الخميس، 16 سبتمبر، 2010

نورتوني وانستوني

150920102875

نورني وشرفني وادخل السرور الي قلبي زيارة جميلة جدا

شيكوووو حبيبتي قائدة كتيبة اعداء ازهري بس جت علي نفسها علشاني

بس الحمد لله قدرنا نفصل في القوات بينها وبين ازهري

ونسينا ناكل من الحلويات اللي جابتها شيكو كان نفسي اجربها في ازهري وعادل

:))

وبعد كده كيمو ابني اللدود اللي جه في ميعاده علي غير العادة و ببنطلون عجب شيكو جداااا ووعد انه هيشتري لها واحد بس نسيت يا كيمو الفلوس اللي شيكو اديتهالك

:))

وبعد كده نورني ابو علي اللي لقاء الزراعيين لم يتيح لي الفرصه اني اتعرف عليه كويس و ما شاء الله عليه فكر مستنير جدا وبشكره علي الهدية اللطيفه شكرا علي زوقك

وكان مع ابو علي ابني قائد الحملة ازهري اللي بشكره انه جه علشان هو كان مسافر يومها بالليل ونزل من عندي سافر

كان نفسي اجرب فيك حلويات شيكو ولكن الله سلم

:))

وعادل ابني اللي فضل تايه لحد ما الحمد لله قدر يوصل بسلام مع احلي بوكيه ورد وكمان الالوان اللي بحبها

بس برضه اختلفنا علي فيلم الجزيرة

:))

بس يا عادل ياريت تتخن شويه

:))

وكانت قعده جميلة جدا جدا وحوار راقي ولطيف

شخصيات بالفعل الواحد يفتخر انه يعرفها

ونزلوا وكلنا انطباع جميل

وبعد كده بشويه نورني اتنين من احب شخصيات البلوجر الي قلبي العروسين فوكس و زوجته اينو وكان اول مره التقي بهم ربنا يبارك لهم وعليهم و اينو من الشخصيات التي لم تختلف كتير عن ماتخيلتها عليه رقيقه زى مدونتها بالظبط

و فوكس ربنا يبارك فيه من شباب مصر اللي انا فخوره بيهم وفخورة اني اعرفهم وقعدنا قعده عائليه جميلة وكأننا نعرف بعض من زمااان جدا

وشكرا ليكم علي الشيكولاته

نوروتني ياجماعه بجد ولو اعرف كده كنت عيت لكم من زماااان

:))  

هناك 62 تعليقًا:

Sweet Violet يقول...

اول تعليق
حجززززززززززززز
لحد مااروح بقى
نيهاهاهاهاهاهاهاهاهاهاها

:)

Ramy يقول...

يا ريتنى كنت معاهم (:

حمد الله ع السلامة

يارب دائما متجمعين على محبه

(:(:

شمس النهار يقول...

* Sweet Violet
اه يا شيكووورجعتيني لزمااان اوي

وذكريات التعليق الاول

ربنا يرجع كل اللي هاجروا من البلوجر

ومستنيه تعليقك حيث انك شاهده علي العصر
:)))

تحياتي

شمس النهار يقول...

* Ramy

ماجيتش ليه ده ازهري كان عامل اعلان عنده في المدونه

والله كنت نورتني دي كانت قاعده لطيفه جدا جدا

ان شاء الله المره الجايه

تنورني
تحياتي

MR.PRESIDENT يقول...

ازيك يا شموسة التدوين ودرة من الأولين والآخرين .
اتمني ان تكوني بخير وسعادة وصحة عافية اللهم امين .
الف سلامه عليكي .. يا شمس الله في أرض التدوين .

حمد الله علي السلامة

شمس النهار يقول...

* MR.PRESIDENT

اهلا بيك ياريسنا

ربنا يكرمك ويخليك ياريس

اخبار الانتخابات ايه

كنت لسه رايحه اشوف ايه موضوع طبق الفول

:))
تحياتي

mrmr يقول...

ديما متجمعين والحب والود يسود بينكم
حمد لله بالسلامه

شمس النهار يقول...

* mrmr
ربنا يكرمك

شكرا ليكي ياجميلة

وان شاء الله نتقابل مع بعض

تحياتي

adel يقول...

ايه الاحراج ده بس :$
هو بجد الالوان دي حضرتك بتحبيها :)
كويس والله اخيرا عرفت انقي شئ :)

انا مبسوط اكتر و بعج الكلام ده مفيش طنط خلاص مش هتمشي :)
والاختلاف مش شئ وحش ياريت يبقي فيه اختلاف عشان نحس بقيمة ان التواصل ملوش اي علاقة بالاختلاف

بالنوسبة بقي لحكاية اول تعليق و اللي راحوا و اللي لسه
اعتقد بعنيد تفكير جديا يعني :)
بس متفق مع حضرتك اكيد

واكيد قريب تاني و هابقي اظبط مع شيكو بقي :)

adel يقول...

وصحيح فين حلويات شيكو ؟؟
P:P:
عاوز حقي بقي

صوت من مصر يقول...

كله الا البنطلون
وعلى فكرة
بقى
مش نسيت الفلوس
ده هو جنيه اعمى معايا فى البنطلون
مش راضى يتصرف
هههههههههههههه
بجد الحمد لله انى اطمنت على حضرتك

SHAPE YOUR LIFE (ABOALI) يقول...

احيانا نأخذ الظروف وسيلة لمقابلة اناس فى حياتنا نعتز بهم وترتسم على وجوهنا علامات الراحة حين نلاقهم

تمنياتى بالشفاء الكامل والدعاء بكل خير وصحة وسلام

ونحن الذين نقدم الشكر على هذا الرقى فى الحديث والهدوء والاقناع بسلاسة وسلامة قلب وبسمة كيان


تقديرى الكامل وشكرى لمن التقيت بهم جميعا"

شخـا بيــط مـحـجـوب يقول...

شكرا ليكى يا شموسة ويارب مايحرمنا منك ولا من كلامك الطيب ومدونتك الجميلة وديما منورة مدونتى
بجد شكرا ليكى
تحياتى ليكى

فشكووول يقول...

السلام عليكم يا حاجه
تحياتى وكل عام وانت بخير
عيد سعيد وعمر مديد
ربنا يديم عليكى الصحه ويعطيك العافيه
ما كنتش اعرف حاجه والله صحيح مش كنت احضر عشان ظروف السفر لكن على الاقل كنت زرتك على المدونه .. الف سلامه
والف مبروك اللهمه اللى انتى كنتى السبب فيها والولاد العساسيل اللى كانوا عندك

على فكره انا مش قصدى على البوست بتاع فشكول ان دا ممكن يحصل .. دا اسقاط على حاجات معينه انا شايفها وباسقط الكلام دا عليها. والحدق يفهم انا عايز ايه
تحياتى وكل عام وانت بخير

اسماء واحلام فى وجدانى يقول...

الف سلامة على حضرتك
وحمدلله على سلامتك

Sweet Violet يقول...

انا جيييييييييييييييت
ايوة ياشموستى علشان خاطرك انت بس انا سكت خااااالث و مش عملت حاجة خااااااااااالث
:)
و كمان كده ياشموستى يعنى قصدك يعنى انى يعنى لا سمح الله ممكن اضر ازهرى و عادل ابدااااا انا اعمل كده خالص
ده عااااااااااااااادل و ازهرررررررررررى ماينفعش اسممهم ابدا انا اقتل و اخلص على طول نيهاهاهاهاهاهاهاهاهاها
ابقى شيلى بقى لعادل ياشموستى حقه عااادل فقط اما اللى مسافر مش هقدر اقول حاجة الا لما يرجع بقى
:)

بجد كان يوم راااائع ياشموستى ربنا يارب يتمم شفاءك على خير و يخليك ليا ولا يحرمنى منك ابدا
:)

و ان شاء الله بلوجر يرجع تانى زى ماكان بس هو محتاج فترة نقاهه اصل اللى شافه مش شوية بردو
:\

Sweet Violet يقول...

كيمو اتاكد يابنى من اللى فى جيبك فعلا
لان لقيت فى مكانك بعد ما مشيت الجنيه واقع
و كمان ماااااله البنطلون ده جميل .. هو حد قال حاجة عنه لا سمح الله
D:

elsha3er يقول...

اولا الف لا بئس عليكى ثانيا احساس جميل لما الواحد يحس انه له عيلة تانية وبتخاف علية يارب يديم المعروف

Haytham Alsayes يقول...

سلام عليكم

بصراحة عالم المدونات والتدوين واللقاءات عالم جميل ولذيذ كله معرفة ومحبة والفة وتعارف

ربنا يديم المحبة دايما بينا جميعا

تحياتي وتقديرى

Foxology يقول...

والله بجد احنا مبسوطين جداااااا باللقاء الجميل ده وفعلا نفس الاحساس والله اننا قاعدين مع ناس احنا نعرفهم من زمان اوى وربنا يديم الود ويتم شفاكى على خير ان شاء الله :)

تحياتى انا واينو :)

شمس النهار يقول...

* adel

طبعا الالوان دي بحبها جدا
اولا هي ملفوفه في اللون الروز وده التوب عندي
والزهور نفسها الونها بحبها
شكرا بجد
:))
وبجد فرحانه بزيارتكم دي جدا
انا جاني ناس كتير لما اتجبست اعرفهم من سنين ويعرفوني
لكن انتم ليكم معزه خاصه وضع خاص
مافيش قرابه مافيش مصالح
ناس جمعهم فكر ومكان افتراضي بالحب والود حولوه الي حقيقه وتراحم وتواصل

وان شاء الله كل اللي غابوا هيرجعوا
ونرجع صحبتنا الجميلة
وصدقني الوحشين مش هيقعدوا مش هيطيقوا يقعدوا في وسطنا

ومستنياكم تاني وهعتبر ده وعد

اما الحلويات بصراحه انا خفت عليكم ماتضمنش البنت تكون عامله ايه فيها
:))

عموما حقك محفوظ
وزي ماقلت لك انت مش المفروض تاكل انت تتظغط
:))

شكرا ليك ياعادل وشكرا علي زوقك

تحياتي

شمس النهار يقول...

* صوت من مصر
كيموووو
شرفتني ونورتني

القرش يابني لاقيناه مكانك تلاقي اللي لاقيته كان في جيبك اصلا

وبعدين انت عايز تصرفه كمان

:)

بجد انبسطت بزيارتك جدا والمره الجايه تيجي بكوتشي من غير رباط

:))
تحياتي

الازهرى يقول...

لالالالالالالالا

قال كانت ساكته علشان خاطرك قال
ليه يعنى ؟ما كنا بنتكلم وهى قاعدة ولا تمثال نفرتيتى ( فى السكوت مش فى الجمال طبعا التمثال أحلى بكتيييير )
لا عارفه تصد ولا ترد
وكمان تعالى هنا يعنى إيه اجرب فى حلويات شيكو دى
انا ساعتها سألتك وقلتى انها بتاعتك واكلت وانا مطمئن
وحتى لو مش كده
انت فاكره غن مهما بلغت السموم بتاعتها تأثر فينا
لااااااااااا
إحنا رجالة قوى وقوى كمان يعنى
لا يأثر فينا سم ولا حتى ضرب المدافع
إنما الدور والباقى على الناس التانية اللى كانت مستخبية جنبك وبعدها جنب توتا
والا دى كمان اللى كل ما كانت تشوف شيكو مزنوقه تاخدها وتتلكك إنها عايزاها فى موضوع ويجروا على جوه يستخبوا

بلا كلام فاضى
لولا إن الواحد بيستحرم أساسا كان جاب بيرسول معاه والا فليت

لكن أعمل إيه فى قلبى الطيب

ما علينا
الحمد لله الواحد كان على سفر واليوم مر من غير ما الواحد يعمل حاجة غلط مع حد مهما كان

والأيام بيننا يا حزب البطيخ

الازهرى يقول...

طبعا نسيت أسلم على باقى الحبايب اللى كانوا موجودين
وبأشكرهم على المناقشة اللذيذة اللى استمتعت بيها
ومش محتاجه حتى تجرهم صباعك الصغير علشان تشوفينا
انت تؤمرى فى أى لحظة وتلاقينا عندك

المهم من غير الأشكال اللى تجيب العيا واللى انت عارفاهم طبعا

شمس النهار يقول...

* SHAPE YOUR LIFE (ABOALI)

بجد نورتوني

واتشرفت بمعرفتك عن قرب
عقل راجح رزين في غير تكلف ولا اسطناع
وربنا يديم المعروف بين الناس

كانت زياره لطيفه تركت اثر جيد مش عندي بس عند الكل

وبشكرك علي الهديه اللطيفه

تحياتي

شمس النهار يقول...

* شخـا بيــط مـحـجـوب

اهلا اهلا ايه النور ده

خلااااص مافيش غياب تاني ممنوع اي حد يغيب

وشكرا علي الكلام اللطيف ده

تحياتي

شمس النهار يقول...

* فشكووول

وعليكم السلام
اهلا بحضرتك

وكل سنه والاسره كلها بخير

شكرا علي سؤالك
والحمد لله ربنا سترها

بصراحه البوست اللي حضرتك كاتبه يدخل في نطاق الدراما الفانتزي علي الاخر

الرجل الصح هيفضل رجل صح
والرجل المغشوش اللي شبه الرجاله هو ده اللي ياريت فعلا ينقرض

نورتني

تحياتي

شمس النهار يقول...

* اسماء واحلام فى وجدانى

اهلا اهلا يااحمد

كل سنه وانت طيب

وشكرا ليك

وعارفه انك لو كنت تعرف كنت جيت معلش لينا لقاء تاني

تحياتي

شمس النهار يقول...

* Sweet Violet
يانهار ابيض كل اللي عملتيه ده
وماعملتيش حاجه

:))

حاضر من عينيه هشيل لهم نصيبهم ياشريره الموجود والمسافر

:))
انا اللي متشكره ليكي ياشيكو بجد انتي نعمة الابنه الجميله

وان شاء الله بلوجر يرجع تاني زي الفل
واكتر
والخفافيش هيمشو مش هيقدروا يعيشوا في النور اللي هنولعه فيهم ان شاء الله
:))

كلنااااااا رااااااجعين

تحياتي

شمس النهار يقول...

* elsha3er

الله يسلمك ياشاعرنا الهمام

عندك حق جميل ان يكون ليك اسرة تانيه انت اخترتها وهمه اختاروك

ربنا يجمعنا في حبه

ويديم المعروف

تحياتي

شمس النهار يقول...

* Haytham Alsayes

وعليكم السلام

ايوه صح عالم التدوين جميل
بس دخل في ناس بوظت الدنيا زي اي مجتمع فيه الحلو والوحش

عايزين الحلوين يتجمعوا مع بعض والوحشين يروحوا في الباي باي

تحياتي

شمس النهار يقول...

* Foxology

انتو اللي نورتوني واتشرفت بيكم
ومن الناس فعلا اللي لاقيتم مطابقين لمدوناتهم وده اسعدني جدا جدا

والحوار والقعدة معاكم جميله

وان شاء الله تتكرر بناء علي طلب القبيله عندي حبوكم جدا

ربنا يبارك لكم وسلامي لاينو الرقيقه

تحياتي

شمس النهار يقول...

* الازهرى

اهلاااا اهلااااا

انت هنااااااااا

يابني دي كانت هاديه ولطيف خالص
وبعدين دي ماكنتش حلويتها

دي تبعي انا

حلويتها نسيناااه خالص
ماتخاااافش

ده انت مش جايبها البر صحيح
احنا ماعنديناش بنات تستخباااااا

وبعدين دي بنات يتجاب لها بيرسول
دي يتجاب لها برفان

والبنت كانت قاعده ورايقه
يامقلبنجي انت البنت فضلت تسألنا شافني فين شافني فين؟؟؟

المهم انك نورتني وشرفتني

وان شاء الله تتكرر

من غير خساير

شمس النهار يقول...

* الازهرى

التعليق التاني بقا انت حر هي جايه لك دلوقتي

المهم مش عايزه دم في المدونة

سلااااام

الازهرى يقول...

أولا قلت إنى مش بأكدب
أنا شوفتها فى واحد من مراكز التعليم الخاصة بتاعت المواد الغريب بتاعت الأيام دى
تنمية وتخلف وخلافه بس كان شكلى مختلف خالص وقتها أصلا كنت واقف مع واحدة بأكلمها وهى عدت مع زميله لهم وسلموا على بعض يعنى كل الوقت ثانيتين أو تلاتة
هى صعب تفتكر إنما أنا صعب أنسى
أعمل إيه فى ذاكرتى ؟

أما بالنسبة لغراب البين فعندها نص ساعة تقريبا يا تلحق ترد يا تستنى لما أدخل تانى بعد زمن مش عارف قد ايه

Sweet Violet يقول...

يعنى الواحد قال انه مسافر و بلاش
صحيح الطيبة فى الزمن ده مش نافع
هو ماينفعش معاه غير الشر و الدرااااااااااااااع
يارب انا كنت ناوية اجيبله لوحدة حلويات علشان نخلص بقى
بس اقول ايه يلا الواحد مش بيتعلم ببلاش
و كمان ايه الدلع ده كمبيوتر و نت كمان عندك
لالالا البلد خربت خالص

بس صوتك طلع فى المدونة اهو هه
ماانت كنت قاعد ماحدش سامع صوتك
و اول لما زعقت بسيط بس اخدت الطبق من سكااااااااااااااات ولا قدرت تنطق
ماشى ماشى
صحيح الكيبورد يحضر الشجاعه فى ديله
اما لما نكون فى الواقع الشجاعه تهرب وقتى
صحيح ناس مش بتيجى غير بالواقع
:D

beautiful mind يقول...

شموسه
الف الف سلامة ليكي
والف لا بأس عليكي
وبطلي دلع انتي زي الفل
بس حابة توجعي قلبنا عليكي
كل سنه وانتي يارب بخير وبصحة
ويارب يكون عيد سعيد عليكي
وتقبلي مني كل التحيات

الازهرى يقول...

أولا انا فى البيت راجع علشان فى ورق مطلوب للدراسات العليا واديته لأختى توديه الجامعة
انما مدونة من برة البيت
فلأ وممنوع جدا
أما إذا كنتى تقصدى إنك فرحانت بالكومبيوتر والنت عندك وإنه أخيرا رضى يشتغل من تانى
وسابه من العصيان المدنى اللى كان أعلنه رفضا للإختناق من التعامل معاكى
فشوية كده وهيرجع تاىن
ما هو صعب يشتغل فى الوسط ده
الأجهزة دى غسمها حساسة يعنى بتحس مش جبالات زى ناس

وكمان أنا كنت ساكت بأسمع وهى دى عادتى دايما
وكمان شموسة هى اللى زعقت مش الصراصير وأكلت على الرغم من إنى كنت واخد دكر بط تمام قبل ما أروح لها ومحتج حلويات ضرورى

أما بخصوص السكوت من الخوف فدا كان من نصيب الخناف س اللى كانوا قاعدين ساكتين وكل اللى طلع منهم طول القعدة
عاجبك كده يا شموسة انا ساكته علشان خاطرك بس
محسسانى إنها كانت ممكن تعمل حاجة أساسا

عجبت لك يا زمن

الازهرى يقول...
أزال المؤلف هذا التعليق.
dr.lecter يقول...

عااااااااااااا

مصري جدا يقول...

ألف سلامه

أنا هروح أزور ضحيتك الرصيف طبعا هاخد معايا لبشة قصب ليا وهاخد له قالبين طوب اخد بخاطره برضو اللي ياعيني ما حد معبره

الازهرى يقول...

ممممممممممممم
كده من السكوت
أستنتج الإنسحاب


إلى اللقاء فى الجولات القادمة

شمس النهار يقول...

* الازهرى

يانهار ابيض ياازهري
انت عايز بنتي تفتكر ده

ربنا يكرمك بذاكرتك الحديديه ويبعد عنك داء الزهيمر

:))
بقا حد يقول علي شيكو الاموره كده

انت حر انت اللي جبته لنفسك

سلاااام

MEZO يقول...

الف سلامة علي حضرتك مرة ثانية ... ومتشكر علي سؤالك واهتمامك .... وهذا رابط مدونتي الجديدة :

http://andro-me-da.blogspot.com/

تحياتي

شمس النهار يقول...

* Sweet Violet

انتي جيتي
:)

اتفضلي بقا شوفي شغلك

بس زي ماقلت مش عايزة

دم في المدونه

سلااااام

شمس النهار يقول...

^* beautiful mind

ازيك

شكرا علي كلامك اللطيف

وان شاء الله كله خير

وياتري عملت ايه في موضوع الشغل يارب يكون خير

وكل سنه وانت طيب وبخير وسعاده

تحياتي

شمس النهار يقول...

* dr.lecter

كل سنه وانت طيب وبخير وسعاده

مالك بس في ايه

:))

ان شاء الله المره الجايه تيجي معاهم وتشرفني

همه وحشين ماقالوش لحد

:))

تحياتي

شمس النهار يقول...

* مصري جدا

الله يسلمك

كده برضوا
يعني كده البلد دي كل حاجه فيها اتشقلبت كده

يعني الرصيف يبهدلني وهو اللي يتاخد بخاطره برضوا

:))

تحياتي

شمس النهار يقول...

* الازهرى

مين اللي قال

انت عارف بناتي لايستسلموا ابدا
بس تلاقيها قالت انك مستعجل ومسافر

معلش

الغايب حجته معاه

تسافر وترجع بالف سلامه

تحياتي

شمس النهار يقول...

* MEZO

اهلا اهلا

دوختني وراك

مش تقول انك عزلت

ماشي ياريس

مبروك علي المدونه الجديده

تحياتي

همس الاحباب يقول...

كل سنة وحضرتك طيبة مع انها متاخرة
وعيد سعيد عليكى
والف سلامة على حضرتك
واسف جدا فعلا ازهرى بعتلى دعوة على المدونة لكن كنت فى اجازة شفتها النهاردة بس
ان شاء الله نشوفك دايما على خير
والحمد لله ان الصحبة كانت جميلة
تحياتى

Diyaa' يقول...

حظي في منتهى السوء إن الدعوة مش اتبلغتلي :) بس الحمد لله إنكم مبسوطين وألف سلامة على حضرتك وحمداً لله على السلامة

كل عام وكل المؤمنين بخير :)

Eno يقول...

شموسة حببتي ربنا مايعدها الحادثة الوحشة دي تاني والف سلامة عليكي
والله انا مبسوطة اووووووووووي باني شوفتك وقعدت معاكي والوقت عدي ولا حسينا بيه خااااااااالص

مرسي اووي علي الكلام الحلو اللي عني حاجه تسعدني اني اغلي ناس عندي يشوفوني زي ماتخيلوني بجد مبسوووووطه اوووووووي مرسي يااجمل شموسة

تحياتي :)

اقصوصه يقول...

اهم شي الحمدلله على سلامتك عزيزتي

واجر وعافيه ان شا الله :)

شمس النهار يقول...

* همس الاحباب

اهلا بيك ياابو همس
كل سنه وانت بالف خير وسلام

ولا يهمك ان شاء الله تتعوض

وربنا يسلمك من كل شر

بصراحه الصحبه كانت جميله جدا


ربنا يكرمهم نوروني

تحياتي

شمس النهار يقول...

* Diyaa'

اهلا ياضياء ازيك

يارب تكون بخير

والله يسلمك


وان شاء الله تتعوض ونتقابل قريب

وكل سنه وانت بالف الف خير

تحياتي

شمس النهار يقول...

* Eno

اهلا بيكي ياجميلة

انا الاسعد

فرحت بيكي جدا ونورتيني حتي البنات حسوا انك اختهم

وان شاء الله نتقابل كتير

ربنا يكرمك

تحياتي

شمس النهار يقول...

* اقصوصه

الله يخليكي ويسلمك

وشكرا علي سؤالك

وياتري اخترتي اي موبايل
:))

ان شاء تنورينا في مصر ونتقابل ونعمل معاكي احلي واجب

تحياتي

momken يقول...

الف حمدالله على السلامه طهورا انشاء الله

وكل سنه وحضرتك طيبه
ربنا يجمعكم دايما بالخير والحب والاخلاص

استمتعت جدا بحديثك الراقى

دمتى فى منتهى البهجه

تحياتى

شمس النهار يقول...

* momken

كل سنه وانت طيب

شكرا علي الكلام اللطيف

نورتني

تحياتي

جايدا العزيزي يقول...

هههههههههه

هو الخبر حقيقى يموت من الضحك

ماهى امريكا المراقي العام دلوقتى

مافيش دبة نمله الا لما تعرفها وتسمحلها تدب ولا لا

ما بالك دى محادثات


اما انيس منصور بمووووت فيه


بالهنا والشفا العصير


حقيقى موضوع جميل

تحياتى

شمس النهار يقول...

* جايدا العزيزي

اهلا وسهلا بيكي في اول زياره للمدونه

والله يهنيكي

نورتيني

:))

تحياتي