السبت، 23 يناير 2010

تحديث :عيد ميلاد المشاغبان وافراح البلوجر

محاذاة إلى الوسط
في خبر غريب سمعته من شويه حد عنده المصدر

ايناس الدغيدي هترشح نفسها للرياسه

::))





النهارده عندنا اكتر من مناسبه وهأجل بوست الرحله يوم علشان خاطر عيون اصحاب المناسابات
اولا :عيد ميلاد المشاغبان

كيمو (صوت من مصر)

كريم(شاب فقري)

كل سنه وانتما طيبان وبخير وسعاده
وبجد انا فاخوره اني اتعرفت عليكم فعلا
وان شاء الله اتعرف علي فقري عن قرب لما يأذن ربنا واشوفه
اما كيمو ربنا يكرمه ويخلص امتحانات
*****
المناسبه الجميلة التانيه

كتب كتاب (ابي)

الف الف الف مبرووووووووووك
ربنا يتم لك علي خير ويبارك لك وعليكي
وفييييييييييين الشربات
*****
المناسبه التالته

كتب كتاب اخت الازهري

الف الف الف مبروك يادكتووووووره
ربنا يتمم بخير ويبارك لك وعليكي
ويكفيكي شر مقالب اخوكي:)
وبرضه
فييييييييييييييييين الشربات

مبسوطه ان البلوجر فرحان اخير
ومش عايزه اشوف اي بوست حزين تاني
وسمعوني سلام
اي دمعة حزن لا لا لا
::))

هناك 73 تعليقًا:

صوت من مصر يقول...

شكرا يا ماما

شاب فقرى يقول...

الله اكبر

الف مبروك لابى يارب ربنا يسعدها يارب :)

والف مبروك لاخت الازهرى

وكل سنة واحنا طيبين

انا بجد مبسوط والله :)


ربنا يجازيكى كل خير عالاهتمام دا كله :$


اخيرا اسمى مكتوب

والله شلت الراجل اللى فى البلوجر عشان خاطرك

دا مؤقتا بس

لانه جزء من معالم شخصيتى

انا سعيد

ربنا يسعدك يارب ويجازيكى كل خير يارب :)


شاب فقرى

صوت من مصر يقول...

للعلم بالشىء
مكنتش متوقع ده
بس ده احلى حاجه جاتلى فى عيد ميلادى
وعموما لما اخلص امتحانات واخرج من "" الصامت "" هفوق للناس وهكتب وهفرحك قريب جدا جدا

صوت من مصر يقول...

مبروك لكل الناس اللى هنا
وكريم يا يغير يوم عيد ميلاده يا يتولد فى يوم تانى

عاشقه الرومانسيه يقول...

ربنا يفرح قلبك دايما باحبابك ياشموسه
وعقبال ما تفرحى بيا بقى

Unknown يقول...

كل سنه وكريم وصوت من مصر طيبين يارب
والف مبروك لابى هانم ولاخت الازهرى

دمتى بود وسباقة للخير

شمس النهار يقول...

* صوت من مصر

شكرا علي ايه
انتم اولادي اللي بعتذ بيهم جدا

كل سنه وانتم طيبين

ويارب تبطل اكتئاب انت وهوه

:)

ده امر شمسي ساري المفعول

:(

شمس النهار يقول...

* شاب فقري

الله يبارك فيك
الخبر ده احلي خبر سمعته من مده

وكل سنه وانتم طيبين ومحققين احلامكم

انا ففخوره بيكم جدا
ربنايكرمكم

شلت الراجل اخيرا
يانهاااااااااار ابيض
ده كان عامل لي ارهاب
وزاغر لي في الرايحه والجايه

لكن تقول لي من معالم شخصيتك
كلا يتاتا البته
انت شاب مصري اصيل
عندما تختلف تترفع
واقسم بذلك

ربنا يسعدك ويريح قلبك
وتحقق كل احلامك

امين

سلامي

شمس النهار يقول...

* نهر الحب

عقبالك ان شاء الله

وانتي اللي الخير كله

ويارب تكوني بخير

وان شاء الله اتطمن عليكي


سلامي

عاشقة القمر يقول...

كل سنه هم بخير
مبروك لي ابي واخت الازهري
يارب 210 يكون جميل جدا يكون كلها الافراح مفيش الاحزان
ام انا الحمدلله 210 صدف معاي صدمه مفترك خلاص اهنزل الشغل لم روحت ردوه عليه مفيش شغل ههههههه كانت صدمه لي كبير الحمدلله
يارب 210 يكون كل فراح

غير معرف يقول...

السلام عليكم

بارك الله بكِ وفيكِ وبارك لهم جميعاً بمَ من الله عليهم به من أفراح ومناسبات سعيدة

وبأن أعلَمَكِ بهم وأعلَمَهُم بكِ لتستمر حلقة التواد والتراحم في الله هذه بينك وبينهم

دمتم جميعاً بكل ود وخير وحب وعطاء

شمس النهار يقول...

* عاشقة القمر

معلش ياجميل خيرها في غيرها ماتعلميش
الخير فين

ان شاء الله هتلاقي احسن منه


نورتي

سلامي

شمس النهار يقول...

*احمد الشريف

شكرا لك علي كلماتك الجميله

ومشاركتك لهم


دمت اخ للجميع


سلامي

بحر الالوان يقول...

مبروووووووووووووووك

أمل حمدي يقول...

دايما يارب ياشموسة يجمعنا الفرح يارب

كل سنة وصوت من مصر وشاب فقري بخير وربنا يبارك في عمرهم يارب

ومبروووووووووك ألف مبروك للعرايس آبي وألطبيبة أخت الأزهري

ربنا يتمم فرحهم اللهم آمين

وعقبال كل البنات يارب

وأي دمعة حزن لا يا شموسة

مشفتيش حرفين واقعين عندك هنا ولا هنا

ههههههههههههههه

سلام

donya يقول...

مسااااء الخير

كل سنه وهالاتنين طيبين

ومبروك لأبي وهروح اتعرف عليها

ومبروك لأخت الازهري وهروح اتعرف عليها


كل سنه وحضرتك طيبه وجميله ياشموسه

تحياتي

romansy يقول...

ايزيك يا شموسه
اخبارك ايه
اسمحيلى بقى اقول ل كيموووووووووووووكل سنه وهو طيب ويارب يسعده ويحقق اللى يتمناه ويرسم الوطن بالالوان الجميله الزاهيه
اما بقى كيم نقوله كل سنه وهو طيبب ويارب يا كريم نحقق اللى نتمنا
والفالف مبروك لابى واخت الازهرى وعقباله بقى

ghorBty يقول...

السلامـ عليكمـ

ياه يارب كتر افراحنا واترح فيها البركه وزيد :)

كل عامـ وهما بخير

:

ومبروووووووووووك وربنا يكمل لهم علي خير يارب ..

ويبارك في حضرتك دائما

Empress appy يقول...

كل سنه وهما طيبين وميرسى يا شموسه على التهنئه الجميله دى ربنا يخليكى ليه يا حبيبتى ويبعدد عنك المعاتيهه يا رب

الازهرى يقول...

قلبى
عمرى ما كنت اتصور ان الخيانه تيجى من هنا
حتى انت يا بروتس
اذن فليسقط قيصر

بجد مش عارف اقول ايه
المفاجأة اكبر من اى توقع لى حتى انى مش عارف اتكلم
يااااااااه
بجد انا فرحان كتيييييييييييييير
كتيييييييييييييييييييييير
كتيييييييييييييييييير

وكفايه كده بدل ما اطق من الفرح

كل سنه والجميع بخير ويا رب عقبال الف سنه كل فرح وايمان وامن وامان وسلام

والف مبروك لآبى وربنا يتمم لها على خير ويعين أخوها على الموقف ده
انا عارف كويس بيطلع عينه فى يوم زى ده ازاى ما انا لسه مجرب بقى

صعب اكتب اى كلمة شكر لانها مش هتوصف شعورى

rovy يقول...

كل سنه و كيمو و كريم طيبين و بخير يارب وألف مبرووك لأبى و أخت الأزهرى و ربنا يتمم لهم بخير ان شاء الله ..
جزاكى الرحمن كل الخير حبيبتى شموسه الجميله و جعلكى دائما سباقه للخير يارب ..

تحياتى لكى دوما

شمس النهار يقول...

* بحر الالوان

عقبااااااالك

سلام

شمس النهار يقول...

* امل حمدي

يارب يااموله يارب
الفرح يجمعنا
كفايانا حزن

شكرا علي تهنئتك ياجميلة


اما الحروف واه من الحروف

بس انتي حروفك جميلة وموزونة

انا حروفي ملكلكة علي قدي :)

نورتيني

سلامي

شمس النهار يقول...

donya

صباح النور

كل سنه وانتي بخير وسلام


سلامي

شمس النهار يقول...

romansy

الحمد لله كويسه

ازيك انت يارب تكون بخير

شكرا علي تهنئتك
ياشاعرنا الرومانسي

:)

وعقبالك

سلامي

شمس النهار يقول...

ghorBty

وعليكم السلام ورحمته و بركاته

اهلا بيكي

وعقبالك

وشكرا علي تهءئتك ومشاركتك

ويبارك لي فيكم كلكم

سلامي

شمس النهار يقول...

Appy

الف مبروك ليكي ياجميلة
انتي تستهلي كل خير

ربنا يتم لك علي خير

ايوا ادعي لي ان ربنا يبعد عني المهابيل والمخاليل والمعاتيه

نورتي المدونة ياعروسه

سلامي

شمس النهار يقول...

* الازهري

تصدق خفت تدخل تفجر البوست ::))

ده اقل حاجه ممكن تتعمل

كلنا اسرة واحدة

وهي دي الروح اللي المفروض تكون موجوده بينا

حب وود واحترام

بجد انا سعيدة اني في وسطكم

سلامي

شمس النهار يقول...

rovy

شكرا ليكي ياجميلة علي كلماتك الجميلة

وربنا يفرح البلوجر كله كله

وربنا يكرمك

سلامي

المسلم الصغير يقول...

السلام عليكم ورحمة الله وبركاته
يا رب دائما يكون في فرح والدنيا تبقى بخير وربنا يتمملهم على خير ويبارك فيهم
ويا رب تكوني دائما فرحانه والناس كلها تبقى فى فرح ويبعد اى حزن
دومتي بخير

المسلم الصغير يقول...

السلام عليكم ورحمة الله وبركاته
يا رب دائما يكون في فرح والدنيا تبقى بخير وربنا يتمملهم على خير ويبارك فيهم
ويا رب تكوني دائما فرحانه والناس كلها تبقى فى فرح ويبعد اى حزن
دومتي بخير

صبرني يارب يقول...

ما شاء الله

يارب كتر افراحنا

يارب يا شموسه

منوره يا جميل

هاتيجى اللقاء ولا ايه

*الطالبة عفو الله *زوزو يقول...

كل سنة و هما طيبين و بالفرخة مسرورين و الى الله قريبين و الف الفط مبرووك للعرسان الجدد ربنا يتمملهم على خير

حسن ارابيسك يقول...

مبروووك للجميع
وربنا يسعد كل الناس

ابدي اعجابي وتقدير لتدوينات تناولت رحلة أسوان والأماكن الأثرية الجميلة والمناظر الطبيعية الرائعة وبرغم أني من رواد أسوان بصفة مستمرة إلا أن تقريرك وصورك كانت رائعة وتحمل كم من الحب لبلدنا
مجهود عظيم ورائع منك يستحق الثناء
تحياتي
حسن أرابيسك

Kiara يقول...

دايما كدا اجي متاخر


اولا كل سنة وانت طيب ياكيمو بالله عليكي يامامتي تخرجيه من المود دا لحسن انا محبطة

ثانيا كل سنة وانت طيب ياكريم

ثالثا الف الف دشليون مبروك لابي العثل والله فرحت اوي للخبر داااا

رابعا الف الف مبروك يادودو وزعلانه من ازهري بئا هه بث

Mahmoud Ahmed يقول...

ياه
مناسبات كتير جدا
الف مبروك لابي
والف مبروك لاخت الازهرى
و كل سنه وكيمو و شاب فقري طيب
^_^

عمرو جويلى يقول...

السلام عليكم
ربنا يفرح قلوب الجميع
ودائماً يكونوا فى فرح وسعادة
خالص تقديرى

Mahmoud Ahmed يقول...

ده لو حصل تبقي قمه لمسخره و الله
انها ترشح نفسها فعلا
بس احب اطمنك انها اشاعه اكيد
من قبل ما اسمع او اشوف حاجه
لأن محدش يقدر يرشح نفسه للرياسه من غير حزب
لازم تكون مترشحه عن حزب ما ^_^

سمكه واحده يقول...
أزال المؤلف هذا التعليق.
سمكه واحده يقول...

كل سنه وكل الناس طبيبين بمناسبه اعياد الميلاد

انفخ البلالاين يانجاتي عشان عيد الميلاد

وكل سنه وكل الناس اللي متجوزين مبسوطين بردو بمناسبه كتب كتابهم

وياعم رقصني

وربنا يفرح الجميع


بالنسبه لايناس لو رشحت نفسها
هتبجي ليله وناكل ونشرب وندعيلك
ده مصر تبقي هيصه لما رئيسها يبقي كده
هتبقي الافلام تحفه والمسلسلات والحياه العامه والموصلات والتعليم
بصي
من الاخر
الشعب هيزقطط
ايون زقطط زقطط ياولد
ده تبقي حوسه لما تحكم مصر السيده الجميله ايناس ليييييييييييه
مفيش رداله في البلد ولا ايه
ده هنبقي مهزقه العرب اكتر ما بقينا هي ناقصه تهزيئ
ربنا يرحمنا

نور الدين (محمد الجيزاوى) يقول...

دايما انت كبيرة ياشمس
تسعدين بسعادة الآخرين
ومبروك لك من باركت ِ لهم
ادام الله السعادة للجميع
...
تحياتى واحترامى

ليس فقيرا من يحب يقول...

مبروك لابى ولا اخت الازهرى

وعقبالنا يارب ههههههههه

كل سنه وكيمو طيب

كل سنه وكريم برده طيب

كل سنه وقلبك كبير ويساع العالم كله

يا حبيبتى

غير معرف يقول...

السلام عليكم
شكراً مدام شمس على ردك وكلماتك الجميلة وأتمنى أن أكون أخاً كريماً للجميع بالفعل .. أمنى هذا من الله

==============
بالنسبة لموضوع إيناس الدغيدي .. بصفة عامة هذا ضرب من ضروب الخبل لأن شروط الترشح لا تنطبق عليها فلا هي عضوة في الأمانة العليا لأي حزب ومضى على وجودها في تلك الأمانة المدة القانونية
وكذلك لن تستطيع أن تجمع الترشيحات اللازمة أعضاء المجالس المحلية والشعبية في المحافظات

هي عاوزه تعمل بروبجاندا وخلاص

-_- يقول...

فعلا ؟؟
ايناس هتبقى الريسة ؟؟

هتبقى بلد ملبن !!!

يا رب احفظنا و استر اعراضنا ..

زهور الامل يقول...

يالهويييييييييييييي
يالهويييييييي
بقى ايناس الدغيدي هترشح نفسها للرياسة

دي لو نجحت هتمشي الشعب كله عريان من غير هدوووووووم

هعتبر نفسي ما شوفتش الخبر علشان متعصبش واكسر الجهاز بتاعي وانا محتجاله ههههههههههه

نيجي بقى لاعيادنا وافراح اجوازز
كل سنة وكيمة وشاب فقري طيبين وبالف خير وهنا وعقبال مليون سنة

والف مبروم للي اتكتب كتبهم واتخطبم واتجوزوا

وعقبال باقي المدونين باذن الله

ربنا يجعل حياتنا كلها فرح يارب
وعقبال كل احبابك يا شموسة يارب

تحياتي

جلال كمال الجربانى يقول...

السلام عليكم

وألف مبروك للبلوجريه ويارب دايماً
أفراح فى أفراح

ودمتِ بخير حال

شمس النهار يقول...

* المسلم الصغير

وعليكم السلام ورحمة الله وبركاته

شكرا علي كلامك اللطيف

ربنا يكرمك


سلامي

شمس النهار يقول...

* صبرني يارب

صبررررررررني
اوعي تقولي انك جايه
ماتقوليييييششششششششش

لا دي فيها الوه بقا

::))
سلام

شمس النهار يقول...

*الطالبة عفو الله *زوزو

ازيك
يارب تكوني بخير

انتي فين مش باينه


شكرا علي كلامك اللطيف

نوتيني

سلامي

شمس النهار يقول...

* حسن اربيسك

اهلا بيك

وشكرا علي مجاملتك اللطيفه

انا فعلا بحب بلدنا جدا

وعايزه اظهر الجمال اللي فيها
وان في اماكن في مصر اجمل من بره ميت مره

ياريت تشوف بوست دهب

نورتنب

سلامي

شمس النهار يقول...

* كيــــــــــــارا

ازي حضرتك انتي فين
البيت مش بيرد ليه


عقبالك يامنمن لما اعمل لك بوست تهنئه


اما الاخ كيمو
ده مش هينفع معاه غير الضرب

سلامي

شمس النهار يقول...

سبايدرمان spiderman

شكرا علي مشاركتك
وتهنئة
المشاغبان

سلامي

شمس النهار يقول...

* عمرو جويلي

وعليكم سلام الله ورحمتة وبركاته


شكرا علي مشاركتك
وكلامك

سلامي

شمس النهار يقول...

*سبايدرمان spiderman

تفتكر اشاعه وهتنزل في الوفد


وبعدين دستور ايه
ده اسهل حاجه بتم في بلدنا تغيير الدستور

سلامي

شمس النهار يقول...

* سمككه واحده

ماتخافيش ياسمكه
هي الست هترشح نفسها بس

مش هتكسب والا تتعين

تررررشيح زي بتاع الحنافيات بس

وبعدين خاللي الشعب ينبصصصصسسسط ياحوريه

سلامي

شمس النهار يقول...

* احمد الصعيدي

وعليكم السلام ورحمة الله وبركاته

ازيك يااحمد يارب تكون بخير

لاشكر علي واجب

احنا اسرة واحده

سلامي

شمس النهار يقول...

* نور الدين

اهلا بكاتبنا الهمام

شكرا علي مشاركتك وتهنئتك

البلوجر محتاج يفرح شويه

البوست قوي حبتين يانور خف شويه ياريس
:)

ربنا يكرمك بتعمل مجهود كبير

سلامي

شمس النهار يقول...

*ليس فقيرا من يحب

:)
شكرا ليكي ياجميلة

وقبااااااال كل البلوجر


يارب

امين


سلامي

شمس النهار يقول...

* احمد شريف

وعليكم السلام ورحمة الله وبركاته

شكرا علي مشاركتك وتهنئتك

ايناس لو عايزين الموضوع صدقني هيتعمل لها عضويه بتاريخ ماقبل الميلاد
هو حد دريان

سلامي

شمس النهار يقول...

* Sharm

ملبن ايه بس
بقول لك ايناس الدغيدي

مش دينا

سلامي

شمس النهار يقول...

* زهور الامل

ايناس هو في زي ايناس دي دانتيلا خالص خالص

وعقبال ماانزل لك بوست كده وانتي عروسه يارب

امين

:)

سلامي

شمس النهار يقول...

* واحد من العمال

وعليكم السلام ورحمة الله وبركاته

شكرا علي مجاملتك
ومشاركتك بالتهنئه

سلامي

Mahmoud Ahmed يقول...

ما هو اسهل حاجه يتغير الدستور
بس هو مش هيتغير عشان الناس الوحشه الى عايزه تمسك الحكم ^_^ و ترشح نفسها
ما هو ده الى قعدوا المره الى فاتت يغيروه و الشرط الى حطوه عشان يحجمواالناس
و انا مقصدش حد يعني خالص ^_^
بس همادخلوه واحد وحش كده السجن عشان يبقي سوابق و مينفعش يبقي رئيس حزب ولا يرشح نفسه عشان هو سوابق ^_^

Kiara يقول...

فعلا الاخ كيمو لالازم يتضرب دا بعتلي بيقولي هو كل حاجه عندكم ضرب ضرب موتني من الضحك ساعتها

تليفون البيت شغال يامامتي داانا مقيمة في البيت من يوم الخميس ومش خرجت منه بسبب دور النزله الشعبية اللي جتلي
عاااااااااااااااااااااااااااااا

Unknown يقول...

شمس النهار ...
مُشرقه دائما بطلتك علينا ...
تسلمي من كل سوء ...
حلاوه الدنيا في بلدنا ..لكن هنالك الي بيعكر مزاجنا ..
كمان هناك البعض الذي يريد ان يفرض علينا موضوع بعينه ولا رغبه لي في هذا الموضوع ولا احب ان أتكلم فيه فأجد من يدخل عندي بلا احم ولا دستور ...يفرض عليا الكلام بتاعه ...ايه رأيك في دوووول؟

نور الدين (محمد الجيزاوى) يقول...

طب اعمل ايه يا استاذة شمس الموضوع كدة ودى حقايق انا مجبتش شيء من عندى والحل بوجهة نظرى إما إنى ااقدم الحقايق زى ما هى وإما إنى اسكت
طب بجد لو انا غلط قولى
لكن اخف من ايه مهى دى قواعد المسألة إما نجادل بكل قوة ونقدم كل الأدلة
وإما نسكت خالص
لكن الحلول الوسط لا تغنى ولا تسمن من جوع
ولا ايه رأيك ايتها الام الفاضلة والأخت الكريمة
......
نورالدين

شمس النهار يقول...

سبايدرمان spiderman

ايوه صووووووووح


بالظاااااااااااابط الظبطت


ولا عذاء للمرشحين


سلام

شمس النهار يقول...

* كيــــــــــــارا

سلامتك الف سلامه


اما كيمو لما يخلص امتحانات هنبقي نعمل في كل حاجه
ضرب وتذنيب

بس دلوقتي نسايسة علشان يعرف يمتحن

خاليها في سرك

سلامي

شمس النهار يقول...

* فركشاوي ..ناوي

شكرا علي مجاملتك اللطيفه

عارف اعداء النجاح دول عاملين زي رايه وسكينه

في بلوجر ماشي طيب نسيبه في حاله
لأ طبعا

لازم يطلع ميت عفريت

اللي يشتمك واللي يقول لك انت غلط
واللي يكفرك ويعتبرك ملحد

حاجه مش ممكن

بس يقولوا ويعملوا اللي يعملوه
انا اتطعمت خلاص ضد الاشكال دي

ياريت تقرا البوست اللي عملته لما رجعت بعد غياب اكتر من تلات شهور

نورتني

سلامي

شمس النهار يقول...

*نور الدين

انا مش بلومك والا مش عيزاك ماتكتبش

دي حقائق موجوده
انا عارفة


بس عارف في حقائق بتعمل صدمة ساعات
بوستاتك منهم

بالنسبة لي انا قريت الاناجيل من زمان من حوالي 20 سنه كده
وعارفه اللي فيهم

انا بحب واشجع الحرية
وانت عامل مجهود كبير

وفي حاجات ماينفعش فيها حلول وسط خالص من ضمنها الدين

واللي قرا عارف واللي ماقراش يروح يتأكد من ان الكلام موجود
مش ممكن هلومك انك بتنشر حقائق

ومكتوب عليها من كتبها من البشر

لكن انت كده بتعمل حاجه من طرف واحد
اين الطرف الاخر
ماهو مش معقول انت بتدعونا نحن المسلمين للأسلام

شوف ربنا معاك وطول ماانت مقتنع باللي بتعمله خلاص

ربنا معاك

Kiara يقول...

هههههههههههههههههههههههههههههه

هو في سر يتكتب في بلوجر ويبقي سررررررررررر


دي الامم المتحده كلها عرفت قبل اما صوت وشوشتك يجينى

اي في اقل من لمح البصر ههههههههه

شمس النهار يقول...

*كيــــــــــــارا

عندك حق

ده بلوجرررررررر والا خالتي مبمه

::))

Unknown يقول...

الله المناسبات
الحلوة بازوفة
الف مبروك للكل
دايما صاحبة واجب
ياشموسة يابرنسيسة