لما بنشوف حد بيخرج منها

بس بجد انتي عندك مهارة جامدة جدا في التصوير وبتجيبي الحلو والوحش

ماشاء الله عليكي

في انتظار سردك لباقي الرحلة

تحياتي

شمس النهار يقول...

* زهور الامل

لا ياشيخه بعد الشر عنك وماتكليش منه
مع ان الشباب العفاريت اكلوا وماجراش لهم حاجه خالص
::))

ان شاء الله باقي الصور تعجبك

انتي مش ناويه تشيلي القتيله اللي عندك في المدونه والا ايه

سلامي

♥نبع الغرام♥♪≈ يقول...

السلام عليكم

ماشاء الله ماشاء الله
البدايه روعه لكن المطعم أفسد نص الرحله
هههههههههههه
تعرفى أنا روحت الاقصر وأسوان
من 3 سنوات
بصراحه البلدين رغم مكانهم السياحى الجبار
الا ويوجد سلبيات كتيرة اووووى
عامة اكيد كانت رحلة جميله واكيد انك انبسطى
مبسوطه اووى بحضرتك
منتظرين الباقى حبيبتى
تحياتى
ايناس

غير معرف يقول...

اختى الحبيبة شمس
حمد لله على سلامتك
ويارب مجمعة دايما كده مع حبايبك
كلامك شوقنى ان اشاور عقلى
وافكر اطلع رضه مع بنتى وجوزها
بس مش دلوقت دعواتك انى اقدر
تحياتى

mostafa rayan يقول...

مبروك العوده والرحله يا شموسه يا جميله
كل تحياتى وسلامي لك

بحر الالوان يقول...

صور تعبر عن ازدواجية الوطن ......فبلادي اصبحت كالقمر نصف مضئ والباقي اسير للظلام .

مجهود رائع
تحياتي لك في مرور اول

هناء محمود يقول...

حلوة الحكاية والله كنت حاسة إنى بتفسح معاكم كان نفسى تطول أكتر من كدة

وعامة مستنية البقية

جلال كمال الجربانى يقول...

السلام عليكم

فعلاً من بره هلا هلا ومنجوه يعلم الله

وحمدالله على السلامه

ودمتِ بخير حال

mohamed ghalia يقول...

جميلة أوى الصور الأولى
ربنا يسعدك دايما
وفى انتظار باقى الصور

عمرو جويلى يقول...

الحاجة شمس
السلام عليكم
رحلة موفقة وحمدلله على السلامة
وأنا أوعد حضرتك بأنى سأطيل
فى كتابة موضوعاتى
وأشكرك جداً على نقدك البناء
البعيد عن أى تجريح
خالص تقديرى

شمس النهار يقول...

* ابتسامة ملاك

وعليكم السلام

بصراحه المطعم كان كارثه بكل المقاييس

اما الرحله نفسها جميله
وهنتعرض للسلبيات والايجابيات ان شاء الله

سلامي

شمس النهار يقول...

* ام مالك

اهلا بيكي ياام مالك حمد الله علي سلامتك
يارب تكون الصحه بخير يارب

لا شاوري عقلك الرحله تستاهل فعلا
وربنا هيقدرك واهو تغيير


ربنا يكرمك

سلامي

شمس النهار يقول...

mostafa rayan

درش عندنا يامرحبا يامرحبا

منور

الله يسلمك

ليه مانشرتش بوست لحد دلوقتي

سلامي

شمس النهار يقول...

* بحر الالوان

فعلا عندك حق

نصف جميل ونصف لا
مانقدرش نعمل حاجه علي بعضها ابدا ابدا


سلامي

شمس النهار يقول...

* أم .. بوبه

شكرا علي كلامك
وان شاء الله باقي البوستات تعجبك


سلامي

شمس النهار يقول...

*واحد من العمال

الله يسلمك

انا بس صعب عليا ان من الممكن ننظف
طيب ماننظف الباقي بالمره

سلامي

شمس النهار يقول...

mohamed ghalia

ربنا يسعدك يامحمد

ان شاء الله قريب الباقي جاي


سلامي

شمس النهار يقول...

* عمرو جويلي

وعليكم السلام ورحمته وبركاته

ياريت فعلا تطول في التدوينات اللي بتحمل الصبغه التاريخيه

بجد بنستفاد منها جدا

وكان اخونا فركشاوي ربنا يكرمه عامل بوستات عن اليهود وفلسطين جميله مشروحه بأستفاضه


ربنا يكرمكم ويجازيكم عنا خير

سلامي

جايدا العزيزي يقول...

شمس النهار

رحله ممتعه والله العظيم


انا عمرى مارحت اسوان

بس انتى قدرتى تصورى لينا اغلب الاماكن


استمتعت بالرحله


ولكى جزيل الشكر


تحياتى

Mahmoud Ahmed يقول...

طبيعي تلاقي مصر الحقيقه هانك في اسوان
عشان لما المصرين يروحوا هناك ميحسوش بغربه
ههههههههههههه
و بعدين هو كان لازم فول و طعميه