الأربعاء، 15 سبتمبر 2010

العيد خلص

ملاحظات العيد

****************
index (2) 

العيد في الاول ماكنش حلو محبوسة قاعدة علي كرسي وحساسية مبهدلاني .. وحاجات لطيفه الحمد لله

بس القعدة خلتني اراقب حاجات كتير و افكر في حاجات كتير

الحمد لله

** كنت قاعدة اقرا لاقيت الاولاد كلهم ضحكوا بصوت عالي

قلت لهم في ايه قالو المذيعه دينا بتسأل الراقصه دينا ايه اللي مش بيعجبك في الرجل الشرقي قالت لها (الكدب......)

:)

قالت لها المذيعه مستغربه الكدب ؟؟؟؟؟ الرجل الشرقي كداب ؟؟؟

قالت لها ده فيهم محترفي كدب مبدعين و أساتذة

خلاص بقينا بناخد الحكمة من افواه الراقصات!!!


** والدتي من هواة الافلام وجه حظي انه تتفرج علي فيلم الجزيرة !!

فيلم دموي مش لطيف

بس المؤلف والمخرج حرين يعملوه دموي راقص !!

لكن مش حرين انهم ينزلوا تشويه

في كل حاجه حتى اخلاق وعرف الصعايده

ده كمان هيخربوه ويفتروا عليه

الصعيدي لا يمكن يقتل ست غدر وكمان ست كبيرة !!؟؟

ولا يدور علي طفل يقتله

دي تبقى عيبه وعار و اهله نفسهم يايقتلوه يايتبروا منه

عيب شوهتم كل حاجه ياريت تسيبوا الصعايده في حالهم

و زعلانين ان الغرب بيقولوا علينا سفاحين و ارهابين

:(


** كمان في خبر زعلني اوي

حريق ورش بناء اليخوت والمراكب بالإسكندرية بالانفوشي

انا رحت قلعة قايتباي كتير لكن اخر مرة كنت في زيارة قصيرة لإسكندرية ورحت هناك

بس كان معانا خبير في إسكندرية

ورانا في المكان ده الورش شوفتها من بعيد وصورت يخت كان بيتجهز كان اول مره

اشوف الموضوع ده في مصر

بصراحة انبهرت جدا علشان انا شوفت ده بره

وفرحت اني شوفته في مصر جميل كده

ياريت الدوله تساهم في تجديد الورش دي

وخصوصا ان المكان هناك جميل جدا ومبهر ويقع في مكان اثري وممكن انه يكون المكان من ضمن برنامج السياح

وبكده يرجع اللي اتصرف عليه



** ومش هنسي عساكر الامن المركزي

اللي اتحرقوا كده في غمضة عين زي اي حاجه

بتتحرق في البلد

بس اللي زعلني اكتر تعليق ام مصريه

قالت بالحرف الواحد

اصل انا دعيت عليهم ربنا يحرق قلب امهاتهم عليهم

زى ما حرقوا قلب امهات كتير علي

اولادهم اللي ضربوهم في المظاهرات !!!؟؟؟

زعلت وتأكدت ان المجتمع المصري حصل فيه تغيرااات كتير اوي انا عرفاها

بس كانت الام المصريه عندي خط احمر ابتدي يبهت عندي من تصرفات امهات كتير كنت بشوفها

لكن بالكلام ده خلاص الخط اختفي بالنسبة لي

إلا من بعض الامهات اللي بقوا عملة نادرة

في زمن كل شئ فيه اتشوه وضاع وبقا مسخ

:(

** كمان شوفت فيلم طير انت لأحمد مكي

الفيلم جميل جدا و الحكمه القديمه كون انت مش حد تاني

ماتقلدش حد علشان ترضي حد

في النهاية مش هتعرف لا ترضيه ولا ترضي نفسك

اللي يحبك يحبك زى ما انت

وان مالاقيتش النهارده اللي زيك ويحبك زى ما انت بكره هتلاقي

المهم الاخلاص والوفاء للحبيب

اخر عشر دقائق في الفيلم عجبوني جدا همه تلخيص لحياة ناس كتير اوي


** في النهاية العيد كان غريب اوي السنه دي

حتي غروب الشمس كان غريب مش زى كل سنه

كل سنه وانتم طيبين

:))

هناك 44 تعليقًا:

شمس النهار يقول...

:)))
كل سنه وانتم طيبين
بصراحه ياجماعة المدونه مش عارفه مالها ماكنتش عارفه الاول ارد علي التعليقات اللي في البوست السابق
بس ان شاء الله هرد عليها
وبعد كده
ماكنتش عارفه انشر البوست خالص بقالي ساعتين
وبعدين اخيرا اتنشر ولا صفحة الوفيات لا الخط كبير ولا اللون احمر
ولا حتي الورد اتنشر
مش عارفه تكون المدونه من كتر ما اتهجرت اتسكنت
؟؟؟؟؟؟؟؟
بسم الله الرحمن الرحيم

Kiara يقول...

كل سنة وانتي طيبة يامامتى

وحشاني اوي

ههههههههههههههههه حلوه المدونة اتسكنت

*********

العيد كان غريب جدا جدا بصراحه فرحت اول ساعاته بس :)

Kiara يقول...

1- الف الف سلامة عليكي ياشموسة
2- ايه ياشموستي سيبىىىىىى دينا تنصح الناس مش تقفلي عليها " اه ياضغطى"

3-بصراحه اكتر حاجه مصرية في البلد دي هو الصعيدى بس :)
4-ياريت الورش تساهم في تجديد الورش بيني وبينك ياشموسه حاجات كتير محتاجه تجديد
5-بالنسبه للعساكر دول مش ليهم زنب بجد هما بينفذو بس
6-اهو فيلم طير انت انا مدمناه بجد وبيلخص حاجات كتير اووووووووووي

كل سنة وانتي طيبة ياشموستي

بحبك

adel يقول...

هو اصلا حتي لو هناخد كلام راقصات الا دينا

لا فيلم الجزيرة مبني معظمه علي احداث حقيقة و انا ادافع عن المؤلف بقلب لاني اعرفه و اعرف حكاية الفيلم من اولها

يعني كل ده اتغير و الامهات هتفضل زي ماهي
اصلا هما سب في التغيير

كل سنة و حضرتك طيبة و سلامتك

mrmr يقول...

حمد الله بالسلامه يا شمس
عارفه المثل اللى بيقول خدوا الحكمه من افواه المجانين
دلوقتى اتقلبت الايه ويقولك خدوا الحكمه من افواه الرقصات اها دى اخرتها
اصلا كلوا كوم ودينا دى كوم تانى

وشكرا ليكى يا قمر للدفاع عن الصعايده اه صدقنى الصعايده مظاليم وانا مش بسيبهم فى حالهم شغاله عليهم وفوق دماغهم بس الحمد لله اديتهم اجازه شويه علشان زملائى واصدقائى زعلوا قلت اريحهم وبعدين نستأنف

والف سلامه للمدونه ابقى رشى ميه بملح علشان اللى ساكننها يهجوا ويعزلوا ههههه
تصبحى على خير
كل سنه وانتى طيبه يا حبيبه قلبى

الازهرى يقول...

بخخخخخخخخخخخخخخخخخخخخخخخخخخ

أنا جييييييييييت

لالالالالالالالالالالا
دى تلاكيك علشان كان فى وعد بنيو لوك للمدونة بعد العيد ولم ينفذ حتى الآن

ما علينا نفوتها المرة دى

زعلت وتأكدت ان المجتمع المصري حصل فيه تغيرااات كتير

التغييرات للأسف أصبحت تشمل الكثير من الأمور الجذرية والتى جعلت الكثير والكثير من القيم تسقط ويتناسى الناسى الكثير من مبادىء الدين والعرف اللازمين لقيام المجتمع الصحيح

وربنا يسترها علينا كلنا

أنا - الريس يقول...

ازيك يا شموسة الخير يا نوارة التدوين
حزنت لحزنك بجد لما العيد مر عليكي مش زي زمان

انا حاسس ان كل ما اكبر شوية العيد يبقي باهت ، وانا عيل كنت بستني العيد عشان العدية واقعد طول النهار في الشارع اشتري مسدسات دلوقتي قاعد طول النهار في البيت يا اما نايم يا اما خارج بدون نفس .

تحياتي لكي واتمني لكي سعادة ابديه .

غير معرف يقول...

عيدك كريم يا رب يا مدام شمس
أنا متفق معك تقريباً في أغلب النقاط

لكن ما زال الأمل موجود كذلك بإن القلوب النظيفة باقية ولها انتشار كما هي القلوب الأخرى

دمتِ بود

غير معرف يقول...

أولا سلامة رجلك

ثانيا سلامتك من الحساساه

ثالثا نبني لك مستشفى ونخلص؟

رابعا كل يوم يعدي وأحنا بصحه وراحة بالك يبئا عيد


خامسا سلامة مدونتك

سادسا وأخيرا احجزي لي في المستشفى غرفة ال ان عاش


سابعا فيه ايه ؟ هوا علشان قلت أخيرا امشي يعني؟ طب مش ماشي

دينا معها دكتوراه!!!!!!!!!!

هتسأليني في ايه

هرد بمنتهى الكسوف

كل اناء ينضح بما فيه

صباح الورد

tarek momen يقول...

كل سنة و انتي و السرة الكريمة بخير
عاش الصعايدة اجدع ناس
انتي منين من الصعيد
الجواني و الا البراني
انا من البراني
تحياتي

أحمد الصعيدي يقول...

الصعيدي لايمكن يقتل ست غدر وكمان ست كبيرة



السلام عليكم يا شمس

صح كدة

ده مش طبع صعايدة

كل سنة وانتي طيبة يا شمس


ربنا يسعدك

Foxology يقول...

اولا : الف مليون سلامة يا شمس البلوجز وربنا يجعله اجر وعافية ان شاء الله انا عرفت من ازهرى باللى حصل وربنا يكرمنى واقدر اجى النهاردة مع الوفد ومعايا زوجتى اينو لو اخلص شغل بدرى ان شاء الله

ثانيا : اللقطات اللى حضرتك قولتيها كانت مهمة جدا وخصوصا موضوع عساكر الأمن المركزى اللى للأسف بيبقو عالم غلابة جداااا وشباب زى الورد بس عبارة عن ادوات فى ايد اللى اكبر منهم لدرجة ان الظابط لو قال للعسكرى اضرب ابوك فى المظاهرة هيضربه !! وده عن احتكاك شخصى بالنوعين الظابط والعسكرى !!!!! والمجتمع المصرى اتقلب حاله والبركة فى السادة المسؤلين اللى عرفو ازاى يكرهونا فى بعض بالشكل ده

تحياتى وعيد سعيد وألف سلامة عليكى

Baskouta يقول...

كل سنة وحضرتك طيبة
والف سلامة عليكي
تحياتي البسكوتية.

Unknown يقول...

كل سنة وانتى طيبة يا شموسة

والف سلامة عليكى
حكاية الحكم اللى من افواة الرقصات
والطبالين
واى حد دا بقى عادى

اما عن فيلم الجزيرة فدا للاسف واقعنا الحالى دموى



انا فى القاهرة الخميس والجمعه اتمنى اشوفك

فاتيما يقول...

ازيك يا شمس نهار المدونات
و قمرها


حمدلله ع السلامة
و الف سلامة عليكى


حكاية المدونة دى معلش
احيانا بترخم مع الواحد
متكتبيش البوست على الورد
و تيجى تحطيه ..بيبوظ الدنيا
لو كنتى بتعملى كدا يعنى


لو مش كدا
يبقى اللهم ما أحفظنا
و ان شاء الله ينصرفوا
ينصرفوا
لا يؤذونا و لا نأذيهم



قبل ما انسى ممكن تسلميلى
على صديقتك العزيزة
اللى شرفتنا يوم معرض الكتاب
عشان كل مرة ابقى عاوزة اقولك
سلامى ليها جدا
و بنسى




متفقة مع بسام الريس بتاعنا
العيد كل مدى بيقل فى بهجته
و بيبهت نوره
او بمعنى ادق
بيتغير و ياخد شكل تانى
مختلف عن زمان
احساسنا بيه بيتغير
لأن احساسنا نفسه بيهدى و يمكت يبقى فيه فتور
معرفش
انا دايما اقول
لولا الاطفال
مكنش حد عرف معنى انه يفرح
العيال و الاولاد هما اللى بيجبروا الواحد ف عز حزنه يفرح و يضحك و يخرجهم و يبسطهم لأنه واجب عليه ..بيعمله بكل حب
ربنا يسعد كل ايامك
و عقبال ما تقضى العيد مع الأحفاد
ياااااااااارب



حزنت قوى من تعليق الام اللى قولتى عليها
بس قدرت استوعبه
او افهم ليه بتقول كدا

اصل الحالة دى
تجسدت يوم وفاة حفيد الريس
لما ناس كتير
قالت ايه يعنى
يدوق شوية
من حسرة الأباء و الامهات

ساعتها الجملة وجعتنى صحيح قوى
لأن مفيش شماتة ف الموت

لكن تفهمت جداااااا احساس اللى قالها ...لأنى ام
و عارفة حسرة فقدان الأبن
نوعا ما يعنى

احساسها منطقى
بس التعبير عنه هوه اللى غلط
و صارخ
عارفة زى اللى بيدافع عن قضيته
و حقه بشكل غلط
يفقده اى تعاطف من الجميع


الوضع اصله كله معيوب
و غلط زى ما قال عادل
فبالتالى كل شىء مبنى عليه
هيكون مشوه و قبيح زيه


انتى وحشتيناااااا خالص
و الف سلامة عيكى


بوسات و حضونات
كتيييييييير قوى

Ramy يقول...

اولا يعنى خلاص

خدتى أفراج من الجبس ولا لسه

حمدالله ع السلامه فى جميع الأحوال (:

العيد لم يتغير بس كلنا اللى اتغيرنا بس المشكلة التغير مبقاش للأحسن

و الصعيدى كمان أتغير دى من معايشه مش من كلام سمعته

والأمهات اتغيرت

كل شيىء أتغير للأوحش

أنا اسف أى بقول كدة مش أسف ليكى بس لينا كلنا

ربنا يكرمنا كده و نرجع حاجه من حاجات زمان

من جمال زمان (:

حمد الله ع السلامه

بحر الالوان يقول...

الف حمد الله علي السلامة .... وفعلا احنا اعيادنا دايما ممزوجة بالالم ... لازم كارثة تحصل ... ناس تتحرق ... معدية تغرق ... قطار يولع ... وربنا يصبرنا علي ما نحن فيه .

تحياتي لك ... واعياد قادمة افضل بإذن الله .

بسمة انور يقول...

كل سنة وحضرتك طيبه ياخالتو
اهو عيد زى كل سنة

العيد فرحته وقت صلاه العيد وبعد كده بـــح العيد يوم عادى جدا

كل سنة وحضرتك بخير والف سلامة عليك

د. ياسر عمر عبد الفتاح يقول...

مفيش حاجة بتفضل على حالها
والعيد خلاص ,,
فقد بريقه تقريباً

بصلي العيد
وأرجع أنام لحد بلييل

هوه ده العيد

كل سنة وحضرتك طيبة

Haytham Alsayes يقول...

شمس النهار

ازيك
يارب تكوني بخير
كل سنة وانتي طيبة

ملاحظات جميلة خاصة بتاعة افواه الراقصات للاسف بقوا قدوة
في كلمة كانت جميلة لعادل امام في شاهد مشفش حاجة بيقول لو سنية سوست الراقصة مشت ومعاها توفيق الحكيم عيقولوا مين اللي ماشى مع سنية سوست دة
بتهيقلي خلاص وصلنا لكدة

حتة الامن المركزى مفيش شماته في الموت وهما في الاخر بينفذاوا اوامر هي غلط بس علي فكرة هما غلابة واغلب من الغلب ذاته

احمد مكي الحقيقة كومديان ررائع فيلم طير انت فكرته جميلة والاغنية معبرة جدا


كل سنة وانتي بالف صحة وخير

شمس النهار يقول...

* كيــــــــــــارا

كل سنه وانتي طيبه :))
عارفه احنا محتاجين نبني الانسان من اول وجديد
علشان نقدر نبني مصر من اول وجديد

ساعتها هيبقا كل شء زي الفل

:)))

تحياتي

شمس النهار يقول...

* adel
دولاااااااا
خلاص بقا احنا اتخانقنا بسبب الفيلم امبارح لايف مش هنتخانق تاني علي المدونه
:))

عجبتني جدا كلمتك ان الامهات همه سبب التغيير
صح
بس كمان الابهات كان عليهم جزء
ماهو ياعادل لما الادوار تتشوه وكل واحد مايعرقش دوره ويسيب غيره يعمله يبقا خلاص بقا
تبادل الادوار غلط وكمان انك تتخلي عن دورك لأسباب غلط اصلا يبقا خلاااااص

تحياتي

شمس النهار يقول...

* mrmr

كل سنه وانتي طيبه ياجميلة

وبعدين دينا معاهاااا ماااجيشسير قد الدنيا وبتعمل في الدكتتتتاره

بس تنصح لا معلش بقا

وارحمي الصعايده يامرمر الله يمسيه بالخير بقا اللي فتح علنا الفتحه دي بقا
:)))

نورتيني

تحياتي

شمس النهار يقول...

* الازهري

طبعا يامااان الدنيا اتغيرت واتغيرت اوي يمكن العواجيز اللي زي همه اللي يعرفوا قد ايه حجم التغيير والمصيبه

وبعدين ايه بخ دي بتخضني هي ناقصه خضايض يابني

هي العيشه بقت خضه اصلا

كل سنه وانت طيب

تحياتي

شمس النهار يقول...

* MR.PRESIDENT

كل سنه وانت طيب وبخير وسلامة

العيد السنه دي ماكنش حلو لأسباب كتير
اوووووووي

بس فعلا احساسك بالعيد بيتغير من مرحلة لمرحلة

يعني وانت طفل حاجه وبعدين وانت شاب حاجه

وانت متزوووووج وتعووول ولازم تجيب لبس العياااال والمصاريف والكحك والذي منه حاجه ياريس
:)))))

الست حاجه تانيه عندها شباب دائما في وجود اولادها وانها لازم تدخل البهجه في قلوبهم
بعد طبعا الاب ما يدبس في مصاريف البهجه دي

وشكرا علي كلامك في تعليقك عند ابني ازهري
ربنا يكرمك

تحياتي

شمس النهار يقول...

* أحمد شريف

كل سنه وانت طيب

وان شاء الله طبعا في امل

لكن الحياة لاتخلوا ابدا من لحظات حزن


تحياتي

شمس النهار يقول...

* مصري جدا

كل سنه وحضرتك طيب

اه والله فكرت المستشفي كان والدي الله يرحمه تبناها وبعدين لاقينا كده ارخص
:))

اصل مريض الحساسيه لابيخف ولا بيموووت
:))
وسلامة حضرتك من الانعاش

اما دينا هو حد غلط في دينا والا يستجري يغلط فيها

صباح النور يافندم

تحياتي

شمس النهار يقول...

* tarek momen

اهلا اهلا ياحاج

كل سنه وانت والاسرة الكريمه بخير

لا يا حاج طارق ماانت عارف من الصعيد المودرن

وبعدين اغلبنا صعايده بالاسم انا شخصيا عمري مارحت المنيا ولو ان نفسي اروح جدا قبل الناس اللي اعرفهم هناك مايتكلوا

تحياتي

شمس النهار يقول...

* أحمد الصعيدي
كل سنه وانت طيب

اهو انت صعيدي عمرك سمعت عن صعيدي قتل ست؟؟

شويه نكت وشويه ظالومه مش معقول كده يااحمد

:))

تحياتي

شمس النهار يقول...

* Foxology

كل سنه وانت طيب انت واينو الجميلة

ربنا يكرمك

فعلا الشعب اتعلم يكره نفسه
ده بيكره ده وده بيكره ده
صح عندك حق
وكمان تفشي الانانيه في المجتمع نتيجة الكره

نورتوني وشرفتوني والله

تحياتي

with you يقول...

السلام عليكم ورحمة الله وبركاته

كل عام وحضرتك طيبة

تقبل الله منا ومنكم

محمد حياتنا

شمس النهار يقول...

* Baskouta
كل سنه وانتي طيبه ياجميلة

والسنه الجايه محققه كل احلامك الجميلة

تحياتي

شمس النهار يقول...

* نهر الحب

كل سنه وانتي طيبه

:))

ان شاء الله المرة دي اشوفك بقا في القاهرة

وهنحاول بجد ونشاط

:))
تحياتي

Sweet Violet يقول...

الموضوع مش حكمة اكتر من انه رأى فقط
و هى معاها حق يعنى الرجل "الشرقى" كداااااب .. هو العجيب ان السؤال يجى باستغراب على اساس ان الرجل "الشرقى" غير البشر لا ينكن يكدب أ ب داً
D:

للأسف مش شوفت الجزيرة بس عموما الافلام دلوقتى بقت بتحب تعمل زووم على الوحش قوى علشان تسود علينا الدنيا اصلهم شايفين ان السواد فاتح شوية فصعبنا عليهم
:\

الام المصرية زى اى شخص فى مصر و العالم قابل للتغيير بس بما ان مصر اسرع دولة بتحب التغيير للغلط فاانا مش مستغربة ان الام صورتها تتهز و تتغير لانها بشر

ياريت فعلا هدف فيلم طير انت الناس تفهمه و تعمله و الكبار قبل الصغار لان دلوقتى بقى كله سايح على بعضه و الواحد مابقاش عارف يفرق
:(

كل سنة و انت اجمل شموسة
:)

و ربنا يهدى المدونة يارب و يجعل كلامنا خفيف على عمو بلوجر
:))

أمل حمدي يقول...

كل سنة وانت طيبة يا شموسة
ربنا يشفيك ويعافيك اللهم أمين
وحشاني حبيبة قلبي

شمس النهار يقول...

* فاتيما
ازيك يافتيما ياجميلة

كل سنه وانتي طيبه وبالف خير

المدونه مسكونه يافاتيمه
ربنا يستر

ومن عينيه هي كملن دايما بتسلم وتسأل عليكي

كلامك صح وكلام الريس صح
بس في النهايه العيد فرحة بس ساعات تحصل احداث بتخلي الفرحه تتعكر شويه

وادع لي يبقا في احفاد ربنا يسهل
:))

وماتستغربيش من الام اللي قالت كده
ماهي شافت شباب زي الورد بينضربوا لااللي بينضرب عارف بينضرب ليه ولا اللي بيضرب عارف هو بيضرب ليه

هو زي مافوكس قال عرفوا يكرهو الشعب في بعضه

يالله هيروحوا من ربنا فين

انت كمان وحشتيني ياجميلة
ربنا يسهال ويكون في لقاء بس بعد مااعرف امشي كويس علي رجلي

:))

تحياتي

شمس النهار يقول...

* Ramy
ازيك

ايوه فكيت الجبس الحمد لله
بس المشي لسه عليه شويه يادوب بمشي علي خفيف كده في البيت

الله يسلمك وشكرا ليك

علشان نرجع تاني زي زمان اااوي زمان بتاع نهارك سعيد وممنون
والناس الزوق اوي ده
لازم نولع في البلد خااالص
ونبني بقا ونربي تاني علي ميه بيضه
:)))

شكرا علي سؤالك

تحياتي

شمس النهار يقول...

* بحر الالوان

اولا كل سنه وانت طيب
ثانيا هو المدونه عندك مالها والا انت اللي مالك
اروح اقرا جميل اجي اعلق مافيش تعليقات اجي اروح اقرا بلوجر يقول لي نووو انت غير مدعو
اقول لبلوجر مدعوا فين ده انا صاحب الفرح يقول لي برضه نو

انت قفلتها في وشنا ليه يابني
ماتفتحهالنا تاني ربنا يفتحها عليك

كل سنه وانت بصحه وسلامة وخير

تحياتي

شمس النهار يقول...

* بسمة انور
حمد الله علي السلامة

:))

كل سنه وانتي طيبه ياجميلة

ان شاء الله كله هيبقا خير

تحياتي

شمس النهار يقول...

* د. ياسر عمر عبد الفتاح

حمد الله علي السلامة

ازيك انت فين يادكتتتتتور

عامل غياب ليه

كل سنه وانت طيب ومحقق احلامك

وياريت كلنا نرجع تاني للتدوين

تحياتي

شمس النهار يقول...

* Haytham Alsayes

اهلا بيك ياهيثم
كل سنه وانت طيب

فعلا هي كده بقت للراقصات

بشكرك علي بوستاتك في رمضان كانت جميلة


كل سنه وانت طيب وبخير وسعادة

تحياتي

شمس النهار يقول...

* with you
اهلا وسهلا بيك

كل سنه وانت طيب اعاده الله علينا كلنا بخير

تحياتي

شمس النهار يقول...

* Sweet Violet

كل سنه وانتي طيبه
:))
علي فكره كل انسان حر يتكلم زي ماهو عايز ويقول اللي يقوله مش بحب احجر علي حد

بس ده اعلام يعني تلقين يعني لما اقعد اقيم حوار فيه مواعظ معاها بدي قدوة للبنات غريبه شويه

وبعدين الاخت الدكتوره دينا ماتعرفش رغم دراستها الاكاديميه ان التعميم مرفوض في البحث العلمي
اه طبعا في رجاله شرقيين ماشاء الله دكاتره في الكدب الموجه
لكن في صادقين جدا

عارفه كمان اعتراضي ان فيلم زي ده يجي في العيد يعني هي ناقصه
ماهي كانت دمويه لوحدها

لا ياشيكو الام المصريه علي طول الزمن ماكانتش كده
عمرنا ماسمعنا عن اللي بيحصل دلوقتي وعندي امل في النقطه دي بالذات ان الام المصريه ترجع تااااني وماتبقاش خرج ولم يعد

اما فيلم طير انت فهو من امتع ماشاهدت خلال الفتره الاخيره

كل سنه وانتي طيبه ياقمر
ويهدي لنا المدونه
وربنا يستر
اومال لما هنعمل النيو لوك هيحصل لها اييييييييه
؟؟؟؟؟؟؟؟؟


تحياتي

شمس النهار يقول...

* ماما أمولة

اهلا اهلا بيكي
كل سنه وانتي بالف خير وسلام

ببعت لك سلامي دايما ياريت يكون بيوصل
وربنا يديكي الصحه والعافيه


نورتين


تحياتي