السبت، 18 سبتمبر 2010

العصير!!+تحديث


زارني النهارده الرقيقه نهر الحب واختها الجميلة

شكرا علي الورد الجميل والقعدة اللطيفه

ولو انها قصيرة جدا

نهر الحب من الناس اللي شبه مدونتها جدا

********

هقول حاجه بس كده علي الماشي قبل مااانتكلم عن العصير

بحب اقرا الجرايد بالليل مش الصبح وأمر كده علي العناوين واللي يعجبني اقراه

لفت نظري عنوان ضحكني ضحك و انا مالييش مزاج اضحك حبيت تشاركوني فيه وتقولوا لي ليه حق اضحك ولا لأ

(عباس ونيتانياهو يحاولان التوصل الي صيغة لاستمرار المفاوضات المباشرة براعية امريكية)

:))

مااااعلينا نتكلم بقا عن العصير:

طولي عمري من هواة الفاكهة والعصير مش مهم فريش او معلب المهم انه عصير

ولاقيت انيس منصور كاتب في مواقف حتت مقال يشيب له الولدان

ده لينك المقالاهووووو

من النهاردة مافيش غير عصير فريش ومعمول في البيت

*********************

كمان عرفت ان عصير الخيار مفيد جدا لعصر الهضم وخفض الكولسترول في الجسم

ويساعد في علاج الروماتيزم والنقرس وفوائد في تقوية الاسنان واللثة

والكلام ده علي مسؤولية الاطباء الاوكرانين من اوكرانيا الشقيقه

:)

كما علمت ان ان الكركديه علاج فعال وامن لخفض انزيمات الكبد ويساعد الكبد علي انتاج مضادات الاكسده

ويحسن وظائف الكلي . ويمد الجسم بفيتامينات أ –ب-ج

والكلام ده علي مسؤولية باحثه من جامعة الازهر الشقيقه ومنشور في الاهرام الشقيق

جميل طبيبك الخاص ده صح

:))

هناك 65 تعليقًا:

Sweet Violet يقول...

حجززززززززز اول تعليق
لتانى مرة نيهاهاهاهاهاهاهاهاها
:)

شمس النهار يقول...

*Sweet Violet
:))

دلوقتي ازهري يطلع يقول لنا في كوسه

ويعلن علينا الحرب
:))

Sweet Violet يقول...

احم احم
ماليش انا فى البوست نوهااااائى .. اصل الحاجات اللى قولتيها مفيدة علشان كده مش ليا تقل عليها
:))
جد بقى
انا اعرف فعلا ان العصير الفريش افيد كتييير لان المعلب بيفقد جزء من الفايدة لكن انه ساااام دى جديدة
O_O

تسلمى ياشموستى على بوست طبيبك الخاص
عقبال ياااارب ما مطبخ شموسة يرجع بقى
:)

Sweet Violet يقول...

ههههههههههههههههههههههههه
لا تقلقى انا بدات اصلا اجهز الاسلحة مرة تانية
لان اتفاقية السلام مش نافعه نهاااااائى
:))

فشكووول يقول...

السلام عليكم
طب ايه علاقة نتنياهوا وعباس بالعصير
ومالها الرعايه الامريكيه
هو كله عصير برضه
اجتماعات وكباية عصير
وفشل فى كل الاجتماعات
عموما انا رايح لانيس منصور اشوف ايه الحكايه لانى ما بقراش الجرايد اللى بيسموها قوميه خالص
تحياتى

adel يقول...

الحمدلله
قلب عادل دليله
انا مشربتش عصير و طلبت نسكافية
ههههههههههههه

ادم المصرى يقول...

السلام عليكم

طيب عباس بتاع فلسطين ولا عباس بتاع الزمالك
هههههههههههه

والله جايز يطلع بتاع الزمالك مين عالم بس بتاع الزمالك برعايه وكاله الاهرام والجونه
هههههههههه

واهو الاثنين بيشربو عصير واحد قصب والتانى فريش

شمس بجد مقالاتك جميله جدا وحشتنى ايام زمان
ـــــــــــــــ
بعيد عن البوست بقه كنت عاوز اكلمك فى شيئ كدا على الماشى عوزين نجمع اقدم مدونين مش اقدم بتوع ثنتين وكدا لا اقدم يعنى الى انا شيفو دلوقتى من بتوع زمان انا وانتى واستاذ فشكول عوزين نجمع اكبر قدر ممكن ونعمل مدونه مشتركه ونعملها زى مثلا اتحاد لمدونين او مكان لتقديم شكاوى او اى استفسارات لأى مدون او مثلا اى اقتراح اى مقابله اى شيئ تتقدم فى المدونه دى واحنا نحاول نوصل او نحل او نربط فكرى وردى عليا فى المدونه وانا اقدملك باقى الفكره على فكره انا بقالى فتره كبيره بفكر فيها انا مكنتش غايب عن التدوين من فراغ انا ديما برجع بنصايب ههههههههههه

Haytham Alsayes يقول...

العصير سام
ينهار ابيض
بجد والله اول مرة اعرف
خلاص انسي ياهيثم بعد كدة انك تشرب عصير برة البيت كله فريش وخلاص علي كدة

عباس ونتن ياهو حلوة حكاية المفاوضات دى
بضحك لما بسمعها
هههههههههههه

ربنا يخدهم ويخلصنا منهم
المنافقين من الحكام
والصهاينة


تحياتي
وشكرا علي المعلومة
ربنا يجعلها في ميزان حسناتك

mrmr يقول...

بالزمه واحد عصير فراوله فريش وصلحوووووووووا
ويسلام لو جنيه ع حبه خيار مش عصير خيار علشان عصر الهضم
هههه
مساءك معطر بجميع الرياحين يا اجمل شموسه
عمله ايه يا حبى يارب تكونى بخير

شمس النهار يقول...

* Sweet Violet

ماانا عارفه ان حضرتك مالكيش في اي اكل مفيد اصلا
خليكي انتي في النيسكافيه اللي سادد نفسك اصلا ده

ان شاء الله الدنيا تستقر بس واكون كويسه وارجع لمطبخ شموسه تاني

بس انتي شوفتي المنظر والمطبخ عايز تركيز لا انحرق الاكل ونفرح الناس فينا
:))

ده السلام بتاع مين

:))

شمس النهار يقول...

* فشكووول

حضرتك انا اللي ضحكني انهم لسه ودلوقتي
لسه بيفكروا ويعدوا وينوا يعملوا صيغه علشان المفاوضات تستمر
لسه لحد دلوقتي مافيش صيغه اصلا
مش حاجه تضحك

والمقال فعلا جبار

لا حضرتك انا ادمن الاخبار والاهرام امتداد لوالدي رحمه الله
وكمان بحب اضحك عندما يعز الضحك

تحياتي

شمس النهار يقول...

* adel

اه حظك ياعم

بس انت عايز غيط عصير فريش ياعادل
عايز نظام غذائي

علشان تتخن كده يجي عشرين كيلو

:))

واه من النيسكافيه اللي سادد نفسكم
هو والسجاير

ولو ان المنزل عندي محميه طبيعيه لايدخن فيها احد

تحياتي

شمس النهار يقول...

* ادم المصرى

وعليكم السلام

الاتنين مايفرقوش عن بعض لاده عارف يعمل حاجه ولا ده عارف يعمل حاجه

عباس من عباس ياقلبي لاتحزن

بالنسبه للمدونين القدام ياريت فكرتك حلوة

بس الاول يرجعوا
كل الطيور المهاجره يرجعوا

في منهم استوطن الفيس واستسهله
لو نعرف نرجعهم هنقدر نعمل ده

المدونات اجمل من الفيس بكتير

وتنور في اي وقت

تحياتي

شمس النهار يقول...

* Haytham Alsayes

قريت المقال ياهيثم

انا اتخضيت اول ما قريته
انت عارف ان اصح عصير الفريش ومن غير سكر ولو لابد يبقا عسل نحل

اشرب عضير بس فريش يتعصر قصادك ومن غير سكر

وعجبني ادم المصري وتعليقه علي عباس

:))
هم يضحك بصحيح

تحياتي

شمس النهار يقول...

* mrmr

يامساء الفراوله بس انا بحبها كده مش عصير
:))

اقري المقال وبلاش اي عصير معلب بقا

انا الحمد لله ياجميلة

ادعي لي

تحياتي

adel يقول...

ان غير مدخن نهائيا علي فكرة
هو القهوة و النسكافية و بس
:):)

شمس النهار يقول...

* adel

ميه ميه ياعادل انك غير مدخن

التدخين ده اسوء شئ في الكون

عقبال كيمو لما يبقا غير مدخن

وباقي المدخنين

غير معرف يقول...

انا بقرف من عصير العلب

وبقرف من نتانياهو وعباس برضو :)

تحياتي

شمس النهار يقول...

* فتاه من الصعيد

ازيك كل سنه وانتي طيبه

الحقيقه انا بحب العصير بكل انواعه بس بعد النهارده الفريش فقط

بس بقرف من كل اطراف النزاع
بحسهم بيمثلوا

اما عباس هو في زي عباس هو الوطن العربي خلف غير عباس

مش عارفه شوفتي مسرحية صاحب العماره لتحيه كاريوكا
كان في ممثل اعتقد وحيد سيف طول المسرحيه لما يسألوه عن حاجه يقول وانا مالي انا عباس
انت مش راجل يقول لا انا عباس
:))

تحياتي

بنت الغربة يقول...

شموسه حبيبتى
هو لسه عباس ليه نفس يتفاهم مع نتن ياهو..لا وايه تحت الرعايه الامريكيه؟؟؟؟؟؟؟ كلمه من 3 حرووف نفسى ااقولها بس مكسوووفه...
بالنسبه للعصير ان من هواة عصير البرتقال الفريش من غير سكر...
وباحب دايما عمله فى موسم البرتقال..
واليوستفندى كمان..
ادينى قلتلك اهو علشان لما تعزمينى تعرفى باحب عصير ايه...
تحياتى ياقمر

elsha3er يقول...

والله ليكى حق تضحكى

اما بالنسبة للعصير انا مش مقتنع بعصير الخيار دة حاسه حاجة غريبة اوى

SHAPE YOUR LIFE (ABOALI) يقول...

فعلا خبر عباس واخوه نتن رائع
العالم دى بتشتغل نفسها وبعدين يقولوا فيه بلاهاء نشتغلهم فاكرينا سجادة

ليهم يوم

اما عن العصير
كل مهو هو مخلوق على الفطرة يفيد
وكل ما تدخل فيه الانسان واضاف اليه
الطعم والنكهة والملح والسكر
ابقى سمى الله ورددى الشهادتين
فربما حان الاجل

بوست شيك ومفيد كاءنى فعلا عصير طبيعى

بس السؤال وليه نعصر ونتعب نفسنا
ناكل على طول
ده حتى القشر ليه فوايد
بيغطى حااااااااااااجات ومحتاجات

وربنا يعطى المحسنين

من غير عنـــوان يقول...

السلام عليكم
شكرا على السؤال
وأنا من كتير مش بأدخل البلوج
وأتمنى أن تكوني أنت والعائلة الكريمه في أحسن صحة وأتم حال

Ramy يقول...

الحقيقة يا دكتورة شمس

انا بحب كل انواع العصير بدون أستثناء

بس انا لسه ماقرتش المقال يمكن اغير رأيى

و انت عرفتى أزاى ان اوكرانيا دولة شقيقة اصل انا بقول عليهم كدة فى الشغل (:

Ramy يقول...

يااااااااااااااااااااه

هما لسه حاسييين دلوقت ان احنا فيران تجارب ليهم

يا لسخرية القدر (:

shimaa elkholy يقول...

اه طبعا احنا فيران تجارب

مش بس كده ده احنا مزبلة العالم كمان اي منتج حتى لو كان دوائي لو ثبت عدم صلاحيته بره بيرموه عندنا هنا فى العالم التالت امال يخسروا خط الانتاج الى كلفهم مليارات احيانا ؟؟

واحنا حكوماتنا بيعانا وبتشتري الامصال بالملايين ودى اهم حاجه حضرتك

وكان نفسي اشوفك يا جميل والله ويارب تكوني بخير

beautiful mind يقول...

شموسه
كب سنه وانتي طيبه
معلش والله انا مش بدخل كتير
عشان ظروفي مش تمام اليومين دول
بمناسبة موضوع العصير
ههههههه
انا هجرب الوصفات دي
ولو جابت نتيجة هابقي انشرها واشهرك
وانتي هتلاقي الاستشارات جايالك من كل حته
بس انتي لاحقي

أنا - الريس يقول...

بعد السلام والتحيا
ازيك يا شموسة

انا بحب اي حاجة تمت لكلمة الأكل بصله
:)) مفجوع يعني - شره - جعان

وليكي حق تضحكي لان مفيش سلام والحل معروف .


كل دا تطويل وخلاص

طهر فؤادك يقول...

السلام عليكم ورحمة الله وبركاتة

ربنا يكرمك يارب والمسلمين

وفعلا الخبر بتاع الجرايد دة مضحق جداا وخرافى فى نفس الوقت ..

اما عن العصير حلوة المعلومات وبارك الله فيكى وحلوة الحاجات الشقيقة دى .

شمس النهار يقول...

* بنت الغربة

اهلا بيكي تعالي انتي بس وهتلاقي البرتقال وعصير البرتقال
اصلا من احب العصائر عندي

اما عباس ده ينطبق عليه اللي اختشوا ماتوا

فين باقي موضوع البوست الاخير

نورتيني

تحياتي

شمس النهار يقول...

* elsha3er

ليه مش مقتنع ياشاعرنا الهمام بعصير الخيار بس
انت هتعرف اكتر من الاشقاء الاوكرانيين

وبعدين ماتجرب هتخسر ايه يعني
اصلا الخيار الكيلو ب5جنيه

يبقا يحق له نعمله عصير

تحياتي

شمس النهار يقول...

* SHAPE YOUR LIFE (ABOALI)

همه اصلا علي مر الزمان مش عايزين يحلو

همه مرتاحين كده

واهم بيتفسحوا

بالنسبه للعصير كلامك صح

بس كمان في ناس تحب تشرب عصير
وبصراحه اشيك انك تشرب عصير في كاس لطيف كده
يعني ننوع نعمل دي ونعمل دي

تحياتي

شمس النهار يقول...

*من غير عنـــوان

وعليكم السلام

الحقيقه كنت بعدي علي كل الناس في البلوجر اسلم واقول كل سنه وانتم طيبين
لاقيت حضرتك معلق عند بنت الغربه قبلها بيوم او يومين مش فاكره قلت اكيد نزلت بوست وماظهرش عندي في القايمه اصل المدونه عندي متلخبطه من كتر الركنه

رحت علي مدونتك مالاقيتش بوست جديد
سلمت وقلت كل سنه وانت طيب ولاقيتك عامل مودريشن

قلت طيب

كل سنه وانت والعائله بخير
وانا الحمد لله احسن وهنزل علاج طبيعي من الاسبوع الجاي

نورتني

تحياتي

شمس النهار يقول...

* Ramy
طبعا اوكرانيا دوله شقيقه
:))

كله شقيقه

في ايه يارامي ؟؟

وتشيكوسلوفاكيا الشقيقه

وزنجبار الشقيقه

دي حتي امريكا طلعت شقيقه برضه
بس من ام تانيه
:))

مش عايزاك تغير رايك في العصير
لكن في النوعيه
يعني لازم يكون فريش ومعصور قصادك

وبالهنا والشفا

وطبعا احنا فيران تجار ليهم
انت تعرف انهم لما بيحبوا يجربوا شئ جديد في الطب بيصتضيفوا مرضي من عندنا ببلاش يجربوا عليهم العلاج الجديد
ودي واقعه انا شاهد عليها

ولله الامر من قبل ومن بعد

تحياتي

شمس النهار يقول...

* ندى الياسمين

كلامك صح ميه ميه

واقري ردي علي رامي كمان

ازي بابا دلوقتي يارب يكون بخير

تنوريني لما تيجي القاهرة بقا

تحياتي

Ramy يقول...

طب يقولوا

يدونا حق اختيار

ان احنا نموت فى الاختبار

أأأأأأأأأأأأه يا بلد مفيهاش حاكم

شمس النهار يقول...

* beautiful mind

كل سنه وانت طيب

جرب انت بس والعهد علي الاخوه الباحثين الاشقاء

ربنا يروق بالك وترجع تنتظم تاني في بلوجر

تحياتي

شمس النهار يقول...

* MR.PRESIDENT

يانهار ابيض

بتحب الاكل يبقا انت مش تبعي خالص
انا اشجع البسكوت والزبادي والعصائر والخضار الشبه طاظا والفواكهه


جرب كده هتلاقي معدتك بقت احسن

تحياتي

شمس النهار يقول...

* طهر فؤادك

وعليكم السلام ورحمته وبركاته

اهلا اهلا

الخبر مضحك ومبكي في نفس الوقت

دول لسه بيحطوا خطه علشان يستمروا مش يحلوا

كل سنه وانت طيب

تحياتي

شمس النهار يقول...

* Ramy

في ايه يارامي انت رومنسي ليه كده

هو السفاح بياخد راي الضحيه

هو بيشتغل علي طول

:))

Mafrousa يقول...

السلام عليكم و رحمة الله و بركاتة
مرسي على سؤلك جدااااا
و مرسي على زيارتك مدونتي جدااااا
و مرسي على المعلومات المفيدة بتاعة الفاكههة و عصيرها
انا بحب العصير بس مش على طول
لأن السكريات بتحررني جدااا
المهم ان العنوان اللى انتى حاطاه يفرس يا شموسة
و يفرس جدااا كمان
حروح اشوف المقال اللى يخلينا ناكل كل حاجة بيتى ده
تحياتى ليكي و سلامى ليكي ايضا

باحث عن حب يقول...

كله عصير
النتن وعباس
كله عصير وازاى تجيبى النتن فى البوست كده ومعاه الزياره والعصير
بردوا كده
كل سنه وانتى طيبه

Foxology يقول...

عنوان مقالة عباس ونتنياهو فكرتنى بالمقولة الشهيرة : اتفقنا على الا نتفق !!!

العصير الفريش المعمول ف البيت اكيد مفيش احسن منه محدش ضامن اللى معمول ف الشارع معمول ازاى ومين اللى عمله !

بوست جميلة ومعلومات مفيدة :)

تحياتى

Hanan Elshafey يقول...

الف سلامه عليكي يا ارق شموسه في كل البلوجر
بعتلك السلام مع كذا حد والله وعارفه ومتأكده انهم مش هيوصلوا
:)
وبرغم اني عويانه ومريضه قلت لاز ماجي اسلم واسأل بنفسي
يارب تكوني بقيتي بخير
:)
حبي وودي

السُـلطانة يقول...

السلام عليكم ورحمة الله وبركاته ..

أنا من عشاق الكركديه فهو منعش جدا وذا مذاق لذيذ .. والحمد للله إنك أخليت مسؤوليتك لأن الواحد صار بيشك في نفسه حتى!!!

Abu ShoSho يقول...

الساطعة شمس النهار

أدعو الله أن يتم لحضرتك الشفاء و يجعل صبر حضرتك على البلاء مما يثقل صحيفة أعمالك يوم لقاه.
و هنيئا لحضرتك بذلك الدفء الذي يحيطك به أحباؤك من المدونين و ما هو إلا انعكاس لأشعة حبك التي غمرتهم من قبل.

أستاذتي الفاضلة لا أدري لم ذكرت اليوم البدر صاحب دكان الحبشتكنات و غيبتة التي قاربت على العام و وددت لو أن حضرتك سمعت منه أو عنه ما يطمئننا عليه.
اعذريني يا أستاذة إن كان في سؤالي تطفل فظني بحضرتك ما دمت أنت الشمس فكواكب التدوين و أقماره في أفلاكها ليست عنك ببعيده.

أدام الله مدونتك فكرا يضئ للعقول و عاطفة تدفئ الأفئدة.

تحياتي
أبو شوشو

فاروق عادل يقول...
أزال المؤلف هذا التعليق.
فاروق عادل يقول...

ازيك ياشموسة

كل سنة وانتى طيبة ...تهنئة متأخرة انا عارف ..بس كان لازم اقولها :)

شمس النهار يقول...

* واحدة مفروسة

وعليكم السلام ورحمته وبركاته

كل سنه وانتي طيبه

نورتيني

لازم تقري المقال هتغيري نظرتك لموضوع علب العصير ده
واهو من جملة الحاجات اللي بتفرسنا

تحياتي

شمس النهار يقول...

* محمود(باحث عن حب)

كل سنه وانت طيب

لا
عصير عباس وتابعه ده عصير مر ماينفعش يحليه سكر الدنيا كلها


خاللي بالك من العصير المعلب بس

تحياتي

شمس النهار يقول...

* Foxology

بالظبط يافوكس

همه فعلا مش عايزين يحلوها خااالص

ليه اعتقد مفهومه بقا

ومش بس العصير المعمول في الشارع انت ممكن تخللي بتاع العصير يعصره قصادك ومن غير سكر
المشكله الكبري في عصير العلب المحلي والمستورد

تحياتي

شمس النهار يقول...

* حنان الشافعي

حنونه ازيك سلامتك الف سلامه ياجميلة

اكيد اللي بتديهم السلام بيطمعوا فيه ويخدوه لنفسهم

انا الحمد لله هنزل علاج طبيعي الاسبوع الجاي ان شاء الله

نورتيني

تحياتي

شمس النهار يقول...

* السُـلطانة

طبعا لازم اخلي مسؤليتي

هو انا ناقص ياخويا علي راي عادل امام

نورتيني

تحياتي

شمس النهار يقول...

* Abu ShoSho

اهلا وسهلا في اول زياره للمدونه

وكل سنه وانت طيب

وشكرا علي مجاملتك اللطيفه
وشكرا علي الدعاء

وبالنسبه لأستاذنا عمرو بدر صاحب دكان الحبشتكانات
فهو بأحسن حال الحمد لله وهو قفل دكانه في البلوجر وفتحه في حته تانيه هو مرتاح فيها واغلب المدونين كمان بيرحوا هذا الدكان ليستفيدوا من فصاحته وحسن كتابته
وعنوان الدكان الجديد الفيس بوك
وان شاء الله هوصل له سلامك وسؤالك

ماشاء الله عليك تعليقك مكتوب بطريقه لغويه سليمه جدا نفتقرها نحن المدونين البسطاء

نورتني

تحياتي

شمس النهار يقول...

* فاروق عادل

فاررررررروق

ازيك يارب تكون بخير

انت فين وعامل ايه

وغايب ليه

مش متأخره ولا حاجه

كل سنه وانت بالف سلامه

وياتري اخبار الجامعه ايه

نورتني

تحياتي

Phoenix يقول...

التذكرة وصلت يافندم
ارجو الحضور للأستلام

:)

Eno يقول...

يلا بجملة المواد اللي بيجربوها ف الناس

عارفة ياشموسة الاندومي

فيها برضه مادة اسمها E621 المادة دي اسمها بالعربي معزز نكهات برضه كترها في الجسم خطر جداا وبرضه بتسبب واللعياذ بالله اخطار للمخ

اما بالنسبة للحوامل فا بتسبب للجنين تشوهات في المخ

والناس بتاكل ولا بيفرق معاها تقرا مكتوب ايه علي العبوة :)
معلولمات قيمة جدا

اشكرك عليها:)

علاء المصرى يقول...

السلام عليكم

شكرا على مروركم الكريم

شمس النهار يقول...

* أم الخــلـود

اهلا بيكي وكل سنه وانتي طيبه

بس انا مش فاهمه ايه الموضوع ياريت افهم
علشان اقدر انضم لكم

تحياتي

شمس النهار يقول...

* Phoenix

علم وينفذ يافندم وهو انا اقدر اتأخر

حاااضر هعمل بوست بس عن الكلمتين المحشورين في زوري عن العام الدراسي ونجاوب ياريسه

:))
تحياتي

شمس النهار يقول...

* Eno
الاندومي كمان يانهار ابيض

مش ممكن هيكرهونا في عيشتنا

قبل ماارد عليكي دلوقتي اصدرت قرار في البيت بعدم دخوله البيت

لازم كده بقا كل اللي يعرف معلومه يقولها

الامراض كترت اوي
وخصوصا المرض الخبيث ماهو من معدومي الضمير

شكرا يااينو تسلمي ياجميلة

تحياتي

شمس النهار يقول...

* علاء المصرى كل يوم

وعليكم السلام ورحمة الله وبركاته

الشكر لله مدونتك جميلة فعلا

تحياتي

Unknown يقول...

ازيك يا شموسة عاملة اية
الف سلامة عليكى والله كان نفسى اقعد اكتر معاكى بس معليش
تتعوض ان شاء الله

يارب تكون رجلك افضل الوقت

بس سؤال صغنون يعنى اية شبة مدونتهم ؟؟
من نحية اللون ولا الصوت ههههههه:))
وضحى لان الامور دى بتتفهم غلط

Unknown يقول...

انا من عشاق العصاير الفريش تحديدا جدا وبموت فيها هى والفاكهه

اما عن المفوضات فسيبك منها لو عايزين يحلوها كانوا حلوها

شمس النهار يقول...

* نهر الحب

انتي نورتين انتي واختك

وان شاء الله لينا قعده اطول
وشكرا علي الورد الجميل

وياستي شبه مدونتهم يعني اصلي مش مزورين
يعني مش علي المدونه حاجه وفي الحقيقه حاجه تانيه

لا الشخصيه هي هي

ربنا يكرمك

وخاللي بالك من العصير
يكون فرش بعد كده

والمفاوضات استني عليهم بس دول بحطوا محاور ودائري علشان تستمر مش تتحل

:)))